San Sebastian Parish - Lumban, Laguna

20/08/2026

17/08/2026

16/08/2026

16 AGOSTO | Paggunita kay San Roque, Patron ng Barangay Balimbingan at Balubad

PANALANGIN KAY SAN ROQUE

O Dakilang San Roque, ipag-adya mo kami,
idinudulog namin mula sa awa ng Diyos;
Sa pamamagitan mo, maiangat nawa ng aming mga katawan sa mga nakakahawang sakit, at ang aming mga kaluluwa sa nakamamatay na kasalanan.

Alalayan mo kami na magamit ng tama ang aming kalusugan at batahin ang mga paghihirap ng may tiyagal; at sa pamamagitan ng iyong halimbawa ay amin din tamasahin ang kaligayahang iyong nakamit sa bisa ng iyong mabuting kaugalian.

Gamot, biyaya ng langit sa lahat ng sakit nasa iyo, mahal na San Roque, mediko sa alinmang salot at karamdaman. (Tahimik na ipanalagin sandali ang sariling kahilingan)

O Mahal na Patrong San Roque, ipanalangin mo kami.

15/08/2026

BANAL NA MISA | Ika-20 Linggo sa Karaniwang Panahon | 16 Agusto 2026

Punong Tagapagdiwang; Rev. Fr. Edilberto G. Mesias, M.F.

No copyright infringement intended.

15/08/2026

15 AGOSTO | Dakilang Kapistahan ng Pag-akyat sa langit ng Mahal na irhen Maria, Kaluluwa at Katawan

Punong Tagapagdiwang: Rev. Fr. Ricardo Basquinez

No copyright infringement intended.

15/08/2026

15 AGOSTO | Dakilang Kapistahan ng Pag-aakyat sa langit sa Mahal na Birhen Maria, Kaluluwa at Katawan

MABUTING BALITA
Lucas 1, 39-56

Si Maria’y nagmamadaling pumunta sa isang bayan sa kaburulan ng Juda. Pagdating sa bahay ni Zacarias, binati niya si Elisabet. Nang marinig ni Elisabet ang bati ni Maria, naggagalaw ang sanggol sa kanyang tiyan. Napuspos ng Espiritu Santo si Elisabet, at buong galak na sinabi, “Pinagpala ka sa mga babae, at pinagpala rin ang dinadala mo sa iyong sinapupunan! Sino ako upang dalawin ng ina ng aking Panginoon? Sapagkat pagkarinig ko ng iyong bati ay naggagalaw sa tuwa ang sanggol sa aking tiyan. Mapalad ka sapagkat nanalig kang matutupad ang ipinasabi sa iyo ng Panginoon!”

At sinabi ni Maria,
“Ang puso ko’y nagpupuri sa Panginoon,
at nagagalak ang aking Espiritu dahil sa Diyos na aking Tagapagligtas.
Sapagkat nilingap niya ang kanyang abang alipin!
At mula ngayon, ako’y tatawaging mapalad ng lahat ng salinlahi,
dahil sa mga dakilang bagay na ginawa sa akin ng Makapangyarihan —
Banal ang kanyang pangalan!
Kinahahabagan niya ang mga may takot sa kanya, sa lahat ng sali’t saling lahi.
Ipinakita niya ang lakas ng kanyang mga bisig, pinangalat niya ang mga palalo ang isipan. Ibinagsak niya ang mga hari mula sa kanilang trono, at itinaas ang mga nasa abang kalagayan. Binusog niya ng mabubuting bagay ang mga nagugutom,
at pinalayas niyang wala ni anuman ang mayayaman. Tinulungan niya ang kanyang bayang Israel, bilang pagtupad sa pangako niya sa ating mga magulang, kay Abraham
at sa kanyang lahi, magpakailanman!”
Tumira si Maria kina Elisabet nang may tatlong buwan, at saka umuwi.

Ang Mabuting Balita ng Panginoon.

14/08/2026

TINGNAN |

Ika-11 ng Agosto 2026 - Pagdirawang ng Kapistahan ni Santa ng Clara ng Assisi sa ikalawang araw ng pagdalaw ng relikya ni San Francisco ng Assisi .

Isinagawa ang Banal na Oras na sinundan ng Banal na Misa alay ng mga samahang pangsimbahan sa pangunguna ni Rdo. Pdr. Ricardo B. Basquiñez, M.F., Kura Paroko.

Matapos ang Banal na Misa ay ginanap ang maringal na prusisyon sa bayan kasama ang imahen nina Santa Clara, at Santa Filomena at ang Pilgrim Relic ni San Francisco ng Assisi.

Ang pagdiriwang ay naging payak at makabuhulan. Sa pamamagitan ng sama sama at taimtim na pananalangin sa kanilang pamamagitan ay tumila ang ulan bago magsimula hanggang matapos ang prusisyon. Patunay ito na walang imposible sa Panginoon at siya ay lagi sa ating piling.

14/08/2026

14 Agosto | Paggunita kay San Maximiliano Kolbe, Pari at Martir

Panalangin

O Panginoong Hesus sinabi Mo, “Wala ng mas hihigit pa sa pag-big na kayang ibigay ang sariling buhay sa kanyang kapwa” sa pamamagitan ni San Maximilian Kolbe, na ang buhay ay inilarawan ng ganoong pag-ibig, nagsusumamo kami na dinggin mo ang aming mga panalangin. (Banggitin ang kahilingan.)

Sa pamamagitan ng samahan na itinalaga para sa Immaculada, na itinatag ni San Maximilian, ipinalaganap niya ang debosyon sa Mahal na Birheng Maria sa mundo. Lubusan niyang itinalaga ang kanyang sarili sa mga estranghero at mga taong nagpapasakit sa kanya, halimbawa ng hindi makasariling pagmamahal sa kapwa, pagmamahal na tunay na bunga ng pamimintuho kay Maria.

Ipagkaloob Mo, O Panginoong Hesus, na mailaan din namin ng lubusan ang aming mga sarili ng walang pag-aalinlangan at tunay na makapaglingkod sa Mahal na Birheng Maria upang mas ibigin at pagsilbihan naming ang aming kapwa sa pagtulad sa iyong lingkod na si San Maximilian. Amen.

San Maximiliano Maria Kolbe, Ipanalangin mo kami.

12/08/2026

TINGNAN |

Ang sambayanan ng Diyos sa Lumban ay maringal na sinalubong ang relikya ng ating Pintakasi at Amang Serapikong si San Francisco ng Assisi. Sa pamamagitan ng banda ng musiko at mataimtim na panalangin ng pagtanggap, ay mainit na naipakita ang matimyas na debosyon at pananalig sa Panginoon sa kanyang pamamagitan.

Matapos ang panalangin ng pagtanggap ay isinagawa ang prusisyon patungo sa simbahan na puno ng banal na kagalakan at paggalang. Ang daan ay tila napabanal sa kanyang pagdaan, at ang buong pagtitipon ay nagpatuloy sa pagdiriwang ng Banal na Misa upang lalong mapagtibay ang ating pananampalataya sa Diyos.

11/08/2026

Martes ng Ika-19 na Linggo sa Karaniwang Panahon

No copyright infringement intended.