What are the opening hours?

Monday 8am - 5pm Tuesday 8am - 5pm Wednesday 8am - 9pm Thursday 8am - 5pm Friday 8am - 5pm Saturday 9am - 5pm Sunday 9am - 3pm

https://www.facebook.com/112657990413607/

UCCP Maasin City Church, F. Zara Street, Tomas Oppus St, Maasin (2026)

21/09/2026

☀️ 𝓤𝓒𝓒𝓟 𝓜𝓪𝓪𝓼𝓲𝓷 𝓒𝓲𝓽𝔂 | 𝓓𝓪𝓲𝓵𝔂 𝓜𝓸𝓻𝓷𝓲𝓷𝓰 𝓓𝓮𝓿𝓸𝓽𝓲𝓸𝓷 🌿

This Morning Devotion Material came from our SWLC Pool of Writers (Pastors) and for the whole month of September it is written by Pastor Jan Cristian Lacay.

September 22, 2026
“Sangpit kay Ikaw Pagatabangan”
Salmo 12:1-8

Ang kinabuhi sa tawo, sama nga nagalawig sa kadagatan, nga dili lamang linaw nga kadagatan ang masugatan apan aduna usab mga unos nga matagamtaman. Dili kanunay nga linaw apan aduna usab mga balod nga motandog sa matag usa ug makapahigayon sa pagsangpit ug panabang sa labawng makagagahom.

Isip mga Kristohanon, ang labaw tang magtatabang sa atong kinabuhi mao ang atong Dios. Moabot gayud ang takna nga aduna kitay mga problema. Ang gibasa nga mga teksto, maoy usa ka awit sa pagpangayo ug tabang sa Dios kay tungod ang mga katawhan nag-agulo na sa mga kasinatian sa kalibutan. Ang uban tungod sa mga katawhan nga naghatag ug kadautan kanila ug naglutos kanila. Apan diha sa ilahang mga kasinatian, padayon ang ilang pagsangpit ug panabang sa Dios. Padayon ang ilang pagtuo nga ang Dios nagatan-aw gayud sa iyang mga katawhan nga naga-antos. Ug wala lang siya nagalantaw, apan padayon Siya nagaluwas ug nagatabang sa iyang katawhan.

Atong hinumduman kanunay, isip nga nagapadayon pa kita’g lawig niining atong kinabuhi, padayon ang atong pagsalig ug pagsangpit sa atong Ginoo. Bisan man aduna kitay daghang mahi-aguman, madangatan ug mga kasinatian nga motandog sa atong pagtoo, padayon kitang magapailalum sa iyang gahum, dungog ug himaya.

Pangutana:

1. Unsaon nato pagpakita sa pagkamatinud-anon ug pagsalig sa pulong sa Dios sa atong adlaw-adlaw nga kinabuhi, bisan kung ang kalibutan nagapalibot nato daghang pagsulay?

20/09/2026

☀️ 𝓤𝓒𝓒𝓟 𝓜𝓪𝓪𝓼𝓲𝓷 𝓒𝓲𝓽𝔂 | 𝓓𝓪𝓲𝓵𝔂 𝓜𝓸𝓻𝓷𝓲𝓷𝓰 𝓓𝓮𝓿𝓸𝓽𝓲𝓸𝓷 🌿

This Morning Devotion Material came from our SWLC Pool of Writers (Pastors) and for the whole month of September it is written by Pastor Jan Cristian Lacay.

September 21, 2026
“Pag-alagad kauban ang Pamilya”
I Timoteo 5:1-8

Pagka-anindot gayud nga lantawon nga ang tibook banay o pamilya nagahiusa diha sa pagsimba ug pagpangalagad sa Dios. Pamilya o banay na naghiusa dinha sa pag-alagad sa Dios ug katawhan, diha sa pagpamuhat sa misyon ug pagtabang sa mga nanginahanglan. Anindot nga ang panaghigugmaay ug pagsandurotoy anaa sa matag-usa. Ang pulong sa Diyos dili lang nagtudlo sa atong relasyon ngadto sa Ginoo, apan usab sa atong relasyon sa isigkatawo.

Si Pablo naghatag og giya kang Timoteo, usa ka batan-aon nga kauban niya sa pagministeryo, kon unsaon pag-atiman ug pagrespeto sa tanang sakop sa iglesia ug sa panimalay. Sa maong teksto, gipakita nga ang pagrespeto kinahanglan ibase sa pamilya nga relasyon: ang mga sa magulang sa panuigon tratuhon ingon nga mga ginikanan, ang mga manghod sa panuigon, tratuhon ingon nga mga igsoon, ug himuon kini uban sa putli nga kasingkasing. Ang pag-atiman sa mga balo ug sa nanginahanglan usa ka timaan sa tinuod nga pagtoo. Aduna kitay tagsa-tagsa ka mga responsibilidad sa atong tibuok banay. Dili lamang kini nag- ugat sa atong Kristohanon nga pagtulon-an, apan anaa usab sa atong karakter isip mga Pilipino o “close family ties”. Gipasidan-an kita sa atong texto nga magasugod kanato , sa pamilya ug sa banay nga maga-una dinha sa panaghiusa ug magpuyo nga adunay kalinaw sa matag kasing-kasing ug panaghigugmaay sa matag usa.

Tin-aw nga gisulti nga ang tawo nga magtutuo nga dili kahibalong moatiman są iyang kaugalingong panimalay mas daotan pa kay sa dili magtutuo.

Busa ang atong hagit sa matag usa, alang kanato mao ang pagpakita sa pagtuo pinaagi sa buhat: pagrespeto sa tigulang, pag-amuma sa mga nanginahanglan, ug pag-atiman sa atong pamilya. Ang pagtuo nga walay buhat hukman gayud sa Ginoo.

Pangutana:

1. Giunsa nimo pagpakita ang imong pagrespeto ug pag-atiman sa imong pamilya ug sa imong isigkatawo isip timaan sa imong tinuod nga pagtuo?

19/09/2026

☀️ 𝓤𝓒𝓒𝓟 𝓜𝓪𝓪𝓼𝓲𝓷 𝓒𝓲𝓽𝔂 | 𝓓𝓪𝓲𝓵𝔂 𝓜𝓸𝓻𝓷𝓲𝓷𝓰 𝓓𝓮𝓿𝓸𝓽𝓲𝓸𝓷 🌿

This Morning Devotion Material came from our SWLC Pool of Writers (Pastors) and for the whole month of September it is written by Pastor Jan Cristian Lacay.

September 20, 2026

“Ang Matuod nga Paghalad”
Marcos 12:41-44

Ang mga Pulong sa Dios nagtudlo kanato sa usa ka matuod nga gihalad. Aduna kitay daghan nga pamaagi sa paghalad. Ang atong ihalad sa Dios atong mga kinabuhi dinha sa pagpagamit sa buluhaton ug misyon sa Iglesia, Naghalad kita sa atong panahon, katigayunan ug kinitaan usab. Nagkalain man kini apan kinahanglan nga kining tanan bunga sa atong paghigugma Kaniya.

Diha sa atong texto, naghisgot kini bahin sa usa ka kabus nga balo nga naghalad sa templo. Daghan ang mga adunahan nga naghatag gikan sa sobra sa ilang mga bahandi, apan ang balo naghatag sa duha ka gamay nga sinsilyo nga kini mao iyang nakuha sa iyang panginabuhian. Dinhi gipakita ni Jesus ang tinuod nga kahulugan sa paghalad. Ang balo wala maghalad gikan sa sobra apan gikan sa tibuok niyang kasingkasing. Sa mata sa tawo, gamay lang ang iyang gihatag, apan sa mata sa Dios, kini mao ang labing bililhon nga halad tungod kay kini nagpakita sa iyang bug-os nga pagsalig ug pagtoo. Si Jesus nagpahinumdom nga ang paghalad dili sukdon sa kantidad, apan sa pagkamatinuoron ug pagkamatinugyanon sa kasingkasing.

Mga igsoon, gimandoan kita sa pagtan-aw sa atong tagsa-tagsa ka kaugalingon: Nagahatag ba kita gikan sa sobra lang, o gikan sa tinuod nga gugma ug pagsalig sa Dios? Gikan ba kaha na sa atong kasingkasing ang atong paghatag Kaniya ug sa iyang mga katawhan nga nanginahanglan? Ang tinuod nga pag-alagad ug paghalad makita sa atong kasingkasing nga andam mosalig ug magtuo nga ang Dios mao ang nagahatag ug nagapanalangin sa tanan. Busa maghalad kita nga kinasingkasing gayud.

Pangutana:

1. Giunsa nato pagpakita ang atong gugma ug pagsalig sa Dios pinaagi sa atong halad ug pag-alagad Kaniya?

18/09/2026

☀️ 𝓤𝓒𝓒𝓟 𝓜𝓪𝓪𝓼𝓲𝓷 𝓒𝓲𝓽𝔂 | 𝓓𝓪𝓲𝓵𝔂 𝓜𝓸𝓻𝓷𝓲𝓷𝓰 𝓓𝓮𝓿𝓸𝓽𝓲𝓸𝓷 🌿

This Morning Devotion Material came from our SWLC Pool of Writers (Pastors) and for the whole month of September it is written by Pastor Jan Cristian Lacay.

September 19, 2026

“Gahum Diha Sa Gugma Sa Dios”
Roma 8:31-39

Kita naluwas pinaagi sa Gahum sa Gugma sa Dios. Iyang gihatag ang iyang bugtong anak aron sa pagluwas kanato sa sala ug pagpadayag kanato sa kinabihi nga walay katapusan kauban niya. Pinaagi niini, aduna na kitay kalinaw ug paglaum nga matagamtaman diha sa atong mga kinabuhi.

Ang atong texto ang usa sa labing kusgan nga kapitulo nga naghatag og kalig-on ug paglaum pinaagi sa gugma sa Dios kanatong mga magtutuo. Si Pablo nagpahinumdom nga bisan unsay atong atubangon nga kalisod ug dangatan sa atong mga kinabuhi, wala nay makapabulag kanato gikan sa gugma sa Dios nga anaa diha kang pinaagi ni Cristo Jesus. Si Pablo nagpasalig: “Kon ang Dios uban kanato, kinsa may batok kanato?” (v. 31). Gipakita niya nga ang Dios mismo naghatag sa iyang Bugtong Anak alang kanato, busa unsa pa may dili niya ikahatag kanato? Bisan pa sa pagsulay, pag-antos, gutom, peligro o bisan kamatayon, giingon ni Pablo nga kita labaw pa kay sa tanan tungod sa gugma ni Cristo. Ang gugma sa Dios dili mabalhin ug dili maputol, bisan unsa pa ang asdangon ta diha sa atong mga kasinatian.

Ang hagit alang kanato mao ang pagpadayon sa pagtuo ug pagsalig sa Dios bisan pa sa kasakit ug kalisod. Kinahanglan dili kita mawad-an sa paglaum, tungod kay ang gugma ni Cristo mao ang atong kusog ug kalig-on. Kung magpabilin kita diha sa Iya, walay makapabulag kanato gikan sa Iyang dakong gugma.

Pangutana:

1. Nagsalig ba ikaw nga sa bisan unsang kalisod ug pagsulay, dili gyud ka biyaan sa Dios tungod sa walay makatupong nga gugma Niya?

17/09/2026

☀️ 𝓤𝓒𝓒𝓟 𝓜𝓪𝓪𝓼𝓲𝓷 𝓒𝓲𝓽𝔂 | 𝓓𝓪𝓲𝓵𝔂 𝓜𝓸𝓻𝓷𝓲𝓷𝓰 𝓓𝓮𝓿𝓸𝓽𝓲𝓸𝓷 🌿

This Morning Devotion Material came from our SWLC Pool of Writers (Pastors) and for the whole month of September it is written by Pastor Jan Cristian Lacay.

September 18, 2026

“Kaluy-an Kita sa Dios”
Salmo 79:1-9

Ang Salmo 79 usa ka pag-ampo sa katawhan sa Israel sa panahon nga guba ang ilang yuta ug giulipon sila sa ilang mga kaaway. Kini nagpakita sa hilabihan nga kasakit, kapakyasan, nga nisangpot sa pagpangayo ug tabang sa Dios. Sama kanila, aduna usab tay mga higayon nga mobati kita nga daw gipasagdan sa panahon sa kalisod ug sala. Usa kini ka dayag nga mga giatubang sa katawhan sa kaniadto ug bisan pa man karon.

Sa mga bersikulo 1-4, gipakita ang dakong kadaut: gilamoy sa mga kaaway ang templo, gilaglag ang Jerusalem, ug gihimong kataw-anan ang katawhan sa Dios. Unya nibalik ang mga Israelita sa pag-ampo: nangayo sila nga ang Dios magpatalinghog ug mopadayag sa Iyang kalooy, ug mopasaylo sa ilang mga sala. Nakita nato nga bisan taliwala sa kapakyasan ug silot, nagtuo gihapon sila nga ang kaluoy sa Dios mapadayag kanila kay tungod sa ilang pagsalig ug pagtuo Kaniya.

Ang hagit alang kanato mao ang pagkahinumdom nga bisan unsa pa ka dako ang atong sala o kalisod, adunay gihapon kaluoy ug kapasayloan diha sa Dios. Magmasaligon kita ug mutawag gayud kita sa Dios. Sa panahon sa atong kapakyasan, imbes nga magpabilin sa kasakit, kinahanglan moduol kita sa Dios ug mangayo sa Iyang pasaylo ug kaluwasan. Ang Dios nakakita gayud niining atong mga pag-antus, kahangawa ug kaluyahon.

Pangutana:

1. Imoha bang itugyan sa Dios ang imong kasakit ug sala, ug mosalig nga ang Iyang kalooy mas dako pa sa atong mga kapakyasan?

16/09/2026

☀️ 𝓤𝓒𝓒𝓟 𝓜𝓪𝓪𝓼𝓲𝓷 𝓒𝓲𝓽𝔂 | 𝓓𝓪𝓲𝓵𝔂 𝓜𝓸𝓻𝓷𝓲𝓷𝓰 𝓓𝓮𝓿𝓸𝓽𝓲𝓸𝓷 🌿

This Morning Devotion Material came from our SWLC Pool of Writers (Pastors) and for the whole month of September it is written by Pastor Jan Cristian Lacay.

September 17, 2026

“Matuod nga Pagsunod”
Lucas 22:54-62

Aduna kitay nagkadaiyang mga kahuyangon sa atong Kristohanon nga kinabuhi. Nga muhimo kanato sa pagpakasala ug pagdili pasunod sa kabubut-on sa Dios.

Ang kinabuhi ni Pedro usa ka hulagway sa usa ka tawo nga tinuod nga nagasunod kang Jesus apan adunay mga kahuyang. Sa Lucas 22:54-62, makita nato ang kahimtang sa dihang si Jesus gidakop ug gidal-a sa labawng sacerdote. Si Pedro, nga nailang maisugon ug masaligon, nasulayan pag-ayo sa iyang pagtuo ug kaisog niini nga sitwasyona. Diha sa pagdala ni Jesus sa hukuman, samtang nagasunod si Pedro sa layo, nakaila kaniya ang pipila ka tawo ug giingnan nga siya usa sa mga kauban ug sumunod ni Jesus. Apan tulo ka beses niya kini gilimod Human sa ikatulong paglimod, ang manok mitugaok sumala sa gisulti ni Jesus kaniya. Unya milingi si Jesus ug nagtutok kang Pedro, ug sa diha-diha dayon, namatikdan ni Pedro ang iyang sala ug mihilak siya pag-ayo. Kini nga bahin nagpakita nga bisan ang labing suod ug masaligon nga tinun-an, mahimong mahulog sa kahuyang. Apan ang mga luha ni Pedro nagpasabot sa tinuod nga paghinulsol ug pag-ila sa iyang kapakyasan. Ang kaluoy ni Jesus nagpabilin, ug kini naghatag ug kahigayonan kang Pedro sa pagbangon pag-usab.

Ang atong pagtuo usahay masulayan pinaagi sa kahadlok ug kahuyang. Sama kang Pedro, makalimod kita sa atong pagkakristohanon sa pulong o sa buhat man. Apan ang hagit mao nga kung mapakyas kita, maghinulsol ug mobalik gayud kita sa presensya ni Kristo, nga nagtan-aw kanato dili aron silotan, apan aron pasayloon ug pagabuhaton pag-usab. Mao kini ang atong hagit, nga matuod ka nga sumosunod ni Kristo ug mapadayonon ka sa imong kinabuhi , bisan man maluya, sa unsa man nga sitwasyon o pamaagi, basta kinasingkasing nga pagdool ug pagbalik kaniya

Pangutana:

1. Giunsa nato pag-atubang ang atong kahuyang sa dihang masulayan kita sa atong pagtuo?

15/09/2026

☀️ 𝓤𝓒𝓒𝓟 𝓜𝓪𝓪𝓼𝓲𝓷 𝓒𝓲𝓽𝔂 | 𝓓𝓪𝓲𝓵𝔂 𝓜𝓸𝓻𝓷𝓲𝓷𝓰 𝓓𝓮𝓿𝓸𝓽𝓲𝓸𝓷 🌿

This Morning Devotion Material came from our SWLC Pool of Writers (Pastors) and for the whole month of September it is written by Pastor Jan Cristian Lacay.

September 16, 2026
“Tawag sa Paghinulsol”
Jonas 3:1-10

Ang libro ni Jonas mao ang usa ka istorya sa tawag sa Dios ug sa kaluoy nga Iyang gihatag bisan sa mga tawo nga dautan. Human sa paglikay ni Jonas sa unang tawag sa Dios, gihatagan gihapon siya ug ikaduhang higayon aron ipadayag ang mensahe sa mga taga Nineve.

Sa Jonas 3:1-10, atong mabasa nga siya misanong sa tawag sa Dios ug nagwali sa katawhan sa Nineveh. Diha sa iyang pagsangyaw, nadasig ang mga katawhan sa pulong sa Dios, ug silang tanan nalamdagan niini ug nagbunga sa pag-ila sa ilang kaugalingon nga kinahanglan magbag-o ug maghinulsol. Gipadayag nila and ilang paghinulsol dili lang sa pulong apan makita sa ilang buhat. Nagpa-ubos sila, nagsul-ob og sako, ug naningkamot nga talikdan ang daotan. Bisan ang ilang hari niila usab sa Dios nga gipadayag ni Jonas kanila. Tungod niini, ang Dios nagpakita sa Iyang dakong kalooy ug wala niya ipadayon ang silot nga Iyang giplano.

Ang atong kinabuhi karon sama sa Nineve nga puno sa mga kalapasan ug kakulang diha sa pagtuo ug buhat. Apan sama sa Nineve, ang Dios naghatag gihapon ug kahigayonan nga makabalik kita Kaniya. Naghatag gihapon sa kahigayonan sa matag kinabuhi nato matag adlaw ug panahon dinha sa atong pagbag-o ug pagkinabuhi nga uyon sa iyang kabubot-on. Ang hagit mao nga dili lang ta maminaw sa pulong sa Dios, kun dili, ato kini nga ikinabuhi, maghinulsol ug magbag-o sa atong dalan. Bisan unsa ka dako ang sala, mas dako ang kaluoy sa Dios. Busa huptan kini nato nga pasalig Niya.

Pangutana:

1. Andam ba ta maminaw ug maghinulsol dayon kung tawgon ta sa Dios? Nagpuyo ba kita nga adunay mahinulsolon nga kasingkasing?

2. Giunsa man nimo pagtubag ang tawag sa Dios kanimo?

14/09/2026

☀️ 𝓤𝓒𝓒𝓟 𝓜𝓪𝓪𝓼𝓲𝓷 𝓒𝓲𝓽𝔂 | 𝓓𝓪𝓲𝓵𝔂 𝓜𝓸𝓻𝓷𝓲𝓷𝓰 𝓓𝓮𝓿𝓸𝓽𝓲𝓸𝓷 🌿

This Morning Devotion Material came from our SWLC Pool of Writers (Pastors) and for the whole month of September it is written by Pastor Jan Cristian Lacay.

September 15, 2026
“Ang Kaluoy ug Paghukom sa Dios”
Amos 7:1-6

Sa Amos 7:1-6, gipakita ni Amos ang kalooy ug paghukom sa Dios. Ang propeta nagpakita sa duha ka panan-awon diin nagpadayag ang Dios sa Iyang disiplina batok sa sala sa Israel, apan usab sa Iyang kaayo sa mga matarung. Sa unang panan-awon, gipakita ang daghang kalayo nga nagbuto tungod sa kadaotan sa katawhan. Sa ikaduhang panan-awon, ang Dios naghunahuna sa pag-usab sa Iyang hukom tungod sa pag-ampo ni Amos—nagpaila nga ang Dios andam modungog sa tinuod nga paghinulsol ug pag-ampo.

Kini nagpahinumdom kanato nga bisan pa sa atong sala, andam ang Dios maminaw ug mohatag og kahigayonan sa pagbag-o kung tinuod ang atong paghinulsol. Ang katarungan sa Dios dili lang magpasipala sa daotan, apan nagapakita usab sa kahayag sa paglaum alang sa mga matinud-anon. Ang angay buhaton natong mga katawhan sa Dios nga kinahanglan nga muduol kita sa Ginoo nga mapaubsanon ug mahinulsolon nga kinabuhi ug magmaputli gayud kita sa pagduol kaniya. Usa siya ka Dios sa hustisya maong bisan man Dios siya sa kaluoy ug gugma, muhukom gayud siya sa mga katawhan nga nagmasupilon sa pagsunod sa iyang kabubut-on ug nagpuyo nga dili uyon dinha sa kamatuoran.

Mga Igsoon, ato kining hinumdoman kanunay nga ang Dios nagalantaw kanato sa matag-takna sa atong kinabuhi. Magmatngon kita ug magbinantayon sa atong mga buhat. Ipadayon nato ang panaghigugmaay ug panagsandurotay kay ang Dios mahimuot niini ug madayag gayud sa iyang kaluoy ug pag-amoma ug mohukom pinaagi sa atong mga buhat.

Pangutana:

1. Giunsa nato pagdala sa atong sala ngadto sa Dios ug giunsa nato pagpangayo sa Iyang kalooy ug giya sa atong kinabuhi karon?

13/09/2026

☀️ 𝓤𝓒𝓒𝓟 𝓜𝓪𝓪𝓼𝓲𝓷 𝓒𝓲𝓽𝔂 | 𝓓𝓪𝓲𝓵𝔂 𝓜𝓸𝓻𝓷𝓲𝓷𝓰 𝓓𝓮𝓿𝓸𝓽𝓲𝓸𝓷 🌿

This Morning Devotion Material came from our SWLC Pool of Writers (Pastors) and for the whole month of September it is written by Pastor Jan Cristian Lacay.

September 14, 2026

“Sama Sa Usa Ka Bata”
Mateo 18:1-8

Usa ka pastor nga Si James Wallace , ,miingon “To be truly great in life, seek to be least” “To be Great , Be the least”

Sa Mateo 18:1-5, nangutana ang mga tinun-an kang Jesus: “Kinsa ang labing dako sa gingharian sa langit?”. Ingon ang ubang mga biblical scholars nga usa kini ka rhetorical nga pangutana sa mga tinu-an. Ang ilang panghunahuna nagtan-aw sa kadako sumala sa kalibutan—gahum, dungog, ug posisyon. Apan si Jesus gikuha ang usa ka bata ug gibutang sa taliwala nila, ug miingon nga ang mahimong dako sa gingharian sa Dios makita sa pagkamapainubsanon, pagkamaunongon, ug pagtuo nga walay pagduha-duha, sama sa usa ka bata. Kinahanglan nga mag-alagad gayud ka sa tanan.

Bisan ang Bibliya nagpadayag kanato sa matuod nga pagpangalagad o mga alagad sa Diyos nga ang pagkamapainubsanon, sama ni propeta Isaias , Moses, Noah ug uban pa nga nagpainubsanon diha sa ilang pagpangalad sa Ginoo. Mao kini hagit nato isip mga katawhan sa Dios niining panahona. Magmatngon kita sa atong mga buhat ug mga lihok nga bunga ba kini sa gugma nga muhatud nato sa pagbuhat nga uyon sa iyang kabubut-on. Magpaubsanon diha sa pagpangalagad. Dili man kini nagpadayag nga “maluya” o “passive” nga lakang apan magmaisugon dinha sa pagbarog sa kamatuoran.

Kini nagpahinumdom kanato nga ang tinuod nga kadako dili sukdon sa atong ranggo o dungog, kondili sa atong kasingkasing nga andam mopaubos, modawat sa uban, ug mosalig sa Dios. Ang sama kanila mao ang yawi sa pagkinabuhi nga malipayo ug matul-id sa atubangan sa Dios.

Pangutana:

1. Giunsa nato pagkinabuhi ang atong pagtuo nga mapainubsanon ug andam moalagad sa uban sama sa gitudlo ni Jesus?

12/09/2026

☀️ 𝓤𝓒𝓒𝓟 𝓜𝓪𝓪𝓼𝓲𝓷 𝓒𝓲𝓽𝔂 | 𝓓𝓪𝓲𝓵𝔂 𝓜𝓸𝓻𝓷𝓲𝓷𝓰 𝓓𝓮𝓿𝓸𝓽𝓲𝓸𝓷 🌿

This Morning Devotion Material came from our SWLC Pool of Writers (Pastors) and for the whole month of September it is written by Pastor Jan Cristian Lacay.

September 13, 2026

Ang Matuod nga Magbalantay”
Juan 10:11-21

Diha sa mga sulat, mga storya ug mga sambingay, nganong kasagaran nga gamiton nga illustrayon mao ang magbalantay sa Karnero? Sa panahon sa Israel, ang magbalantay sa karnero usa ka pinakasimple ug kasagarang panginabuhian. Daghan sa mga tawo makarelate niini. Sama ni Abraham, Jacob, Moses, ug si Haring David nga gipadayag sa bibliya nga sila mga magbalantay sa karnero.Ang mga Israelita kasabot kaayo sa kinabuhi sa usa ka magbalantay, mao nga dali nila masabtan kung gamiton kini nga hulagway.

Diha sa atong texto karon, si Jesus nagpaila nga ilustrasyon Siya ang Maayong Magbalantay. Ang tinuod nga magbalantay andam maghalad sa iyang kinabuhi alang sa mga karnero, dili sama sa usa ka tawo nga bayaran lang ug mobiya kung naay peligro. Dinhi makita nato ang dako kaayong gugma ni Jesus alang sa tanang tawo—usa ka gugma nga nagahulagway sa sakripisyo sa krus ug pag-alagad sa tanang tawo, babaye man o lalaki, balo man, masakiton man, kaaway man, walay babag diha sa iyang pagpadayag sa tanan. Diha sa texto gipadayag nga “Ang Iyang mga karnero nakaila sa Iyang tingog ug misunod Kaniya”. Nagpasabot kini nga kita, ingon nga magtutuo, kinahanglan maminaw sa tingog ni Cristo ug mosunod sa Iyang kabubut-on, bisan kung lisod o makalisang ang atong agianan. Ang uban wala mosabot ug misupak, apan ang mga matinud-anon nga nagtuo makadawat sa kamatuoran ug sa kinabuhi nga walay katapusan.

Pangutana:

1. Giunsa nato pagkaila ug pagtubag sa tingog sa Maayong Magbalantay sa atong adlaw-adlaw nga kinabuhi?

UCCP Maasin City Church

21/09/2026

20/09/2026

19/09/2026

18/09/2026

17/09/2026

16/09/2026

15/09/2026

14/09/2026

13/09/2026

12/09/2026

Address

Opening Hours

Website

Alerts

Contact The Place Of Worship

Shortcuts

Share

Category

Listing takedown request

Monday	8am - 5pm
Tuesday	8am - 5pm
Wednesday	8am - 9pm
Thursday	8am - 5pm
Friday	8am - 5pm
Saturday	9am - 5pm
Sunday	9am - 3pm