30/08/2026
๐๐ฎ - ๐ฏ๐ญ ๐ป๐ถ๐ป๐ด ๐๐ด๐ผ๐๐๐ผ ๐ฎ๐ฌ๐ฎ๐ฒ
๐๐ป๐ด ๐ฐ๐ฎ-๐ด๐ณ ๐ป๐ฎ๐ป๐ด ๐๐ฎ๐ป๐๐ฎ๐ป๐ด ๐ฃ๐ฎ๐ป๐ด๐ฎ๐๐ฎ๐๐ฎ๐ด ๐ป๐ถ๐ป๐ด ๐ฃ๐ฎ๐ฟ๐ผ๐ธ๐๐ฎ ๐ป๐ฎ๐ป๐ด ๐ฆ๐ฎ๐ป ๐ฅ๐ฎ๐ณ๐ฎ๐ฒ๐น ๐๐ฟ๐ธ๐ฎ๐ป๐ด๐ต๐ฒ๐น
Iti ya ing kasalesayan na ning Parokya nang San Rafael Arkangel keti king baryu ning Baruya, b***n ning Lubao, Provinciang Kapampangan.
King metung a decretung menibatan king Arsobispo ning Menila, ing Lubus Kagalang-galang Miguel J. O Doherty, mitatag ya ing Parokya nang San Rafael o Paroquia de Baruya ketang a 31 ning Agosto, banwang mil nueve cientos, trenta y nueve (1939). Iti bubuan de ring barrios ning Baruya, Calubcub, Pipanganacan, Bancal Sinubli, Calangain - Lambique, Cabuyao, Santiago, Siongco, Sabang Anac at San Roque Albur keti b***n Lubao at Sabang Matwa naman king b***n ning Hermosa king Provincia ning Bataan. Ing baryu ning Baruya yang meging luklukan na ning Parokya nang San Rafael.
Migmula ya ing planu na ning pangatatag niting parokya king banwang mil nueve centos, trenta y seis.
Inyang ka 17 ning Enero banwang mil nueve cientos, trenta y nueve, I Reberendo Padre Santiago Guanlao, ing Cura Parroco na ning Parroquia nang San Agustin king Pueblo de Lubao, sinulat ya king Kagalang- galang a Arsobispo Oโ Doherty ban pabalwan king resulta na ning masusing pamanigaral a gewa ra para king pamanalakad na niting parokya.
Ing minunang Cura Parroco iya pin I Reverendo Padre Arsenio Yusi. Uli ning ala pang presbiteryo kanita, iting maganakang cura mekipamale ya pa king tuknangan na ning metung a maganakang memaryu I Apung Mariang Bakuling. I Padre Yusi penigobran na ing proyektong magnasang pasantingan at mas palabungan pa iting ume pamung mumusbung a parokya. King keyang terminu meganap ing metung a insidenti inyang iya miyabe ya king pamipalitan dang pate ring tauan na ning govierno at ding HUKBALAHAP. Iting kapalyaryan megresulta king keyang pangaparalisa at pangalipat na lugal anting pastul.
I Reberendo Padre Serafin Ocampo naman ing sinuyu anting cura magmula king banwang mil nueve sientos singkwenta y uno angga na king tutuking banwa.
I Reberendo Padre Emigdio Twanฬo dinatang ya king banwang mil nueve cientos singkwenta y dos at iya ng pekamalambat a cura a sinuyu kilub ning apulu at atlung banua.
Pelitan neng Reberendo Padre Jose Narciso kanitang Noviembre mil nueve cientos sisenta y singko.
King banwang mil nueve cientos sitenta I Reberendo Padre Benjamin de la Paz. King keyang pamamastul migmula ng Cursilio Movement at ing Adoracion Nocturna Filipina. Sinuyu ya i Padre dela Paz kilub ning apat a banua.
King panaun nang Reberendo Padre Andres Serrano, migmula ing pamagmisa karing barrios a sakup na ning Parokya. Meumpisa ya naman ing pangabuu da ring Konseho Pastoral na ning Parokya at king balang barrio. Iti meganap king banwang mil nueve cientos sisenta y quatro angga nang mil nueve cientos ochenta y quatro.
King banwang mil nueve cientos ochenta y quatro king pamamuntukan nang Reberendo Padre Lorenzo Sarmiento penimunan na ing mas malabung pang pamakyabe da ring laikos karing pamparokyang aktibidades. Ding atlung Kasuyuan kaniting panaun meumpisan la naman.
Kaybat na ning apat a banwa, I Reberendo Padre Allan Sicat iya namang minalili. Sindu na ing proyekto na ning milabas a cura at meumpisa ng pamanalumpakan da ring aktibidad ning parokya ibaโt karing kautusan a manibatan king arkidiocesis.
King banwang mil nueve cientos nobenta y uno anggang nobenta y sais I Reberendo Padre Bernabe Flores Jr. Penimunan na ing mas pamipalagu pa king sadyang itsura na ing parokya kayantabe na ing Hermanidad a pemamuntukanan da ring babayi. Penigobran na naman ing pamanalakad da ring miyayaliwang organisasyones laiko at ing pamisulung da king Planong Pastoral a mipalagyunang Kumustahan sa Barangay.
King banwang mil nueve cientos noventa y seis, lalam nang pamamuntukan Reberendo Padre Arnold Rivera, penimunan na ing mas malalam at makabaldugang pamipasulung na ning Planung Pastoral at ing pamibayu na ning batas ning Konseho Patoral.
Kaniting panaun mitalakad ya naman ing bayung presbiteryo at meumpsa ing plano na ning pamag- organisang petisyun ban ing Kapilya na ning Virgen de Lourdes king baryo Lauc Pao magin yang pang Arkidiocesanong Dambana. Ding Street Masses meganap la naman king panaun ng Padre Rivera.
I Reberendo Padre Teodulo Franco naman dinatang ya king banwang dos mil dos. Megawa ya ing escudo ning Parokya, me organisa ing Pondu ning Parokya, Cathechetical Day, Pamikawani ning Kapilya nang Sto Nino karing Aglipayanos. Meorganisa ya naman ing Konsehong Pang Finansya na ning Parokya. Kambe nang Reb. Padre Teodulo, apagumpisan da ring parokyanus ing pamipagawa king bayu at mas matas a pisamban ning parokya pauli na ning banwa-banwang albug at malating espasyu niti.
King banwang dos mil otso, dinatang ya I Reberendo Padre Rustum T. Tanglao. Kaniting panaun la mipakilala ing pamangamit teknolohiya king sangkan pastoral (projector). Mika candle at notebook making. Misundu mu naman ing pamanalakad na ning Parokya.
King banwang dos mil dose, king pamanalakaran nang Reberendo Padre Sotero R. Yutuc, meorganisa ya naman ing Konseho Pinansyal ning Parokya. Pamanutuk karing organisasyones laikos. Pamanayus king Konseho at ing Kasuyuan king Bokasyon.
King banwang Dos mil diecinuece, memastul ya i Reberendo Padre Ferdinand C. Mangalubnan. King kayang pamanimuna, meganap ing dedikasyun na ning Pisamban ning Parokya nang San Rafael. Kaya pamipaumpisan ing San Rafael Educational Assistance Program (SREAP) karing Kayanakan na ning Parokya at ing Tindahan ng Apung Paeng (TAP) a memye ampat a saup, ali mu king milabasan a Covid-19 Pandemic, nune angga ngening panaun a kailangan ing caridad. Panaun na namang Padre Mangulabnan inyang miganap ing Coronacion Canonica ning Virgen Delos Remedios king B***n Lubao. King larangan ning pamipaayus at konstruksyun, mipagawa la naman ding retablo at carroza da ring miyaliwang visitas lalam ning parokya.
At ngeni, kekatamu yang kayabe ing kasalukuyang pastul ning Parokya, yapin i Reb. Padre Raphieson Alday Mutuc. Mitalaga ya anting Cura Parocco anyang bulan ning Mayo king banua ning Giubileo ning Kapanayan 2025. Lalam na, mituluy la at dapot mipalabung ding mipasimulang proyektung mamie saup kalupa na ning SREAP at TAP. Ban mas lalu ya pang makasaup ing parokya karing mangailangan, mipasimulan ne rin ing Project MaYap, o Magaral Yang Pakabsyan program a maglayun sumaup magpapakan karing estudyanting magkasakit king karelang allowance. Bukud keti, mipalalam ne rin ing Centrong Pisamban king metung a general renovation at maintenance king saup ning Hermanidad a miglayun ilako ding dungis, sira, at lumang parti na ning Pisamban. Abayan taya pa pu king mas malabung a misyun, lalu na king mayap a dapat!
Iti ya ing kaselesayan na ning kekatang parokya, isulung taya pa, Palabungan taya pa!
๐ฆ๐ฎ๐ป ๐ฅ๐ฎ๐ณ๐ฎ๐ฒ๐น ๐๐ฟ๐ธ๐ฎ๐ป๐ด๐ฒ๐น, ๐๐ฝ๐ฎ๐ป๐ฎ๐น๐ฎ๐ป๐ด๐ถ๐ป ๐บ๐ ๐ธ๐ฎ๐บ๐ถ!
