07/02/2026
Mt.6:19
19 “Huwag kayong mag-impok ng mga kayamanan dito sa lupa; dito'y may naninirang insekto at kalawang, at may nakakapasok na magnanakaw. 20 Sa halip, mag-impok kayo ng kayamanan sa langit; doo'y walang naninirang insekto at kalawang, at walang nakakapasok na magnanakaw.
Huwag natin ubusin ang oras sa pagtatrabaho para makapag-ipon, makapag-invest for the future, o magpayaman. Lahat ng materyal na bagay, lahat ng kayamanan dito sa lupa ay mawawala. Sa halip mas i-priority mo/natin o mas paglaanan ng pansin ang kayamanan sa langit dahil ito ay 'di nasisira o hindi mananakaw nino man. Sa halip na ubusin mo/natin ang oras sa pagpapayaman na halos hindi ka na makapagpahinga dahil naghahabol ka ng oras na dapat ganitong age may bahay at lupa na ako at successful na. Pero ano ba ang mapapala mo/natin makamtan man natin ang lahat ng ito kung ang buhay naman natin ay 'di mapupunta sa langit, kung ang pangalan naman natin ay wala sa aklat ng buhay?
Mt. 16:26
26 Sapagkat ano ba ang mapapala ng isang tao makamtan man niya ang buong daigdig, ngunit mapapahamak naman ang kanyang sarili? Ano ang maibibigay ng isang tao kapalit ng kanyang buhay?
Mas unahin natin ang kaharian ng Diyos (Mt 6:33) mas maglaan tayo ng oras sa paglilingkod sa Kanya, mas i-priority mo/natin si Lord at lahat ng ating pinapangarap ay makakamtan natin sa tulong ni Lord ng may kapayapaan at puno ng kagalakan. Tapat ang Diyos sa Kanyang mga pangako, 'di Siya nagpapabaya sa Kanyang mga anak. Ang pagpapala ng Diyos ay sapat, liglig, at nag-uumapaw basta't magtiwala lang tayo sa Kanya.
Walang stress, walang pressure, walang anxiety, walang depression pag nasa piling tayo ni Lord at pag sa Kanya natin pinagkakatiwala ang future natin.
