https://www.facebook.com/110439294738513/

Carucaruhan de Lucban, San Luis Street Brgy. 8, Lucban (2026)

04/10/2026

𝗢𝗸𝘁𝘂𝗯𝗿𝗲 𝟰 •| 𝗞𝗔𝗣𝗜𝗦𝗧𝗔𝗛𝗔𝗡 𝗡𝗜 𝗦𝗔𝗡 𝗙𝗥𝗔𝗡𝗖𝗜𝗦𝗖𝗢 𝗡𝗚 𝗔𝗦𝗦𝗜𝗦𝗜 •|

PANALANGIN NI SAN FRANCISCO NG ASISSI

Panginoon ako'y gawin Mong daluyan
Ng Iyong hinahon at kapayapaan.
Pag may kagalitan, pag-ibig ialay.
Pag may kasakitan, patawad iakbay.
Pag may kaguluhan, ugnaya'y tibayan.
Pag may kalituhan, tiwala'y lakasan.
Pag may kamalian, totoo'y itanghal.
Pag may kabiguan, pag-asa'y iluwal.
Pag may kalungkutan, ligaya'y isayaw.
Pag may kadiliman, liwanag itanglaw.

O Gurong butihin,
Turuan Mo akong mas hanap-hanapin
Ang makakalinga kaysa kalingain,
Ang makaunawa kaysa unawain,
Ang makapagmahal kaysa pa mahalin.

Pagkat kung iisipin,
Nasa pagbibigay ang kasaganaan,
Nasa paumanhin ang kapatawaran.
Nasa pagkamatay ang muling pagsilang
Sa kaginhawahan na walang hanggan. Amen

San Francisco ng Assisi, Ipanalangin mo kami.

01/10/2026

𝙊𝙠𝙩𝙪𝙗𝙧𝙚 1 | 𝙋𝙖𝙜𝙜𝙪𝙣𝙞𝙩𝙖 𝙨𝙖 𝙆𝙖𝙥𝙞𝙨𝙩𝙖𝙝𝙖𝙣 𝙣𝙞 𝙎𝙖𝙣𝙩𝙖 𝙏𝙚𝙧𝙚𝙨𝙖 𝙣𝙜 𝘽𝙖𝙩𝙖𝙣𝙜 𝙃𝙚𝙨𝙪𝙨

PANALANGIN

O Maluwalhating Sta. Teresita, na itinaas ng Makapangyarihang Diyos upang tularan at bigyan ng inspirasyon ang pamilya ng sangkatauhan, sumasamo ako sa iyong mahimalang pamamagitan.

Napakamakapangyarihan mo sa pagkakamit ng bawat pangangailangan ng katawan at kaluluwa mula sa Puso ng Diyos. Ipinahahayag ka ng Banal na Inang Simbahan bilang "kamangha-manghang tagapagtaglay ng mga himala... ang pinakadakilang santo ng makabagong panahon." Ngayon buong taimtim kong isinasamo sa iyo na dinggin mo ang aking kahilingan:

(BANGGITIN ANG KAHILINGAN)

at tuparin ang iyong mga pangakong pagpapalaganap ng langit sa paggawa ng mabuti sa lupa... pagpapahintulot na mahulog mula sa langit ang taluyot ng mga rosas. Munting Bulaklak pagkalooban mo ako ng iyong pananampalataya tulad ng sa isang bata, ng biyayang makita ang mukha ng Diyos sa mga tao at mga karanasan sa aking buhay, at ibigin ang Diyos nang may lubos na pagtitiwala.

Sta. Teresita aking madreng Carmelita, tutuparin ko ang iyong pakiusap na "ipakilala ka sa lahat ng dako ng mundo" at patuloy kong aakayin ang iba patungo kay Jesus sa pamamagitan mo. AMEN

Santa Teresita ng Sanggol na si Jesus, Ipanalangin mo kami!

29/09/2026

𝙎𝙚𝙩𝙮𝙚𝙢𝙗𝙧𝙚 29

•| 𝙋𝙖𝙜𝙜𝙪𝙣𝙞𝙩𝙖 𝙨𝙖 𝙆𝙖𝙥𝙞𝙨𝙩𝙖𝙝𝙖𝙣 𝙣𝙞𝙣𝙖 𝙎𝙖𝙣 𝙈𝙞𝙜𝙪𝙚𝙡 𝘼𝙧𝙠𝙖𝙣𝙜𝙝𝙚𝙡, 𝙎𝙖𝙣 𝙂𝙖𝙗𝙧𝙞𝙚𝙡 𝘼𝙧𝙠𝙖𝙣𝙜𝙝𝙚𝙡, 𝙖𝙩 𝙎𝙖𝙣 𝙍𝙖𝙛𝙖𝙚𝙡 𝘼𝙧𝙠𝙖𝙣𝙜𝙝𝙚𝙡 |•

PANALANGIN KAY SAN MIGUEL ARKANGHEL

San Miguel Arkanghel, ampunin mo kami sa labanan at maging bantay ka nawa namin sa kalupitan at sa mga silo ng demonyo. Sugpuin nawa siya ng Diyos, na ipinagmamakaawa namin sa iyo, at ikaw, Prinsipe ng mga Hukbo sa Langit, sa kapangyarihan ng Diyos, ibulid mo sa kailaliman ng impiyerno, si Satanas at ang lahat ng malulupit na espiritu, na gumagala sa sanlibutan at nagpapahamak sa mga kaluluwa.
Amen.

San Miguel Arkanghel, Ipanalangin mo kami.

PANALANGIN KAY SAN GABRIEL ARKANGHEL

O pinagpalang Arkanghel San Gabriel, sugo ng Diyos tagapaghatid ng Mabuting Balita ng Panginoon. Tagapagpaliwanag at Tagapagtanggol ng Katotohanan. Tulungan mo kaming maging patotoo ng Diyos. Sa binyag at kumpil nakibahagi kami sa Pagkapropeta ni Kristo upang magbigay ng patotoo sa harap ng mundo at maghatid ng Mabuting Balita sa Kapwa. Tanggapin nawa namin ng buong Pagmamahal, pag aralan ng buong ingat, isabuhay ng buong Katapatan at Palaganapin ng buong sigasig ang aral na ipinagkatiwala sa amin ng Panginoon. Sa pamamagitan mo kamtan nawa namin ang biyayang aming Hinihiling

Patnubayan mo kami mabunying sugo ng Langit, sa aming pagmamalasakit at paninindigan. Ukol sa kapangyarihan, katotohanan, kabanalan at katarungan ng Diyos. Upang kami'y maging tunay na saksi ni Kristo, ang daan, ang katotohanan at ang buhay. Amen.

San Gabriel Arkanghel, Ipanalangin mo kami.

PANALANGIN KAY SAN RAFAEL ARKANGHEL

Oh kamahal-mahalang Arkanghel San Rafael, kagamutan ng Diyos para sa kagalingan ng mga tao, sa lubos na pagpapakumbaba ay ipinag-aamo-amo namin sa iyo na ikaw nawa ay maging tulong at sakdalan ng lahat ng aming kailangan, gamutin mo ang aming kaluluwa na lipos ng sugat ng mga kasalanan, at gamutin mo rin ang mga sakit at karamdaman ng aming katawang lupa, upang magkamit kami ng kaligayahan dito sa lupa at sa langit man. Amen.

San Rafael Arkanghel, Ipanalangin mo kami.

28/09/2026

𝘚𝘦𝘵𝘺𝘦𝘮𝘣𝘳𝘦 28 | 𝐏𝐀𝐆𝐆𝐔𝐍𝐈𝐓𝐀 𝐊𝐀𝐘 𝐒𝐀𝐍 𝐋𝐎𝐑𝐄𝐍𝐙𝐎 𝐑𝐔𝐈𝐙 𝐃𝐄 𝐌𝐀𝐍𝐈𝐋𝐀 𝐀𝐓 𝐌𝐆𝐀 𝐊𝐀𝐒𝐀𝐌𝐀 | 𝘜𝘯𝘢𝘯𝘨 𝘗𝘪𝘭𝘪𝘱𝘪𝘯𝘰𝘯𝘨 𝘚𝘢𝘯𝘵𝘰 𝘢𝘵 𝘮𝘨𝘢 𝘔𝘢𝘳𝘵𝘪𝘳

“𝘼𝙠𝙤 𝙖𝙮 𝙆𝙖𝙩𝙤𝙡𝙞𝙠𝙤 𝙖𝙩 𝙗𝙪𝙤𝙣𝙜 𝙥𝙪𝙨𝙤 𝙠𝙤𝙣𝙜 𝙩𝙞𝙣𝙖𝙩𝙖𝙣𝙜𝙜𝙖𝙥 𝙖𝙣𝙜 𝙠𝙖𝙢𝙖𝙩𝙖𝙮𝙖𝙣 𝙥𝙖𝙧𝙖 𝙨𝙖 𝘿𝙞𝙮𝙤𝙨. 𝙠𝙪𝙣𝙜 𝙢𝙖𝙮𝙧𝙤𝙤𝙣 𝙖𝙠𝙤𝙣𝙜 𝙞𝙨𝙖𝙣𝙜 𝙡𝙞𝙗𝙤𝙣𝙜 𝙗𝙪𝙝𝙖𝙮, 𝙞𝙖𝙖𝙡𝙖𝙮 𝙠𝙤 𝙡𝙖𝙝𝙖𝙩 𝙞𝙩𝙤 𝙥𝙖𝙧𝙖 𝙨𝙖 𝙆𝙖𝙣𝙮𝙖."
- 𝐒𝐀𝐍 𝐋𝐎𝐑𝐄𝐍𝐙𝐎 𝐑𝐔𝐈𝐙

𝑃𝐴𝑁𝐴𝐿𝐴𝑁𝐺𝐼𝑁 𝐾𝐴𝑌 𝑆𝐴𝑁 𝐿𝑂𝑅𝐸𝑁𝑍𝑂 𝑅𝑈𝐼𝑍 𝐷𝐸 𝑀𝐴𝑁𝐼𝐿𝐴 𝐴𝑇 𝑀𝐺𝐴 𝐾𝐴𝑆𝐴𝑀𝐴

+ Amang Mapagmahal, ang Iyong Anak na si Hesukristo ay naghandog ng kanyang buhay para sa kaligtasan ng tanan. Kasihan kami ng iyong pag-ibig upang maihandog ang aming buhay para sa iyo at sa aming kapwa tao. Inakay rin ng mapagpala Mong kamay ang iyong mga lingkod na sina San Lorenzo Ruiz at mga kasama sa lupain ng Hapon upang tularan ang sakripisyo ni Kristo at ipamansag ang Mabuting Balita ng Kaligtasan.

Isinasamo namin na sa pamamagitan ng panalangin ng mga banal na martir na kami'y maging matatag sa pananampalataya tulad nila at maging kasangkapan ng pagpapahayag ng mabuting balita sa aming bayan at sa mga bansang nasa paligid namin. Dinggin Mo ang aming kahilingan at ang tanging biyayang aming hinihingi:

(Banggitin ang mga kahilingan)

Kaisa ni San Lorenzo Ruiz at mga kasama, hinihiling namin ito sa pamamagitan ni Hesukristo na aming Panginoon.

+ Amen.

𝐒𝐀𝐍 𝐋𝐎𝐑𝐄𝐍𝐙𝐎 𝐑𝐔𝐈𝐙 𝐀𝐓 𝐌𝐆𝐀 𝐊𝐀𝐒𝐀𝐌𝐀, 𝘪𝘱𝘢𝘯𝘢𝘭𝘢𝘯𝘨𝘪𝘯 𝘯𝘪𝘺𝘰 𝘬𝘢𝘮𝘪!

27/09/2026

𝙎𝙚𝙩𝙮𝙚𝙢𝙗𝙧𝙚 27
|•𝙋𝘼𝙂𝙂𝙐𝙉𝙄𝙏𝘼 𝙆𝘼𝙔 𝙎𝘼𝙉 𝙑𝙄𝘾𝙀𝙉𝙏𝙀 𝘿𝙀 𝙋𝘼𝙐𝙇 •|

Panalangin

Ipinagdarangal naming SAN VICENTE, mapagmahal na lingkod ng mga mahihirap at kapus-palad, sa panahon ng iyong pamamalagi sa lupa, minsan ay hindi binigo ang sinumang nangangailangan ng iyong tulong. Lumalapit kami sa iyo sa panahon ng aming pangangailangan, naniniwala at umaasang hindi mo kami bibiguin. Ihingi mo po sa Panginoon ng kasaganahan ang mga naghihirap, kagalingan sa may karamdaman, kapanatagan sa may mabigat na dalahin sa kalooban, pangangalaga sa mga napabayaan, pagbubukas-palad ng mga nananagana, katarungan mula sa mga may kapangyarihan, pagbabalik ng loob ng mga naliligaw ng landas, tibay ng loob para sa kaparian, katapatan sa simbahan, kapayapaan sa lahat ng bansa, pagmamahal at pagmamalasakit sa kapaligiran at pagliligtas para sa lahat.
⠀⠀⠀⠀⠀⠀⠀⠀⠀
Nawa ang apoy ng pag-ibig ni KRISTO na pinag-alab ng BANAL NA ESPIRITU sa iyong busilak ng puso ay magsilbing ningas na gagabay at magpapatatag sa aming ugnayan sa Diyos at kapwa. Turuan mo kami, o banal na lingkod ng mga mahihirap, na magmahal at magpahalaga sa bawa’t isa sa presensya ni HESUS.
⠀⠀⠀⠀⠀⠀⠀⠀⠀
Nawa’y madama ng lahat ang bunga ng iyong mahabaging pamamagitan sa gitna ng lahat ng mga pagsubok sa buhay. Hanggang sa pagdatal ng panahong mapabilang kami sa Kaharian ng Diyos, na wala nang pagtutunggali, hinanakit at kalungkutan, sa halip ay pawang kaligayahang walang hanggan. Amen!
⠀⠀⠀⠀⠀⠀⠀⠀⠀
SAN VICENTE DE PAUL, Ipanalangin mo kami!

23/09/2026

𝐒𝐞𝐭𝐲𝐞𝐦𝐛𝐫𝐞 𝟐𝟑 | • 𝐏𝐚𝐠𝐠𝐮𝐧𝐢𝐭𝐚 𝐬𝐚 𝐊𝐚𝐩𝐢𝐬𝐭𝐚𝐡𝐚𝐧 𝐧𝐢 𝐒𝐚𝐧 𝐏𝐚𝐝𝐫𝐞 𝐏𝐢𝐨 𝐧𝐠 𝐏𝐢𝐞𝐭𝐫𝐞𝐥𝐜𝐢𝐧𝐚 •|

PANALANGIN KAY PADRE PIO

Mahal na Padre Pio, tumatawag ako sa iyo ngayon kasama ng maraming nagmamahal at namimintuho sa iyo.

Alang-alang sa mga sugat na iyong tiniis nang maraming taon bilang pakikiisa sa pagpapakasakit ni Jesus, naging kalugud-lugod ka sa Panginoon at tinawag ka upang mapabilang sa kasamahan ng mga banal.

Naniniwala akong dinidinig ng Panginoon ang iyong pagtawag para sa mga humihingi ng paggaling at pinatatawad din niya ang iyong mga pinatawad. Ang paggaling ng mga maysakit ang katibayan na hindi ka binibigo ng Panginoon.

Sumasamo ako sa iyo na tulungan akong ilapit sa Diyos ang aking kahilingan.

(Banggitin ang kahilingan.)

Huwag mo sana akong pabayaan at pagpalain mo ang lahat ng aking mga mahal sa buhay. Amen.

SAN PADRE PIO,
ipanalangin mo kami.

21/09/2026

𝗦𝗲𝘁𝘆𝗲𝗺𝗯𝗿𝗲 𝟮𝟭 | 𝗞𝗮𝗽𝗶𝘀𝘁𝗮𝗵𝗮𝗻 𝗻𝗶 𝗦𝗮𝗻 𝗠𝗮𝘁𝗲𝗼, 𝗔𝗽𝗼𝘀𝘁𝗼𝗹 𝗮𝘁 𝗘𝗯𝗮𝗻𝗴𝗵𝗲𝗹𝗶𝘀𝘁𝗮

Panalangin

Diyos ng Awa, pinili mo ang isang maniningil ng Buwis, na si San Mateo Apostol. Upang ibahagi ang karangalan ng mga Apostoles. Sa kanyang mga Gawa at panalangin, tulungan nyo po nawa kami na sundin ang panginoong Hesukristo at maging matapat sa iyong paglilingkod. Isinasamo namin ang lahat ng ito sa pamamagitan ng iyong Anak na si Hesukristo, kapisan mo at ng Espiritu Santo nabubuhay at naghahari magpasawalang hanggan. Amen.

18/09/2026

𝗦𝗘𝗧𝗬𝗘𝗠𝗕𝗥𝗘 𝟭𝟴 | 𝗣𝗔𝗚𝗚𝗨𝗡𝗜𝗧𝗔 𝗞𝗔𝗬 𝗦𝗔𝗡 𝗝𝗢𝗦𝗘 𝗡𝗚 𝗖𝗨𝗣𝗘𝗥𝗧𝗜𝗡𝗢

𝑷𝒂𝒏𝒂𝒍𝒂𝒏𝒈𝒊𝒏 𝒌𝒂𝒚 𝑺𝒂𝒏 𝑱𝒐𝒔𝒆 𝒏𝒈 𝑪𝒖𝒑𝒆𝒓𝒕𝒊𝒏𝒐

O mapagkumbabang San Jose ng Cupertino, tanging nilingap ka ng Diyos sa pag-aaral mo, sa Espiritung Banal taimtim kang nanambit. At dinamayan ka sa hirap ng pagsusulit. Ako ngayon sa harap mo ay nagsusumamo, Ilahad mo sa Diyos ang aking pagsamo.

Ama, tanglawan mo po ang aking abang kaisipan. Nawa ang diwa ko ay lagi mong patnubayan sa pagsasaliksik ng iyong Katotohanan. Nawa'y makabahagi sa iyong kapahaman. Sa sandali ng pagsusulit ako'y iyong lingapin. Ipag-adya sa pagkalimot at mga alalahanin. Nawa'y akong lumago sa karunungang maka-Diyos, at ibigin ka sa aking kapwa ng tunay at lubos. Ikaw na pinagmulan ng dakilang karunungan. Liwanag kang gumagabay sa buhay na walang hanggan. Amen. 🙏

𝙎𝙖𝙣 𝙅𝙤𝙨𝙚 𝙣𝙜 𝘾𝙪𝙥𝙚𝙧𝙩𝙞𝙣𝙤, 𝙞𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞!

09/09/2026

𝙎𝙚𝙩𝙮𝙚𝙢𝙗𝙧𝙚 10 | 𝙋𝘼𝙂𝙂𝙐𝙉𝙄𝙏𝘼 𝙎𝘼 𝙆𝘼𝙋𝙄𝙎𝙏𝘼𝙃𝘼𝙉 𝙉𝙄 𝙎𝘼𝙉 𝙉𝙄𝘾𝙊𝙇𝘼𝙎 𝙉𝙂 𝙏𝙊𝙇𝙀𝙉𝙏𝙄𝙉𝙊

PANALANGIN KAY SAN NICOLAS DE TOLENTINO

Panginoon, ikaw ang aming pinagkukuhanan ng tapang at lakas ng loob sa pagharap sa araw-araw ng buhay, ipinagkaloob Mo po sa amin si San Nicolas de Tolentino upang higit na pag-alabin ang aming pananampalataya. Biyayaan Mo po kami ng kakayahang maisabuhay ang Inyong mga aral, manatiling tapat at mahinahon sa gitna ng kahirapan at pagsubok sa buhay. Maging lingkod nawa kami tulad ni San Nicolas sa aming kapwa lalo na sa mga mahihirap at mga nagdurusa, mabuhay nawa kami bilang tapat Mong tagapaglingkod. AMEN

SAN NICOLAS DE TOLENTINO
Ipanalangin mo po kami.

Carucaruhan de Lucban

04/10/2026

01/10/2026

29/09/2026

28/09/2026

27/09/2026

23/09/2026

21/09/2026

18/09/2026

09/09/2026

Address

Website

Alerts

Shortcuts

Share

Category

Listing takedown request