San Sebastian the Martyr Chapel

24/01/2026

✨️Bakit May Lupi ng Kapistahan ni San Sebastian?✨️

Ang salitang “Lupi” ay nangangahulugang pagtutupi o pagtatapos ng pagdiriwang. Ang Kapistahan ni San Sebastian ay ipinagdiriwang ng buong Simbahan tuwing ika-20 ng Enero. Sa bisperas ng kapistahan, tuwing ika-19 ng Enero, isinasagawa ng mga taga-Lumban ang tradisyunal na “Paligong P**n” bilang hudyat ng pagsisimula ng Pistang Bayan.

Nagsisimula ang pagdiriwang sa pamamagitan ng Banal na Misa sa Kapilya ni San Sebastian sa Ilaya. Pagkatapos nito, inililipat ang imahe ng patron patungo sa Simbahan ng Lumban sa pamamagitan ng pagpuprusisyon. Bahagi ng ritwal ang pagpaligo sa imahe at mga deboto sa ilog, bago ito ipagpuprusisyon sa lupa patungong simbahan bilang paghahanda sa kapistahan.

Dahil kilala ang mga taga-Lumban sa kanilang bukas-palad na pagtanggap at pag-aasikaso sa mga bisita, marami sa kanila ang abala sa paghahanda para sa kapistahan kinabukasan. Dahil dito, kakaunti lamang ang nakakadalo sa Paligong P**n.

Upang mabigyan ng pagkakataon ang lahat na makiisa, inuulit ng mga taga-Lumban ang Paligong P**n tuwing huling Linggo ng Enero. Ito ang nagiging hudyat ng pagtatapos o paglulupi ng Kapistahan ni San Sebastian. Nagsimula ang selebrasyon bilang isang lokal na tradisyon, ngunit kalaunan ay lumawak at naging isa sa pinakamalaking pagdiriwang sa bayan ng Lumban na maging ang mga taga-ibang bayan ay nakikiisa na rin.

Sa kasalukuyan, ang Lupi ay isa sa mga pinakamasayang pagdiriwang sa bayan ng Lumban at dinadaluhan ng libo libong deboto. 💦🥳🎉

Viva San Sebastian!

📆 Last Sunday of January
📍Lumban, Laguna

21/01/2026

LUPI NG KAPISTAHAN 2026

Bilang pagwakas ng pagdiriwang ng Ika-448 na Taong Pistang Bayan at Dakilang Kapistahan ni San Sebastian, tradisyon sa ating bayan tuwing Huling Linggo ng Enero ang Lupi o pagtutupi ng nobenaryo ng nagdaang kapistahan.

Sa kasalukuyang taon, ang nasabing gawain ay isasagawa sa ika-25 ng Enero. Ang mga Misa Triduo ay gaganapin sa San Sebastian Chapel tuwing ganap na ika-7 ng gabi. Nasa larawan ang listahan ng mga iral na Barangay para sa tatlong araw na ito.

Conrad "Dondon" Oades at Pamilya
Hermano Mayor sa Lupi ng Kapistahan 2026

VIVA SAN SEBASTIAN!

LUPI NG KAPISTAHAN 2026

Bilang pagwakas ng pagdiriwang ng Ika-448 na Taong Pistang Bayan at Dakilang Kapistahan ni San Sebastian, tradisyon sa ating bayan tuwing Huling Linggo ng Enero ang Lupi o pagtutupi ng nobenaryo ng nagdaang kapistahan.

Sa kasalukuyang taon, ang nasabing gawain ay isasagawa sa ika-25 ng Enero. Ang mga Misa Triduo ay gaganapin sa San Sebastian Chapel tuwing ganap na ika-7 ng gabi. Nasa larawan ang listahan ng mga iral na Barangay para sa tatlong araw na ito.

Conrad "Dondon" Oades at Pamilya
Hermano Mayor sa Lupi ng Kapistahan 2026

VIVA SAN SEBASTIAN!

14/01/2026

PISTANG BAYAN 2026

Sa ika-20 ng Enero ay ating gugunitain ang Ika-448 na Taong Pistang Bayan ng Lumban at ang Dakilang Kapistahan ng ating Mahal na Patrong si San Sebastian. Sa pamamagitan ng kanyang pagkamartir para sa pananampalataya, narito tayo upang siya ang maging daluyan natin sa Diyos at maging ating tanggulan at pananggalang. Dahil dito, sama-sama natin siyang ipagdangal at bigyang-pagkilala sa kanyang natatanging halimbawa na siyang ating huwaran. Ito ay isasagawa sa pamamagitan ng mga gawaing pangliturhiya na nakalahad sa larawan sa ibaba.

Ang Kapistahang ito ay ating iaalay bilang isang Bayan at bilang pagpapakita ng pananampalataya, sa pangunguna ng Pamilya nina Bernardo at Milagros Rivera na siyang mga Hermano Mayor sa taong ito.

VIVA SAN SEBASTIAN!

PISTANG BAYAN 2026

Sa ika-20 ng Enero ay ating gugunitain ang Ika-448 na Taong Pistang Bayan ng Lumban at ang Dakilang Kapistahan ng ating Mahal na Patrong si San Sebastian. Sa pamamagitan ng kanyang pagkamartir para sa pananampalataya, narito tayo upang siya ang maging daluyan natin sa Diyos at maging ating tanggulan at pananggalang. Dahil dito, sama-sama natin siyang ipagdangal at bigyang-pagkilala sa kanyang natatanging halimbawa na siyang ating huwaran. Ito ay isasagawa sa pamamagitan ng mga gawaing pangliturhiya na nakalahad sa larawan sa ibaba.

Ang Kapistahang ito ay ating iaalay bilang isang Bayan at bilang pagpapakita ng pananampalataya, sa pangunguna ng Pamilya nina Bernardo at Milagros Rivera na siyang mga Hermano Mayor sa taong ito.

VIVA SAN SEBASTIAN!