24/12/2025
"O RADIX JESSE"
Ang Belen ng Parokya sa taong ito ay kumakatawan sa katuparan ng pangakong kaligtasan. Nagsimula ang Dakilang Plano ng kaligtasan mula sa lahi ni Abraham hanggang sa katuparan nito sa pagsilang ng Mesiyas.
Makikita sa Belen ang isang tuod na sa kabila ng pagiging tuyot ay sumibol ang malapay na mga sanga at 14 na bunga.ito ay kumakatawan kay Jesse ang ama ni Haring David ang angkang pinagmulan ni Jesus. Ipinahayag ni Propeta Isaias โMay sisibol na usbong mula sa tuod ni Jesse, at isang supling mula sa kanyang mga ugat ang mamumunga.โ (Isaias 11:1)
Ang kamanghamanghang pagsibol ng labing-apat na bunga mula sa isang tuod ay kumakatawan sa tatlong mga henerasyon, 14 na henerasyon mula kay Abraham hanggang kay David, 14 na henerasyon mula kay David hanggang sa pagkabihag ng Babilonia at 14 na henerasyon mula naman sa pagkabihag ng Babilonia hanggang kay Hesus. (Mateo 1:17)
Ang tagpong ito na nagpapakita kay Maria at Hesus sa ilalim ng isang puno ay tila nagpapaalala sa atin ng dating tagpo nina Eba at Adan sa Hardin ng Diyos.Kung ang unang Eba at Adan ang pinagmulan ng kasalanan, si Hesus at Maria bilang mga bagong Eba at Adan ang pinagmulan naman ng kaligtasan.
Tayo bilang mga saksi sa kaligtasang nililikha ng Diyos sa pamamagitan ng Kanyang bugtong na anak ay binibigyang inspirasyon na tumulad kay Jose, na tahimik na nakikibahagi sa katapuran ng isang dakilang pangako.
Taus-pusong pasasalamat sa Tagapagtangkilik ng gayak ng Belen kina G. at Gng. Victor at Delia ca Cruz. Maraming salamat po sa inyong buong pamilya.
Halina sa Belen! At masdan ang isang pamilyang mula pa sa mahabang linya ng mga saling-lahi na naging dahilan ng ating kaligtasan at nagpabago sa mukha ng Mundo.
