29/08/2026
Panalangin king Panaun ning Kalamidad
Diyos Ibpang lubus mayupaya, Ibpang masicanan, Ibpang malunusan, ikang mitalakad karing asyas na ning yatu at ika bukud ing miki’upaya karing sablang bage keti yatu. Pupuryan daka at sasamban pauli na ning kakatas-katasang upayang atin ka babo na ning sikluban at ning meto ketawan.
Kaniting masipit ming pamangailangan, pagkatiwala mi ing kekeng sarili keka. Anyawaran mi ing maragul a lunus at lingap mu ban mikabus kami king mapaminsalang bagyu. Tatas mi la ngan ding anggang pamilya at pibale-bale mi ban lukuban mu kami king makapag-ligtas mung upaya. Ilisya mu kami king sablang panganib at ilawut king sablang marok.
Maragul ing kapanwalan mi na anti nung makananu ne petahimikan Hesus ing daya’t-malat kanitang lebasan nala ning bagyu kabang manasan la kayabe ring keyang alagad. Ipabal mu kekami ing bendisyun mu at kaulan mu keng matalik kaniting makasindak a oras king bie mi.
Iti ngan adwan mi king kapamilatan ng Kristo at ning Banal a Espiritu a kambe mu mag-ari mangga man king alang angga. AMEN!
Ibpang Diyos a Mayupaya,
Saupan mu kami at ikabus!
Dios Espiritu Santo,
Ipabal mu kekami ing makapagligtas mung upaya!
Dios Anak a Minyaklung king Yatu,
Ikabus mu Kami!
Virgen De Los Remedios,
Panalangin mu kami!
