Brgy. 4-De Agosto, Mahaplag, Leyte Chapel

29/10/2025

30/09/2025

30/09/2025

HISTORIC CHURCH DAMAGED IN SAN REMIGIO AFTER 6.9 QUAKE ⚠️

UPDATE: Nasira ang San Juan Nepomuceno Parish Church sa bayan ng San Remigio, Cebu matapos ang malakas na Magnitude 6.9 na lindol na yumanig sa lalawigan alas-9:59 ng gabi, Martes, Setyembre 30, 2025.

📸: San Juan Nepomuceno Parish Church

09/07/2024

16/07/2022

HULYO 17, 2022
IKANAPULOG-UNOM NGA DOMINGO SULOD SA TUIG

Mga igsuon ko diha ni Cristo maayong buntag sa tanan!
Ang pag-abiabi usa ka kristohanong hiyas. Kini magpadayag pinaagi sa mayeryal ug espiritual nga pagtagad ngadto sa mga nagkinahanglan niini.
Sa bibliya, usa ka balaan nga kaakohan ang pag-abiabi sa mga dumuduong ong langyaw nga moduaw sa usa ka dapit o panimalay. Mao kini ang atong mamatikdan sa basahon sa Genesis karon. Si Abraham uban sa iyang asawa nga si Sara mi-abiabi sa tulo ka tawo na wala nila ilhi. Mihatag sila sa ilang gikinahanglan nga pagkaon ug pagpahulay aron sila makapadayon sa ilang panaw. Ug sila gipanalanginan og anak na lalaki luyo sa tigulang na nilang panuigon. Ang atong ebanghelyo karon mihatag ug laing dagway sa pag-abiabi nga mao ang paghatag og panahon sa pagpaminaw sa dumuduaw. Mao kini ang gikahimut-an ni Jesus kang Maria nga nakapili sa labing maayo nga mao ang pagpaminaw Kaniya.
Sa pag-ambit nato sa Eyukaristiya, nga sa pagbuhong kanato sa Dios sa Iyang pag-abiabi ug Presensiya, buhongon pud unta nato Siya sa atong ma-abiabihon nga pagpaminaw Kaniya. Mamahimo unta kitang ma-abiabihon sa uban diha sa atong pagpaminaw Kaniya. Mamahimo unta kitang ma-abiabihon sa uban diha sa atong pagpaminaw ug pagtagad sa ilang panginahanglan.

13/07/2022

HULYO 13, 2022 - MIYERKOLES
Ikanapulog-lima nga semana sulod sa tuig

KINUTLO GIKAN SA EBANGHELYO SUMALA NI SAN MATEO
Mt.11:25-27
Unya si Jesus miingon, "O Amahan, Ginoo sa langit ug sa yuta! Nagpasalamat ako kanimo kay gipadayag mo man ngadto sa mga walay kahibalo ang imong gililong sa mga maalamon ug sa mga makinaadmon. Oo, Amahan, natuman kini kay mao may imong gusto ug pagbuot."
"Ang akong Amahan naghatag kanako sa tanang butang. Walay nakaila sa Anak gawas sa Amahan, ug walay nakaila sa Amahan gawas sa Anak ug kadtong mga tawo nga buot sa Anak nga makaila sa Amahan."
ANG EBANGHELYO SA GINOO.
DAYGON IKAW, O CRISTO

09/06/2022

HUNYO 9, 2022 - HUWEBES
FEAST OF OUR LORD JESUS CHRIST, THE ETERNAL HIGH PRIEST

KINUTLO GIKAN SA EBANGHELYO SUMALA NI SAN MATEO

Mt.5:20-26
Si Jesus miingon sa iyang mga tinun-an, "Busa mag-ingon ako kaninyo nga dili kamo makasulod sa Gingharian sa langit kon ang inyong pagtuman sama sa kabubut-on sa Dios sama lamang sa gihimo sa mga magtutudlo sa Balaod ug sa mga Pariseo."
"Nasayod kamo nga ang mga tawo giingnan kaniadto, 'Ayaw pagpatay; ang makapatay taralon sa hukmanan.' Apan sultihan ko kamo nga ang masuko sa iyang isigkatawo dad-on ngadto sa hukmanan, ug ang maghingalag kuwanggol sa iyang isigkatawo taralon ngadto sa Labawng Hukmanan, ug bisan kinsa nga moingon nga buang ang iyang isigkatawo malagamit nga mahiagom sa kalayo sa impiyerno. Busa inigdala na nimo sa imong Halad sa Dios ngadto sa halaran ug didto mahinumduman mo nga nasilo ang imong isigkatawo, biyai ang imong halad atubangan sa halaran, ug adtoa dayon ang imong isigkatawo, ug pakig-uli una kaniya. Unya balik sa halaran ug ihalad ang imong halad sa Dios."
"Kon may mokiha kanimo ug dad-on ka niya sa hukmanan pakighusay kaniya samtang may panahon pa ug wala pa kamo moabot didto; kay kon kamo moabot na sa hukmanan itugyan ka niya sa huwes, ug ang huwes motugyan kanimo sa polis, ug ibalhog ka sa bilanggoan. Ug timan-i: bilangguon ka didto hangtod kabayran mo sa hingpit ang imong multa."

ANG EBANGHELYO SA GINOO.
DAYGON IKAW, O CRISTO.