AJNC LIPA Official

AJNC LIPA Official Oneness Organization

Minsan, Pakiramdam Ko ay Tulad Ako ni Judas..hindi dahil sa ginawa niya, kundi dahil sa bigat ng naramdaman niya pagkata...
07/08/2026

Minsan, Pakiramdam Ko ay Tulad Ako ni Judas
..hindi dahil sa ginawa niya, kundi dahil sa bigat ng naramdaman niya pagkatapos.

Karamihan ay ang pagtataksil lang ang nakikita. Kaunti lamang ang nakakakita sa matinding pagsisising sumunod. Kaunti lamang ang nakakaunawa sa sandaling namulat siya at napagtantong ipinagpalit niya ang isang bagay na napakahalaga sa isang bagay na kailanman ay hindi makapagbibigay ng tunay na kasiyahan. Nang makita niya ang bigat ng kanyang nagawa, tuluyan siyang nadurog.

Lahat tayo ay nakaranas ng ganoong pakiramdam.

May mga salitang nabigkas na hindi na natin mababawi. May mga desisyong ginawa dahil sa takot, pagkalito, o pagmamadali na sana'y hindi na lamang natin ginawa. Tinitingnan natin ang ating buhay at ang tanging nakikita natin ay ang ating pagkakamali, na para bang wala nang pag-asang maibalik ang lahat.

Ngunit ang pagsisisi ay hindi patunay na ikaw ay masama. Patunay ito na ang puso mo ay marunong pang makaramdam. Patunay ito na alam mo pa rin ang tama at mali.

Ang pinakamalaki mong pagkakamali ay hindi ang kabuuan ng iyong kuwento. Mas dakila ang biyaya ng Diyos kaysa sa anumang nagawa mo. Hindi pa huli ang lahat upang manumbalik sa Kanya, kahit kailangan mong gumapang pauwi, tatanggapin ka pa rin Niya.

Huwag kang tumigil kung saan tumigil si Judas. Nagsisi siya, ngunit hindi siya nanumbalik sa Panginoon. Huwag mong hayaang ang iyong pagsisisi ay mauwi sa kawalan ng pag-asa. Ang Diyos ay mahabagin at puno ng awa. Hangga't may hininga, may paanyaya pa ring bumalik sa Kanya. Lumapit ka sa Panginoon, sapagkat ang tunay na pagsisisi ay hindi lamang pagluha sa kasalanan dahil ito ay pagbabalik sa Diyos na laging handang magpatawad at tumanggap.

Come home this Sunday kapatid!

Sunday School For All Ages
08:00 AM - 09:00 AM

Morning Service
09:00 AM - 11:30 AM

Evangelistic Service
04:00 PM - 06:00 PM

"Early is on time. On time is late. Late is a choice."May isang katotohanang mahirap tanggihan:Hindi tayo nahuhuli sa mg...
30/07/2026

"Early is on time. On time is late. Late is a choice."

May isang katotohanang mahirap tanggihan:

Hindi tayo nahuhuli sa mga bagay na talagang mahalaga sa atin.

Kung may job interview, maaga tayong gumigising.

Kung may flight, handa tayong pumunta sa airport nang ilang oras bago ang alis.

Kung may trabaho, negosyo, o appointment, inaagahan natin dahil alam nating may mawawala kapag nahuli tayo.

Ginagawa natin ang lahat ng paraan para hindi tayo mahuli.

Ngunit bakit kapag ang pupuntahan ay ang bahay ng Diyos, tila madali na lamang tayong ma-late?

Hindi ito simpleng usapin ng oras.

Usapin ito ng puso.

Sapagkat ang oras na ibinibigay natin ay kadalasang nagpapakita kung ano ang tunay nating pinahahalagahan.

Ang totoo, wala namang nagsasabing perpekto tayo. May mga pagkakataong may traffic, may emergency, may trabaho, may mga pangyayaring wala sa ating kontrol.

Ngunit kung ang pagiging huli ay naging normal na, kung hindi na tayo naghahanda, kung lagi na lang nating hinahabol ang pagsamba sa halip na paghandaan ito, marahil hindi ang relo ang kailangang itama.

Baka ang ating mga prayoridad.

Ang Diyos ang nagbigay sa atin ng buhay.

Siya ang nagbigay ng lakas para makapagtrabaho.

Siya ang nagbigay ng karunungan upang makapag-aral.

Siya ang dahilan kung bakit may pagkakataon pa tayong gumising sa bawat umaga.

Kung kaya nating ibigay ang pinakamagandang oras natin sa mundo, hindi ba nararapat lamang na ibigay din natin ang ating pinakamainam sa Diyos?

Ang pagsamba ay hindi lamang pagpasok sa loob ng simbahan.

Ito ay paghahanda ng puso bago pa man magsimula ang programa.

Kapag maaga tayong dumarating, sinasabi natin sa Diyos:

"Panginoon, hindi Kita gustong habulin. Gusto Kitang salubungin."

Hindi natin alam kung aling awit ang magpapalakas sa atin.

Hindi natin alam kung aling panalangin ang magpapalaya sa ating puso.

Hindi natin alam kung aling talata ang magiging sagot sa matagal na nating hinihintay.

At napakalungkot kung mamimiss natin ang sandaling iyon dahil lamang hindi natin ito pinaghandaan.

Sinasabi ng Hebreo 10:25 na huwag nating pabayaan ang ating pagtitipon. Hindi lamang ito utos na dumalo sa isang gawain, kundi paanyaya na unahin ang Diyos, pahalagahan ang Kanyang presensya, at palakasin ang ating pananampalataya kasama ang Kanyang Iglesia.

Kaya sa mga susunod na pagtitipon, huwag tayong magtanong,

"Aabot kaya ako?"

Mas mabuting itanong natin,

"Paano ako makakarating nang maaga upang maihanda ko ang puso ko sa Panginoon?"

Dahil sa huli, ang tanong ay hindi kung gaano tayo kaaga sa simbahan.

Ang mas mahalagang tanong ay:

Gaano kahalaga sa atin ang Diyos?

Kung tunay nating inaasam ang Kanyang presensya, hindi tayo darating na naghahabol.

Darating tayong naghihintay.

Hindi dahil may nag-uutos.

Hindi dahil may nagbabantay.

Kundi dahil mahal natin ang Diyos, at ang taong umiibig ay laging sabik makatagpo ang kanyang minamahal.

YP & SYA Joint Service at Bolbok Church 😇We thank God for a wonderful time of worship, fellowship, and His Word.A specia...
24/07/2026

YP & SYA Joint Service at Bolbok Church 😇

We thank God for a wonderful time of worship, fellowship, and His Word.

A special thank you to Bro. Darrel for preaching and sharing God's message with us from Jeremiah 29:11. Reminding us that God has a purpose, a plan, and a future for each of our lives.

"For I know the plans I have for you," saith the LORD, "plans of peace, and not of evil, to give you an expected end." — Jeremiah 29:11

To God be all the glory!

“And David was greatly distressed... but David encouraged himself in the LORD his God.” 1 Samuel 30:6 KJVMARAMING NAKAKA...
23/07/2026

“And David was greatly distressed... but David encouraged himself in the LORD his God.” 1 Samuel 30:6 KJV

MARAMING NAKAKA-MISINTERPRET ng verse na ito.

Minsan ang natatandaan lang natin ay,

"David encouraged himself."

Kaya ang application natin agad ay,

"Kailangan ko lang maging matatag. Kailangan kong i-motivate ang sarili ko. Positive mindset lang."

Pero hindi iyon ang sinasabi ng Kasulatan.

Ang nakasulat ay,
"David encouraged himself in the LORD his God."

"IN THE LORD HIS GOD."

Iyon ang pinagmulan ng kanyang encouragement.

Hindi siya umasa sa positive thinking, self-talk, o sariling tapang.

Hindi sa sarili niyang lakas.

Hindi sa kanyang emosyon.

Hindi sa kanyang karanasan.

Hindi sa mga tao sa paligid niya.

Dahil sa pagkakataong iyon, wala nang natitirang magpapalakas kay David.

Nabihag ang kanyang pamilya.

Nasunog ang kanilang lungsod.

At pati ang sarili niyang mga tauhan ay gusto na siyang batuhin.

Pero sa halip na sumuko, tumakbo siya sa Diyos.

Ang kanyang lakas ay hindi nanggaling sa loob niya.

Ang kanyang lakas ay nanggaling sa presensya ng Panginoon.

The answer is not self-encouragement.

The answer is finding your encouragement in God. The God-given encouragement.

Kapag ubos ka na, hindi mo kailangang piliting pasayahin ang sarili mo.

Kung pagod ka na, lumapit ka sa Panginoon.

Kung sugatan ka na, lumapit ka sa Panginoon.

Kung wala nang nagpapalakas sa'yo, lumapit ka sa Panginoon.

Dalhin mo ang sarili mo sa presensya ng Panginoon. Siya ang magpapalakas sa’yo.

Kaya kung patuloy kang lumalaban sa buhay pero malayo ka sa presensya ng Diyos, bumalik ka na.

Hindi mo kailangang harapin ang lahat nang mag-isa.

Let the Lord encourage you.

People may fail to encourage you, but the Lord never will.

Encourage yourself.. not by looking within, but by looking to the Lord.

We'd loved to see at church! 🤗

Sunday School For All Ages starts at 08:00AM.

Isa sa pinakamalaking hadlang sa ating paglakad kasama ang Diyos ay hindi kakulangan sa talento, kaalaman, o pagkakataon...
17/07/2026

Isa sa pinakamalaking hadlang sa ating paglakad kasama ang Diyos ay hindi kakulangan sa talento, kaalaman, o pagkakataon kundi ang hating puso at isipan.

Kapag gusto nating sumunod kay Jesus ngunit ayaw nating bitawan ang mundo, mahihirapan tayong lumago sa pananampalataya. Hindi tayo makakausad kung ang puso natin ay laging nahahati sa pagitan ng kalooban ng Diyos at ng sarili nating kagustuhan.

Sinasabi ng Kasulatan:

"Ang taong may dalawang pag-iisip ay hindi matatag sa lahat ng kaniyang mga lakad." (Santiago 1:8)

Hindi tayo tinatawag ng Diyos na mamuhay na kalahati para sa Kanya at kalahati para sa mundo. Ang nais Niya ay isang pusong buo ang pagtitiwala at buong pusong sumusunod sa Kanya.

Sa panahon ngayon, napakaraming bagay ang gustong agawin ang ating atensyon.. trabaho, pera, social media, takot, pangarap, at maging ang opinyon ng ibang tao. Unti-unti nitong inilalayo ang ating puso sa Diyos. Madalas, hindi tayo inilalayo ng kaaway sa pamamagitan ng kasalanan lamang, kundi sa pamamagitan ng mga distractions na nagpapalayo ng ating pansin o nagpapamanhid sa ating puso kaya hindi natin napapansin ang ginagawa ng Diyos.

Ang pagsunod kay Jesus ay isang desisyong ginagawa araw-araw. Hindi ito tungkol sa pagiging perpekto, kundi sa patuloy na pagpiling sumunod kahit mahirap. Kapag si Jesus ang sentro ng ating buhay, nagiging matatag ang ating pananampalataya, nahuhubog ang ating pagkatao, at nagiging buhay nating patotoo ang kabutihan ng Diyos.

Kaya ang panawagan ni Josue ay panawagan pa rin hanggang ngayon:

"Piliin ninyo sa araw na ito kung sino ang inyong paglilingkuran." (Josue 24:15)

Huwag hayaang manatiling hati ang iyong puso. Ang isang hating isip at puso ay hindi nakararating sa paroroonan, ngunit ang isipang desidido at pusong nagpapakumbaba ay laging aakayin ng Diyos sa tamang landas.

Kung matagal na kayong nag-aalinlangan o unti-unti nang lumalayo sa Panginoon, ito na ang panahon upang muling magdesisyon, piliin, magpasyang paglingkuran ang Diyos.

Kayo ay aming inaanyayahang dumalo sa mga pagtitipon. Halina at sama-sama nating awitan, papurihan, sambahin at paglingkuran ang Diyos. Palaging mayroong upuang nakalaan sayo rito. No one will judge you here.

Tuesday Prayer Meeting
06:00 PM to 07:30 PM

Thursday Bible Study
06:00 PM to 07:30 PM

Sunday School For All Ages
08:00 AM to 09:00 AM

Worship Service
09:30 AM to 11:00 AM

Evangelistic Service
04:00 PM to 06:00 PM

See you here brethren! 😇

Don't Give Up.Maybe you're tired.Maybe life has been heavier than you expected. Maybe you've been carrying burdens that ...
09/07/2026

Don't Give Up.

Maybe you're tired.

Maybe life has been heavier than you expected. Maybe you've been carrying burdens that no one knows about. Perhaps you've been praying, waiting, and wondering if God still hears you.

He does.

The enemy wants you to believe that giving up is your only option. He wants you to stay discouraged, isolated, and far from God's presence.

But Jesus has already paid the price so you can stand.

You don't have to fight your battles alone. Sometimes the greatest step of faith is simply showing up, coming into God's presence, worshiping with His people, and allowing Him to strengthen your heart.

This Sunday, don't let fear, shame, disappointment, or exhaustion keep you away.

Come as you are.

Whether you've been attending faithfully, have been away for a while, or this will be your first time, there is a place for you here. God is still changing lives, restoring hearts, and filling His people with hope.

We would love to worship with you.

Sunday School For All Ages
8:00 AM – 9:00 AM

Sunday Worship Service
9:30 AM – 11:00 AM

Sunday Evangelistic Service
4:00 PM – 6:00 PM

Everyone Is Welcome Here!
Panopio St. Brgy. Bagong Pook, Lipa City Batangas.

Minsan, hindi naman natin intensyong lumayo sa Diyos. Unti-unti lang itong nangyayari. Dahil sa trabaho. Dahil sa pagod....
03/07/2026

Minsan, hindi naman natin intensyong lumayo sa Diyos. Unti-unti lang itong nangyayari. Dahil sa trabaho. Dahil sa pagod. Dahil sa mga problema. Hanggang sa isang araw, napapansin na lang nating matagal na pala tayong hindi nakalalapit sa Kanya.

Kung isa ka sa mga taong matagal nang hindi nakakadalo sa pagsamba, nais kitang anyayahan. Hindi para husgahan ang nakaraan mo. Hindi para sukatin ang pananampalataya mo. Kundi para ipaalala na hindi nagsasawang maghintay ang Diyos sa bawat taong handang bumalik sa Kanya.

Ang totoo, hindi ang Diyos ang lumalayo sa atin, tayo ang unti-unting naaagaw ng mga alalahanin, pangarap, trabaho, at mga bagay na akala natin ay mas mahalaga. Ngunit sa huli, wala pa ring makapupuno sa ating puso kundi ang presensya ng Diyos.

Ang simbahan ay hindi museo ng mga banal. Isa itong tahanan ng mga taong patuloy na binabago ng biyaya ng Diyos. Dito tayo sama-samang lumalago, bumabangon, umiiyak, nananalangin, at muling pinatatatag ng Kanyang Salita.

Maaaring mabigat ang dinadala mo ngayon kapatid. Maaaring pakiramdam mo ay hindi ka na karapat-dapat lumapit. Ngunit tandaan mo ito kapatid.. hindi hinihintay ni Jesus na maging maayos ang buhay mo bago ka Niya tanggapin. Inaanyayahan ka Niyang lumapit habang ikaw ay pagod, sugatan, at nangangailangan ng Kanyang biyaya.

Kaya kung matagal ka nang hindi nakakadalo, sana ay pag-isipan mong bumalik kapatid. Hindi dahil kailangan ng simbahan ang isa pang miyembro, kundi dahil kailangan ng bawat isa sa atin ang Diyos sa ating buhay.

Nawa'y makarating ka sa darating na Linggo. Hindi ako nangangakong mawawala agad ang lahat ng problema mo, pero naniniwala akong kapag lumapit ka sa Diyos, magkakaroon ka ng tunay na kapayapaan, pag-asa, at may bagong lakas upang harapin ang bawat araw.

Hindi lahat ng trahedya ay nagsisimula sa isang "malaking" kasalanan. Minsan, nagsisimula ito sa pusong unti-unting luma...
01/07/2026

Hindi lahat ng trahedya ay nagsisimula sa isang "malaking" kasalanan. Minsan, nagsisimula ito sa pusong unti-unting lumalayo sa Diyos. Isa na rito ang kuwento ni Judas Iscariote.

Ang nakapagtataka sa kuwento ni Judas ay hindi kung gaano siya kalayo kay Jesus, kundi kung gaano siya kalapit. Posible palang lumakad kasama ang Panginoong Jesus, marinig ang Kanyang mga turo, makita ang Kanyang mga gawa at himala, at maging bahagi ng Kanyang ministry, ngunit unti-unti pa ring hayaang maagaw ng mga bagay ng mundong ito ang puso hanggang sa sa huli ay piliing talikuran Siya.

Bawat araw ay may pagkakataon siyang lumakad kasama ang Tagapagligtas. Ngunit sa kabila ng lahat ng iyon, dumating ang sandaling ipinagpalit niya ang walang hanggang halaga sa isang bagay na panandalian lamang. Tatlumpung pirasong pilak. Hindi mahalaga kung gaano kalaki ang halaga nito noon. Sapagkat anumang halaga ng salapi ay mananatiling hamak kung ihahambing sa halaga ng presensya ng Panginoong Jesus. Paano mo nga naman maipagpapalit ang Liwanag sa isang baryang kumukupas? Paano mo maipagpapalit ang Buhay sa isang kayamanang lilipas din?

Pagkatapos niyang mapagtanto ang kanyang ginawa, binalot siya ng pagsisisi. Ngunit ang kanyang pagsisisi ay hindi nagtulak sa kanya pabalik sa paanan ni Jesus. Pinili niyang akuin ang bigat ng kanyang kasalanan nang siya lamang. Nakita niya ang bigat ng kanyang pagkakasala, ngunit hindi niya nasilayan ang lalim ng awa ng Diyos. At dito ako napapaisip. Napakadali nating husgahan si Judas. Napakadali nating sabihing, "Hindi ko kayang gawin ang ginawa niya." Pero sigurado ba tayo? Sapagkat maaaring hindi natin ipinagbili si Jesus sa tatlumpung pirasong pilak... Ngunit ilang beses na ba natin Siya ipinagpalit sa mga bagay na mas mababa pa ang halaga? Ipinagpalit sa overtime. Ipinagpalit sa negosyo. Ipinagpalit sa ambisyon. Ipinagpalit sa relasyon. Ipinagpalit sa pansamantalang kasiyahan. Ipinagpalit sa kasalanang alam nating nakalulungkot sa puso ng Diyos. Hindi man tayo tumanggap ng supot ng pilak, tumatanggap naman tayo ng mga dahilan. "Busy lang ako." "Babalik din ako kapag naging maayos na ang lahat." "Kailangan ko munang unahin ang buhay ko." At habang inuulit natin ang mga katwirang ito, hindi natin namamalayan na unti-unti na rin nating ipinagpapalit ang presensya ng Diyos sa mga bagay na hindi natin madadala sa walang hanggan.

Ang puso ay hindi lumalayo sa Diyos nang biglaan. Dahan-dahan itong inaanod ng mga bagay na unti-unting pumapalit sa Kanya. Minsan nagsisimula ito sa isang ipinagpalibang panalangin. Sa isang pagsambang hindi na dinaluhan. Sa isang kabanata ng Biblia na hindi na binuksan. Sa isang munting kompromisong sinabi nating, "Minsan lang naman."

Hanggang sa dumating ang sandaling mas nasasabik na tayo sa mga iniaalok ng mundo kaysa sa presensya ng Diyos. At doon natin mapagtatantong hindi pala tayo lumayo sa Kanya sa isang iglap, kundi sa maliliit na kompromisong pinili nating balewalain.

Ang masakit, hindi natin napapansing unti-unti na pala nating ipinagpapalit ang walang hanggan sa pansamantala. Kaya marahil ang tanong ay hindi, "May Judas pa ba ngayon?" Ang tanong ay... Magkano ang halaga ng kapalit ni Jesus sa puso ko?

Ano ang presyo ng aking panalangin? Ano ang presyo ng aking pagsamba? Ano ang presyo ng aking paglilingkod? Ano ang presyo ng aking katapatan? Sapagkat ang bawat isa sa atin ay may isang bagay na sinusubukang bilhin ang ating puso palayo kay Cristo.

Ngunit narito ang kagandahan ng Ebanghelyo. Kung si Judas ay nilamon ng kawalan ng pag-asa, hindi iyon ang paanyaya ni Jesus para sa atin. Ang paanyaya ni Cristo ay hindi, "Magbayad ka sa kasalanan mo." Kundi, "Lumapit ka sa Akin." Sapagkat walang kasalanang kayang higitan ang Kanyang biyaya para sa pusong tunay na nagsisisi. Huwag nating hintaying maging huli ang lahat bago natin mapagtanto na ang ipinagpalit natin ay ang tanging Kayamanang hindi kumukupas. Sapagkat sa dulo ng buhay na ito, ang pilak ay kakalawangin, ang tagumpay ay lilipas, ang palakpak ng mundo ay tatahimik, ngunit si Cristo ay mananatiling Hari magpakailanman. Kaya huwag mong ipagpalit ang walang hanggan para sa panandalian. Walang anumang iniaalok ang mundong ito na hihigit sa kayamanang matatagpuan lamang sa ating Panginoong Jesu-Cristo.

Every season gives us a reason to thank the Lord.In joy and in trials, God remains faithful.Let us gather as one family ...
03/01/2026

Every season gives us a reason to thank the Lord.
In joy and in trials, God remains faithful.

Let us gather as one family in Christ to lift our praises, give thanks, and honor the One who gives us victory.

See you as we worship together 🙌🍂


Address

Roadside Street Bagong Pook
Lipa City
4217

Telephone

+639395249080

Website

Alerts

Be the first to know and let us send you an email when AJNC LIPA Official posts news and promotions. Your email address will not be used for any other purpose, and you can unsubscribe at any time.

Shortcuts

Share

Category