Sto. Rosario Parish - Ministry on Youth Affairs

12/07/2026

Pag-asa para sa Kabataan, Misyon para sa Simbahan. 🤍

Lubos ang pagpapasalamat ng ating parokya sa mga kabataang naging kinatawan sa Alpha Youth Training na ginanap kahapon sa Mater Dei Building at Conference room ng Diocesan Shrine and Parish of Immaculate Conception.

Dalangin namin na ang mga natutunan at naranasan ninyo ay maging inspirasyon upang higit pang mapalalim ang inyong pananampalataya at paglilingkod. Nawa'y maging simula ito ng mas marami pang pagkakataong maibahagi ang pagmamahal ni Kristo sa kapwa kabataan.

Buong pag-asa naming ipinapanalangin na, sa gabay ng Banal na Espiritu at sa tamang panahon, ay maisakatuparan ang Alpha Youth Series sa ating parokya upang mas marami pang kabataan ang mabigyan ng pagkakataong makilala si Hesus, mapalalim ang kanilang pananampalataya, at maging bahagi ng isang buhay na pamayanang Kristiyano.

Patuloy po nating ipanalangin ang misyong ito at ang bawat kabataang tinatawag ng Panginoon upang maging mga saksi ng Kanyang pag-ibig.

"Sapagkat ang kabataan ay hindi lamang kinabukasan ng Simbahan, sila ay Simbahan ng kasalukuyan." 🙏🥹

CTTO 📸 : Jhanna & VSBMYA Page 🤗

02/06/2026

🌸💐 PAGTATAPOS NG MAY FLOWER DEVOTION CATECHISM 2026 💐🌸

Narito ang ilan sa mga kuhang larawan mula sa matagumpay na pagtatapos ng ating May Flower Devotion Catechism noong nakaraang Mayo 30.

Naging makulay at makahulugan ang ating pagdiriwang sa pamamagitan ng mga presentasyon mula sa bawat area na tunay na nagpakita ng kanilang talento, pananampalataya, at pagmamahal kay Mahal na Birheng Maria. Nagkaroon din ng munting salu-salo kung saan namahagi ng pagkain, candies, bags, at school supplies para sa ating mga kabataan.

Buong pusong pasasalamat ang aming ipinapaabot sa lahat ng mga kabataan na masigasig na dumalo at nakiisa sa buong buwan ng Mayo. Gayundin sa mga magulang na walang sawang sumuporta at gumabay sa kanilang mga anak, sa ating mga Junior Catechists at volunteers na naglaan ng kanilang oras, talento, at pagmamahal sa paglilingkod.

Higit sa lahat, taos-puso kaming nagpapasalamat sa lahat ng ating mga sponsors at mga taong nagbahagi ng kanilang biyaya upang maging matagumpay at makabuluhan ang programang ito. Ang inyong kabutihan at suporta ay naging malaking bahagi ng paghubog sa pananampalataya ng ating mga kabataan.

Nawa'y ang mga aral at pagpapahalagang natutunan sa ating May Flower Devotion Catechism ay manatili sa puso ng bawat isa at magsilbing inspirasyon upang higit pang mahalin, tularan, at sundan si Maria sa kanyang pananampalataya at pagsunod sa Diyos.

Maraming salamat po sa inyong lahat! Hanggang sa muli, para sa mas marami pang gawaing magpapalalim ng ating pananampalataya at pagkakaisa bilang isang komunidad.

24/05/2026

Halina't sama-sama po nating tunghayan ang FLORES DE MARIA 2026 ng ating parokya, sa SABADO NA PO ITO - MAY 30 . 😇

Magsisimula ang Grand Sagalahan ng 6:00pm mula sa Doña Juana patungong Simbahan

𝐒𝐀 𝐏𝐀𝐆𝐒𝐈𝐁𝐎𝐋 𝐍𝐆 𝐌𝐆𝐀 𝐁𝐔𝐋𝐀𝐊𝐋𝐀𝐊, 𝐀𝐍𝐆 𝐏𝐀𝐆𝐌𝐀𝐌𝐀𝐇𝐀𝐋 𝐍𝐆 𝐈𝐒𝐀𝐍𝐆 𝐈𝐍𝐀’𝐘 𝐍𝐀𝐌𝐔𝐌𝐔𝐊𝐀𝐃𝐊𝐀𝐃!

Halina’t makiisa sa banal na pagdiriwang ng 𝑭𝒍𝒐𝒓𝒆𝒔 𝒅𝒆 𝑴𝒂𝒓𝒊𝒂! Narito ang talaan ng ating mga gawain—mga sandaling hinabi ng panalangin, pag-aalay, at tapat na pagmamahal. Sa bawat bulaklak na inihahandog, nawa’y umusbong ang higit na malalim na debosyon sa Mahal na Birhen, at sa bawat hakbang ng pakikiisa, tayo’y mapalapit sa kanyang mapag-arugang puso.

Tampok ang mga piling kadalagahan at kabataang babae na sasalamin sa kalinis-linisang ngalan at mga titulo ng Mahal na Birheng Maria.

𝑭𝒍𝒐𝒓𝒆𝒔 𝒅𝒆 𝑴𝒂𝒓𝒊𝒂 𝟐𝟎𝟐𝟔
May 30, 2026 | Sabado
Banal na Misa | 5PM | Doña Juana Chapel
Prusisyon at Sagalahan | 6 PM | Doña Juana - Parokya

𝓞 𝓜𝓪𝓻𝓲𝓪 𝓫𝓾𝓵𝓪𝓴𝓵𝓪𝓴 𝓷𝓰 𝓼𝓪𝓷𝓵𝓲𝓫𝓾𝓽𝓪𝓷, 𝓘𝓹𝓪𝓷𝓪𝓵𝓪𝓷𝓰𝓲𝓷 𝓶𝓸 𝓴𝓪𝓶𝓲!

24/05/2026

Sunday – May 24, 2026

INSIGHT: The Power of Surrender

Our Christian life is not about sheer willpower, but about surrender. Our sinful nature constantly pulls us toward selfishness, pride, and desires that lead us away from our God. However, when we allow the Holy Spirit to guide us, He empowers us to live differently, producing love, joy, peace, and all the fruit of the Spirit. It is not about trying harder, but about yielding more fully.

Let us invite the Holy Spirit into each day. Let us begin each morning by asking Him to lead the way. Let us trust His strength because our victory over sin is not by our effort, but by His power.

PRAYER:

Loving Father, I confess that my sinful nature often craves what is against Your will. Teach me to walk in step with Your Spirit. Fill me with Your presence so that my life reflects Your love and holiness. Be with me always. Amen. God bless!

24/05/2026

19/05/2026

Narito ang mga kuhang larawan mula sa matagumpay na SRP-MYA Team Building noong ika-16 ng Mayo sa The Farm - Sitio Antonio Wavepool Resort, Pandi, Bulacan.

Isang araw na puno ng tawanan, pagkakaisa, pakikipagkaibigan, at pagbubuklod ng bawat kabataan upang higit pang mapatatag ang samahan at pananampalataya bilang iisang ministeryo. Sa pamamagitan ng iba’t ibang gawain at palaro, mas napalalim ang pagtutulungan, tiwala, at malasakit sa isa’t isa.

Lubos kaming nagpapasalamat sa lahat ng nakiisa, sumuporta, at naging bahagi ng gawaing ito. Nawa’y magsilbi itong inspirasyon upang mas lalo pa nating pag-alabin ang ating paglilingkod at pagkakaisa para sa Diyos at sa kapwa. 💙✨

12/05/2026

🌸📸 Narito ang ilan sa mga kuhang larawan mula sa matagumpay na General Assembly ng ating May Flower Devotion Catechism na sinimulan noong Sabado, Mayo 9. 💐🙏

Nagtipon-tipon ang mga bata at kabataan upang makiisa sa mga gawain, panalangin, at aralin na naglalayong mapalalim ang kanilang pananampalataya at debosyon kay Mahal na Birheng Maria. 🕊️✨

Ang gawaing ito ay magpapatuloy tuwing Huwebes, Biyernes, sa iba't ibang sitio ng ating barangay at sa simbahan tuwing araw ng Sabado sa buong buwan ng Mayo bilang bahagi ng ating pagdiriwang ng Flores de Maria at paghubog sa pananampalataya ng kabataan. 🌷📖

Maraming salamat sa lahat ng mga magulang, volunteers, catechists, at mga kabataang patuloy na nakikiisa at sumusuporta sa programang ito. Sama-sama nating ipagpatuloy ang paglalakbay ng pananampalataya kasama si Maria tungo kay Hesus. 💖

✨ “Turuan mo kaming magmahal at sumunod tulad mo, O Maria.” ✨