28/04/2026
PASASALAMAT NG MGA KABATAAN I
Isang taos-pusong pasasalamat ang aming ipinapaabot sa lahat ng naging bahagi ng matagumpay na pagdaraos ng Diocesan Youth Camp 2026 na pinangunahan ng YIFI San Juan. Sa diwa ng pagbibigayan na ipinapaalala sa atin ng Gawa 20:35—“Sapagkat higit na pinagpala ang nagbibigay kaysa tumatanggap”—aming kinikilala ang bawat pusong nagbuklod upang maisakatuparan ang gawaing ito.
Lubos naming pinasasalamatan ang lahat ng mga nagbigay ng donasyon. Ang inyong kabutihang-loob, gaano man kalaki o kaliit, ay naging malaking tulong upang matugunan ang mga pangangailangan ng kampo. Sa pamamagitan ng inyong pagbibigay, kayo ay naging instrumento ng pagpapala sa mga kabataan na dumalo at nakiisa sa gawaing ito.
Kami rin ay nagpapasalamat sa mga naglaan ng pagkain na naging sustansya at lakas ng bawat delegado sa tulong nadin ng kanilang Pangulo Czarinalyn Jimenez at Sa kanilang tagapagturo ng sayaw, Sir Rics Cruz & Carl Trinidad, Maraming Salamat sa inyong oras, talento, at dedikasyon sa paggabay sa mga kabataan ng Pampanga I. Ang inyong kontribusyon ay nagbigay sigla at saya sa buong programa, at nagsilbing daan upang maipahayag ang pananampalataya sa malikhaing paraan. Pasasalamat din sa paghatid at pag sundo ng ligtas sa ating mga delegado sa kanilang patutunguhan.
Higit sa lahat, kami ay nagpapasalamat sa lahat ng mga delegado at mga taong hindi man nabanggit ngunit tahimik na naglingkod. Ang inyong presensya, pakikiisa, at dedikasyon ang tunay na nagpabuo sa diwa ng pagkakaisa sa pananampalataya.
Sa kabuuan, ang Diocesan Youth Camp 2026 ay naging matagumpay hindi lamang dahil sa maayos na pagpaplano kundi dahil sa sama-samang puso na handang maglingkod at magbigay. Ang inyong kabutihan ay magsisilbing inspirasyon upang ipagpatuloy ang misyon ni Kristo sa ating komunidad.
Maraming, maraming salamat po sa inyong lahat. Nawa’y pagpalain pa kayo ng Diyos at patuloy kayong maging daluyan ng Kanyang pag-ibig at biyaya.
