Munting Sambayanang Kristiyano ng Brgy. San Antonio - Luisiana, Laguna

17/10/2025

𝗣𝗔𝗔𝗡𝗬𝗔𝗬𝗔 || Bilang tugon sa panawagan ng Catholic Bishops’ Conference of the Philippines (CBCP), hinihikayat ang mga mananampalataya na magsuot ng kulay puti tuwing Linggo ngayong Oktubre at Nobyembre at maglagay ng puting laso sa tahanan, simbahan, at pampublikong lugar bilang sagisag ng panalangin para sa pagbangon ng bansa sa gitna ng mga suliranin ng korapsyon at mga nagdaang kalamidad.

Ayon sa Circular No. 25-14 na inilabas nitong Sabado, sinabi ni Cardinal Pablo Virgilio David, Pangulo ng CBCP, na ang pagsusuot ng puting kasuotan at laso ay sumasagisag sa panawagan ng mga tao para sa transparency, accountability, at mabuting pamamahala.

Dagdag pa niya, ang gawaing ito ay nagpapahayag din ng panalangin na mawa­lan ng dungis at muling mabago ang ating bansa sa awa ng Diyos, at mailayo sa mga kalamidad.

“Hayaan nating maging sagisag ang ating mga puting kasuotan ng kadalisayang ating hinahangad — para sa ating bayan at sa ating mga puso. Nawa’y ang panahong ito ng panalangin at pagsisisi ay maghatid sa atin ng pag-asa, kagalingan, at muling pagpapanumbalik sa katotohanan at katarungan.” - Cardinal David

09/10/2025

PABATID || Para sa mga nagnanais humalik sa manto ng Mahal na Birhen, bukas ang ating parokya para sa lahat ng mananampalataya at deboto.

08/10/2025

Maligayang Kapistahan Bayan ng Luisiana!
Viva la Virgen!

"𝑶 𝑰𝒏𝒂 𝒏𝒈 𝑻𝒂𝒈𝒂𝒑𝒂𝒈𝒍𝒊𝒈𝒕𝒂𝒔, 𝒉𝒖𝒘𝒂𝒓𝒂𝒏 𝒌𝒂 𝒏𝒂𝒎𝒊𝒏𝒈 𝒍𝒂𝒉𝒂𝒕. 𝑺𝒂𝒏𝒅𝒊𝒈𝒂𝒏 𝒌𝒂 𝒏𝒈 𝒂𝒎𝒊𝒏𝒈 𝑩𝒂𝒚𝒂𝒏𝒈 𝑳𝒖𝒊𝒔𝒊𝒂𝒏𝒂 𝒂𝒏𝒈 𝒏𝒈𝒂𝒍𝒂𝒏."

Maligayang Kapistahan Bayan ng Luisiana!

Sa araw na ito, ipinagdiriwang natin ang taunang Pistang Bayan ng Luisiana, isang pagdiriwang na nakaugnay sa kasaysayan ng ating bayan at pati narin sa pagpaparangal sa ating dakilang patrona, Nuesta Señora del Rosario.

Ang Pistang Bayan tuwing Oktubre

Noong Oktubre 09, 1837, ipinagtibay ni Gobernador-Heneral Andres Garcia Camba ng Mataas na Pamahalaan ang isang dekreto na ginagawang Visita (isang uri ng maliit na pamayanan o baryo na sakop pa rin ng ibang bayan) ang mga baryo ng Nasunog de Majayjay (Ang tawag sa Luisiana noong hindi pa ito isng ganap na bayan) at ang iba pang kalapit na lugar. Doon, itinakda niya ang mga kondisyon upang maging isang ganap at malayang bayan ang Visita ng Nasunog de Majayjay. Kabilang dito ang pagtatayo ng simbahan, gusali ng pamahalaang bayan (tribunal), at paaralan (dating tinatawag na Escuela de Primera Enseñanza, ngayon ay Bonifacio Elementary School), pati na rin ang pagsasaayos ng mga bahay ayon sa pormat na itinakda sa Capitulo 83 ng mga Ordinansa ng Mabuting Pamahalaan (nakaparilya o grid pattern ang estilo ng mga kalye).

Sa paglipas ng mga taon, bagamat ang petsang ito ay hindi pa rin nalalayo sa liturhikal na kapistahan ng Mahal na Birhen ng Sto. Rosario tuwing Oktubre 7, nakaugalian nang ipagdiwang ang pistang Bayan tuwing Oktubre 9. Ang taunang paggunita sa pagdiriwang na ito ay hindi lamang isang uri ng kasiyahan kundi pasasalamat sa mga biyayang natamo sa lumipas na taon at sa pagpaparangal sa Mahal na Birheng Maria, ang Ina at patrona ng bayan, sa kanyang patnubay mula pa noong itinatatag ang bayan hanggang sa patuloy niyang pagkalinga sa kasalukuyan.

Mabuhay ang Birhen ng Rosario!

Source: Estrellado, G. R. C. (1989–1996). Documentos sobre la independencia civil y espiritual de Luisiana.

06/10/2025

𝐎𝐤𝐭𝐮𝐛𝐫𝐞 𝟕 - 𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧 𝐧𝐠 𝐒𝐚𝐧𝐭𝐨 𝐑𝐨𝐬𝐚𝐫𝐢𝐨

𝐌𝐚𝐛𝐮𝐡𝐚𝐲 𝐚𝐧𝐠 𝐁𝐢𝐫𝐡𝐞𝐧 𝐧𝐠 𝐒𝐭𝐨. 𝐑𝐨𝐬𝐚𝐫𝐢𝐨!

Halina't sama-samang ipagdiwang ang dakilang kapistahan ng ating patrona!

PANALANGIN SA MAHAL NA BIHREN NG STO. ROSARIO NG LUISIANA
O Butihing Ina ni Kristo, Korona ng mga Anghel at ng sangkatauhan, patrona, gabay at tanglaw ng Bayang Luisiana. Kaligayahan ng mga nalulumbay, sakdal awa't Pag-ibig at Ina naman namin kami'y lumalapit at sumasamo na kami'y iyong tulungan. Saklolohan mo po kami na magwagi sa lahat ng kasamaan at tukso nang sa gayon po ay maging marapat kaming tumanggap ng mga biyaya buhat sa kamay ng iyong Anak na aming Panginoong Hesukristo. Pagsumikapang gumawa ng mga kabutihan sa ikaliligtas ng aking kaluluwa sa oras ng aking kamatayan.
Ina naming matamis at maawain; igawad mo rin po sa amin ang kagalingan, kapayapaan at katahimikan ng mga binyagan sa aming bayang iyong pinapatnubayan.
Sa ilalim nang iyong pag-aampon kami ay sumisilong, Santa Maria Ina ng Diyos at Reyna ng Banal na Rosaryo, huwag na 'di mo dinggin ang aming mga daing sa kagipitan namin, bagkus nga'y iligtas mo kami sa lahat ng panganib, aba maluwalhati't mapalad na Birhen. Siya nawa.

Mahal na Birhen ng Santo Rosaryo, Pintakasi at Tagapangalaga ng Bayang Luisiana, Ipanalangin mo po kami.

𝐌𝐚𝐛𝐮𝐡𝐚𝐲 𝐚𝐧𝐠 𝐈𝐧𝐚 𝐧𝐠 𝐃𝐢𝐲𝐨𝐬!
Viva Santos Domingo y Francisco!

27/09/2025

BUKAS NA!
Ang simula ng Nobenaryo sa karangalan ng ating dakilang patrona, Nuestra Señora del Rosario de Luisiana! Halina at sama-samang parangalan ang Mahal na Birheng Maria, ang Reyna ng Santisimo Rosario. Magkita-kita po tayo simula bukas Setyembre 28 hanggang Oktubre 6 sa ganap na ika-3 ng hapon para sa Nobena, Misa at Prusisyon.

Mabuhay ang Birhen ng Santo Rosario!
Viva Santos Domingo y Francisco!

27/09/2025

𝐅𝐢𝐞𝐬𝐭𝐚 𝐃𝐞𝐥 𝐒𝐚𝐧𝐭𝐨 𝐑𝐨𝐬𝐚𝐫𝐢𝐨 𝟐𝟎𝟐𝟓

Mabuhay ang Birhen ng Rosario!

MASDAN: Ang talaan ng mga oras ng Misa Novenario sa karangalan ng ating patrona, Nuestra Señora del Rosario. Halina at sama-samang parangalan ang ating Mahal na Ina sa pamamagitan ng pagdedebosyon sa kanya at sa pagpapasalamat sa mga biyaya at pagkalinga sa ating bayang Luisiana.

Inaanyayahan po ang lahat na makiisa sa mga nakahandang gawain ng ating parokya bilang parangal sa ating Mahal na Ina ngayong ika-171 na taong pagdiriwang ng ating kapistahan!

Viva La Virgen del Rosario!
Viva Sts. Domingo y Francisco!

21/09/2025

𝐅𝐢𝐞𝐬𝐭𝐚 𝐃𝐞𝐥 𝐒𝐭𝐨. 𝐑𝐨𝐬𝐚𝐫𝐢𝐨 𝟐𝟎𝟐𝟓

Mabuhay ang Birhen ng Rosario!
Halina't ipagdiwang ang kapistahan ng ating dakilang patrona, Nuestra Señora Del Rosario!
Sa muling pagsapit ng dakilang kapistahan ng ating pintakasi, ating ipagdiwang ang kanyang maka-inang pagkandili sa ating bayang Luisiana. Ang kanyang presensya sa ating bayan magmula pa noon ay isang patunay ng dalisay niyang pagmamahal sa atin.
Sa bawat pag-usal ng rosario, itaas natin sa kanya ang ating mga puso upang maipagkaloob sa atin ang katagumpayan sa ating mga pakikipaglaban sa mga hamon ng buhay.
Kaya't sa darating na Setyembre 28, 2025 sisimulan ang nobenaryo sa karangalan ng ating Mahal na Ina hanggang sa ika-6 ng Oktubre. Halina't makiisa sa pagpaparangal kay Maria, ang reyna ng Santissimo Rosario, ang dakilang patrona ng bayang Luisiana!

"Ang Araw ay sumaya ng matamis na ligaya,
Dasalin ng buong sinta ang Rosaryo ni Maria!"

Viva La Virgen del Sto. Rosario de Luisiana!
Viva Santos Domingo y Francisco!

𝐅𝐢𝐞𝐬𝐭𝐚 𝐃𝐞𝐥 𝐒𝐭𝐨. 𝐑𝐨𝐬𝐚𝐫𝐢𝐨 𝟐𝟎𝟐𝟓

Mabuhay ang Birhen ng Rosario!
Halina't ipagdiwang ang kapistahan ng ating dakilang patrona, Nuestra Señora Del Rosario!

Sa muling pagsapit ng dakilang kapistahan ng ating pintakasi, ating ipagdiwang ang kanyang maka-inang pagkandili sa ating bayang Luisiana. Ang kanyang presensya sa ating bayan magmula pa noon ay isang patunay ng dalisay niyang pagmamahal sa atin.

Sa bawat pag-usal ng rosario, itaas natin sa kanya ang ating mga puso upang maipagkaloob sa atin ang katagumpayan sa ating mga pakikipaglaban sa mga hamon ng buhay.

Kaya't sa darating na Setyembre 28, 2025 sisimulan ang nobenaryo sa karangalan ng ating Mahal na Ina hanggang sa ika-6 ng Oktubre. Halina't makiisa sa pagpaparangal kay Maria, ang reyna ng Santissimo Rosario, ang dakilang patrona ng bayang Luisiana!

"Ang Araw ay sumaya ng matamis na ligaya,
Dasalin ng buong sinta ang Rosaryo ni Maria!"

Viva La Virgen del Sto. Rosario de Luisiana!
Viva Santos Domingo y Francisco!

19/09/2025

The Diocese of San Pablo supports the call for the end of corruption in the government through the September 21 “A Trillion Peso March” at the EDSA People Power Monument.

17/09/2025

06/09/2025

Viva La Virgen

03/09/2025

Halina't makiisa sa padedebosyon ngayong unang Sabado ng buwan ng Setyembre alay sa Mahal na Birheng Maria ang reyna ng Santisimo Rosario, patrona at tagapangalaga ng bayang Luisiana!

Setyembre 6, 2025
5:00AM - Prusisyon sa pagbubukang-liwayway patungong Via Rosarii
6:00AM - Banal na Misa

21/07/2025

𝐇𝐮𝐥𝐲𝐨 𝟐𝟐 - 𝐊𝐚𝐩𝐢𝐬𝐭𝐚𝐡𝐚𝐧 𝐧𝐢 𝐒𝐭𝐚. 𝐌𝐚𝐫𝐢𝐚 𝐌𝐚𝐠𝐝𝐚𝐥𝐞𝐧𝐚

PANALANGIN
Sta. Maria Magdalena, halimbawa ka ng taos pusong pagsisisi at pagsasa-ayos ng buhay. Nang magbalik-loob ka ay naging mapagmahal at tapat na alagad ka ni Hesus. Salamat po sa iyong pagsaksi na si Hesus ay muling nabuhay at siyang Diyos na mapagpatawad at mapagmahal. Ngayong ikaw ay nasa walang hanggang kaligayahan sa kanyang maluwalhating presensya, ipinakiki-usap ko po na inyong ipamagitan, ako na isang mahina at makasalanan, upang dito at sa buhay sa kabila, si Hesus na mahal ang aking maging buhay at dahilan.

Santa Maria Magdalena, ipanalangin mo kami!