UCCP Mabitac Evangelical Church

UCCP Mabitac Evangelical Church "Ang Panginoon ang ating ilaw at kaligtasan."
📖Awit 27 : 1

🙏 Gabi ng Pagtitipon ng Pananalangin "Lumapit, makinig, at magtiwala - ang Diyos ay kumikilos sa bawat panalangin. ""Lu...
27/05/2026

🙏 Gabi ng Pagtitipon ng Pananalangin




"Lumapit, makinig, at magtiwala - ang Diyos ay kumikilos sa bawat panalangin. "

"Lumapit kayo sa akin, kayong lahat na nahihirapan at lubhang nabibigatan sa inyong pasanin, at kayo'y bibigyan ko ng kapahingahan. Pasanin ninyo ang aking pamatok at matuto kayo sa akin sapagkat ako'y maamo at may mababang loob. Makakatagpo kayo sa akin ng kapahingahan sapagkat madaling dalhin ang aking pamatok at magaan ang pasaning ibibigay ko sa inyo.”
📖🙏Mateo 11:28-30

"Kay Hesus may Kagaanan"

Totoo na madaming kahirapang tinataglay ang buhay. Subalit bakit nahihirapan pa rin tayo? Gayong sinabi ng Panginoon, lumapit kayong lahat ng nabibigatan sa inyong pasanin at kayo'y bibigyan ko ng kapahingahan, sapagkat maagaan dalhin ang aking pamatok at magaang pasanin ang ibibigay Ko.

Isa sa dahilan marahil ang kakulangan nating magtiwala sa Panginoon. Madalas mayroon tayong pagdududa.

Upang mas gumaan ang ating buhay huwag tayong mapaghanap ng mga bagay na mayroon ang iba. Matuto tayong makuntento sa kung ano ang kaloob ng Diyos para sa atin. Kapag tyo ay mapaghanap, tayo ay nasa mundo ng kakulangan. Kaya ang daing nating hirap maaring sa ibang kapwa natin ay maaring ginwaha na ito.

Nalalaman natin na ang Panginoon ang ating pastol. Subalit ano ang dating nito sa iyo? Paano natin ito tinatanggap?
Ito ba yung pastol na nagsasabing maginhawang dalhin ang Aking pamatok? Oh sa mga sarili natin lamang tayo umaasa?

Ating tandaan na ang panuntunan ng Panginoon ay kaiba sa panuntunan nating mga tao.

Sapagkat ang pamantayan ng Diyos ay taliwas sa pamantayan nating mga tao. Dahil ang gusto ng Diyos ay palagi tayong nakasandal sa Kanya.
Alalahanin natin ang dakilang Pastol ng ating buhay. Magkakaiba man tayo ng pasanin sa buhay.


🙏🎁🎂 Pagdiriwang ng Buhay!Maligayang Kaarawan!Nawa’y patuloy kang pagpalain ng Diyos ng kalakasan, kapayapaan, at kagala...
26/05/2026

🙏🎁🎂 Pagdiriwang ng Buhay!

Maligayang Kaarawan!
Nawa’y patuloy kang pagpalain ng Diyos ng kalakasan, kapayapaan, at kagalakan sa bawat araw ng iyong buhay.

📖 Isaiah 46:4 Hanggang sa iyong katandaan ay Ako pa rin ang Diyos, hanggang sa inyong pagtanda ay Ako ang magdadala sa inyo. Ako ang gumawa sa inyo, at Ako rin ang aakay at magliligtas sa inyo.”

Isang pangako nang patuloy na pag-iingat ng Diyos.


🙏🎁🎂 Pagdiriwang ng Buhay!Kahit late ang pagbati! Hindi nahuhuli ang dasal na pagpalain ka nawa ng Panginoon. 🙏Maligayang...
25/05/2026

🙏🎁🎂 Pagdiriwang ng Buhay!

Kahit late ang pagbati! Hindi nahuhuli ang dasal na pagpalain ka nawa ng Panginoon. 🙏

Maligayang Kaarawan!
Nawa’y patuloy kang pagpalain ng Diyos ng kalakasan, kapayapaan, at kagalakan sa bawat araw ng inyong buhay.

📖 Jeremias 29:11 "Sapagkat nalalaman ko ang mga plano Ko, para sa inyo.... mga planong ikabubuti ninyo at hindi ikasasama, upang bigyan kayo ng pag-asa at kinabukasan.”

Isang pangako nang patuloy na pag-iingat ng Diyos.


❤️‍🔥✝️Lingguhang Sama-Samang Pagsamba at Pagpupuri"Pentecost Sunday" Ang aklat ng mga Gawa ay patungkol sa pagdating ng ...
24/05/2026

❤️‍🔥✝️Lingguhang Sama-Samang Pagsamba at Pagpupuri

"Pentecost Sunday"

Ang aklat ng mga Gawa ay patungkol sa pagdating ng Espiritu Santo sa mga alagad noong araw ng Pentecostes. Habang sila'y sama-samang nananalangin, biglang dumating ang malakas na ugong na parang hangin at may anyong apoy na dumapo sa bawat isa. Napuspos sila ng Espiritu Santo at nagsalita ng iba't ibang wika, kaya't namangha ang mga taong nakarinig mula sa iba't ibang bansa. Ipinakita nito na ang kapangyarihan ng Diyos ay para sa lahat ng tao at nagsimula ang matapang na pagpapahayag ng ebanghelyo.
📖 Gawa 2:1-13

"Teolohiya at Hamon Ng
Pentecostes"

Ang Pentecostes ay paggunita ng pangako ng Diyos na ipinadala Niya ang Espiritu Santo sa kanyang mga alagad, katulad ng nakasaad sa aklat ng mga Gawa 2. Ito rin ay tahasang paala-ala na kung ang mundo ay pinaghaharian ng kasamaan naroon ang katotohanan na hindi tayo iniwan ni iiwan ng Panginoong Diyos.

Sa lipunan na pinanggalingan ng ating Panginoon ay magulo rin. May mga pang-aapi, sapagkat sila ay sakop din ng kalarakaran ng Roma. May mga taong sugatan ang kalooban, dahil noon ay patuloy ang paghihintay nila sa isang tagapagligtas.
Ang pentescostes ay hindi isang selebrasyon ng nakaraan kundi hamon sa kasalukuyan. At sa panahon ngayon laganap ang kasamaan, ngunit nasaan ang apoy ng mga kristiyano?

Kung dumidilim ang paligid tayo ba ay nagiging ilaw? Oh nakikisama na lang din sa dilim?

Ang pentecostes ay tawag ng Diyos upang muling buhayin ang Kanyang bayan. Ito ay pagbaba o pagkakaloob ng banal na Espiritu Santo.

Ang unang hamon sa atin, "Ang Pentecostes ay Teolohiya ng Kapangyarihan ng Espiritu Santo hindi ng Takot."

Sa aklat ng Gawa 1:8 ay sinabi " Ngunit tatanggap kayo ng kapangyarihan pagdating sa inyo ng Espiritu Santo, at kayo'y magiging saksi Ko sa Jerusalem, sa buong Judea at Samaria, at hanggang sa dulo ng daigdig. "

Bago bumaba ang Espiritu Santo malimit magtago ang mga alagad dahil sa takot. At wala silang lakas ng loob subalit ng dumating ang Espiritu Santo ang mga dating nanginginig sa takot ay naging matatapang na saksi ni Kristo kahit kaharapin nila ay kamatayan. Higit nilang sinunod ang Diyos kaysa takot.

At sa ating panahon ngayon ay maraming taong namumuhay sa takot, takot na magsalita para sa katotohanan. Hindi upang mawalan ng posisyon, mapintasan, o takot na lumaban sa mali. Itong ating paglaban sa mali ay hindi para makapanakit kundi kung ano ang katotohahan at kabutihan para sa ating bansa. Kundi ipahayag ang ating posisyon para sa ikakalago ng ating bansa. Hindi tayo tinawag upang maging tahimik sa harap ng kasamaan. Kundi maging matatapang sa panig ng katotohanan. Hindi tayo binigyan ng Diyos ng Espiritu Santo ng katakutan kundi kapangyarihan, pag-ibig, at pagpipigil sa sarili."

Ikalawa, "Ang Pentecostes ay Teolohiya ay Pagkakaisa sa Gitna ng Pagkakaiba-Iba"

Binanggit ang ibat-ibang wika ito ang isa sa pinakamahalaga sa nangyari, sa araw ng Pentecostes. Iba't-ibang wika ngunit iisa ang mensahe. Hindi winasak ng Espiritu Santo ang pagkakaiba-iba kundi pinag kaisa niya ang mga tao sa pag-ibig at katotohanan sa kabila ng ibat-ibang wika. Ito'y hamon sa ating lipunan na ating kinagagalawan ngayon, nang dahil sa politika, dahil sa estado ng buhay at personal na interes.
Minsan ang simbahan ay nadadala rin ng pagkakampi kampi ito ang katotohanan na nakakalungkot.

Ito ay hamon sa atin na dapat manaig ang Espiritu ng pagkakaisa kaysa ang ating ego, mas manaig ang pagkakaisa kaysa pagkakahati-hati. Hindi para magkahiwa-hiwalay.
Ang pagdating ng Espiritu Santo ay upang pahalagahan ang isat-isa hindi ang sarili kahit na tayo'y magkakaiba.

Ikatlong hamon, "Ang Pentecostes ay Teolohiya ng Katotohanang Nagliliyab"

Sinabi sa Gawa 2:17 "At mangyari sa mga huling araw, sabi ng Diyos, na ibubuhos Ko ang Aking Espiritu Santo sa lahat ng tao."

Ang apoy ng Pentecostes ay hindi apoy ng palabas. Kundi ito ay apoy ng katotohanan. Hindi ito nagbibigay ng sigla kundi ito'y gumigising ng ating budhi. Kapag tunay na kumilos ang Espiritu ito'y lumalantad ang kasinungalingan.
Kinakalaban ang katiwalian, itinataguyod ang hustisya, sa panahon ng paglilinlang.

Magiging boses ba tayo ng Diyos o magiging tahimik na saksi sa sistema?

Ang tunay na Pentecostes ay hindi lang ito pagsigaw ng haleluya. Kundi ito ay higit na pagsigaw ng paninindigan sa tama kahit mahirap. Ito ay patuloy na pagsunod sa buhay na may kabanalan at katwiran. Ito ay hindi lang nakikita kapag tayo ay pupunta o nasa loob ng simbahan. Kundi ang kabanalan ay dapat makita kahit walang dalang biblia, walang taong nakakakita o kahit hindi tayo patungo sa simbahan. Dapat lang na makita sa buhay ng tao ang buhay na may kaayusan. Ang buhay na hindi idineseniyo tuwing linggo lang kundi sa araw araw.

Ano ang teolohiya at hamon ng pentecostes sa iyong buhay?

Binibigyan ba natin ang Espiritu Santo na makapasok sa ating buhay o tinatanggihan natin ito?

Mamuhay tayong maging alagad ni Kristo hindi ng mundo? Hinahayaaan mo bang kumilos ang Espiritu Santo o ikaw pa rin ba ang bahala sa buhay mo?







📅 May 24'

GOD's Love in Action Sa bawat pagdalaw ng kapatiran, dama ang pag-ibig ng Diyos at ang lakas ng pagkakaisa. Ang simplen...
21/05/2026

GOD's Love in Action




Sa bawat pagdalaw ng kapatiran, dama ang pag-ibig ng Diyos at ang lakas ng pagkakaisa. Ang simpleng pagbisita ay nagiging daan ng pagpapalakas ng pananampalataya at pagpapaalala na tayo ay hindi nag-iisa sa ating paglalakbay kasama ang Panginoon.

Kaya nga, mag-aliwan kayo sa isa’t isa at magpatibayan, gaya nga ng inyong ginagawa.
📖 1 Thessalonians 5:11





For where two or three gather in My name, there am I with them.📖 Matthew 18:20She is clothed with strength and dignity.’...
18/05/2026

For where two or three gather in My name, there am I with them.
📖 Matthew 18:20

She is clothed with strength and dignity.’ – 📖 Proverbs 31:25” 🌸

“Isang araw ng pagkakaisa, paglilingkod, at pasasalamat sa Panginoon.” 💚

✝️Lingguhang Sama-Samang Pagsamba at Pagpupuri Tinatanong ng mga alagad kung ibabalik na ba ni Hesus ang kaharian para s...
17/05/2026

✝️Lingguhang Sama-Samang Pagsamba at Pagpupuri

Tinatanong ng mga alagad kung ibabalik na ba ni Hesus ang kaharian para sa Israel, ngunit sinabi Niya na ang Ama lamang ang nakakaalam ng takdang panahon. Sa halip, ipinangako Niya ang kapangyarihan ng Banal na Espiritu upang sila'y maging saksi Niya hanggang sa iba't-ibang panig ng mundo. Pagkatapos nito, umakyat si Hesus sa langit habang nakatingin ang mga alagad. Nagpakita rin ang dalawang anghel at nagsabing si Hesus ay muling babalik.
📖 Gawa 1:6-11

Isa sa pinaka magandang tagpo matapos ang muling pagkabuhay ng ating Panginoon ay ang Kanyang pag-akyat sa langit. Hindi ito simpleng pamamaalam lamang, hindi simpleng pagkaway sa Kanyang mga alagad na - aakyat na Siya sa Ama. Kundi ito ay may kapangyarihang alalahanin na ang Panginoon ay muling nabuhay at maghahari magpakailanman.

"Mensahe at Hamon ng Pag-Akyat ni Hesus sa Langit"

Minsan ang tao'y nakakalimot na ang Panginoon ay muling magbabalik. Sa ating panahon ngayon marami ang naliligaw, nawawalan ng pag-asa. Subalit ang pag-akyat ng ating Panginoong Hesus ay siyang magbibigay liwanag, direksiyon at hamon sa bawat isa sa atin.

Ang unang mensahe at hamon sa atin, "Ang pag-akyat ni Hesus ay mensahe ng tagumpay at pag-asa".

Bago umakyat ang Panginoon sa langit, pinatunayan Niya na Siya'y tunay na nabuhay, hindi isang multo, kagaya ng inaakala ng mga alagad. At hindi rin katulad ni Tomas na mapag-alinlangan.

Ang Kanyang pag-akyat ay tunay na pagtatagumpay laban sa kasalanan, laban sa kamatayan at kadiliman. Kung hindi muling nabuhay si JesusKristo alipin pa rin tayo ng kasalanan. Sa mundong maraming sugatan, bigo, at pinanghihinaan ng loob ipinapaala-ala sa atin ng Panginoon na may langit na naghihintay sa mga nananatiling tapat. Ang langit ay isang karanasan ng ating buhay na wala ng pagluha at sakit. Ang dating bagay ay lumipas na. Ito ay karanasan ng isang buhay na ganap at kasiya-siya. Kaya huwag tayong mawalan ng pag-asa kahit tila mabigat ang buhay.

"Ang bansa ay maraming problema, ngunit walang nareresolba."

Huwag tayong mawalan ng pag-asa dahil ang ating Panginoon ay buhay. Kaya Niyang magtayo ng isang leader na tunay na maglilingkod. Kontrolado pa rin ng Panginoon ang mga nagaganap, walang lingid sa Kanya. At ang pinakamaganda asahan natin na ang Diyos na nabuhay ay maghahari na hindi kayang talunin sa mundong ito.

Ikalawa, "Ang pag-akyat ni Hesus ay hamon ng pananampalatayang
kumikilos."

Hindi sapat na tayo ay nakatingin lamang kay Hesus, kailangan Siyang sundin at ipamuhay. "Maraming marunong manalangin, ngunit kulang magmahal." "Maraming tumutungo ng simbahan ngunit mahirap magpatawad."
Naghahari parin sa puso ay galit. Ang tunay na pananampalataya ay hindi lang nakatingin sa langit kundi tayo ay kumikilos para sa kabutihan ng ating kapwa.

Marapat na tayo'y "Pumasok upang sumamba lumabas upang maglingkod." Upang ipamuhay ang aral ng ating Panginoon. Kaya"t ang tunay na pananampalataya ay hindi lang nakatingala sa langit kundi kumikilos para sa ating kapwa. Ipadama sa ating kapwa ang langit na ating tinitingnan.

Ikatlo," Ang pag-akyat ni Hesus ay paala-ala ng ating misyon."

Hindi iniwan ni Hesus ang kanyang mga alagad ng walang layunin at walang gagawin. Tayo ngayon ang kamay, tayo ang mga paa at tinig sa mundong sugatan at naliligaw. Tayo ngayon ang tenga ng mga taong nasa laylayan n hindi napapakinggan.

Ang ating tahanan, trabaho, komunidad at simbahan - tayo ang inaasahan na magdala ng liwanag ni Kristo. Nawa ang ating buhay ay maging saksi ni Hesus, samantalang tayo ay gumagawa ng may pag-ibig at kabanalan.

Pang-apat, "Ang pag-akyat ni Hesus ay pangako ng Kanyang muling pagbabalik."

Ito ay magbibigay ng lakas sa magulong mundo. Hindi permanente ang ating pagluha, sakit at hindi pangmatagalan. Ang araw ng kaguluhan ay darating ngunit ang araw na ganap nang tagumpay ni Hesus upang wakasan ang kasamaan at pairalin ang tunay na katarungan at katuwiran. Ang kailangan lamang natin ay mamuhay ng may kabanalan, may pananabik at handa sa pagbabalik ng ating Panginoon.

Hindi ito wakas ng Kanyang gawain, kundi simula ng ating misyon. Ang pag-upo ni Kristo sa kanan ng Diyos Ama ay hamon na sumunod sa buhay pananampalataya. Itaas natin ang ating mga mata sa langit, ituon natin ang ating paningin kay HesusKristo. Gamitin ang ating mga kamay at paa upang magmahal, maglingkod at magpahayag ng mabuting balita. Ang Panginoon na Siyang umakyat sa langit ay Siya ring muling magbabalik.





May 17' 2026

📖 Isang kapahingahan ang mag-aral ng Kanyang mga salita. "Kahalagahan at Yaman ng Pananampalataya "Sa buhay, maraming b...
15/05/2026

📖 Isang kapahingahan ang mag-aral ng Kanyang mga salita.




"Kahalagahan at Yaman ng Pananampalataya "

Sa buhay, maraming bagay ang ating pinahahalagahan - kalusugan, pamilya, trabaho, at mga materyal na bagay. Ngunit higit sa lahat ng ito, may isang kayamanang hindi nasisira, hindi nananakaw, at nananatili magpakailanman - ang ating "pananampalataya sa Diyos."

Hindi maaaring kalugdan ng Diyos ang walang pananampalataya sa Kanya, sapagkat ang sinumang lumalapit sa Diyos ay dapat sumampalatayang may Diyos at siya ang nagbibigay ng gantimpala sa mga humahanap sa kanya.
📖 Hebreo 11:6

Sa ating mundong ginagalawan ang prinsipyo ay "maniniwala ka lamang kung makikita mo" subalit sa panuntunan ng Panginoon Diyos "maniwala ka at makikita mo."

Ngunit paano ba nating masasabing mayroong Diyos?

Ang Diyos ay nararamdaman, hindi man natin Siya nakikita subalit Siya ay totoo, hindi man Siya nakikita ngunit madaming pagpapatunay. Hindi kawalan o kalugihan ang tayo ay manalig sa Panginoong Diyos. Dahil ang mabuhay na may Diyos ay mayroong gantimpala.

Kapag tototo ang pananampalataya ng sino mang tao, walang problema na darating sa kanya, kundi ang lahat ng dumarating sayo ay tanging mga pagpapala lamang. Dahil ang mga problema, pagsubok, na ating mararanasan ay maituturing nating pagpapala. Dahil hinahayaan ng Panginoong Diyos na ito ay mangyari sa ating buhay, upang tayo ay Kanyang hubugin, iwasto, at ihanda sa napakagandang plano ng Diyos para sa atin.

Sa aklat ng Roma 8:28
"Alam nating sa lahat ng bagay ay gumagawa ang Diyos para sa mabuti kasama ang mga nagmamahal sa kanya, silang mga tinawag ayon sa kanyang layunin."

Isang halimbawa ang buhay ni Job - isang tapat, mayaman, at maka-Diyos na tao mula sa lupain ng Uz na dumaan sa matinding pagsubok matapos pahintulutan ng Panginoon na subukin ni Satanas ang kanyang katapatan. Nawala ang kanyang kayamanan at sampung anak, at nagkasakit siya nang malubha, ngunit nanatili siyang tapat sa Diyos. Ngunit sa huli, ibinalik ng Diyos ang kanyang kasaganaan nang higit pa sa dati.

Tayong mga nananalig sa Panginoong Diyos, ang totoo ay wala tayong problema. Bakit? Dahil ang mga problemang dumarating sa atin ay maituturing nating isang pagpapala. Dahil nararanasan natin ang Kanyang kapangyarihan.

Kapag tayo ay humiling sa Panginoon ay walang imposible, dahil ang pinaglalagakan natin ng ating pananampalataya ay hindi Diyos na patay kundi Diyos na buhay. Ang kailangan lamang natin ay isang ganap na pananalig.

Humarap man tayo sa hamon ng buhay. May ituturo ang Diyos para sa ating ikakabuti. Kaya patuloy lamang tayong manalig at lubos na magtiwala sa Kanya. Kahit tila magulo ang mundo. Dahil Siya pa rin ang may hawak ng lahat. Hindi Niya tayo dadalhin sa kawalan kundi sa isang ganap na kahulugan ng buhay.


Sa paglipas ng mga taon, ang inyong pagmamahalan ay lalong tumibay—hinubog ng panahon, sinubok ng buhay, at pinatibay ng...
13/05/2026

Sa paglipas ng mga taon, ang inyong pagmamahalan ay lalong tumibay—hinubog ng panahon, sinubok ng buhay, at pinatibay ng pananampalataya. Tunay na ang pag-ibig na may Diyos sa sentro ay nananatili magpakailanman.

Maligayang Anibersaryo ng Kasal! 💍❤️

Nawa’y patuloy na pag-ibayuhin ng Diyos ang inyong pagsasama, na nakaugat sa pag-ibig at pinagtibay ng pananampalataya.
“Ang pag-ibig ay hindi nagmamaliw kailanman.” 📖 1 Corinto 13:8

Address

32 Bonifacio Street, Barangay Masikap
Mabitac
4020

Website

Alerts

Be the first to know and let us send you an email when UCCP Mabitac Evangelical Church posts news and promotions. Your email address will not be used for any other purpose, and you can unsubscribe at any time.

Shortcuts

Share

Category