03/01/2026
First Year-End Party for Lilies of the Altar & Knights of the Altar of Birhen Dela Paz Y Buen Viaje Hijo.
(Credits sa caption ni kuya Cesar)
Daghan kaayong salamat kaninyo mga anak diha ni Cristo sa inyong makanunayon ug madasigon nga pag-alagad sa Ginoo pinaagi sa pagserbisyo sa matag Misa (Monthly Mass) ug sa Kasaulogan Sa Pulong sa Dios (KSPD) sa atong kapilya sa Adlaw'ng Domingo kon Wala ang Pari nga Adunay Pagkalawat.
Sa mga ginikanan nga matuohon ug mahigugmaon nga misuporta ug mipadala sa inyong mga anak sa ilang pagpangalagad sa atong Gagmay'ng Kristohanong Katilingban (GKK), dako gayud namong kalipay ug pagpasalamat kaninyo.
Sa atong mga opisyales usab sa atong GKK nga unta padayon ug makanunayon ang inyong suporta sa atong mga Lilies ug Sacristan ug magadasig kanila sa ilang pagpangalagad.
Sa Labaw'ng Makagagahum - ang atong Buhing Dios sa Langit, nga sa kanunay nagapanalangin niining mga batan-on ug nagalig-on kanila sa ilang pagtubag sa ilang pag-alagad Kaniya.
Dalaygon ang Dios Amahan, ug Anak ug Espiritu Santo. Amen.
🙏❤️❤️❤️🙏
