Kapilya ng San Vicente Ferrer, St. Francis II, Limay, Bataan

19/07/2026

𝘽𝙖𝙣𝙖𝙡 𝙣𝙖 𝙈𝙞𝙨𝙖 𝙨𝙖 𝙆𝙖𝙥𝙞𝙡𝙮𝙖
𝙅𝙪𝙡𝙮 19, 2026

Ngayong gabi, muling napuno ng pananampalataya at pag-asa ang ating munting kapilya sa idinaos na buwanang Banal na Misa sa ating Kapilya ni San Vicente Ferrer, St. Francis II, Limay, Bataan na pinangunahan ng ating mahal na Kura Paroko- Reb. Pd. Edilbert S. Pomer.

Sa bawat panalangin, Salita ng Diyos, at Banal na Eukaristiya, muli nating naranasan ang pagyakap ng Panginoon at ang biyayang nagbubuklod sa ating barangay bilang isang pamilya sa pananampalataya.

Nawa'y magpatuloy tayong lumago sa pag-ibig, paglilingkod, at pagkakaisa sa Kanya. 🙏

18/07/2026

Minamahal naming mga kapatid sa Barangay St. Francis II

Inaanyayahan po namin kayong makiisa sa ating 𝘽𝘼𝙉𝘼𝙇 𝙉𝘼 𝙈𝙄𝙎𝘼, bukas- 𝙅𝙪𝙡𝙮 19, 2026, 𝙎𝙐𝙉𝘿𝘼𝙔 sa ganap na 𝙞𝙠𝘼-7:00 𝙣𝙜 𝙜𝙖𝙗𝙞, na gaganapin sa ating minamahal na Kapilya ni San Vicente Ferrer, St. Francis II, Limay, Bataan.

Ang atin 𝙋𝙪𝙣𝙤𝙣𝙜 𝙏𝙖𝙜𝙖𝙥𝙖𝙜𝙙𝙞𝙬𝙖𝙣𝙜 ay ang ating minamahal na 𝙆𝙪𝙧𝙖 𝙋𝙖𝙧𝙤𝙠𝙤- 𝙍𝙚𝙗. 𝙋𝙙. 𝙀𝙙𝙞𝙡𝙗𝙚𝙧𝙩 𝙎. 𝙋𝙤𝙢𝙚𝙧.

𝙈𝙖𝙧𝙖𝙢𝙞𝙣𝙜 𝙨𝙖𝙡𝙖𝙢𝙖𝙩 𝙥𝙤 𝙖𝙩 𝙣𝙖𝙬𝙖'𝙮 𝙢𝙖𝙠𝙖𝙙𝙖𝙡𝙤 𝙖𝙣𝙜 𝙗𝙖𝙬𝙖𝙩 𝙞𝙨𝙖. 🙏

13/07/2026

12/07/2026

𝘽𝙄𝘽𝙇𝙀 𝙎𝙀𝙍𝙑𝙄𝘾𝙀 𝙨𝙖 𝙆𝘼𝙋𝙄𝙇𝙔𝘼
𝙅𝙪𝙡𝙮 12, 2026 @ 9:00 𝙉.𝙐.

Ngayong umaga, muli tayong pinagtipon ng Panginoon sa ating munting Kapilya ni San Vicente Ferrer, St. Francis II, Limay, Bataan upang makinig sa Kanyang Salita at sama-samang manalangin. Sa gitna ng ating mga alalahanin, pagod, at mga pinagdaraanan, muli Niyang pinaalalahanan ang bawat isa na hindi tayo kailanman nag-iisa—lagi Siyang kasama at patuloy na kumikilos sa ating buhay.

Taos-puso po naming inaanyayahan ang bawat pamilya at bawat mananampalataya na makiisa sa ating Bible Service tuwing Linggo, alas-9:00 ng umaga sa ating kapilya.

Hindi man ito isang Banal na Misa, ito ay isang mahalagang pagkakataon upang mapakinggan ang Salita ng Diyos, mapalalim ang ating pananampalataya, at mapagtibay ang ating pagkakaisa bilang isang pamayanang Kristiyano.

(Maliban lamang sa ika-5 Linggo ng buwan o kung may iba pang kadahilanang hindi ito matutuloy. Agad po namin itong ipababatid sa ating pamayanan.)

Marahil ang hinahanap mong kapayapaan, pag-asa, o lakas ay nagsisimula sa isang simpleng paglalaan ng oras para sa Diyos. Hinihintay ka Niya.

Halina at sama-sama nating pakinggan, pagnilayan, at isabuhay ang Kanyang Salita. 🙏

10/07/2026

𝙏𝙖𝙤𝙨-𝙥𝙪𝙨𝙤 𝙖𝙣𝙜 𝙖𝙢𝙞𝙣𝙜 𝙥𝙖𝙨𝙖𝙨𝙖𝙡𝙖𝙢𝙖𝙩 🙏

Sa lahat ng tumulong—sa naghanap ng gagawa, sa mahusay na umukit at lumikha, at sa pinansyal na pagbahagi ng ilan nating mga kapatid—upang maisakatuparan ang pagkakaroon bagong p**n ng ating mahal na patron, San Vicente Ferrer para sa ating kapilya; isang sagisag ng ating pagkakaisa, debosyon, at pagmamahal sa Diyos.

Maraming salamat po sa inyong kabutihang-loob. Nawa'y patuloy tayong pagpalain at gabayan ni San Vicente Ferrer sa ating paglilingkod at pananampalataya. 💙🙏

10/07/2026

𝙋𝙖𝙜𝙥𝙖𝙥𝙖𝙝𝙞𝙙 𝙣𝙜 𝙇𝙖𝙣𝙜𝙞𝙨 𝙨𝙖 𝙢𝙜𝙖 𝙈𝙖𝙮𝙨𝙖𝙠𝙞𝙩 || 𝙅𝙪𝙡𝙮 10, 2026

Ngayong araw na ito ay isinagawa ang Sakramento ng Pagpapahid ng Langis sa mga kapatid nating may karamdaman sa ating barangay- Barangay St. Francis II, kasama ang ating Kura Paroko, Reb. Pd. Edilbert S. Pomer, at ang mga kapatid natin sa Ministry to the Sick.

Ang sakramentong ito ay hindi lamang panalangin para sa kagalingan ng katawan, kundi higit sa lahat ay pagkakaloob ng lakas, kapayapaan, at pag-asa sa gitna ng karamdaman. Ito ay isang paalala na kailanman ay hindi tayo iniiwan ng Diyos—lalo na sa mga sandaling tayo ay mahina at nangangailangan ng Kanyang mapagpagaling na pag-ibig.

Patuloy nating ipanalangin ang ating mga kapatid na may karamdaman. Nawa'y maranasan nila ang kagalingan ayon sa kalooban ng Diyos, ang kapanatagan ng puso, at ang pagyakap ng Kanyang walang hanggang pagmamahal.

Sapagkat sa bawat pagpapahid ng banal na langis, ipinadadama ni Kristo na Siya ay kasama natin sa bawat hirap, sakit, at pag-asa. 🙏💜✝️

22/06/2026

𝘽𝙞𝙗𝙡𝙚 𝙎𝙚𝙧𝙫𝙞𝙘𝙚
𝙅𝙪𝙣𝙚 21, 2026

17/06/2026

‎
‎Taos-pusong pasasalamat po sa ating pinakamamahal na Mayor, Richie Jason David, sa kanyang malasakit at kabutihang-loob na naging daan upang maging fully airconditioned na ang ating minamahal na Kapilya ni San Vicente Ferrer, St. Francis II, Limay, Bataan.
‎
‎‎Sa gitna ng patuloy na pag-init ng panahon, mas maaliwalas at maginhawa na ang ating tahanan ng panalangin.

Dahil sa biyayang ito, mas makakapagdasal nang taimtim at may kapanatagan ang bawat mananampalataya, lalo na ang mga bata at matatanda.
‎
‎Ang dating munting dasal ay isa nang dakilang biyaya. Maraming salamat po sa inyong malasakit sa ating sambayanan at sa ating mahal na kapilya. 🙏

14/06/2026

"Ang mga biyayang tinanggap natin mula sa Diyos ay hindi dapat itago, kundi dapat ipasa at ibahagi sa iba.”
- Reb. Pd. Edilbert S. Pomer

Ika-11 Linggo sa Karaniwang Panahon
Hunyo 13, 2026