19/04/2026
Para sa gabos na parokyano :
Pwera po sa mga offer asin boluntad na koleksyon na itinatao ta kada Domingo, igwa man ki obligasyon na dapat naitatao kan satuyang kapilya sa satuyang parokya na inaapod na “RAKDAG”.
An Rakdag na ini iyo an satuyang monthly contribution o regular offering na pinipigaran o itinatao kada bulan. Maski an halaga sadit man o dakula—maski piso o kun ano man na kantidad na kaya nindo itao—importante asin inaako iyan. Bako ini basta-basta na koleksyon, kundi sarong obligasyon na dapat natong tutukan asin padanayon.
An satuyang simbahan bako sanang lugar na padusayan nin pagsamba, kundi ini man an ikakarahay kan satuyang parokya. Gabos na halaga na matitipon sa Rakdag, gagamiton ini para sa pagmentinar, pag-ayos, asin pagpadagos kan mga serbisyo sa laog kan simbahan. Maski sadit na ambag, dakula na iyan na tabang tanganing an satuyang parokya magdanay na matibay asin maayos para sa gabos.
Sa kada Purok, igwang mga tawo na ma kolekta kada-bulan tanganing mas mapadali an koleksyon. Nan asahan man na magkakaigwa nin transparensiya o transparency report manungod sa mga ambag na nakukua.
Hinahagad mi an saindong bukas na puso tanganing ipadagos an pagtao nin Rakdag kada bulan. Maski piso o kun ano man na kaya nindo, dakulang tabang iyan para sa pangangaipo asin pagtalubo kan satuyang parokya.
Sa tabang kan satong Mahal na Patron San Antonio de Padua, balusan lugod kamo kan Mahal na Dios nin mga gracia na saindong kaipohan sa buhay.🤍
- Komite kan Parokya
