https://www.facebook.com/102817069137231/

Kapilya ni San Vicente Ferrer, St. Francis II, Limay, Bataan

Home
Philippines
Limay
Kapilya ni San Vicente Ferrer, St. Francis II, Limay, Bataan

Sa gitna ng payak na pamayanan ng St.

Francis II, Limay, Bataan, matatagpuan ang munting kapilya ni San Vicente Ferrer—isang tahanan ng pananampalataya, pag-asa at pagmamahalan.

24/05/2026

‎𝙋𝘼𝘼𝙉𝙔𝘼𝙔𝘼 𝙋𝘼𝙍𝘼 𝙎𝘼 𝙈𝙄𝙎𝘼 𝙉𝙂 𝙋𝘼𝙎𝘼𝙎𝘼𝙇𝘼𝙈𝘼𝙏 𝘼𝙏 𝙋𝘼𝙂𝘽𝘼𝘽𝘼𝙎𝘽𝘼𝙎 𝙉𝙂 𝙆𝘼𝙋𝙄𝙇𝙔𝘼
‎
‎Matapos ang mahigit tatlong dekada ay nagkaroon ng malawakang pagpapaayos ang ating minamahal na Kapilya ni San Vicente Ferrer, St. Francis II, Limay, Bataan na naisakatuparan dahil sa awa at biyaya ng Panginoon at patnubay ng ating patron- San Vicente Ferrer.
‎
‎Dahil sa kabutihang-loob ng ating punong bayan- Mayor Richie Jason David sa pagkakaloob ng napakalaking bahagi ng ating materyales at sa maraming kapatid na nagkaisa, nagmalasakit at nagkaloob ng tulong-pinansyal, panahon at lakas ay naging mas ligtas at mas maaliwalas ang tahanan ng ating pananampalataya.
‎
‎Kaya’t buong pusong inaanyayahan ang bawat isa sa isang banal na pagdiriwang ng pasasalamat at pagbabasbas ng ating kapilya — isang tanda ng ating pananampalataya, pagkakaisa, at patuloy na pag-asa bilang sambayanan ng Diyos.
‎
‎𝘽𝘼𝙉𝘼𝙇 𝙉𝘼 𝙈𝙄𝙎𝘼 𝘼𝙏 𝙋𝘼𝙂𝘽𝘼𝘽𝘼𝙎𝘽𝘼𝙎
‎
‎📅 May 28, Huwebes, 8:00 N.U.
‎📍 San Vicente Ferrer Chapel, St. Francis 2, Limay, Bataan
‎🙏 Punong Tagapagdiwang: Reb. Pd. Edilbert S. Pomer
‎
‎“Hindi man naging madali ang paglalakbay, ngunit sa tulong ng Diyos at pagkakaisa ng bawat isa ay naipaayos ang ating kapilya bilang ilaw ng pananampalataya para sa lahat at sa mga susunod pang mga henerasyon.”
‎
‎Maraming salamat po sa inyong lahat🙏
‎
‎

24/05/2026

Taos-puso po kaming nagpapasalamat sa kapatid na piniling manatiling hindi magpakilala, ngunit patuloy na nagpaabot ng tulong kahit isinara na po namin ang pagkalap ng pinansyal na suporta para sa pagpapaayos ng aming kapilya.

Sa mga panahong pinili naming umiwas muna sa pagtanggap ng ilang pledges at sa halip ay pinagkasya at pinaraan sa abot ng aming kakayahan ang mga pangangailangan, dumating po ang inyong tulong na tila ba batid ninyo ang mga kakailanganin pa namin, lalo na sa nalalapit na pagbabasbas ng kapilya.

Sa mga pangakong gawain at mga bagay na kailangan pang maisakatuparan, marami pa rin po ang kakulangan—ngunit sa pamamagitan ng inyong kabutihang-loob, muli kaming napalakas at napuno ng pag-asa.

Maraming salamat po. Ang ating mahal na Panginoon na po ang bahalang magbalik sa inyo ng masaganang biyaya. 🙏

23/05/2026

Pabatid para sa ating mga kapatid sa Barangay St. Francis II 💛
‎
‎Tayo po ay may 𝘽𝙄𝘽𝙇𝙀 𝙎𝙀𝙍𝙑𝙄𝘾𝙀 tuwing 𝙇𝙞𝙣𝙜𝙜𝙤, 𝙖𝙡𝙖𝙨-9 ng 𝙪𝙢𝙖𝙜𝙖, sa ating minamahal na Kapilya ni San Vicente Ferrer, St. Francis II, Limay, Bataan na pangungunahan po ng isa sa ating mga Lay Minister.

‎Sa gitna ng ingay at pagod ng ating pang-araw-araw na buhay, ito po ay isang sandaling ibinibigay natin sa Diyos—upang makinig, magnilay, at muling mapalakas ang ating pananampalataya.

‎Nawa’y sama-sama tayong lumapit at makiisa para sa ating Panginoon. Ang inyong presensya ay hindi lamang mahalaga—ito ay isang biyaya. 🙏

Mangyaring makikihatid na lang din po ng balita sa ating mga kakilala at kapitbahay na hindi naaabot ng social media.

Note: Hindi po tayo magkakaroon ng Bible Service kung ang Linggo ay natapat na ika-lima na sa naturang buwan.

Maraming salamat po.

23/05/2026

𝙋𝙖𝙗𝙖𝙩𝙞𝙙 𝙥𝙤:

Pormal na po nating isinasara ang pagkalap ng tulong-pinansyal para sa pagpapaayos ng ating Kapilya ni San Vicente Ferrer, St. Francis II, Limay, Bataan.

Sa tulong ng inyong kabutihang-loob, ang mga kinakailangang ayos ay naihanda na, at inaasahan pong hindi na gaanong mabigat ang mga susunod na gastusin.

Kung nais pa rin po ninyong magbahagi, ito ay ilalaan sa pagpapalit ng mas maayos na upuan upang higit na maging komportable ang lahat at sa iba pang magiging gawain at protekto ng kapilya.

Sa kasalukuyan, tayo po ay naghahanda para sa Misa ng Pasasalamat at Pagbabasbas ng Kapilya. Ipapabatid po namin sa lalong madaling panahon ang petsa at iba pang detalye.

Inaanyayahan din po kayong magbahagi ng pagkain at inumin na bukal sa inyong loob na atin pong pagsasaluhan matapos ang pagbabasbas. Pagdamutan nyo po ang munti nating makakayanan.

Maraming salamat po sa inyong patuloy na panalangin, biyaya, at taos-pusong pagtulong—kayo po ang naging daan sa katuparan ng ating panalangin na tuluyang maipaayos ang ating mahal na tahanan ng pananampalataya.

𝙆𝘼𝙔𝙊 𝙋𝙊 𝘼𝙔 𝘽𝙄𝙔𝘼𝙔𝘼 𝙉𝙂 𝘼𝙏𝙄𝙉𝙂 𝙆𝘼𝙋𝙄𝙇𝙔𝘼 🙏

21/05/2026

𝙎𝙖 𝙠𝙖𝙨𝙖𝙡𝙪𝙠𝙪𝙮𝙖𝙣...
|| 𝙈𝙖𝙮 21, 2026

Batid po naming kayo man ay naghihintay ng update mula sa amin, kaya’t buong kagalakan po naming ibinabalita na halos ganap na ang ating mahal na Kapilya ni San Vicente Ferrer, St. Francis II, Limay, Bataan.

Mayroon na lamang pong ilang maliliit na bagay na kasalukuyang inaayos sa loob at labas upang matiyak na ito ay higit na ligtas, maayos, at maging tunay na kaaya-ayang tahanan ng panalangin para sa bawat isa.

Mula po sa kaibuturan ng aming puso, muli kaming nagpapasalamat sa inyong walang sawang malasakit, suporta, at tulong. Dahil po sa inyong kabutihang-loob, unti-unti nang natutupad ang isang pangarap at panalanging dekada nating hinintay at inalay sa Panginoon.

Nawa’y patuloy kayong pagpalain at gantimpalaan ng Diyos sa inyong pagmamahal at sakripisyong ipinagkaloob para sa Kanyang banal na tahanan 🙏

San Vicente Ferrer,
Ipanalangin mo kami 🙏

21/05/2026

Lubos po kaming nagpapasalamat sa ating mga Barangay Kagawad at SK Chairman ng Barangay St. Francis II para sa kanilang taos-pusong tulong pinansyal para sa patuloy na pagpapagawa ng ating mahal na Kapilya ni San Vicente Ferrer, St. Francis II, Limay, Bataan.

Ang bawat ambag na inyong inialay ay nagsisilbing buhay at pag-asa upang maisakatuparan ang tahanan ng Diyos na ating pinapangarap.

Hindi po magiging posible ang lahat ng ito kung wala ang inyong bukas-palad na puso, malasakit, at pagmamahal sa ating kapilya.

Dalangin po namin na patuloy kayong pagpalain ng Poong Maykapal, gantimpalaan ang inyong kabutihan, at ibalik nang siksik, liglig, at umaapaw ang lahat ng inyong sakripisyo at pagmamahal para sa Kanyang banal na tahanan. 🙏

19/05/2026

Taos-puso po kaming nagpapasalamat sa inyong tulong pinansyal para sa patuloy na pagpapagawa ng ating kapilya.

Hindi po mabibigyang-buhay ang lahat ng ito kung wala ang inyong bukas-palad na pagtulong at pagmamahal sa ating kapilya.

Nawa’y higit pa po kayong pagpalain ng Diyos at suklian ang kabutihang inyong inialay para sa Kanyang tahanan🙏

18/05/2026

Maraming salamat po sa nag-alay ng magagandang bulaklak para sa altar ng ating kapilya.

Sa simpleng handog na ito, higit na nabigyang buhay, ganda, at kabanalan ang tahanan ng ating pananampalataya.

Nawa’y pagpalain pa kayo ng Panginoon sa inyong kabutihang-loob at pagmamahal sa Kanyang tahanan🙏

17/05/2026

Buong- puso po kaming nagpapasalamat kay Kagawad Gracel Mapa Nabaunag, sa inyong tulong pinansyal para sa final payment ng ating babasaging pintuan at sa iba pa nating mga kapatid na nagpahatid ng kanilang tulong-pinansyal; kasama ang mga nagkaloob pero piniling itago ang pagkakilanlan, para sa patuloy na pagpapagawa ng ating kapilya. Inaasahang matatapos na po nating ang kabuuan nito ng ilang araw mula ngayon.

Hindi po mabibigyang-buhay ang lahat ng ito kung wala ang inyong bukas-palad na pagtulong at pagmamahal sa ating kapilya.

Nawa’y higit pa po kayong pagpalain ng Diyos at suklian ang kabutihang inyong inialay para sa Kanyang tahanan🙏

17/05/2026

Unti-unti nang nabibigyang ganap ang bagong-anyo ang ating munting Kapilya ni San Vicente Ferrer, St. Francis II, Limay, Bataan na ating pinagsikapang ipaayos dahil sa mga sumusunod na layunin:

✔ Magkaroon ng mas ligtas, maaliwalas at mas maayos na tahanan ng pananampalataya sa pagpapaayos ng mga sirang bahagi nito na nagiging banta na sa kaligtasan ng ating mga kapatid.

✔ Makita ang altar mula sa labas, at sa ganoon ay mabigyan pa rin ng pagkakataon ang ating mga kapatid na makapag-alay ng taimtim na panalangin at matahimik na pagninilay, kahit sila man ay nasa labas lamang ng tahanan ng Panginoon.

✔ Mapanatili ang kabanalan at kaayusan ng ating kapilya maging sa labas nito—upang manatili itong isang banal na lugar ng pananalangin, pagninilay, at tahimik na paglapit sa Diyos, at hindi matambayan sa pamamagitan ng paglalagay ng maayos na gate.

Dahil sa sama-samang pagmamahal, sakripisyo, panalangin, at pagtutulungan ng bawat isa naisakatuparan natin ang mga layuning ito.

Sa bawat bahagi ng kapilya, naroon ang bakas ng kabutihang-loob ng mga taong walang sawang nag-alay ng oras, lakas, at tulong upang maitaguyod ang isang banal na tahanan para sa Panginoon at sa buong pamayanan.

Halos malapit na nating makita ang ganap nitong kaganapan. May ilan na lamang pong maliliit na bagay na kinakailangan pang maisaayos tulad ng repainting ng signage ng kapilya at ng buong gate, mga karagdagang bangko, pagpipintura at finishing ng flooring sa labas, plantbox, at iba pang munting pangangailangan upang lalo pa itong maging maayos at. mas ligtas na tahanan ng panalangin.

Mula po sa kaibuturan ng aming puso, taos-pusong pasasalamat sa lahat ng tumulong sa anumang paraan—sa malaki man o maliit na halaga, sa pag-aalay ng oras, pagod, materyales, panalangin, at suporta. Hindi po namin mararating ito kung hindi dahil sa inyong kabutihan at pakikiisa.

Nawa’y ang Panginoon mismo ang patuloy na gumanti sa inyong kabutihan, magpala sa inyong pamilya, at magkaloob ng masaganang biyaya sa bawat pusong naging bahagi ng ating mahal na kapilya🙏

16/05/2026

Buong puso po kaming nagpapasalamat sa inyong taos-pusong tulong at pagmamalasakit para sa patuloy na pagpapagawa ng ating kapilya. Maraming salamat po sa mga nagkaloob ng tulong pinansyal, maging sa mga tahimik na nagbahagi ngunit piniling manatiling hindi kilala, gayundin sa mga naghandog ng wall fans upang magbigay ng dagdag na ginhawa at kapanatagan sa ating mga kapatid habang sumasamba.

Ang bawat ambag, maliit man o malaki, ay naging malaking biyaya at patunay ng inyong pagmamahal sa tahanan ng Diyos. Hindi magiging posible ang mga gawaing ito kung wala ang inyong bukas-palad na puso at taos-pusong pagsuporta.

Nawa’y patuloy po kayong pagpalain nang sagana ng ating Panginoon, at suklian Niya nang higit pa ang lahat ng inyong kabutihang-loob, pagtulong, at pag-aalay para sa Kanyang banal na tahanan. 🙏

Address

Limay
2103

Telephone

+639052540296

Website

facebook.com

Alerts

Be the first to know and let us send you an email when Kapilya ni San Vicente Ferrer, St. Francis II, Limay, Bataan posts news and promotions. Your email address will not be used for any other purpose, and you can unsubscribe at any time.

Shortcuts

Want your place of worship to be the top-listed Place Of Worship in Limay?

Kapilya ni San Vicente Ferrer, St. Francis II, Limay, Bataan

24/05/2026

24/05/2026

23/05/2026

23/05/2026

21/05/2026

21/05/2026

19/05/2026

18/05/2026

17/05/2026

17/05/2026

16/05/2026

Address

Telephone

Website

Alerts

Shortcuts

Share

Category