Anak-Dagat Youth Ministry

07/08/2026

07/08/2026

August 7, 2026 | Unang Araw ng Misa Novenario kay San Roque

"Balewala ang kayamang mayroon ka kung ikakapahamak naman ng kaluluwa." Ibinahagi ito ni Rev. Fr. Joseph Rodem C. Ramos, Parish Priest ng San Roque Parish Lemery, upang gisingin ang ating kamalayan na mas mahalaga ang pagkakaroon ng dalisay na espiritu kaysa sa pagkamit ng mga panandaliang yaman ng mundo.

Ang kayamanan ay biyaya kung ginagamit sa kabutihan, ngunit nagiging hadlang kapag ito ang inuuna kaysa sa Diyos at sa kapwa. Ang tunay na tagumpay ay hindi nasusukat sa dami ng ating pag-aari, kundi sa katapatan ng ating pamumuhay at sa kabutihang ating naibabahagi. Nawa'y lagi nating piliin ang mga bagay na may walang hanggang halaga at ingatan ang ating kaluluwa higit sa anumang kayamanan sa mundo

07/08/2026

Malugod po namin kayong inaanyayahan na makiisa sa ating gaganaping Misa Novenario bilang paghahanda sa kapistahan ng ating mahal na patrong si San Roque. Ito po ay gaganapin simula Agosto 7 hanggang Agosto 16, 2026.

Narito ang iskedyul ng ating Misa Novenario at ang ating mga magiging Tagapagdiwang para sa bawat araw:

Agosto 7, 2026: Rev. Fr. Joseph Rodem C. Ramos

Agosto 8, 2026: Rev. Fr. Joseph Randel R. Katigbak

Agosto 9, 2026: Rev. Fr. Romeo T. Barrion

Agosto 10, 2026: Rev. Fr. Adrian Allan G. Caraos

Agosto 11, 2026: Rev. Fr. Neil Vincent M. Caag

Agosto 12, 2026: Rev. Fr. Joshua Jerrald O. Garcia

Agosto 13, 2026: Rev. Fr. Jared Christian M. Aro

Agosto 14, 2026: Rev. Fr. Joseph Rodem C. Ramos

Agosto 15, 2026: Rev. Msgr. Ericson C. Tio

Agosto 16, 2026: Most Rev. Gilbert A. Garcera D.D. (Arsobispo ng Lipa at CBCP President)

Ipanalangin natin na patuloy tayong ilayo sa anumang sakit at kapahamakan sa pamamagitan ng pananalangin ni San Roque. Inaasahan po namin ang inyong pagdalo at pakikiisa sa ating parokya.

San Roque, Ipanalangin mo kami!

04/08/2026

HAPPY PRIESTS’ DAY!

Most. Rev. Gilbert A. Garcera, D.D.
Rev. Fr. Joseph Rodem C. Ramos
Rev. Fr. Romeo T. Barrion

Sa araw na ito, buong pusong nagpapasalamat ang buong sambayanan ng San Roque Parish sa kaloob ng inyong bokasyon at sa inyong tapat na paglilingkod bilang mga pari ni Kristo.

Maraming salamat po sa inyong walang sawang paggabay sa aming pananampalataya, sa bawat pagdiriwang ng Banal na Misa, sa mga panalanging iniaalay ninyo para sa amin, at sa pagmamahal na inyong ipinapadama sa bawat miyembro ng ating pamayanan. Sa pamamagitan ng inyong buhay at ministeryo, mas lalo naming nakikilala ang pag-ibig at awa ng Diyos.

Dalangin namin na patuloy kayong pagkalooban ng Panginoon ng mabuting kalusugan, lakas ng loob, karunungan, at kagalakan sa pagtupad sa misyong ipinagkatiwala Niya sa inyo. Nawa'y patuloy kayong maging mabubuting pastol na umaakay sa amin tungo kay Kristo.

Muli, Maligayang Araw ng mga Pari! Maraming salamat po sa inyong pagmamahal, sakripisyo, at tapat na paglilingkod. Kasama ninyo ang aming panalangin at pagmamahal.

29/05/2026

Isang mapagpalang pagbati sa ika-43 Anibersaryo ng Pagkapari, ArchB Gilbert A. Garcera, Arsobispo ng Lipa at Pangulo ng CBCP!

Sa loob ng maraming taon ng inyong tapat at mapagkumbabang paglilingkod, naging instrumento kayo ng pag-ibig at awa ng Diyos sa sambayanan. Nawa’y patuloy kayong gabayan at pagpalain ng Panginoon ng mabuting kalusugan, karunungan, at lakas sa pagpapatuloy ng inyong misyon. Dalangin namin ang higit pang masagana at mabungang taon ng inyong paglilingkod para sa Simbahan at sa bayan ng Diyos.

Maligayang ika-43 Anibersaryo ng Pagkapari, ArchB Gilbert!

26/05/2026

𝙋𝙖𝙜 𝙖𝙖𝙡𝙖𝙮 𝙣𝙜 𝙗𝙪𝙡𝙖𝙡𝙖𝙠𝙡𝙖𝙠 𝙨𝙖 𝙈𝙖𝙝𝙖𝙡 𝙣𝙖 𝘽𝙞𝙧𝙝𝙚𝙣𝙜 𝙈𝙖𝙧𝙞𝙖

Ngayong araw, ika-26 ng Mayo, buong puso kaming nag-alay ng mga bulaklak sa Mahal na Birheng Maria bilang simbolo ng aming pagmamahal, pananampalataya, at debosyon. Nawa’y patuloy Niya kaming gabayan at pagpalain sa bawat hakbang ng aming buhay.

Taos-puso rin po kaming nagpapasalamat sa aming sponsor ngayong araw Nilda Almacen sa inyong kabutihan at walang sawang suporta—nawa’y pagpalain pa kayo ng masaganang biyaya. 🙏💙

26/05/2026

𝙋𝙖𝙜 𝙖𝙖𝙡𝙖𝙮 𝙣𝙜 𝙗𝙪𝙡𝙖𝙡𝙖𝙠𝙡𝙖𝙠 𝙨𝙖 𝙈𝙖𝙝𝙖𝙡 𝙣𝙖 𝘽𝙞𝙧𝙝𝙚𝙣𝙜 𝙈𝙖𝙧𝙞𝙖

Ngayong araw, ika-25 ng Mayo, buong puso kaming nag-alay ng mga bulaklak sa Mahal na Birheng Maria bilang simbolo ng aming pagmamahal, pananampalataya, at debosyon. Nawa’y patuloy Niya kaming gabayan at pagpalain sa bawat hakbang ng aming buhay.

Taos-puso rin po kaming nagpapasalamat sa aming sponsor ngayong araw Minions sa inyong kabutihan at walang sawang suporta—nawa’y pagpalain pa kayo ng masaganang biyaya. 🙏💙