Lingkod ng Dambana - Lumban

17/08/2026

Taas ang dalawang kamay ko sa inyo mga kuya ko 🙌🏼 Reyben Dimaguila Jhyroll Maravilla

17/08/2026

SERVIRE: Paglilingkod sa Diyos, Pagkalinga sa Kapwa.

Isang matagumpay at makabuluhan na araw.

Sa pamamagitan ng simpleng pagtutulungan at pagbabahagi, naging makabuluhan ang ating araw ng paglilingkod at pagkalinga sa ating mga kapwa kabataan.

Mula sa bumubuo ng samahan at pamunuan ng Lingkod Ng Dambana sa Parokya ni San Sebastian Martir - Lumban, kami ay taos pusong nag papasalamat sa lahat ng tumulong at naging bahagi ng munting programang ito. Nawa’y patuloy tayong maging instrumento ng pagmamahal at paglilingkod sa ating kapwa at sa Diyos.

Tandaan natin lagi na ang pinaka magandang maipapamana na iiwan natin dito sa ating samahan ay hindi ang ating mga tagumpay, kundi ang mga buhay na ating natulungan at pagmamahal na ating naibahagi.

Patuloy tayong maglingkod, magmahal, at kumalinga.

17/08/2026

MAGDIWANG BAYAN NG DIYOS!

Sa darating na ika-30 ng Agosto, taong kasalukuyan sa ganap na ika-8 ng umaga ay gaganapin ang PAGBIBIHIS AT PAGTATALAGA sa mga bagong kasapi ng LINGKOD NG DAMBANA.

Sa patuloy na paglago ng pananampalataya ng mga kabataan, ating saksihan ang pagtatalaga sa labing syam na kabataan na nag nanais maging kasapi ng Lingkod ng Dambana at maging kaibigan ni Kristo.

Ito ay pangungunahan ng ating Kura Parako, Reb. P. Ricardo B. Basquiñez, M.F.

In Omnibus Amare et Servire Domino!

03/08/2026

SERVIRE: Paglilingkod sa Diyos, Pagkalinga sa Kapwa.

Ang tunay na paglilingkod ay hindi lamang ginagawa sa loob ng simbahan, kundi higit sa pamamagitan ng pagmamahal at paglingap sa ating kapwa kabataan.

Makiisa sa aming munting misyon na mag bahagi ng ngiti, pag-asa, at pagmamahal sa mga batang aming paglilingkuran. Sama-sama nating ipakita na sa simpleng pagtulong, nagiging daan tayo ng pagmamahal ng Diyos.

📅 August 15, 2026
⏰ Registration: 12:00NN | Program: 1:00PM - 5:00PM
📍 Brgy. Lewin - Reclaim Lumban, Laguna

Maraming salamat sa inyong suporta at panalangin. Kita-kits, mga kapatid! 🤍

TARA! MAGLINGKOD TAYO NG MAY PUSO AT KABABAANG LOOB.

22/07/2026

14/06/2026

OBITWARYO |

Malungkot ngunit may buong pananalig sa banal na kalooban ng Diyos, ipinababatid ng ating parokya ang pagpanaw ni +Rdo. Pdr. Elorde R. Demitillo, M.F., na tapat na naglingkod sa sambayanan ng Panginoon sa loob ng tatlumpu’t tatlong taon.

Nawa’y ipagkaloob ng Maykapal ang walang hanggang kapayapaan sa kanyang kaluluwa. Silayan nawa siya ng liwanag na hindi kumukupas, at makapagpahinga nang payapa sa piling ng Amang nasa langit. Ang kanyang tapat na paglilingkod ay mananatiling buhay at magiging alaala sa puso ng lahat ng kanyang pinaglingkuran.

Mga Anghel at mga Banal halina't samahan ang giliw naming pumanaw sa piling ng Poong Mahal Amen.

OBITWARYO |

Malungkot ngunit may buong pananalig sa banal na kalooban ng Diyos, ipinababatid ng ating parokya ang pagpanaw ni +Rdo. Pdr. Elorde R. Demetillo, M.F., na tapat na naglingkod sa sambayanan ng Panginoon sa loob ng tatlumpu’t tatlong taon.

Nawa’y ipagkaloob ng Maykapal ang walang hanggang kapayapaan sa kanyang kaluluwa. Silayan nawa siya ng liwanag na hindi kumukupas, at makapagpahinga nang payapa sa piling ng Amang nasa langit. Ang kanyang tapat na paglilingkod ay mananatiling buhay at magiging alaala sa puso ng lahat ng kanyang pinaglingkuran.

Mga Anghel at mga Banal halina't samahan ang giliw naming pumanaw sa piling ng Poong Mahal Amen.

09/06/2026

Pagbati!

Maligayang ika-15 na Taon ng Ordinasyon sa Pagkapari, Fr. Rick Rick!

Ang buong parokya ay taos-pusong nagpupuri at nagpapasalamat sa Diyos. Sa loob ng labinlimang taon, tinupad mo ang iyong bokasyon nang may wagas na katapatan at naging tapat na pastol sa iyong mga kawan. Ang inyong pamumuhay ay nagsisilbing maliwanag na patotoo ng dakilang pag-ibig ng Maykapal.

Dalangin namin ang patuloy na kalakasan ng iyong pangangatawan at linaw ng iyong pag-iisip. Nawa’y lalong mag-alab ang iyong puso sa paglilingkod at pagtupad ng iyong banal na tungkulin. Pagkalooban ka nawa ng Panginoon ng saganang pagpapala at pag-iingat sa iyong bokasyon.

10/05/2026

Pagbati ng isang Maligayang Kaarawan po, Fr. Ric!

Isang mapagpalang kaarawan po sa’yo. Maraming salamat po sa pagiging mabuting pastol sa aming parokya lalo’t higit sa aming samahan. Nawa’y mapuno ng kagalakan at biyaya ang iyong araw, at patuloy kayong gamitin ng Diyos upang maghatid ng mabuting balita at pagmamahal sa lahat.

𝐌𝐮𝐥𝐢, 𝐦𝐚𝐥𝐢𝐠𝐚𝐲𝐚𝐧𝐠 𝐤𝐚𝐚𝐫𝐚𝐰𝐚𝐧 𝐩𝐨, 𝐊𝐮𝐫𝐚!