Cofradía de Nuestra Señora de la Victoria

18/03/2026

MASDAN: Naglakbay ang Cofradía de Nuestra Señora de la Victoria sa sampung (10) natatangi, matatanda, at makasaysayang simbahan sa Diyosesis ng Malolos para sa kanilang kauna-unahang Lakbay-Panalangin o pilgrimage noong ika-15 ng Marso 2026. Kabilang sa mga simbahang dinalaw ay mga dambanang may pamimintuho sa Mahal na Birheng Maria gaya ng Salambao, Asuncion, Inmaculada Concepcion, at Del Carmen, bilang bahagi pa rin ng kanilang debosyon sa Ina ng Diyos na matagumpay sa kaniyang maraming titulo o pamagat. Sa mga gawaing tulad nito layon nilang mapalalim ang pagkakakilanlan bilang mga Katolikong Pilipinong sagana sa tradisyon at hinubog ng kasaysayan sa pamamagitan ng pamimintugo sa mga banal at higit ding pagkilala at pagtuklas sa pagdedebosyon ng iba't ibang bayan bilang kapatirang pinagbuklod din ng debosyon sa Mahal na Birheng Maria.

Mga larawang kuha nina Gerald Lungcay at Angelo Mangahas

18/03/2026

11/02/2026

PAGGUNITA SA MAHAL NA BIRHEN NG LOURDES
Pebrero 11

PANALANGIN
O Mahal na Birhen ng Lourdes,
mapagkalingang Ina at kanlungan ng mga maysakit,
ipamagitan mo kami sa iyong Anak.
Ibigay mo ang kagalingan sa katawan, kapayapaan sa isipan, at lakas sa kaluluwa.
Nawa’y lagi kaming magtiwala sa awa at pag-ibig ng Diyos.
Amen.

17/01/2026

KAPISTAHAN NG SANTO NIÑO
Ikatlong Linggo ng Enero | Enero 18

Panalangin
O Santo Niño,
batang Hesus na puspos ng awa at pag-ibig,
ipinagkakatiwala ko sa Iyo ang aking puso at buhay.
Gabayan Mo ako sa bawat araw
at bigyan Mo ako ng lakas, pag-asa, at kapayapaan.
Amen.

📸 Santo Niño de la Victoria ng Pamilya Roque

03/01/2026

BALIK TANAW sa kauna-unang Prusisyon sa Bukang-Liwayway para sa Pagdedebosyon sa Mahal na Birhen sa Unang Sabado ng Buwan.
Ginanap noong Enero 7, 2023, unang Sabado ng taong iyon.

01/01/2026

We thank God for ten years of faithful service.
We continue to pray for our shepherd, Cardinal Ambo, and our Diocese of Kalookan.
May we walk together in faith, hope, service, and love.

21/12/2025

NOEL TOBIAS YAMBAO
1958-2025

Ang buong Cofradia ay nakikiramay sa pagpanaw ng miyembro nitong si Bro. Noel Yambao. Naglingkod si Bro. Noel bilang miyembro ng Men of the Sacred Heart, Extraordinary Ministers of the Holy Communion, at Singles for Christ ng Sts. Peter & John Parish. Kilala siya sa parokya sa tawag na "Amang". Isama natin sa ating mga panalangin ang kapayapaan ng kanyang kaluluwa.

Kapayapaan kailanman ang igawad ng Maykapal sa yumaong si Noel. Siya nawa ay silayan ng ilaw na walang-hanggang. Sumapayapa nawa siya sa kapayapaan. Amen.

12/12/2025

PAGGUNITA SA MAHAL NA BIRHEN NG GUADALUPE
Disyembre 12

Emperatris ng America, Patrona ng Latino Americano, Reyna ng Mexico, Makalangit na Pintakasi ng Pilipinas

08/12/2025

DAKILANG KAPISTAHAN NG KALINIS-LINISANG PAGLILIHI SA MAHAL NA BIRHENG MARIA
Disyembre 8

Pintakasing hirang ng bayang Concepcion
Birheng Purisima, Inang Dinarangal
Ang Irog mong bayan sa ‘yong
andukha ay napaaampon.
Sa dusa’t sakuna, ay laging ipagtatanggol!

Bituin ng karagatan,
Tala sa umagang,
sakdal ng liwanag.
Timbulan ng naglalayag,
sa lunday ng buhay sa mabuhawing dagat,
nitong mundong mabagabag

07/12/2025

VICTORIA SA INTRAMUROS 🩵🩷

Ilang mga kuhang larawan sa pagkakadambana ng imahen ng Nuestra Señora de la Victoria bilang isa sa mga roadside altar para sa 44th Intramuros Grand Marian Procession.

Pinasasalamat natin ang lahat ng naging bahagi ng paghahanda sa imahen ng ating Ina at Reyna - ang Birhen ng Potrero.

07/12/2025

VICTORIA SA INTRAMUROS 🩵🩷

Handa na ang karosa na magsisilbing roadside altar para sa Intramuros Grand Marian Procession. Mamaya ay dito ilalagak ang imahen ng Nuestra Señora de la Victoria - ang Birhen ng Potrero.

Maaari niyo po itong mabisita sa Muralla corner Anda Street, kalapit ng Colegio de San Juan de Letran.

Pinasasalamatan po natin sina G. Rhey Dean Sarzuela, G. Marc Diego Almonicar, G. Renz Beroy, Bela Jacinto Tolentino, at Bb. Editha Rose Ruben para sa paggayak ng roadside altar.