Light Of Life UMC

24/05/2026

17/05/2026

PANAMBAHAN: IKA7 LINGGO SA PANAHON NG PASKO NG PAGKABUHAY

Ngayong araw, tayo ay inaanyayahan sa isang banal na sandali ng pagsamba at pakikinig sa Salita ng Diyos.

📖 Teksto: Juan 17:1–11
🎯 Tema: Pagkakakilanlan
👉 Ang Diyos na Ama
👉 Si Hesus Kristo
👉 Tayo bilang Iglesia

Sa panalangin ni Hesus bago ang krus, inihahayag kung sino ang Diyos, kung sino Siya bilang Anak na isinugo, at kung sino tayo bilang kapulungang iniingatan at isinusugo sa mundo.

🕊️ Kung ikaw ay pagod, nalilito, o naghahanap ng direksyon, halina at makinig. Maaaring sa Salita ng Diyos mo muling matuklasan kung sino ka at kanino ka nabibilang.

📍 Makisama sa amin sa LIVE STREAM
⏰ 10:00AM
📌 Light of Life UMC

Sama-sama tayong sumamba. Sama-sama tayong magpakatatag. 🙏

10/05/2026

🌸 Sunday Online Worship Service | Mother’s Day 🌸

Ngayong Linggo, sama-sama tayong sasamba at magninilay sa Salita ng Diyos mula sa Juan 14:15–21 na nagpapaalala sa atin ng pangako ni Hesus:
“Hindi ko kayo iiwan bilang mga ulila.”

Isang paanyaya ito ng pag-asa at pag-ibig, lalo na sa araw na ginugunita natin ang mga ina. Sa gitna ng pagod, pangamba, at sakripisyo, nariyan ang Diyos na patuloy na umaakay at nananahan sa atin sa pamamagitan ng Espiritu Santo.

🕊️ Tema: Mother’s Day
📖 Teksto: Juan 14:15–21
📍 Online Worship Service

Inaanyayahan ang buong pamilya na makiisa sa panalangin, pagsamba, at pasasalamat sa Diyos na ang pag-ibig ay hindi nang-iiwan.

💐 Pagpupugay sa lahat ng ina, lola, at mga ina ng puso.

03/05/2026

Panambahan | ika-5 Linggo sa panahon ng Pasko ng pagkabuhay

Sa ika-5 Linggo ng Pasko ng Pagkabuhay, tayo ay tinatawag ng Panginoon na pakinggan ang Kanyang salita:
“Huwag na kayong mabalisa. Manalig kayo sa Diyos, at manalig din kayo sa Akin.” (Juan 14:1)

Sa gitna ng pagbabago at kawalan ng katiyakan,
ipinapaalala sa atin ni Hesukristo na Siya ang Daan, ang Katotohanan, at ang Buhay.
Sa Kanya, may katiyakan ang ating paglalakbay at may pag-asa ang ating pananampalataya.

📖 Juan 14:1–14

Sama-sama tayong sumamba
upang patatagin ang ating pagtitiwala sa Diyos,
lumakad sa daan ni Kristo,
at mamuhay bilang saksi ng Kanyang pag-ibig.

📍 Makisama sa ating Sunday Worship
🙏 Magtiwala sa presensya ng Panginoon
✨ Magpatibay sa pag-asa ng muling pagkabuhay

Nawa ang pagsambang ito ay magbigay-kapangyarihan sa atin
upang maglakbay nang may pananampalataya,
sapagkat si Kristo ang ating Daan.

03/05/2026

Abril 28, 2026

Ang Philippines Regional Conference – Board of Church and Society ay taos-pusong nagpapahayag ng lubos na pagpapasalamat sa pagkahalal ni Vanessa Jane Dabay ng Quezon City Philippines Annual Conference (QCPACE) bilang Tagapangulo ng Kalipunan ng Kristyanong Kabataan ng Pilipinas (3KP) para sa bienyum 2026–2028.

Kinikilala ng Board ang ambag ng mga kabataan sa malikhaing pagkilos at pag-adhika ng isang lipunang nararanasan ang pagmamahal ng Diyos. Isang lipunang maunlad ang buhay ng karaniwang mamamayan at hindi ng iilan. Isang lipunang may kapayapaan at katarungan. Ngayon, higit sa lahat, ang masidhing pangangailangan sa mga kabataang simbahan upang tumindig at tanggihan ang kasamaan, na lubos na nagdudulot ng kahirapan sa mga Pilipino.

Kinikilala rin ng Board ang patuloy na pagpapayaman ng ugnayang Ekyumenikal na nagsisilbing matibay na saligan ng pagkakaisa ng katawan ni Kristo. Ang ganitong ugnayan ay buhay na patotoo sa sinasabi sa Roma 12:5, “gayundin naman, kahit na tayo'y marami, nabubuo tayo sa iisang katawan ni Cristo, at tayong lahat ay bahagi ng isa't isa.”

Kalakip ng pahayag na ito ang patuloy na panalangin para sa mga kabataan habang sila’y nakikibahagi sa buhay ng Iglesya at lipunan.

Nilagdaan:

PASTOR THAAD KOLIN A. SAMSON
Chairperson, PCC BCS

REV. GLOFIE G BALUNTONG
Executive Director, PCC BCS

BISHOP ISRAEL M. PAINIT
Bishop Assigned to PCC BCS

18/04/2026

Grateful for God’s Faithfulness | Charge Conference 2025–2026

We thank God for the successful and spirit-filled Charge Conference of Light of Life United Methodist Church.

Our heartfelt appreciation to Rev. Ismael Sarangaya, our District Superintendent, for the words of encouragement, the loving challenge to grow deeper in discipleship and stewardship, and the affirmation of God’s faithfulness at work in our church.

As we move forward, we do so with renewed hope, clearer direction, and stronger commitment to God’s mission. To God be all the glory!

🙏✨

05/04/2026

We did it! 🙌

By God’s grace and through the shared efforts, sacrifices, and bayanihan spirit of our church members, Light of Life UMC has officially moved to our second-floor worship space. What once was only a vision and a prayer is now becoming a lived reality.

We joyfully mark this milestone as we held our Resurrection Sunday (Sunrise) Service for the first time in this new space—a powerful and hope-filled beginning as we celebrated the risen Christ together. This was followed by a joyful breakfast fellowship, shared by our children, youth, young adults, and adults, a beautiful picture of our church as one intergenerational family.

Our new worship area is not yet fully finished, but it already carries the faith, commitment, and love of the community that built it. We continue to hope and pray that, in God’s time, this space will be fully realized according to the vision God placed in the hearts of our members—a place for worship, fellowship, and mission.

This moment also signals the beginning of our 30th Anniversary Celebration. As we step into a new space, we also step into another season of faithful journeying, grateful for the years behind us and trusting God for the years still ahead.

🙏 You may continue to support this work through your prayers and generosity.
For those who wish to share in this journey through financial support, here are our donation details:

PNB Account Name:
𝗣𝗛𝗜𝗟𝗜𝗣𝗣𝗜𝗡𝗘𝗦 𝗔𝗡𝗡𝗨𝗔𝗟 𝗖𝗢𝗡𝗙𝗘𝗥𝗘𝗡𝗖𝗘 𝗢𝗙 𝗧𝗛𝗘 𝗨𝗠𝗖 – 𝗟𝗜𝗚𝗛𝗧 𝗢𝗙 𝗟𝗜𝗙𝗘 𝗨𝗠𝗖

PNB Account Number:
𝟭𝟲𝟴𝟱-𝟭𝟬𝟭𝟱-𝟮𝟱𝟯𝟵

To God be the glory as we continue our journey together. 🌿
Onward, Light of Life, into the years ahead.

29/03/2026

✨ Pagsamba ng Linggo ✨
📖 Tema: Hosanna sa Pagdating ni Cristo
📍 Light of Life United Methodist Church

Sa linggong ito, sama-sama nating pagninilayan ang makabuluhang pagdating ni Hesus—
ang Haring dumarating hindi sa karangyaan, kundi sa kapayapaan at kababaang-loob.
📖 (Mateo 21:1–11)

Sa panahon ng Kuwaresma, inaanyayahan tayong huminto at magnilay—
hindi lamang sa sigaw ng Hosanna, kundi sa kahulugan ng pagtanggap kay Cristo
na pumasok sa kalagitnaan natin at sa ating pang-araw-araw na buhay.

Ipinapahayag ng Mabuting Balita na ang pagdating ni Cristo
ay pagdating ng kapayapaan—kapayapaang hindi lamang tinatanggap,
kundi ipinapasa at isinasabuhay.

Sa Lumang Tipan, ipinapaalala na ang Hari ay dumarating na may katarungan at kababaang-loob (Zacarias 9:9).
Sa Awit, ang bayan ay sumasambit ng papuri sa Panginoon na nagliligtas (Awit 118:25–26).
At sa Mabuting Balita, si Hesus ay pumapasok sa lungsod bilang Haring pinipiling sundan sa daan ng pagsunod.

Sa ating panahon ngayon, ang Hosanna ay hindi lamang awit,
kundi panata—
panatang sundan si Cristo kahit hindi madali,
makinig sa Kanyang tinig sa gitna ng ingay,
at mamuhay bilang mga tagapagdala ng Kanyang kapayapaan.

Inaanyayahan ang inyong pamilya at mga kaibigan na makiisa sa pagsambang ito.
Halina’t sama-sama nating salubungin si Cristo—
hindi lamang sa ating mga labi,
kundi sa ating buhay.

🔈 Please bear with us for any audio or music inconsistencies. Thank you for your patience and continued support.
🎵 Music used in this service is for worship and educational purposes only. All rights belong to their respective owners. No copyright infringement is intended under Fair Use.

22/03/2026

✨ Pagsamba ng Linggo ✨
📖 Tema: Mula sa Libingan Tungo sa Buhay
📍 Light of Life United Methodist Church

Sa linggong ito, sama-sama nating pagninilayan ang makapangyarihang pahayag ni Hesus:
“Ako ang muling pagkabuhay at ang buhay.”
📖 (Juan 11:1–45)

Sa panahon ng Kuwaresma, inaanyayahan tayong huminto at magnilay—hindi lamang sa kamatayan, kundi sa buhay na iniaalok ng Diyos sa gitna ng pagkawala, pagdurusa, at kawalan ng pag-asa. Sa kuwento ni Lazaro, ipinapakita na ang Diyos ay hindi nahuhuli, at ang libingan ay hindi ang huling salita.

Ipinahahayag ng Mabuting Balita na ang Diyos ay Diyos ng buhay—Diyos na tumatawag palabas ng libingan, bumubuhay sa mga tuyong buto, at nagbibigay ng panibagong simula.

Sa Lumang Tipan, ipinapaalala sa atin na ang Espiritu ng Diyos ay nagbibigay-buhay kahit sa mga tuyong buto (Ezekiel 37:1–14).
Sa Awit, mula sa kailaliman ay may pag-asang tumatawag sa Diyos (Awit 130).
At sa sulat ni San Pablo, sinasabi na ang Espiritu na bumuhay kay Kristo ay nananahan din sa atin (Roma 8:6–11).

Sa ating panahon ngayon, ang “libingan” ay maaaring anyo ng pagod, takot, kawalan ng direksyon, kawalang-katarungan, at mga karanasang tila pumapatay sa ating pag-asa. Ngunit tinatawag tayo ni Kristo palabas—tungo sa buhay, pag-asa, at panibagong layunin.

Inaanyayahan ang inyong pamilya at mga kaibigan na makiisa sa pagsambang ito.
Halina’t sama-sama tayong makinig sa tinig ni Kristo na tumatawag: “Lumabas ka.”
At mamuhay bilang mga taong binigyang-buhay ng Diyos.

🔈 Please bear with us for any audio or music inconsistencies. Thank you for your patience and continued support.
🎵 Music used in this service is for worship and educational purposes only. All rights belong to their respective owners. No copyright infringement is intended under Fair Use.