Cofradía de Nuestra Señora de la Victoria

25/07/2026

KAPISTAHAN NI SANTIAGO APOSTOL
Hulyo 25

Panalangin kay Apostol Santiago

O maawaing Diyos, na gaya ng Iyong banal na Apostol Santiago, na iniwan ang kanyang ama at lahat ng kanyang ari-arian, nang walang pag-aalinlangan ay sumunod sa tawag ng iyong Anak na si Hesukristo, at sumunod sa kanya; kaya kami, sa pag-alis ng lahat ng mga makamundong at laman-damang pag-ibig, ay palaging handang sundin ang iyong banal na mga utos; sa pamamagitan ni Hesukristo aming Panginoon. Amen.

Apostol Santiago, ipanalangin mo kami!

22/07/2026

KAPISTAHAN NI MARIA MAGDALENA
Hulyo 22

PANALANGIN KAY SANTA MARIA MAGDALENA

Santa Maria Magdalena, halimbawa ka ng taos pusong pagsisisi at pagsasa-ayos ng buhay. Nang magbalik-loob ka’y naging mapagmahal at tapat na alagad ni Hesus. Salamat po sa iyong pagsaksi na si Hesus ay muling nabuhay at siyang Diyos na mapagpatawad at mapagmahal.
Ngayong ikaw ay nasa walang hanggang kaligayahan sa Kanyang maluwalhating presensya, ipinapakiusap ko po na iyong ipamagitan ako na isang mahina at makasalanan, upang dito at sa buhay sa kabila si Hesus na mahal ang aking maging buhay at dahilan.
Amen.

Santa Maria Magdalena, ipanalangin mo kami!

11/07/2026

Tunghayan ang ating Ina at Reyna, Nuestra Señora de la Victoria - Birhen ng Potrero sa kanyang paglahok sa 8th Grand Marian Exhibit sa Basilica Minor de San Pedro Bautista, Lungsod Quezon.

🩵🩷

With hearts full of joy, we warmly invite everyone to come and see the 8th Grand Marian Exhibit with the theme, “𝐎𝐮𝐫 𝐋𝐚𝐝𝐲 𝐨𝐟 𝐭𝐡𝐞 𝐀𝐧𝐠𝐞𝐥𝐬 𝐚𝐧𝐝 𝐒𝐭. 𝐅𝐫𝐚𝐧𝐜𝐢𝐬: 𝐄𝐢𝐠𝐡𝐭 𝐂𝐞𝐧𝐭𝐮𝐫𝐢𝐞𝐬 𝐨𝐟 𝐆𝐫𝐚𝐜𝐞, 𝐏𝐞𝐚𝐜𝐞, 𝐚𝐧𝐝 𝐆𝐨𝐬𝐩𝐞𝐥 𝐖𝐢𝐭𝐧𝐞𝐬𝐬.”

The exhibit will be open from July 24 to August 2, 2026, with its Opening Rite on July 24, 2026, at 6:00 PM. Everyone is invited to visit throughout the duration of the exhibit, 𝗼𝗽𝗲𝗻 𝗠𝗼𝗻𝗱𝗮𝘆 𝘁𝗼 𝗦𝘂𝗻𝗱𝗮𝘆, 𝗳𝗿𝗼𝗺 𝟴:𝟬𝟬 𝗔𝗠 𝘁𝗼 𝟴:𝟬𝟬 𝗣𝗠.

Join us as we honor Our Lady of the Angels and celebrate the Franciscan spirit of grace, peace, and Gospel witness.

02/07/2026

PRUSISYON SOLEMNE SA BISPERAS

Sampung taon na ang nakalipas mula noong unang salida ng Nuestra Señora de la Victoria sa prusisyong solemne ng Parokya ng San Pedro at San Juan tuwing bisperas ng pista nito, araw ng Sabado bago ang huling Linggo ng Hunyo.

Noong ika-25 ng Hunyo 2016, unang lumabas sa prusisyon ang pang-debosyon na larawan ng Mahal na Birhen bilang kinatawan ng kapilya sa prusisyong solemne ng mga mahal na patrong San Pedro at San Juan kasama ang mga patron ng mga kapilyang nasasakupan nito. Isang makasaysayang pagkakataon sa halos 60 taon ng parokya na unang sumilang sa kapilya ng Nuestra Señora de la Victoria noong Agosto 1963.

Sumapit na ang ikasampung taon mula sa unang tagumpay ng ating pamimintuho at pagpapakilala sa Mahal na Birhen ng Potrero. Sa kanyang makapangyarihang pamamagitan, makamit nawa natin ang marami pang mga tagumpay sa mga darating pang panahon!

27/06/2026

PRUSISYON SOLEMNE SA BISPERAS
Hunyo 27, 2026 | 7:00 NG

Halina't samahan ang ating Reyna't Ina, Nuestra Señora de la Victoria sa kanyang paglalayag kasama ang mga patron ng ating parokya ngayong Bisperas ng Kapistahan nina San Pedro at San Juan.

Viva La Virgen! 💙🩷
Viva Los Apostoles! 💚❤️

20/06/2026

PAGSISIYAM
Hunyo 19-27, 2026

Apostoles namin liyag
araw-gabi'y tinatawag:
O San Pedro't Juan mahabag
Sa Potrerong inyong anak!

Bilang pakikiisa sa pagtataguyod ng debosyon kina San Pedro at San Juan, narito ang link upang ma-download ang sipi ng aklat-dasalan: https://drive.google.com/file/d/1gbseOKKT2T7NbHsFNfc-_1Doz-WBIzCf/view?usp=drivesdk

18/03/2026

MASDAN: Naglakbay ang Cofradía de Nuestra Señora de la Victoria sa sampung (10) natatangi, matatanda, at makasaysayang simbahan sa Diyosesis ng Malolos para sa kanilang kauna-unahang Lakbay-Panalangin o pilgrimage noong ika-15 ng Marso 2026. Kabilang sa mga simbahang dinalaw ay mga dambanang may pamimintuho sa Mahal na Birheng Maria gaya ng Salambao, Asuncion, Inmaculada Concepcion, at Del Carmen, bilang bahagi pa rin ng kanilang debosyon sa Ina ng Diyos na matagumpay sa kaniyang maraming titulo o pamagat. Sa mga gawaing tulad nito layon nilang mapalalim ang pagkakakilanlan bilang mga Katolikong Pilipinong sagana sa tradisyon at hinubog ng kasaysayan sa pamamagitan ng pamimintugo sa mga banal at higit ding pagkilala at pagtuklas sa pagdedebosyon ng iba't ibang bayan bilang kapatirang pinagbuklod din ng debosyon sa Mahal na Birheng Maria.

Mga larawang kuha nina Gerald Lungcay at Angelo Mangahas

18/03/2026

11/02/2026

PAGGUNITA SA MAHAL NA BIRHEN NG LOURDES
Pebrero 11

PANALANGIN
O Mahal na Birhen ng Lourdes,
mapagkalingang Ina at kanlungan ng mga maysakit,
ipamagitan mo kami sa iyong Anak.
Ibigay mo ang kagalingan sa katawan, kapayapaan sa isipan, at lakas sa kaluluwa.
Nawa’y lagi kaming magtiwala sa awa at pag-ibig ng Diyos.
Amen.