Saints Joachim and Anne Parish

30/08/2026

𝐏𝐀𝐀𝐍𝐘𝐀𝐘𝐀 | Kapistahan ng Pagsilang ng Mahal na Birheng Maria

Ang lahat po ay inaanyayahan sa mga gawain ng ating Parokya bilang bahagi ng Kapistahan ng Pagsilang ng Mahal na Birheng Maria.

Paghahanda bago ang Kapistahan:

𝐍𝐎𝐕𝐄𝐍𝐀𝐑𝐈𝐎 | 𝐀𝐠𝐨𝐬𝐭𝐨 𝟑𝟎 - 𝐒𝐞𝐭𝐲𝐞𝐦𝐛𝐫𝐞 𝟕, 𝟐𝟎𝟐𝟔
— 4:00 N.H.
— 5:30 N.H. (Tuwing araw ng Linggo)

Araw ng Kapistahan:

𝐏𝐀𝐆𝐃𝐀𝐑𝐀𝐒𝐀𝐋 𝐍𝐆 𝐁𝐔𝐇𝐀𝐘 𝐍𝐀 𝐑𝐎𝐒𝐀𝐑𝐘𝐎 | 𝐒𝐞𝐭𝐲𝐞𝐦𝐛𝐫𝐞 𝟖, 𝟐𝟎𝟐𝟔
— 4:00 N.H. - Mula sa Kapilya ni Santa Ana (Silangan Kabubuhayan) na susundan ng prusisyon patungo sa ating Parokya.

𝐁𝐀𝐍𝐀𝐋 𝐍𝐀 𝐌𝐈𝐒𝐀 | 𝐒𝐞𝐭𝐲𝐞𝐦𝐛𝐫𝐞 𝟖, 𝟐𝟎𝟐𝟔
— 5:00 N.H.

Bilang mga kapatid ni Hesukristo at mga apo nina San Joaquin at Santa Ana, sama-sama nating parangalan ang Mahal na Birheng Maria sa kaniyang Pagsilang.

23/08/2026

HOMILY EXCERPT | On the 21st Sunday in Ordinary Time, we, the People of God, are being reminded that Christ built His Church through the stewardship of Saint Peter. This reminds us that as we have already established our relationship with Him, we must not neglect our relationship with others. Rather, we are called to strengthen it through service, love, and compassion.

14/08/2026

PAANYAYA | Sa pagdiriwang ng Dakilang Kapistahan ng Pag-aakyat sa Langit ng Mahal na Birheng Maria, Agosto 15, inaanyayahan ang lahat na makiisa sa panalangin at sa Banal na Misa na gaganapin sa Barangay Malabo Kalantukan Chapel alas-5 ng hapon na susundan ng Banal na Misa para naman sa Dakilang Kapistahan ni San Roque sa Barangay Bancuro Chapel.

Mahal na Birhen at San Roque, ipanalangin ninyo kami.

10/08/2026

ICYMI | PAGKAKAISA AT PAGLILINGKOD PARA SA PAROKYA

Noong Agosto 2, 2026, bilang bahagi ng pagdiriwang ng Priests’ Day, nagsagawa ng isang makabuluhang pagpupulong ang Parish Pastoral Council at Parish Finance Council ng Saints Joachim and Anne Parish – Calumpang, Liliw, Laguna, na ginanap sa Caliraya, Lumban, Laguna.

Ang pagtitipon ay naging pagkakataon upang mapagtibay ang pagkakaisa, mapag-usapan ang mga gawain at programa ng ating parokya, at higit pang mapalakas ang sama-samang paglilingkod sa Diyos at sa sambayanan.

Sa diwa ng pananampalataya, pagkakaisa, at paglilingkod, patuloy nating isinasabuhay ang ating tungkulin bilang isang komunidad na nagkakaisa para sa ikabubuti at ikauunlad ng ating parokya.

Maraming salamat sa lahat ng patuloy na naglilingkod at sumusuporta sa ating parokya!
Nawa ay patuloy kayong pagpalain ng ating Diyos sa tulong nina San Joaquin at Santa Ana.

09/08/2026

PAGNILAYAN| Ngayong Ikalabinsiyam na Linggo sa Karaniwang Panahon, ipinapaalala sa atin na higit tayong magtiwala at manalig sa Diyos sapagkat mahal Niya tayo. Kagaya ng mabuting balita ayon kay San Mateo: “Huwag kayong matakot; si Hesus ito.”

Ipinapaalala sa atin ng mga salitang ito na sa kabila ng ating mga takot at pangamba, mga pag-aalinlangan, at mga pagdurusa, piliin nating manalig sa Diyos sapagkat tunay Niya tayong minamahal. Pinatunayan Niya ang Kaniyang pagmamahal sa atin nang buong puso Niyang ibigay ang Kaniyang bugtong na Anak at ialay nito ang Kaniyang buhay para sa ating kaligtasan.

Ang katawan ni Hesus na nakabayubay sa krus ay malinaw na tanda ng walang hanggang pagmamahal ng Diyos sa atin. Sa kabila ng lahat ng ating pinagdaraanan, huwag tayong matakot sapagkat kasama natin ang Diyos at hindi Niya tayo kailanman pababayaan.

06/08/2026

Magandang Araw po sainyong lahat.

Baka po may makakita o may magbenta ng kagamitan ng simbahan, partikular ang mga BELL narito sa larawan ay makipag ugnayan na lamang po ngayon sa opisina ng aming parokya o mag message po rito.

Continuous Bell and Single Bell

06/08/2026

05/08/2026