27/05/2026
An bag-o la nga natapos nga crusade nga ginpahigayon didto ha Sacme Gymnasium, Tanauan, Leyte tikang Mayo 10–15, 2026, naging makusog nga pagpamatuod han pagtoo, pagkaurosa, ngan pagserbisyo, diin 25 ka mga kalag an nagpabawtismo ngan nagkarawat han Ginoo pinaagi han gab-i nga mga evangelistic gatherings nga ginpangunahan ni Mayor Norman Sabdao upod hira Attorneys Henry Inopiquez ngan Sunny Cientos. An duha nga abogado naghatag liwat hin libre nga legal nga mga tambag ngan konsultasyon ha mga tinambong, nga nagdugtong han espirituhanon nga ministeryo ngan serbisyo publiko para ha komunidad.
Kada gab-i puno hin makapadasig nga mga lecture, wali, ngan makahuluganon nga mga pag-istorya. Katapos han kada mensahe, mayda gihapon gutiay nga grupo nga mga diskusyon basi batonon an mga pakiana, klaripikasyon, ngan personal nga pamalandong mahitungod han mga topiko nga gindiskusyunan, agud mas mapalalom an pagsabot han mga tawo ha Pulong han Diyos.
An nightly health lectures ginpangunahan ni Sister Madel Saragena nga nagbahin hin mapulsanon nga mga impormasyon parte han kahimsog ngan kaayohan. Samtang an Children’s Hour malipayon nga ginpadalagan nira Ma’am Menchie Cientos ngan Michal Reynera, nga naghahatag hin makalilipay ngan puno hin pagtoo nga mga aktibidades para ha kabataan.
An kadaugan han crusade nahimo pinaagi han nagkakaurosa nga suporta ngan paningkamot han mga kabugtoan tikang ha Tanauan, Tolosa, ngan Cahumayhumayan churches, upod an diri matay-og nga dedikasyon han mga speakers ngan church workers. Damo an na-inspire han kapainubsanon ngan pagkamasinugtanon han tulo nga abogado nga bug-os kasingkasing nga nagsuporta han misyon ngan ministeryo.
Usa han pinaka-makakaptig-kasingkasing nga pahinumdom nga iginsumat ni Mayor Norman Sabdao durante han okasyon amo ini: “Diri ko wawastuhon an akon oras dinhi ha kalibutan ha pagpaangbit han Iya Pulong kun diri ini matuod.”
Han pagtapos han crusade, padayon nga buhi an paglaom han mga speakers ngan organizers ha tagsa nga kasingkasing nga naigo han ministeryo — nga an ngatanan magpapadayon ha matinumanon nga pag-alagad ha Ginoo tubtob han adlaw nga magkita-kita hira utro ha langit, diin bangin may magsiring, “Ikaw an rason kun kay ano nga aadi ako dinhi.”
