Carucaruhan de Lucban

17/02/2026

14/02/2026

Pebrero 14 | Araw ng mga Puso. ❤️

14/02/2026

𝑷𝒆𝒃𝒓𝒆𝒓𝒐 14 •| 𝑷𝒂𝒈𝒈𝒖𝒏𝒊𝒕𝒂 𝒔𝒂 𝑲𝒂𝒑𝒊𝒔𝒕𝒂𝒉𝒂𝒏 𝒏𝒊 𝑺𝒂𝒏 𝑽𝒂𝒍𝒆𝒏𝒕𝒊𝒏 𝒏𝒈 𝑹𝒐𝒎𝒂 |•

Panalangin

Ibinigay mo ang iyong buhay, San Valentine, dahil sa pagmamahal mo kay Kristo at sa Kaniyang mga kawan. Ipanalangin mo kami nang aming matutunan na ang pag-ibig ni Kristo ang rurok ng buhay at siyang dapat naming naisin na makamit higit sa anumang bagay sa lupa. Nawa ang mga mag-asawa, magkasintahan at mga magkaibigan ay matagpuan tulad mo ang pag-ibig na dalisay at payapa sa kaharian ng Diyos Ama, kasama ng mga anghel at banal. Amen.

SAN VALENTIN NG ROMA, Ipanalangin mo kami.

10/02/2026

𝐏𝐚𝐧𝐚𝐥𝐚𝐧𝐠𝐢𝐧 𝐬𝐚 𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧 𝐧𝐠 𝐋𝐨𝐮𝐫𝐝𝐞𝐬
𝐩𝐚𝐫𝐚 𝐬𝐚 𝐌𝐚𝐲𝐬𝐚𝐤𝐢𝐭

O Mapagkalingang Birhen ng Lourdes, kaming mga dumaranas ng mga karamdaman ay dumudulog sa iyo, sapagkat ikaw ang taga-aliw ng mga nagdadalamhati at kalusugan ng mga maysakit.

Lubos kaming nagtitiwala sa iyo dahil sa marami’t mahimalang pagpapagaling na ginawa mo sa Lourdes at sa buong mundo. Taglay ang maalab na pananampalataya at pamimintuho, kami’y buong kababaang-loob na sumasamo sa ‘yo para sa aming mga kapatid na may karamdaman:

Yamang tunay na marami ang gumaling, dahil sa pamimintuho sa iyo, mangyaring gumawa ka ng isa pa, at iligtas itong mahal namin sa buhay. Ilayo mo sila sa panganib at ibangon sa banig ng karamdaman upang sila’y makabalik sa paglilingkod sa iyong Anak na nabubuhay at naghahari magpakailanman. Amen!

Mahal na Birhen ng Lourdes, ipanalangin mo kami!
Maria, Taga-aliw ng Nagdadalamhati, ipanalangin mo kami!
Maria, Kalusugan ng mga Maysakit, ipanalangin mo kami!

09/02/2026

•| 𝐏𝐚𝐧𝐚𝐥𝐚𝐧𝐠𝐢𝐧 𝐧𝐠 𝐃𝐞𝐛𝐨𝐬𝐲𝐨𝐧 𝐤𝐚𝐲 𝐒𝐀𝐍 𝐋𝐔𝐈𝐒 𝐎𝐁𝐈𝐒𝐏𝐎 𝐍𝐆 𝐓𝐎𝐋𝐎𝐒𝐀 |•

Pintakasi naming San Luis Obispo, Patron ng aming parokya at Bayan ng Lucban. Ikaw ang aming huwaran ng kabanalan sa pagsunod sa Panginoong Hesukristo. Tulungan mo rin kaming mabuhay ayon sa iyong halimbawa ng kababaang loob, kasaunuran sa banal na kalooban ng Diyos Ama at mapagmalasakit na paglilingkod sa kapwa. Sa tulong ng ‘yong panalangin at halimbawa nawa’y maisabuhay namin ang pananampalataya at pagmamahal bilang mabubuting saksi ng Panginoong Hesukristo. Sa pagdulog namin sa iyo sa araw na ito, itinataas namin sa iyo ang aming mga kahilingan

(sandaling katahimikan).

Sa iyong panalangin at pagkakandili nawa’y makamtan namin ang pagpapala ng Panginoong Hesukristo na aming Tagapamagitan sa Diyos Ama na nabubuhay at naghahari magpasawalang hanggan. Amen.

San Luis, Obispo ng Tolosa, aming patron, ipanalangin mo kami!

09/02/2026

𝐏𝐞𝐛𝐫𝐞𝐫𝐨 𝟗 •| 𝐏𝐚𝐠𝐠𝐮𝐧𝐢𝐭𝐚 𝐬𝐚 𝐊𝐚𝐩𝐢𝐬𝐭𝐚𝐡𝐚𝐧 𝐧𝐢
𝐒𝐚𝐧𝐭𝐚 𝐀𝐩𝐨𝐥𝐥𝐨𝐧𝐢𝐚 |•

PANALANGIN

O Santa Apollonia isang Dakila at banal na martir sa Pananampalatayang Kristiano ikaw ay aming huwaran dahil sa lakas ng loob at walang pag iimbot na ipinaglaban mo ang Pananalig kay Hesus, na kahit binantaan ka ng kamatayan ay hindi mo ito alintana kami ay naririto at dumudulog sa iyo na kami ay ipanananalgin mo kay Hesus at sa ating Amang nasa Langit. Santa Apollonia aming Pintakasi kami'y lumuluhog na sana ang lahat ng mga nasirang ngipin namin ay iyong pong ibalik at pag hilomin mo po ang mga namamagang mga ngipin paghilumin mo po ang sakit na nadarama ng sila;y guminhawa ang pakiramdam. O Hesus na mapag mahal Pagalingin mo po kami.
Amen.

SANTA APOLLONIA, Ipanalangin po ninyo Kami.

05/02/2026

𝐏𝐞𝐛𝐫𝐞𝐫𝐨 𝟔 •| 𝐏𝐚𝐠𝐠𝐮𝐧𝐢𝐭𝐚 𝐬𝐚 𝐤𝐚𝐩𝐢𝐬𝐭𝐚𝐡𝐚𝐧 𝐧𝐢
𝐒𝐚𝐧 𝐏𝐞𝐝𝐫𝐨 𝐁𝐚𝐮𝐭𝐢𝐬𝐭𝐚 |•

PANALANGIN KAY SAN PEDRO BAUTISTA

O pinagpalang San Pedro Bautista,
matapang na alagad ni Kristo,
apostol ng pananampalataya at martir ni Hesukristo,
nalulugod kami sa ‘di pangkaraniwang kabutihang
ipinagkaloob ng Diyos sa iyo.
Ginawa kang huwaran ng lahat ng mabuting katangian
mula sa iyong pagkabata.

Pinupuri namin ang iyong marubdob na pagnanasa sa kabanalan na umakit sa iyo upang itakwil ang aliw ng daigdig
at yakapin ang buhay ng isang relihiyoso.
Hinahangaan namin ang iyong mainit na pagmamahal sa Panginoon na nag-udyok sa iyo na iwanan ang iyong bayan
upang ituro ang Mabuting Balita sa mga Hentil.
Hinahangaan namin ang iyong sigasig na nagbigay sa iyo ng lakas upang batahin ang lahat ng pagpapahirap
sa pagpapahayag sa mga pagano ng tunay na pananampalataya.
Hinahangaan din namin ang tibay ng iyong loob
na piliin ang kamatayan sa krus kaysa talikdan ang Panginoon.

O maluwalhating martir ni Kristo,
pinili ka naming patron at pintakasi ng aming parokya
na iyong pinabanal sa iyong paninirahan dito.
Nawa’y huwag mo kaming kalimutan, kaming nagtataglay
ng pananampalatayang ipinahayag mo sa aming mga ninuno
at patuloy na nananalangin sa simbahang una mong itinayo.

Mula sa iyong kinalalagyan sa piling ng Panginoon,
ipagsanggalang mo ang aming parokya
at lingapin mo ang bawat isa sa amin.
Nangangako kaming aming ipahahayag ang iyong kabutihan at aming tutularan ang iyong mga halimbawa upang kami ay maging karapat-dapat na makasama mo sa walang hanggan kaligayahan sa kalangitan. Amen.

SAN PEDRO BAUTISTA, Ipanalangin mo kami.

05/02/2026

𝑷𝒆𝒃𝒓𝒆𝒓𝒐 6 •| 𝑷𝒂𝒈𝒈𝒖𝒏𝒊𝒕𝒂 𝒔𝒂 𝑲𝒂𝒑𝒊𝒔𝒕𝒂𝒉𝒂𝒏 𝒏𝒊
𝑺𝒂𝒏𝒕𝒂 𝑫𝒐𝒓𝒐𝒕𝒆𝒂 |•

PANALANGIN

O Santa Dorothea, sa pamamagitan ng ningning ng iyong banal na buhay, ginawa mo na magbalik loob sa Diyos ang dalwang magkapatid at sila ay nagkaisa patungo sa buhay na walang hanggan at nagpadala ka ng rosas at mansanas mula sa paraiso kay Theophilus. O Santa Dorothea, ikaw ay martir at banal, ikaw ay binilang sa karapat-dapat sa banal na kaluwalhatian. Hinihiling namin ang papuri at pagpapala na maari naming matanggap mula sa Panginoon. Nawa’y ipanalangin mo kami kay Hesukristo na ang kanyang dakilang awa at pag-ibig ay sumaamin. Hinihiling namin ito sa pamamagitan ni Hesukristo na aming Panginoon. Amen.

SANTA DOROTEA, Ipanalangin mo kami.

05/02/2026

𝑷𝒆𝒃𝒓𝒆𝒓𝒐 5 •| 𝑷𝒂𝒈𝒈𝒖𝒏𝒊𝒕𝒂 𝒔𝒂 𝑲𝒂𝒑𝒊𝒔𝒕𝒂𝒉𝒂𝒏 𝒏𝒊 𝑺𝒂𝒏𝒕𝒂 𝑨𝒈𝒂𝒕𝒂 𝒏𝒈 𝑺𝒊𝒄𝒊𝒍𝒚 |•

PANALANGIN

Ama namin sa langit, kinalinga at inalagaan si Agatha sa karangalan at pagkabanal, manikluhod naming hinihiling na sa pamamagitan niya ay makamtan namin ang kalusugan ng isip, katawan at kaluluwa.
Palayain mo kami sa pang aalipin ng makamundong halaga sa buhay at itaas ang aming Espiritu tulad nya, tungo sa buhay na walang hanggan sa langit. Sa pamamagitan ni Hesukristo na iyong anak, na aming Panginoon, nabubuhay at naghahari, kaisa mo magpakailanman. Amen.

SANTA AGATA, Ipanalangin mo kami.kami.

03/02/2026

Pebrero 3, 2025 •| 𝗞𝗮𝗽𝗶𝘀𝘁𝗮𝗵𝗮𝗻 𝗻𝗶 𝗦𝗮𝗻 𝗕𝗹𝗮𝘀: 𝗣𝗮𝘁𝗿𝗼𝗻 𝗻𝗴 𝗺𝗴𝗮 𝗺𝗮𝘆 𝗞𝗮𝗿𝗮𝗺𝗱𝗮𝗺𝗮𝗻 𝘀𝗮 𝗟𝗮𝗹𝗮𝗺𝘂𝗻𝗮𝗻 |•

Panalangin kay San Blas

Mahal na San Blas
Pastol na mapagmahal sa mga kaluluwa
Inako mo ang mabibigat na krus ng buhay
Bilang matapat na pagsunod kay Hesus.
Gayundin tulad Niya, buong awa at habag
Na pinagaling mo ang mga nagdurusa

Pagkatapos ng maraming pahirap
Ng iyong mga kaaway,
pumanaw ka bilang martir para sa Panginoon.

Ipagkaloob mo po sa akin ang
Kagalingang ito na aking hinihiling
Para sa sakit ng lalamunan at iba pang karamdaman
kung ito ay ayon sa kalooban ng Diyos. Amen

SAN BLAS, Ipanalangin mo kami.

01/02/2026

𝙋𝙚𝙗𝙧𝙚𝙧𝙤 1 •| 𝙋𝙖𝙜𝙜𝙪𝙣𝙞𝙩𝙖 𝙨𝙖 𝙠𝙖𝙥𝙞𝙨𝙩𝙖𝙝𝙖𝙣 𝙣𝙞 𝙎𝙖𝙣𝙩𝙖 𝘽𝙧𝙞𝙜𝙞𝙙𝙖 𝙣𝙜 𝙄𝙧𝙚𝙡𝙖𝙣𝙙, 𝙈𝙖𝙙𝙧𝙚 |•

PANALANGIN

Ikaw ay babaeng simbolo ng kapayapaan.
Nagdala ka ng pagkakasunduan kapag may alitan.
Nagbigay ka ng liwanag sa kadiliman.
Nagbigay ka ng pag-asa sa mga nalulungkot at nagdadalamhati

Nawa ang iyong bandana ng kapayapaan ay kumanlong sa mga naguguluhan.
At nawa ang kapayapaan ay manggaling sa ating mga puso at sa buong mundo.
Maging inspirasyon ka po namin na gumawa ng tama at gumalang sa mga gawa ng Diyos

Brigida, ikaw ang boses ng mga sugatan at nahihirapan
Palakasin mo po kung ano man ang mahina sa amin.
Kalmahin mo po kami para sa katahimikan na nagpapagaling at nakikinig
Lumago nawa kami bawat araw na buo ang kaisipan, katawan at kaluluwa.
Amen.

31/01/2026

𝗘𝗻𝗲𝗿𝗼 31 •|| 𝗣𝗮𝗴𝗴𝘂𝗻𝗶𝘁𝗮 𝗸𝗮𝘆 𝗦𝗮𝗻 𝗝𝘂𝗮𝗻 𝗕𝗼𝘀𝗰𝗼, 𝗣𝗮𝗿𝗶 ||•

𝗣𝗮𝗻𝗮𝗹𝗮𝗻𝗴𝗶𝗻

O San Juan Bosco,
Pinupuri ka namin sa lahat ng iyong dakilang kabutihan. Inialay mo ang buo mong buhay sa pagmamahal sa amin. Tinuruan mo kaming magmahal sa Diyos at kumalinga sa aming kapwa. Kaya nga’t pinasasalamatan namin si Hesus sa pagsusugo Niya sa iyo sa mga kabataang tulad namin. Salamat din sa pamilyang Salesyano na nagpapatuloy ng iyong kabutihan, umuunawa sa aming kalagayan at nagtitiwala sa aming kakayahan. Ipinapanalangin namin na subaybayan mo rin sana ang marami pang kabataan na nangangailangan ng pagkalinga ng Diyos. Matanggap din sana nila ang pagpapalang aming tinatamasa nang sa gayon tulung-tulong kaming maging kasangkapan sa pagpapanibago nitong aming buhay sa lupa. Amen.

San Juan Bosco, ipanalangin mo kami!
Maria, tulong ng mga Kristiyano, ipanalangin mo kami.

Sa Ngalan ng Ama, at ng Anak at ng Espiritu Santo. Amen