29/04/2026
πππππ | π
πππππ ππ πππππΊ
"πππππ ππ πΈπππ, ππππππππππ πππππ ππππ ππππππ πΈππππ πΎππππππππ"
πΉ Ang atong Inahan Santa Iglesya nagatinguha nga ang Bulan sa Mayo nga mao ang bulan nga gidayandayanan sa DIOS; ang mga tanaman sa mga matahum nga bulak kinahanglang ihalad natong mga Kristianos aron sa pagpasidungog kang Maria Santisima.
πΉ Si Maria Santisima nga tungod sa Iyang dakung gugma kanato, naga-antus sa mga kasakit nga mahait sama sa espada nga milagbas sa Iyang Putling Kasingkasing, nagahulat nga halaran na Siya sa mga bulak sa atong tanaman, apan labi na gayud sa mga "bulak sa atong kasingkasing nga mao ang mga maayong buhat ug pagbansay sa mga birtudes, nga takus nato ikalipay sa Iyang kasubo tungod sa atong mga sala."
πΉ Busa, mapuangurong mga igsuon ko diha ni CRISTO, magsingkamut kita paghalad kang Maria Santisima sa bulan sa Mayo aron sa dakung tinguha nga kining debosyon kun pagbansay sa "FLORES" masangyaw unta sa ngatanang kalungsoran.
πΉ Usa sa mga pagdayeg kang Maria nga makapahimuot kaayo sa Iyang Putli nga Kasingkasing mao ang "Pagkompisal" ug "Pagkalawat" sa "Mahal nga Lawas sa atong GINOONG JESUCRISTO;" busa ang pagbansay sa "FLORES NI MARIA" atong ubanan sa maayong pagkompisal ug pagkalawat, sa sulod sa bulan sa Mayo.
πΉ Tinguhaon nato sa pagdayandayan sa mga bulak diha sa atubangan sa usa ka Larawan sa atong Mahal nga Birhen ug buhaton ta ang pagpangadye sa Santos nga Rosaryo matag gamit ug basa niining Basahon "BULAN SA MAYO"
πΉ Busa mga hinigugma kong igsuon diha ni CRISTO, ang atong Mahal nga Inahan si Maria Santisima nag-awhag kanatong tanang mga Kristianos (bata ug tigulang) sa pag-apil ug pag-patalinghug ning kalihokan sa atong Simbahan nga mao ang "FLORES DE MAYO" alang sa pagpasidungog sa atong pinalanggang Inahan ug paghalad Kaniya sa atong mga bulak sa atong tanaman sa tibuok bulan sa Mayo.
Daghang Salamat Marians/Christians βΊοΈπ«Ά
GOD Bless kanatong tanan. π€π
