Uccp Tanday outreach from Abis

Uccp Tanday outreach from Abis Contact information, map and directions, contact form, opening hours, services, ratings, photos, videos and announcements from Uccp Tanday outreach from Abis, Religious organisation, Tanday, Abis, Neg. Or, Mabinay.

Happy 26th anniversary Uccp Tanday,salamat sa mga madasigun nga mga members sa Uccp Tanday,advance happy new year.
31/12/2025

Happy 26th anniversary Uccp Tanday,salamat sa mga madasigun nga mga members sa Uccp Tanday,advance happy new year.

Member uccp tanday,padayun sa pagkamadasigun
09/12/2025

Member uccp tanday,padayun sa pagkamadasigun

Bublestudy
23/11/2025

Bublestudy

23/11/2025

Nindot kaayo ang mga tingug sa mga choir

Happy Sunday everyone,Sa atung egsoon Uccp tanday
23/11/2025

Happy Sunday everyone,
Sa atung egsoon Uccp tanday

Late upload,uccp Abis wedding time sa atung igsoon
22/11/2025

Late upload,uccp Abis wedding time sa atung igsoon

06/06/2025

"Mag-uban ako kanimo iniglatas mo sa katubigan, ug dili ka malumos inigtabok mo sa mga suba; inig agi mo sa kalayo dili ka mapaso O lamyon sa siga niini. 3Kay ako ang Ginoo nga imong Dios, ang Balaang Dios sa Israel maoy nagluwas kanimo..."
Isaias 43:2-3a

Panahon sa Pentecostes gipahinimduman kita sa misyon nga dugay nang gisugdan ug bisan lisod apan kini mahimong matuman kay ang Spiritu sa Dios kauban.

Naghatag kinig hulagway nga sa atong mga panaw ibabaw sa kalibutan duna tay mga katubigan nga latason, langoyon, ug tabokon.

Tanan ta nagkinahanglan ug tubig aron mabuhi. Matud pa 90% sa atong lawas tubig, ug rason kini nga uhawon ta ug nagkinahanglan ug katagbawan. Ang tubig importanti alang sa pagpabugnaw ug paglimpyo. Dili ta mabuhi ug walay tubig.

Apan nagkinahanglan ta ug Pagtoo aron atong malatas ug mabuhat ang misyon nga gisangon kanato ni Hesus sa pikas tampi ug mga kasikbit nga mga dapit (judea, Samaria ug tibook kalibutan) Buhat 1:8

Gipakita kini ni Apostol Pedro sumala sa Mateo 14:22-36 sa dihang mihangyo siya nga molakaw sa tubig sama kang Hesus ug wa siya balibari.

Ang Pagtoo mao ang pagkawas sa baroto ug paglakaw sa dagat. Si Pedro sa higayon nga mototok siya ni Hesus makalakaw siya apan sa higayon motan-aw siya sa mga balod mounlod siya maayo na lang kay nagpatabang siya ni Hesus ug si Hesus dihadiha midool ug nagluwas kaniya.

We all need Jesus. Motawag ug magpatabang ta sa panahon nga malingla ta pagtan-aw sa mga butang sa kalibutan inay mototok kang Hesus.

Ang pentecostes nagpahinumdom kanato sa importanting buhat sa Spiritu Santo nga mao ang pagtudlo sa pagsalig kang Hesu-Kristo aron dili ta kabsan sa kadasig ug paglaum. Amen ug Amen

"Gipakita usab sa anghel kanako ang suba sa tubig sa kinabuhi nga nagpangidlap daw kristal. Naggikan ang maong suba sa t...
28/05/2025

"Gipakita usab sa anghel kanako ang suba sa tubig sa kinabuhi nga nagpangidlap daw kristal. Naggikan ang maong suba sa trono sa Dios ug sa Nating Karnero."
Gipadayag 22:1

Ang Dios magbubuhat adunay gasa kanato mao ang tubig nga naghatag ug kinabuhi. Kabalo siya nga kon walay tubig dili magdugay ang kinabuhi.

Di ikalimod ang kaimportanti sa tubig sa atong kinabuhi. Ug labaw pa gayod kitang nagkinahanglan sa tubig sa kinabuhi ilabina sa atong pagsunod sa Misyon sa Dios. Sa tinud-anay nga pagkasulti, hangak kaayo ang pagsangyaw sa Maayong Balita. Di sayon ang pagtudlo sa kamatuoran. Di lalim ang pagpaambit sa Pulong sa kaluwasan bisan sa atong kaugalingong panimalay. Kon atong sundon ang sugo sa Dios sa pagsangyaw sa Maayong Balita gikan sa Jerusalem, sa Judea ug Samaria ug sa tibook kalibutan.(Buhat1:8) hangakon ta ug dakung posibilidad nga maluya ta tungod sa kabug-at ug kalisod ug mawad-an sa umoy. Apan taliwala niining tanan ang saad sa Dios nga iya tang tagbawon ug paimnon sa tubig sa kinabuhi. Ang makainum niini malagsik ug dili na magluya pa.

Ang mensahi sa Gipadayag mao ang Dili Paglunga, padayon sa pagtoo taliwala sa mga kalisdanan kay ang Ginoo motabang ug Maluwas ngadto sa dili moundang sa pagpangalagad. Ug nagpahibalo usab nga dunay silot sa mga dili magtutoo.

Padayon kitang mag-alagad samtang magpaabot sa pagbalik ni Hesus. Padayon kitang modimdim sa tubig sa kinabuhi ang tubig nga limpyo ug daw kristal. Likayan nato ang tubig nga daut, baho ug polluted kay kini makadaut.

Diha kang Hesu-Kristo matagamtam nato ang katagbawan sa kauhaw ug kalagsik sa kaluwasan. Amen

23/05/2025

"O Dios, kaloy-i ug panalangini kami. Ipakita kanamo ang imong kaayo 2aron ang tibuok kalibutan masayod sa imong kabubut-on; ug mahibalo ang tanang kanasuran sa kaluwasan nga gikan kanimo."
Salmo 67:1-2

Usa ka awit ug pag-ampo alang sa kaluwasan ug pagpasalamat sa tawong gipanalanginan.

Kon tukion nato ang Balaang Kasulatan dunay duha ka lihok sa Dios ngadto sa mga katawhan.
1. Ang Pagluwas sa Dios sa katawhan sa tibook kalibutan. Ug
2. Ang Pagpanalangin sa Dios sa iyang mga katawhan.

Gitawag kita aron mahimong makaamgo niining duha ka lihok ug buhat sa Dios. Giluwas ta gikan sa atong mga sala, gikan sa mga tawong dautan ug giluwas ta gikan sa kamatayon. Ug ang ikaduha nga aspeto sa lihok sa Dios mao ang paghatag abot sa atong mga uma, paghatag mga anak alang sa sunod nga kaliwatan, ang pagpalambo sa atong mga panginabuhian ug ang paghatag maayong panglawas.

Tungod kay giluwas na kita sa Gugma ug grasya sa Dios, natingob ang atong mga adlaw, semana, bulan ug katuigan sa Pagpasalamat, pag-ampo ug pagpangayo sa blessings O panalangin gikan sa Dios.

Mao kini mensahe sa v.7 "gipanalanginan kita sa Dios" pasidunggan nato siya sa kanunay aron ang uban makaila sa Ginoo.

Diha sa atong Pagpasalamat ug mga pag-ampo kita nalig-on ug malahutayon kay nagsalig manta sa daghang panalangin nga ibubo sa Dios sa atong mga pagpaningkamot, mao nga kanunay uban ang Ginoo sa atong mga plano ug mga paningkamot ang naa siyay giamdam nga panalangin. Amen

20/05/2025

Salamat kaayo sa maabtikong chairperson sa Uccp Tanday

2025 Uccp Tanday,ug sa salamat jud sa mga nag supporta ug nag malampusun ang mga buluhatun🫰🙏
17/05/2025

2025 Uccp Tanday,ug sa salamat jud sa mga nag supporta ug nag malampusun ang mga buluhatun🫰🙏

16/05/2025

“Sa inyong pagpamungag daghan kapasidunggan ang akong Amahan ug sa ingon niini kamo mahimong akong mga tinun-an.”
Juan 15:8

Kitang tanan giawhag nga dili lang mopalabong ug mopalig-on sa sanga kondili mamunga kita ug daghan aron daghan usab ang mabulahan. Kanang bisan sa kalig-on sa sanga apan mobitay kini kay napotus sa daghang bunga, bunga sa kaabundasya sa panalangin sa Dios. Pinaagi sa atong mga bunga daghan ang makaambit nga bisan kadtong umalago lamang makapopo sila niini ug dayegon nila ug pasidungan ang Dios.

Dinhi nato tapuson ang pamalandong sa ebanghelio karong semanaha nga Mabasa sa Juan 15:1-8. Ato nang nasabtan nga si Hesus mao ang tinuod nga punoan sa Paras ug ang Amahan mao ang tig-atiman. Ang mga tinun-an mao ang mga sanga nga namunga ug putlon ang sanga nga di mamunga aron mas mamunga pa gayod ug daghan ang sanga nga bulahan.

Ani nga bersikulo masabtan nato nga ang atong mga bunga naghatag pasidungog sa Dios Amahan. Ang kabubut-on sa Dios mao nga matag tinun-an ug sumosunod ni Hesu-Kristo makapamunga ug daghan aron daghan ang makakaon ug magdayeg sa pagpasidungog sa Dios. Makasiguro kita nga makapamunga kon kita nakatapot ug nagpabilin diha sa pagtoo kang Hesu-Kristo nga atong Ginoo.

Ang gihatagan ug dakung importansia ani nga texto mao ang atong pagkatinun-an. Ang usa ka tinun-an dili dayon mamunga. Ang bunga producto kini sa taas nga paagi sa paghikay diin gigahin ang mga panahon sa pagpalig-on ug pagpatubo sa sanga aron mamunga. Gitawag kini sa ininglis ug DISCIPLESHIP. Diin ang usa ka tawo mosunod kang Hesu-Kristo aron magtoon, mag-obserbar ug maningkamot nga mapareha sa iyang magtutudlo. Dili kini dali mahimo, taas kini nga proceso apan kinahanglan gayod sugdan. Ug nagsugod kini diha sa pagpabilin ug sa pagtapot sa tinuod nga punoan sa paras. Ang tawong nagtapot sa taas nga panahon mamunga gayod ug ang iyang natun-an sa taas nga panahon maoy maglig-on kaniya kay sa dihang naa na tay daghang bunga naay daghang mga tawo nga manghilabot kanato. Dunay boot mokuha sa bunga bisan linghod pa. Batoon, bunalan, tiradoron, sakaon ug kawaton. Maka-agi ug bagyo, hulaw ug mga dangan nga buot modaut sa bunga. Ang importante nga mopabilin ta nga nagtapot sa tinuod nga punoan sa paras.

Mao kini angay buhaton sa gustong mamunga ug daghan.
1. Devotional. Panahon nga gigahin sa Pag-awit, pag-ampo ug pagbasa sa mga Balaang Pulong sa Dios. Ang uban gihimo nila kini panahon sa tingkaon. Sa dili pa magdungan pagpangaon magbasa sa bibliya ug pamalandong. Dayon mag storiahanay ingon nga pamilya.
2. Quiet Time. Personal nga pamalandong sa kaayo sa Dios taliwala sa lisod nga panahon. Magmemorize ug mga bersikulo sa Bibliya.
3. Pagpatukar ug Hymns and Spiritual Songs sulod sa panimalay.
4. Pagtan-aw sa mga salida nga dunay tema nga diosnon.
5. Mangawas ang pamilya ug moadto sa mga dapit nga dili daghan ang tawo ug magdayeg sa Ginoo sa tanang makita didto sa dagat, sa bukid O sa kakahoyan ba kaha.

Hinumduman nato nga dili nato undangon ang Kristohanong panagtigum. Usa ka paagi nga kita malig-on.

Buhaton ta ang maayo kay aron ang Dios mahimaya sa walay kataposan. Amen ug Amen

Address

Tanday, Abis, Neg. Or
Mabinay

Website

Alerts

Be the first to know and let us send you an email when Uccp Tanday outreach from Abis posts news and promotions. Your email address will not be used for any other purpose, and you can unsubscribe at any time.

Shortcuts

Share

Category