Munting Sambayanang Kristiyano - MSK ng San Buenaventura, Luisiana, Laguna

27/05/2026

20/05/2026

𝐈𝐭𝐨𝐧𝐠 𝐛𝐮𝐥𝐚𝐤𝐥𝐚𝐤 𝐧𝐚 𝐚𝐦𝐢𝐧𝐠 𝐚𝐥𝐚𝐲 𝐧𝐠 𝐚𝐦𝐢𝐧𝐠 𝐩𝐚𝐠𝐬𝐢𝐧𝐭𝐚𝐧𝐠 𝐭𝐮𝐧𝐚𝐲,
𝐩𝐚𝐥𝐢𝐭𝐚𝐧 𝐦𝐨, 𝐁𝐢𝐫𝐡𝐞𝐧𝐠 𝐦𝐚𝐡𝐚𝐥, 𝐧𝐠 𝐭𝐮𝐰𝐚 𝐬𝐚 𝐤𝐚𝐥𝐚𝐧𝐠𝐢𝐭𝐚𝐧.

Ave Maria!
Halina't makiisa sa pagpaparangal sa Mahal na Birheng Maria, ating ipagkakaloob ang pinakamagandang bulaklak ng ating puso sa Mahal na Birheng Maria ang tala ng ating buhay at ang ilaw ng ating pag-asa.

18/05/2026

𝗡𝗔𝗦𝗔 𝗟𝗔𝗥𝗔𝗪𝗔𝗡 | Isang makulay at masayang tradisyon ang ating “Pahagis” bilang paggunita kay San Isidro Labrador, ang patron ng mga magsasaka. 🌾🙏

Sa bawat prutas, gulay, pagkain, at biyayang inihahagis, sumasalamin ang pasasalamat ng bawat mamamayan sa masaganang ani, biyayang natanggap, at kabutihan ng Diyos sa ating buhay. Hindi lamang ito simpleng kasiyahan, kundi isang pagpapakita ng pananampalataya, pagkakaisa, at pagbabahaginan ng biyaya sa kapwa.

Patuloy nating ipagdasal ang lahat ng magsasaka na siyang nagsusumikap upang may pagkain sa ating mga hapag araw-araw. Nawa’y patuloy tayong pagpalain ni San Isidro Labrador ng masaganang ani, mabuting kalusugan, kapayapaan, at matibay na pananampalataya.

Viva San Isidro Labrador!

14/05/2026

Viva San Isidro Labrador!

Halina't makiisa sa pamimintuho at pagpapasalamat sa mga biyayang ipinagkaloob ng Panginoong Diyos, sa masaganang ani at pamumuhay sa pamamagitan ni San Isidro.

30/04/2026

𝐅𝐥𝐨𝐫𝐞𝐬 𝐝𝐞 𝐌𝐚𝐲𝐨 𝐧𝐚!

Sa pagpasok ng buwan ng Mayo, muling sumisibol ang isang makulay na tradisyon ng pananampalataya—ang 𝐹𝑙𝑜𝑟𝑒𝑠 𝑑𝑒 𝑀𝑎𝑦𝑜—ang isang buwang pagdarasal ng Rosaryo, pag-aalay ng mga Banal na Misa at paghahandog ng bulaklak bilang pagpupugay sa Mahal na Birheng Maria, ang pinakamagandang bulaklak sa hardin ng Panginoon.

Tuwing hapon, tayo ay magtitipon upang manalangin at mag-alay ng mga bulaklak. Sa ganitong paraan, kinikilala natin ang ating pagtitiwala sa Diyos na siyang pinagmumulan ng lahat ng biyaya.

Halina’t makiisa sa isang buwang pagdiriwang na ito. Sa bawat bulaklak na ating iniaalay, nawa’y lalong mamukadkad ang ating pananampalataya at pagmamahal sa Diyos at sa kanyang Ina.

𝑉𝑖𝑣𝑎 𝑙𝑎 𝑉𝑖𝑟𝑔𝑒𝑛!

08/04/2026

(Apr 9) A blessed birthday, Fr. Henry Rabe!

28/03/2026

Ang Pagdiriwang ng Linggo ng Palaspas ng Pagpapakasakit ng Ating Panginoon

Sa araw na ito ay ginugunita ng mga Kristiyano ang pagpasok ni Hesukristo sa Jerusalem bago ang kanyang kalbaryo, o senyales ng pagsisimula ng Mahal na Araw.

26/03/2026

MASDAN: Narito ang mga oras at gawain ng ating parokya sa mga Mahal na Araw ng ating Panginoon. Mangyari pong pakatandaan ang mga paalala at gawain tungo sa isang matiwasay at mabungang pagdiriwang.

Sa muli nating pagpasok sa mga Mahal na Araw, ating sariwain ang ating mga sarili sa harap ng Diyos, ang Diyos na mapagmahal at maawain, ang Diyos na nagdusa upang tayo'y palayin sa panganib ng kasalanan. Tayo'y ay makiisa sa mga hirap at sakit ng ating Panginoon dahil sa huli ang pangako ng Kanyang muling pagkabuhay ang kahahantungan ng lahat ng ito.

Ating ginutain ng may pusong nagsisisi at handang tumanggap sa Panginoon ang pagdiriwang ng kanyang mga Mahal na Araw.

23/12/2025

Masaya nating salubungin ang Pasko ng Pagsilang ng Panginoon at ang Pagdiriwang sa Dakilang Kapistahan ng ating Mahal na Birheng Maria bilang Ina ng Diyos!

Narito ang talaan ng mga gawain sa panahon ng kapaskuhan sa ating parokya.