25/07/2025
ORATIO IMPERATA PARA SA BAGYO
Sa ngalan ni Nuestro Padre Jesús Nazareno (Señor Divino Gracia)
Amang Makapangyarihan at Mapagmahal,
lumalapit kami sa Inyong harapan bilang isang bayan, humihingi ng Inyong awa at proteksyon. Sa panahong ito ng unos at panganib, ipagkaloob Mo sa amin ang kaligtasan laban sa bagyong nagbabanta sa aming buhay at ari-arian.
Sa pamamagitan ni Nuestro Padre Jesús Nazareno(Señor Divino Gracia) na aming pinananaligan sa oras ng hirap at pagsubok, ipagkaloob Mo po ang kapanatagan ng panahon, at ilayo Mo po kami sa pinsala ng malalakas na hangin, pagbaha, at landslide.
Panginoong Hesus Nazareno, sa Iyong pasaning krus, inihandog Mo ang Iyong sarili alang-alang sa aming kaligtasan. Sa oras na ito ng panganib, kami’y nagtitiwala sa Iyong dakilang habag. Ipagkaloob Mo sa amin ang katatagan ng loob, pananampalataya, at pag-asa sa gitna ng kagipitan.
Basbasan Mo ang aming mga komunidad, ang mga manggagawa sa kalamidad, at lahat ng tumutulong upang mapanatili ang kapayapaan at kaayusan. Iligtas Mo ang mga naaapektuhan, at patatagin ang aming pananalig sa Iyo.
Nuestro Padre Jesús Nazareno(Señor Divino Gracia)
mahabag Ka sa amin.
Iligtas Mo kami.
Pagpalain Mo kami.
Amen.
