Listening Hearts

06/09/2024

DaSalitahan (Dasal + Salita + Tahan)

Tulad ng Talasalitaan na nagbibigay kahulugan,
Mag Dasal kapiling ang Salita ng Diyos upang sa ating pag Tahan makapagnilay at makasumpong ng kahulugan sa buhay.

Unang Biyernes ng Setyembre 2024

Lk 5: 33 - 39

Mahirap maglagay ng bagong alak sa lumang lalagyan.
Tulad ng bagong ideya sa lumang kaisipan.
Masisira ang lalagyan at masasayang ang alak.

Sadyang mahirap maglagay
ng bago, maalab, at buhay na pagmamahal
sa luma, nagmamatigas at patay na puso.

Mainam na sa bagong lalagyan ilaan ang bagong alak.
Bagong pag-ibig sa pusong buhay at tumitibok.
Mas handa itong tumanggap, bukas at matatag.

Kailangan ng puso na handang magbago,
at bukas na isip na handang tumanggap
ng bagong pagmamahal at pagpapatawad,
handang yakapin ang bagong buhay
Mula kay Hesus, ang Daan, Katotohanan at Buhay.

05/07/2024

https://catholicexchange.com/jesus-prayer-eastern-prayer-western-hearts/

The Jesus Prayer is a simple way to bring us into unceasing contact with Jesus in unity with our Eastern Christian brothers and sisters. As Christians we are about devotion not division.

05/07/2024

https://cbcpnews.net/cbcpnews/pope-francis-say-the-jesus-prayer-throughout-the-day/

Pope Francis on Wednesday encouraged busy Catholics to say the “Jesus Prayer” throughout the day.

02/01/2024

Enero 2, 2024 – Martes bago ang Pagpapakita ng Panginoon
San Basilio Magno at San Gregorio Nacianseno, Obispo at pantas ng Simbahan


EBANGHELYO: Juan 1:19-28
Ito ang pagpapatotoo ni Juan, nang suguin sa kanya ng mga Judio mula sa Jerusalem ang ilang mga pari at mna Levita para tanungin siya: “Sino ka ba?” Sinabi niya ang katotohanan at di ipinagkaila; kanya ngang sinabi: “Hindi ako ang Kristo.” Nagtanong naman sila sa kanya:” Ano ka kung gayon? Si Elias ka ba?” At sinabi: “Hindi.” Ang propeta ka ba?” Isinagot naman niya: “Hindi” Kaya sinabi nila sa kanya: “Sino ka ba? Para may maisagot kami sa mga nagsugo sa amin. Ano ba ang masasabi mo tungkol sa iyong sarili?” Binanggit niya ang sinabi ni Propeta Isaias, at kanyang sinabi: “Ako ang ‘tinig ng sumisigaw sa ilang, “tuwirin ninyo ang daad ng Panginoon.” Sinugo nga sila ng mga Pariseo. At kanilang itinanong sa kanyang: “At bakit ka nagbibinyag kung hindi ikaw ang Kristo, ni si Elias, ni ang Propeta?” Sumagot si Juan sa kanila: “Sa tubig lang ako nagbibinyag, ngunit kasama naman ninyo siyang nakatayo na hindi pa ninyo nakikilala. Dumating siyang kasunod ko pero hindi ako karapat-dapat na magkalag ng panali ng kanyang panyapak.” Sa Betaraba nangyari ang mga ito, sa kabilang ibayo ng Jordan na pinagbibinyagan ni Juan.

PAGNINILAY:
Narinig natin ang pagpakilala ni Juan Bautista ng kanyang sarili, sa harap ng ilang saserdote at Levita, na siya ang tinig na sumisigaw sa ilang, na siya ay nagbibinyag sa tubig – pero, ang lahat ng ito ay paghahanda, at nagtuturo sa tunay na paparating na Mesiyas – si Hesus. Tamang – tama ito sa ikalawang araw ng bagong taon. Ipagdiriwang natin sa darating na Linggo ang Dakilang pagpapakita ng Panginoon o ang Epiphany. Masisilayan natin tulad ng mga pantas, ang Bagong Silang na Sanggol na si Hesus, ang Emmanuel. Ipinapaalala sa atin ni Juan sa Mabuting Balita ngayon, na ituon natin ang ating paningin kay Hesus. Tanging kay Hesus lamang. Si Hesus mismo ang tunay nating hinihintay at hinahanap na Mesiyas. Hindi inaangkin ni Juan ang animo’y kasikatan o katanyagan na maaaring dala ng pagiging Mesiyas. Sa halip, buong katapatan at kapakumbabaan niyang ginagabayan, ang mga naghahanap kay Hesus at itinuturo siya – gaya ng kanyang sinabi sa mga alagad niya – Masdan ninyo ang Kordero ng Diyos na nag-aalis ng mga kasalanan ng sanlibutan.
Sa panahon natin ngayon, kung saan marami ang nagsasabing tingnan nyo ako, ako ang sikat, sa akin kayo sumunod… tila ipinapaalala ni Juan kung kanino talaga dapat naka tuon ang ating atensyon at sarili. Layunin ni Juan na ibaling ang ating paningin at pagsunod kay Hesus, na siyang tunay na Daan at Kaligtasan. Nawa, tulad ni Juan, maging misyon natin araw-araw, na akayin ang ating kapwa palapit kay Hesus. Amen. - Rev. Buen Andrew Cruz, ssp | Society of St. Paul

10/07/2023

Mabuting Balita l Hulyo 11, 2023 – Martes sa Ika – 14 na Linggo sa Karaniwang Panahon


Ebanghelyo: Mateo 9:32-38
May nagdala kay Hesus ng isang lalaking p**i na inaalihan ng demonyo. Nang mapalayas niya ang demonyo, nakapagsalita ang p**i kaya namangha ang mga tao at kanilang sinabi: “Wala pang nangyaring ganito sa Israel.” Ngunit sinabi naman ng mga Pariseo: “Nagpalayas siya ng demonyo sa tulong ng pinuno ng demonyo.” At nilibot ni Hesus ang mga bayan at mga nayon; nagtuturo siya sa kanilang mga sinagoga, nagpapahayag ng Mabuting Balita ng Kaharian at nagpapagaling ng lahat ng sakit at karamdaman. Nang makita niya ang makapal na tao, naawa siya sa kanila sapagkat hirap sila at lupaypay na parang mga tupang walang pastol. At sinabi niya sa kanyang mga alagad: “Marami nga ang aanihin at kakaunti naman ang mga manggagawa. Idalangin ninyo sa Panginoon ng ani na magpadala siya ng mga manggagawa sa kanyang ani.”

Pagninilay:
Sabi nila, kapag nabuhay tayo sa sabi, sa puna at batikos ng iba, kailanman ay hindi tayo sasaya. Lagi namang may sasabihin ang iba, laging may puna, laging may komento. Pero sa halip na pansinin ang mga sinasabi ng iba, nakatuon ang pansin ni Hesus sa mga hinaing ng mga nangangailangan ng kanyang pagtulong. Ito ang halimbawang ipinapaalala sa atin sa araw na ito. Focus tayo sa pagtulong, sa pagbibigay ng sarili sa nangangailangan, sa paglalaan ng panahon sa mga nahihirapan. Doon mas nagkakaroon ng saysay at halaga ang ating pagpapagal at pagsisikap. Mga kapanalig, sadyang napakarami ng aanihin, pero kakaunti ang tagapag-ani. Yung iba kasi, napako na sa kakakomento at kakapuna. Hindi sila nakatutulong, wala na sa kanila ang pagsisikap na tumulong sa kapwa. Sabi nga ng aking g**o sa pilosopiya, na si Padre Roque Ferriols, isang Heswita, “Masasabi na ang lahat ng masasabi, pero ang pinakamahalaga ay hindi masasabi, magagawa lamang.” Mas mahalaga na makagawa ng mabuti sa kapwa, makatulong sa maysakit at makapagbigay sa nangangailangan. Tiyak na mas higit ito sa kahit ano pa mang masasabi o komento ng iilan. Ang tunay na sukatan ng pag-ibig sa Diyos at kapwa ay higit sa ano pa mang pananalita, masasalamin at mababanaagan ito sa ganap at taos-pusong paggawa. - Rev. Buen Andrew Cruz, ssp l Society of St. Paul

19/06/2023

Pagninilay sa Araw na ito :)

19/06/2023

Mabuting Balita l Hunyo 20, 2023 – Martes sa Ika-11 Linggo sa Karaniwang Panahon


Ebanghelyo: Mateo 5:43–48
Sinabi ni Hesus sa kanyang mga alagad, “Narinig na ninyo na sinabi: Mahalin mo ang iyong kapwa at kamuhian ang iyong kaaway. Ngunit sinasabi ko sa inyo: Mahalin n’yo ang inyong kaaway, at ipagdasal ang umuusig sa inyo. Sa ganito kayo magiging mga anak ng inyong Amang nasa langit. Sapagkat pinasisikat niya ang araw sa kapwa masama at mabuti, at pinapapatak ang ulan sa kapwa makatarungan at di-makatarungan. Kung mahal n’yo ang nagmamahal sa inyo, ano ang gantimpala n’yo? Di ba’t ginagawa rin ito ng mga pagano? Kaya maging ganap kayo gaya ng pagiging ganap ng inyong Amang nasa langit.”

Pagninilay:
Isang mapagpalang araw mga kapanalig. Kaya mo bang ipagdasal ang mga galit sa iyo? Paano ko ipananalangin ang umuusig sa akin? Sadyang mahirap isipin kung paano magagawang ipagdasal ang mga kaaway mo. Makasisig**o tayong hindi ang paghiling ng masamang bagay ang sinasabi ni Hesus. Sa halip, nauunawaan natin na inaanyayahan tayo ni Hesus na tingnan ang kalagayan ng mga umuusig sa atin at ipanalangin ang kanilang mga puso. Isa itong napakalaking hamon para sa bawat tagasunod ni Hesus lalo’t higit sa ating panahon ngayon. Maipapanalangin mo ba ang mga bashers and haters mo sa social media? Anong klaseng panalangin ang sasabihin mo? Higit sa lahat bakit pananalangin ang tugon na angkop na angkop sa mga mapang-usig? Tandaan natin mga kapanalig na sa pananalangin, itinataas natin sa Diyos ang puso at isip, inilalapit natin sa Diyos ang kahilingan ng ating mga ipinagdarasal. Kung pinalalayo ka ng mga umuusig sa iyo, bilang mga anak ng ating Ama sa langit, inilalapit naman natin ang mga umuusig sa iyo sa Kanya. Itinataas natin sa Ama ang kanilang mga puso at isipan upang hipuin at panibaguhin ito ng Ama tungo sa gawa ng pakikipagkapwa at kabutihan. Nawa liwanagan sila ng Espiritu ng Katotohahan at yakapin sa init ng Pag-ibig ng Ama at kapwa tao. Amen.
- Rev. Buen Andrew Cruz, SSP l Society of St. Paul

20/01/2023

A blessed and happy New Year! As we enter into the year 2023, we look back at our celebrations of Advent and Christmas as Cl. Buen Andrew Cruz, SSP, shares his insights, thoughts, and reflections about our nation's love for the Santo Niño and why it matters for educators, our young people, and the young at heart!

The webinar will be streamed live here in Youngster's page on Saturday, January 21, 2023, at 8 o'clock in the morning. Certificates will be given to those who register through https://forms.gle/AoMeun1YhwKJGjs19 and complete the evaluation form after the program.

We look forward to having you join us this Saturday for an hour of lighthearted conversations that will surely inspire the mind and warm the heart.