11/06/2026
Dakilang Kapsitahan ng Kamahal-mahalang Puso ni Hesus
Hunyo 12
PANALANGIN SA KAMAHAL – MAHALANG PUSO NI HESUS
Minamahal na Hesus, matibay ang aking pananalig namaipagkaloob mo sa akin ang biyayang hinihiling kahit pa ito’y mangailangan ng isang himala. Ibigin Mo lamang at angpanalangin ko’y matutupad. Totoong ako’y hindi karapat-dapatsaIyong pagkandili ngunit ito’y hindi dahilan upang ako’ypanghinaan ng loob. Ikaw ang Diyos ng Habag at hindi Mo sisiphayuin ang isang pusong tapat na nagtitika. Tapunan Mo akong isang sulyap ng tigib ng awa, hinihiling ko, at ang Iyong butihing puso ay matatagpuan, sa gitna ng aking mga kasawianat kahinaan, ang dahilan upang ipagkaloob Mo ang aking mgadalangin.
O Kamahal-mahalang puso, anuman ang Iyong maging pasya kaugnay ng aking kahilingan, kailanman ay hindi ako titigil ng pagsamba, pag-ibig, pagpupuri at paglilingkod sa Iyo, aking Hesus, kalugdan Mong tanggapin itong aking ganap napagpapasa-ilalim sa mga atas ng Iyong kaibig-ibig na Puso nalubos kong ninanasang matupad sa akin at sa lahat ng Iyong nilalang magpakailanman. Mahal na Puso ni Hesus, batid kong iisang bagay lamang ang hindi Mo kayang gawin, ang hindi mahabag sa mga nagdurusa at nangangailangan. Tingnan Mo ako, nagmamakaawa ako, minamahal na Hesus at igawad Mo sa akin ang mga biyayang pakumbaba kong hinihiling sa Iyo, sa pamamagitan ng Kalinis-linisang Puso ng Iyong nagdadalamhating Ina, inihabilin Mo ako sa kanya bilang anak, at ang kanyang mga panalangin ay lubos na makapangyarihan.
Amen.
Kamahal-mahalang Puso ni Hesus,
Maawa Ka sa amin.
