What are the opening hours?

Monday 8am - 11:59am 2pm - 5pm Tuesday 8am - 11:59am 2pm - 5pm Wednesday 8am - 11:59am 2pm - 5pm Thursday 8am - 11:59am 2pm - 5pm Friday 8am - 11:59am 2pm - 5pm Saturday 8am - 11:59am 2pm - 5pm Sunday 8am - 11:59am 2pm - 5pm

Sacred Heart of Jesus Parish - Pajac, Lapu-Lapu City, Lapu-Lapu City (2026)

22/08/2026

𝗔𝗚𝗢𝗦𝗧𝗢 𝟮𝟯, 𝟮𝟬𝟮𝟲 - 𝗗𝗢𝗠𝗜𝗡𝗚𝗢
IKAKAWHAAN UG USA NGA DOMINGO SA ORDINARYONG PANAHON
(Green)

TUDLING SA EBANGHELYO
Ang pagbutyag ni Pedro sa tinuod nga pagkatawo ni Jesus usa ka Langitnong pagpadayag. Niining yugto-a sa ebanghelyo gipahibalo sa Amahan ngadto kang Jesus ang gipili niyang modumala sa iyang katawhan dinhi sa kalibutan. Kini wala dayun masabti diha sa Ebanghelyo, tungod kay sumala sa atong mahibaloan nga si Pedro naglarawan sa usa ka tawo nga mapangahason ug makalit-kaliton. Apan ang mga gisaysay nga panghitabo sa Simbahan human sa Pagkabanhaw nagmantala sa kausaban ni Pedro nga nahisibo sa kabubut-on sa Ginoo – ang maalagarong sulugoon, maisugong saksi sa pagtoo, kinsa mituman sa saad nga kaniadto iyang gibungat nga walay pagpamalandong, sa pagtahan sa iyang kaugalingon ngadto sa Dios.

ANG PAGBASA GIKAN SA BASAHON NI PROPETA ISAIAS (Is. 22:15, 19-23)

Mao kini ang giingon sa GINOO nga Labing Gamhanan, “Adtoa kining tinugyanan nga atua sa Sebna, nga maoy nagdumala sa palasyo sa hari ug ingna siya: Palagputon ko ikaw sa imong katungdanan, ug gikan sa imong nahimutangan.”

“Niadtong adlawa paanhion ko ang akong sulugoon nga si Eliakim anak ni Hilkias, ug sul-oban ko siya sa imong bisti, ug baksan ko siya sa imong bakos, ug itugyan ko kaniya ang imong gahom; ug mahimo siyang pangulo sa mga molupyo sa Jerusalem ug sa Juda. Ug isangon ko sa iyang abaga ang katungod sa pag-abli sa balay ni David; siyay moabli niini ug walay makasira; mosira siya niini ug walay makaabli. Ibutang ko siya sa usa ka lig-on nga dapit daw usa ka ugsok, ug mahimo siyang garbo sa iyang banay.”

ANG PULONG SA GINOO.
SALAMAT SA DIOS.

SALMO RESPONSORYO
(Ps. 138:1-2, 2-3, 6,8)

T. Ginoo, ang imong gugma walay katapusan; ayaw pagbiyai ang buhat sa imong mga kamot.

Pasalamatan ko ikaw, O Ginoo, sa tibuok kong kasingkasing,
(kay imong gidungog ang mga pulong sa akong baba); sa atubangan
sa mga anghel awiton ko ang imong kadayganan; Nagasimba ako didto
Sa imong balaan nga templo.
T. Ginoo, ang imong gugma walay katapusan; ayaw pagbiyai ang buhat sa imong mga kamot.

Pasalamatan ko ang imong ngalan, tungod sa imong kaluoy
ug imong kamatuoran: Sa akong pagsangpit, gipatalinghugan mo ako;
imo akong gilig-on sulod sa akong kaugalingon.
T. Ginoo, ang imong gugma walay katapusan; ayaw pagbiyai ang buhat sa imong mga kamot.

Ang Ginoo hataas, apan nagatan-aw siya sa mapaubsanon, ug nakaila siya sa mapahitas-on gikan sa halayo. Ang imong kaayo, O Ginoo, nagalungtad sa Kahangturan; ayaw pagbiyai ang buhat sa imong mga kamut.
T. Ginoo, ang imong gugma walay katapusan; ayaw pagbiyai ang buhat sa imong mga kamot.

ANG PAGBASA GIKAN SA SULAT NI SAN PABLO NGADTO SA TAGA-ROMA (Rom. 11:33-36)

Mga igsoon: Pagkabahandianon gayod sa Dios ug pagkatulugkaron sa iyang kaalam ug kahibalo! Kinsay makasaysay sa iyang hukom? Kinsay makasabot sa iyang paagi? Susama sa giingon sa kasulatan: Kinsay nasayod sa hunahuna sa Ginoo? Kinsay makatambag kaniya? Kinsay makahatag kaniyag bisan unsa, aron iyang baslan? Kay siyay nagbuhat sa tanang butang, ug nahimong mao karon ang tanang butang pinaagi kaniya ug alang kaniya. Iya sa Dios ang himaya sa walay kataposan! Amen.

ANG PULONG SA GINOO.
SALAMAT SA DIOS.

ALELUYA (Mt. 16:18)
T. Aleluya.
Ikaw si Pedro ug ibabaw niining bato tukoron ko ang akong iglesia, ug bisan gani ang kamatayon dili gayod makabuntog niini.
T. Aleluya.

ANG PAGBASA GIKAN SA EBANGHELYO SUMALA NI SAN MATEO (Mt. 16:13-20)

Unya miadto si Jesus sa yuta duol sa lungsod sa Cesarea Filipo, ug didto nangutana siya sa iyang mga tinun-an, “Sumala sa mga tawo, kinsa man ang Anak sa Tawo”? Sila mitubag, “May nag-ingon nga siya mao si Juan nga Magbubunyag, ang uban nag-ingon nga siya mao si Elias; samtang ang uban nag-ingon nga siya si Jeremias o laing propeta.”

Si Jesus nangutana kanila, “Apan kamo, unsa may inyong ikasulti? Kinsa man ako?” Ug mitubag si Simon Pedro, “Ikaw mao ang Mesias, ang Anak sa Dios nga buhi.” Giingnan siya ni Jesus, “Simon, anak ni Jonas, bulahan ka gayod kay kining maong kamatuoran wala moabot kanimo bisan sa kinsang tawo, kondili gihatag kanimo sa akong Amahan nga atua sa langit. Busa sultihan ko ikaw: ikaw si Pedro ug ibabaw niining bato tukoron ko ang akong iglesia, ug bisan gani ang kamatayon dili gayod makabuntog niini. Ihatag ko kanimo ang mga yawi sa Gingharian sa langit: ang imong idili dinhi sa yuta, idili usab didto sa langit; ug ang imong itugot dinhi sa yuta, itugot usab didto sa langit.” Unya gipinahan ni Jesus ang iyang mga tinun-an nga dili sila manugilon kang bisan kinsa nga siya mao ang Mesiyas.

ANG EBANGHELYO SA GINO.O.
DAYGON IKAW, O CRISTO.

22/08/2026

𝗔𝗚𝗢𝗦𝗧𝗢 𝟮𝟮, 𝟮𝟬𝟮𝟲 – 𝗦𝗔𝗕𝗔𝗗𝗢
Ikakawhaan nga Semana Sulod sa Tuig
Santa Maria, Birhen ug Rayna
(White)

TUDLING SA EBANGHELYO
Dali ra kaayo kitang makasaway sa mga pangulo nga nakasala. Ug tungod sa atong kadismaya ug kasuko, kasagaran manguha pa kitag suporta sa ubang tawo aron pagsalikway niining mga tawhana kinsa mga pangulo nga dili na angay nga tahuron ug respetohan tungod sa mga kahuyangan ug kasal-anan labi na sa sala sa moralidad. Sa atong Ebanghelyo karon, atong mabasa giunsa ni Jesus pagtagad ang mga pangulong Judeo sa iyang panahon. Kon naa may dunay katungod sa pag-awhag ug kausaban batok sa mga abusado ug mga kawatan nga mga opisyal sa katilingban sa iyang panahon, mao si Jesus. Dili lamang siya usa ka Propeta. Usa siya ka Mesiyas, siya ang Ginoo. Apan bisan pa niana, si Jesus nagtudlo sa kabilihon sa dili paghukom ug sa pagpugong sa kaugalingon. Tin-aw ang iyang mga pulong: “busa kinahanglan tumanon ninyo ug sundon ang tanan nga ilang gisugo kaninyo; ayaw ninyog sunda ang ilang mga buhat, kay wala man sila magtuman sa ilang giwali.

ANG PAGBASA GIKAN SA BASAHON NI PROPETA EZEQUIEL (Ez. 43:1-7ab)

Tapos niini gidala ako sa tawo ngadto sa ganghaan nga nag-atubang sa sidlakan. Unya akong nakita ang himaya sa Dios sa Israel nga naggikan sa sidlakan. Ang iyang tingog sama sa dahunog sa dagat ug misanag ang yuta sa iyang himaya. Ang panan-awon nga akong nakita sama sa panan-awon nga nakita ko sa paglaglag niya sa siyudad sa Jerusalem, ug sama sa panan-awon nga nakita ko didto sa daplin sa Suba sa Sebar; ug mihapa ako sa yuta. Sa pagsulod sa himaya sa GINOO sa Templo miagi kini sa ganghaan nga nag-atubang sa sidlakan. Gibayaw ako sa espiritu ug gidala ako ngadto sa sulod nga hawanan. Nakita ko didto nga milukop sa Templo ang himaya sa Ginoo. Samtang ang tawo nagbarug sa akong tupad, nabati ko ang tingog sa GINOO nga nakigsulti kanako gikan sa Templo. Giingnan ako Niya, “Tawo, mao kini ang dapit sa akong trono ug ang dapit nga akong tumbanan, diin magpuyo ako uban sa mga Israelita hangtud sa kahangturan. Sila ug ang ilang mga hari dili na magpasipala sa balaan kong ngalan pinaagi sa ilang pagsimba’g mga diosdios ug paghimo’g monumento sa patay na nga mga hari.

ANG PULONG SA GINOO.
SALAMAT SA DIOS.

SALMO RESPONSORYO
(Ps. 85:9-10, 11-12, 13-14)

T. Ang himaya sa Ginoo magpuyo sa atong yuta.

Pamati-on ko ang gisangyaw sa Dios; sa Ginoo – kay nagsangyaw siya sa kalinaw. Haduol gayud ang Iyang kaluwasan kanila nga mahadlokon Kaniya, ang himaya nagapuyo sa atong yuta.
T. Ang himaya sa Ginoo magpuyo sa atong yuta.

Ang kalooy ug ang kamatuoran magatagbo; ang katarong ug kalinaw maghagkanay. Ang kamatuoran mogitib gikan sa yuta, ug ang katarong modung-aw gikan sa langit.
T. Ang himaya sa Ginoo magpuyo sa atong yuta.

Ang Ginoo mohatag sa Iyang mga kaayohan ug ang atong yuta mohatag sa iyang abot. Ang katarong maglakaw sa iyang atubangan, ug ang kaluwasan diha sa iyang pagaagi-an.
T. Ang himaya sa Ginoo magpuyo sa atong yuta.

ALELUYA (Mt. 23:9,10b)
T. Aleluya.
Ayaw tawga si bisan kinsa nga ‘Amahan’ kay usa ra ang inyong Amahan nga atua sa langit. Ayaw usab kamo pagtawag og ‘Pangulo’ kay usa ra ang inyong pangulo nga mao ang Mesiyas.
T. Aleluya.

ANG PAGBASA GIKAN SA EBANGHELYO SUMALA NI SAN MATEO (Mt. 23:1-12)

Unya miingon si Jesus sa mga tawo ug sa iyang mga tinun-an, “Ang mga magtutudlo sa Balaod ug ang mga Pariseo mao ang may katungod sa paghubad sa Balaod ni Moises; busa kinahanglan tumanon ninyo ug sundon ang tanan nga ilang isugo kaninyo. Apan ayaw ninyo’g sunda ang ilang mga buhat. Kay wala man sila magtuman sa ilang giwali. Nagbugkos sila og bug-at nga mga karga ug gipapas-an nila sa mga tawo, apan dili gani sila mogamit bisa’g usa na lang ka tudlo aron pagtabang pagpas-an sa maong karga. Himoon nila ang tanan aron lamang pagpasigarbo ngadto sa mga tawo. Tan-awa’g unsa ka dagko sa gisudlan nila sa mga sinulat nga mga bersikulo sa Kasulatan, nga ilang gibutang sa ilang mga agtang ug gibaligtos sa ilang mga bukton! Ug tan-awa’g unsa kataas ang sidsid sa ilang mga saput! Gusto sila sa labing maayong mga dapit sa mga kombira ug sa mga linaing lingkuranan sa mga sinagoga; gusto silang yukboan ug tahuron didto sa mga merkado, ug nga ang mga tawo motawag kanila’g ‘Magtutudlo.’ Ayaw kamo pagpahingala’g ‘Magtutudlo,’ kay kamong tanan managsuon man ug usa ra ang inyong Magtutudlo. Ug dinhi sa kalibutan ayaw tawga si bisan kinsa nga ‘Amahan,’ kay usa ra ang inyong Amahan nga atua sa langit. Ayaw usab kamo pagpatawag og ‘Pangulo,’ kay usa ra ang inyong pangulo nga mao ang Mesiyas. Ang labing daku kaninyo kinahanglang mahimo nga inyong sulugoon. Ug ipaubos ang magpataas sa iyang kaugalingon, ug ang magpaubos, ipataas.”

ANG EBANGHELYO SA GINOO.
DAYGON IKAW, O CRISTO.

15/08/2026

𝗔𝗚𝗢𝗦𝗧𝗢 𝟭𝟲, 𝟮𝟬𝟮𝟲 – 𝗗𝗢𝗠𝗜𝗡𝗚𝗢
IKAKAWHAAN NGA DOMINGO SA ORDINARYONG PANAHON
(Green)

Unang Pagbasa Is 56: 1, 6-7
Ang mga langyaw dili na mga dumuduong. Ang mga Judio ug mga pagano pareho nga gitawag sa pagpuyo diha sa balay sa Dios. Ang tanang gustong magpasakop sa kasabotan dili na mga dumuduong sa Dios ug sa iyang katawhan.

ANG PAGBASA GIKAN SA BASAHON NI PROPETA ISAIAS (Is. 56:1, 6-7)

Nag-ingon ang GINOO sa iyang katawhan, “Sunda ang hustisya ug buhata ang matarong, kay sa dili madugay luwason ko na kamo, ug ipaila ko ang akong katarong.

“Ang mga langyaw nga miduol sa GINOO aron pag-alagad kaniya, ug nagtamod sa Adlawng Igpapahulay ug nagtuman sa iyang mga sugo panad-on ko sa balaan kong bukid, ug lipayon ko sila didto sa akong Templo. Ang ilang mga halad-sinunug ug mga halad-inihaw dawaton ko didto sa akong halaran; kay ang akong Templo nganlan mag balay-alampoanan alang sa tanang katawhan.

ANG PULONG SA GINOO.
SALAMAT SA DIOS.

SALMO RESPONSORYO
(Ps. 67.2-3, 5, 6, 8)

T. O Dios, magadayeg unta kanimo ang tanang mga nasod.

Kaluy-an unta kita sa Dios ug bendisyonan niya; ipadan-ag unta kanato ang iyang nawong. Mahibaw-an unta ang imong dalan dinhi sa yuta; diha sa tanang mga nasod ang imong kaluwasan.
T. O Dios, magadayeg unta kanimo ang tanang mga nasod.

Maglipay unta ang mga nasod ug magsadya tungod kay nagamando ka sa kanasuran diha sa katarong; ang mga nasod dinhi sa yuta imong agakon.
T. O Dios, magadayeg unta kanimo ang tanang mga nasod.

Daygon unta ikaw sa katawhan, O Dios; ang tanang kalungsuran magdayeg unta kanimo. Panalanginan unta kita sa Dios, ug ang tanang kautlanan sa yuta mahadlok unta kaniya.
T. O Dios, magadayeg unta kanimo ang tanang mga nasod.

Ikaduhang Pagbasa Rom. 11: 13-15, 29-32
Ang kaluoy sa Dios gitagana alang sa tanan. Kadaghanan sa mga Judio wala modawat ni Cristo nga mao ang manunubos. Mao kini ang kahigayonan sa Simbahan sa pagsangyaw dayon sa maayong Balita ngadto sa mga pagano. Apan gusto sa Dios nga maluwas ang tanan, mga Judio ug mga pagano.

ANG PAGBASA GIKAN SA SULAT NI SAN PABLO NGADTO SA TAGA-ROMA (Rom. 11:13-15, 29-32)

Karon, bahin kaninyong mga dili Judio: ipasigarbo ko ang akong bulohaton ingon nga apostol ako sa mga dili Judio, aron masina ang akong isigka-Judio ug maluwas ko ang pipila kanila. Kon sa dihang gisalikway sila, ang kalibutan napasig-uli ngadto sa Dios, unsa pa kaha kon dawaton sila? Kinabuhi alang sa mga patay!

Kay dili gayod mag-usab-usab ang Dios sa iyang hunahuna labot sa iyang pilion ug panalanginan. Kamong mga dili Judio misupil sa Dios kaniadto, apan karon gikaluy-an kamo sa Dios tungod kay misupil man ang mga Judio. Sa maong pagkaagi, tungod sa kaluoy nga nadawat ninyo, ang mga Judio misupil sa Dios aron sila usab makadawat sa kaluoy sa Dios. Kay gihimo sa Dios ang tanang mga tawo nga masupilon aron ikapakita niya ang iyang kaluoy kanilang tanan.

ANG PULONG SA GINOO.
SALAMAT SA DIOS.

ALELUYA (Mt. 4:23)
T. Aleluya.
Si Jesus nagwali sa Maayong Balita bahin sa paghari sa Dios ug nag-ayo sa mga masakiton.
T. Aleluya.

ANG PAGBASA GIKAN SA EBANGHELYO SUMALA NI SAN MATEO (Mt. 15:21-28)

Mibiya si Jesus niadtong dapita ug miadto sa kayutaan duol sa mga siyudad sa Tiro ug sa Sidon. Usa ka babaye nga taga-Canaan, nga nagpuyo niadtong dapita, miduol kaniya ug mituwaw, “Sir, Anak ni David, kaloy-i intawon ako! Ang anak kong babaye giyawaan ug nag-antus pag-ayo.”

Apan wala motubag si Jesus. Miduol ang iyang mga tinun-an kaniya ug miingon, “Papahawaa siya kay nagsunodsunod siya kanato ug saba kaayo!”

Unya mitubag si Jesus, “Gipadala ako ngadto lamang sa nawalang mga karnero sa nasod sa Israel.”

Apan miduol ang babaye ug miluhod sa atubangan ni Jesus. “Sir, tabangi intawon ako!” miingon siya.

Si Jesus mitubag, “Dili maayo nga kuhaon ang kalan-on sa mga anak ug ipakaon sa mga iro.”

Ang babaye mitubag, “Tinuod kana, Sir, apan bisan gani ang mga iro makakaon man sa mga mumho nga mahulog gikan sa lamesa sa agalon.”

Ug si Jesus mitubag kaniya, “Inday, pagkadako sa imong pagsalig! Matuman ang imong gihangyo.” Ug niadto dayong gutloa naayo ang iyang anak.

ANG EBANGHELYO SA GINOO.
DAYGON IKAW, O CRISTO.

02/08/2026

𝐇𝐀𝐏𝐏𝐘 𝐏𝐑𝐈𝐄𝐒𝐓𝐒’ 𝐃𝐀𝐘
𝑺𝒕. 𝑱𝒐𝒉𝒏 𝑴𝒂𝒓𝒊𝒆 𝑽𝒊𝒂𝒏𝒏𝒆𝒚 𝑺𝒖𝒏𝒅𝒂𝒚
✨ Renewed in missionary zeal
🙏 Sustained by God’s infinite grace
🤍 Filled with the joy of serving His Church

Today's St. John Mary Vianney Sunday, we joyfully honor our priests whom God has entrusted to shepherd His people with faith, compassion, and unwavering dedication.

As we celebrate Priests’ Day, we lift our shepherds to the Lord. Through the intercession of St. John Marie Vianney, may our parish priests be continually renewed in spirit, sustained by divine grace, and filled with holy joy in their service.

🙏Prayer for Priests through the Intercession of Saint John Marie Vianney

𝑴𝒐𝒔𝒕 𝒈𝒓𝒂𝒄𝒊𝒐𝒖𝒔 𝑯𝒆𝒂𝒗𝒆𝒏𝒍𝒚 𝑭𝒂𝒕𝒉𝒆𝒓, 𝒘𝒆 𝒕𝒉𝒂𝒏𝒌 𝒚𝒐𝒖 𝒇𝒐𝒓 𝒐𝒖𝒓 𝒇𝒂𝒊𝒕𝒉𝒇𝒖𝒍 𝒑𝒓𝒊𝒆𝒔𝒕𝒔 𝒂𝒏𝒅 𝒃𝒊𝒔𝒉𝒐𝒑𝒔, 𝒘𝒉𝒐𝒔𝒆
𝒔𝒑𝒊𝒓𝒊𝒕𝒖𝒂𝒍 𝒇𝒂𝒕𝒉𝒆𝒓𝒉𝒐𝒐𝒅 𝒂𝒏𝒅 𝒆𝒙𝒂𝒎𝒑𝒍𝒆 𝒐𝒇 𝒇𝒊𝒅𝒆𝒍𝒊𝒕𝒚, 𝒔𝒆𝒍𝒇-𝒔𝒂𝒄𝒓𝒊𝒇𝒊𝒄𝒆, 𝒂𝒏𝒅 𝒅𝒆𝒗𝒐𝒕𝒊𝒐𝒏 𝒊𝒔 𝒔𝒐 𝒗𝒊𝒕𝒂𝒍 𝒕𝒐 𝒕𝒉𝒆 𝒇𝒂𝒊𝒕𝒉 𝒐𝒇
𝒚𝒐𝒖𝒓 𝒑𝒆𝒐𝒑𝒍𝒆.
𝑴𝒂𝒚 𝒐𝒖𝒓 𝒔𝒑𝒊𝒓𝒊𝒕𝒖𝒂𝒍 𝒇𝒂𝒕𝒉𝒆𝒓𝒔 𝒃𝒆 𝒈𝒖𝒊𝒅𝒆𝒅 𝒃𝒚 𝒕𝒉𝒆 𝒆𝒙𝒂𝒎𝒑𝒍𝒆 𝒐𝒇 𝑺𝒕. 𝑱𝒐𝒉𝒏 𝑽𝒊𝒂𝒏𝒏𝒆𝒚. 𝑮𝒊𝒗𝒆 𝒕𝒉𝒆𝒎 𝒗𝒂𝒍𝒊𝒂𝒏𝒕 𝒇𝒂𝒊𝒕𝒉 𝒊𝒏
𝒕𝒉𝒆 𝒇𝒂𝒄𝒆 𝒐𝒇 𝒄𝒐𝒏𝒇𝒖𝒔𝒊𝒐𝒏 𝒂𝒏𝒅 𝒄𝒐𝒏𝒇𝒍𝒊𝒄𝒕, 𝒉𝒐𝒑𝒆 𝒊𝒏 𝒕𝒊𝒎𝒆 𝒐𝒇 𝒕𝒓𝒐𝒖𝒃𝒍𝒆 𝒂𝒏𝒅 𝒔𝒐𝒓𝒓𝒐𝒘, 𝒂𝒏𝒅 𝒔𝒕𝒆𝒂𝒅𝒇𝒂𝒔𝒕 𝒍𝒐𝒗𝒆 𝒇𝒐𝒓 𝒚𝒐𝒖,
𝒕𝒉𝒆𝒊𝒓 𝒇𝒂𝒎𝒊𝒍𝒊𝒆𝒔, 𝒂𝒏𝒅 𝒇𝒐𝒓 𝒂𝒍𝒍 𝒚𝒐𝒖𝒓 𝒑𝒆𝒐𝒑𝒍𝒆 𝒕𝒉𝒓𝒐𝒖𝒈𝒉𝒐𝒖𝒕 𝒕𝒉𝒆 𝒘𝒐𝒓𝒍𝒅. 𝑴𝒂𝒚 𝒕𝒉𝒆 𝒍𝒊𝒈𝒉𝒕 𝒐𝒇 𝒚𝒐𝒖𝒓 𝑻𝒓𝒖𝒕𝒉 𝒔𝒉𝒊𝒏𝒆
𝒕𝒉𝒓𝒐𝒖𝒈𝒉 𝒕𝒉𝒆𝒊𝒓 𝒍𝒊𝒗𝒆𝒔 𝒂𝒏𝒅 𝒕𝒉𝒆𝒊𝒓 𝒈𝒐𝒐𝒅 𝒘𝒐𝒓𝒌𝒔.
𝑨𝒔𝒔𝒊𝒔𝒕 𝒂𝒍𝒍 𝒔𝒑𝒊𝒓𝒊𝒕𝒖𝒂𝒍 𝒇𝒂𝒕𝒉𝒆𝒓𝒔, 𝒕𝒉𝒂𝒕 𝒕𝒉𝒓𝒐𝒖𝒈𝒉 𝒚𝒐𝒖𝒓 𝑮𝒓𝒂𝒄𝒆 𝒕𝒉𝒆𝒚 𝒎𝒂𝒚 𝒔𝒕𝒆𝒂𝒅𝒊𝒍𝒚 𝒈𝒓𝒐𝒘 𝒊𝒏 𝒉𝒐𝒍𝒊𝒏𝒆𝒔𝒔 𝒂𝒏𝒅 𝒊𝒏
𝒌𝒏𝒐𝒘𝒍𝒆𝒅𝒈𝒆 𝒂𝒏𝒅 𝒖𝒏𝒅𝒆𝒓𝒔𝒕𝒂𝒏𝒅𝒊𝒏𝒈 𝒐𝒇 𝒚𝒐𝒖𝒓 𝑻𝒓𝒖𝒕𝒉. 𝑴𝒂𝒚 𝒕𝒉𝒆𝒚 𝒈𝒆𝒏𝒆𝒓𝒐𝒖𝒔𝒍𝒚 𝒊𝒎𝒑𝒂𝒓𝒕 𝒕𝒉𝒊𝒔 𝒌𝒏𝒐𝒘𝒍𝒆𝒅𝒈𝒆 𝒕𝒐 𝒕𝒉𝒐𝒔𝒆
𝒘𝒉𝒐 𝒓𝒆𝒍𝒚 𝒐𝒏 𝒕𝒉𝒆𝒎. 𝑻𝒉𝒓𝒐𝒖𝒈𝒉 𝑪𝒉𝒓𝒊𝒔𝒕 𝒐𝒖𝒓 𝑳𝒐𝒓𝒅. 𝑨𝒎𝒆𝒏.

Happy Priests’ Day, Fr. Boy, Fr. Eugene, and Fr. Dave!

02/08/2026

𝗔𝗨𝗚𝗨𝗦𝗧 𝟮, 𝟮𝟬𝟮𝟲 – 𝗗𝗢𝗠𝗜𝗡𝗚𝗢
Ikanapulo’g Walo nga Domingo sa Ordinaryong Panahon (Green)
St. John Mary Vianney Sunday

Tema: Ang pan nga naghatag ug katagbawan sa atong kinabuhi.
Nabatasan na natong mga Pilipino nga kon adunay panagtigom o selebrasyon nga pagahimoon o saulogon sa atong pamilya dili gayod mawala ang pagkaon. Maningkamot gayod kita nga maka-andam og pagkaon aron aduna kitay ikadalit sa atong mga bisita ilabina sa mga miyembro sa atong pamilya. Kay diha sa hiniusang pagpangaon anaa ang kasinatian sa kalipay, pag-estoryahay, paghigalaay ug pag ilhanay sa usag usa.

Mga kaigsoonan, niining ikanapulo og walo nga Dominggo sa Ordinaryong Panahon gihatagan og dakung punting ang pagkamaloloy-on sa Dios. Diha sa unang pagbasa, si Propeta Isaias nagtanyag kanato sa pag-inum ug pagkaon bisan wala kitay kwarta. Makakaon ug makainum kita bisan og walay bayad. Usa ka pagkaon nga maghatag kanato ug katagbawan. Nindot usab ang gipadayag sa Salmo nga nagkanayon: “Ang kamot sa Ginoo maoy nagpakaon kanato; Iyang gitagbaw ang tanan natong mga gikinahanglan.” Diha usab sa ikaduhang pagbasa nagpahimatngon kanato kon kinsay makapahimulag sa gugma sa Dios kanato. Nga bisan gani ang kamatayon dili maoy makapahimulag sa gugma sa Dios ngari kanato. Ang Ebanghelyo nagpadayag sa pagpakaon ni Jesus sa liboan ka mga tawo gikan sa lima ka buok pan ug duha ka buok isda.

Karon, gipahinumduman kita sa mga pagbasa sa pagkamanggihatagon ug maloloy-on sa Dios. Bisan og dili pa kita mobungat sa atong mga panginahanglan ang Dios nasayod nang daan kon unsay anaa sa atong hunahuna ug kasingkasing. Wala na kitay angay pang kabalak-an. Ang Ginoo maoy tinubdan sa tanan. Apan wala lamang tubaga sa Ginoo ang atong mga kalibutanong panginahanglan. Kay kini dili man maghatag kanato ug katagbawan sa atong kinabuhi. Bisan og anaa na kanato ang tanan sa gihapon magpangita kita kay dili gayod kita makontento og unsay anaa kanato.

Mga kaigsoonan, diha sa Ebanghelyo gipakaon ni Jesus ang liboan ka mga tawo gikan lamang sa lima ka buok pan ug duha ka buok isda. Bisan sa kadaghan sa mga tawo apan ang tanan nakakaon ug nangabusog. Ug gani nakahipos pa sila og daghang sobra nga pagkaon. Apan bisan pa niini wala gihapon sila matagbaw.

Wala sila makontento kay sa gihapon nagpangita sila kanunay kang Jesus aron sila makakaon ug makahatag kanila og katagbawan. Sama kanato, wala kitay katagbawan. Kanunay kitang nagpangita sa atong mga panginahanglan apan dili gayod kita makontento niini.Kon ato nang mahuptan ang atong gipangandoy, mangita na pud kita og laing butang sumala sa atong mga kagustuhan. Sa laktod nga pagkasulti, dili gayod kita matagbaw.

Karon sa makausa pa gipahinumduman kita diha sa mga pagbasa. Usa kini ka pagpadayag nga si Kristo mismo mao ang tinubdan sa pan nga makahatag kanato og kinabuhi dili lamang sa lawasnon natong panginahanglan kon dili labaw sa tanan sa espirituhanong bahin. Ang pan nga magdala kanato ngadto sa kahingpitan ug kabanhawan sa atong kinabuhi. Kini mao ang naghatag kanato og kusog ug kalig-on sa pagpadayon sa atong panaw sa kinabuhi. Ang buhing pan, ang pan sa kinabuhi.

Ang matag usa kanato gihagit sa pagbaton niining pan nga maoy maghatag kanato og kinabuhi. Diha sa makanunayon natong pag-apil sa Santos nga Misa mahiusa kita kang Kristo nga mao ang pan sa kinabuhi. Kini mao ang higayon diin kita makakaon sa pan nga walay bayad ug maghatag kanato og katagbawan. Makapalig-on kanato aron dili kita dali motalaw sa mga kasakitan nga modangat sa atong kinabuhi kay si Kristo man ang pan nga naghatag og katagbawan sa atong kinabuhi.

Giya alang sa pamalandong:
1. Unsa man ang gipangita sa akong kinabuhi?
2. Naghatag ba og katagbawan sa akong kinabuhi ang mga butang nga akong nahuptan sa kasamtangan? Kon wala, ngano man?

ANG PAGBASA GIKAN SA BASAHON NI PROPETA ISAIAS (Is. 55:1-3)

Ang Ginoo miingon, “Kamong giuhaw, ngari kamo ug inom. Bisag wala kamoy kawarta, ngari palit ug kaon! Palit kamog bino ug gatas nga walay bayad. Nganong gastoon man ninyo ang inyong kwarta nianang dili makaon, ug nganong maghago man kamo nianang dili makabusog? Pamati kanako, ug makakaon kamog maayong pagkaon, ug matagbaw kamo. Pamati kamo ug duol kanako, aron dili kamo mamatay; maghimo akog walay kataposang kasabotan uban kaninyo ug panalinginan ko kamo sumala sa akong gisaad kang David.

ANG PULONG SA GINOO.
SALAMAT SA DIOS.

SALMO RESPONSORYO
(Ps. 145: 8-9, 15-16, 17-18)

T. Ang kamot sa Ginoo maoy nagapakaon kanato; iyang gitagbaw ang tanan natong mga kinahanglan.

Ang Ginoo maayo ug maloloy-on, dugay nga masuko ug daku sa kalooy. Ang Ginoo maayo alang sa tanan ug maloloy-on sa tanan Niyang mga binuhat.
T. Ang kamot sa Ginoo maoy nagapakaon kanato; iyang gitagbaw ang tanan natong mga kinahanglan.

Ang mata sa tanan nagatan-aw nga malaumon Kanimo, ug gihatagan Mo sila sa ilang kalan-on sa husto nga panahon; Gibukhad mo ang Imong mga kamot ug gitagbaw Mo ang tinguha sa tanang buhi.
T. Ang kamot sa Ginoo maoy nagapakaon kanato; iyang gitagbaw ang tanan natong mga kinahanglan.

Ang Ginoo matarung diha sa tanan Niyang mga paagi ug balaan diha sa tanan Niyang mga buhat. Ang Ginoo haduol sa tanan nga nagasangpit kaniya, sa tanan nga nagasangpit Kaniya diha sa kamatuoran.
T. Ang kamot sa Ginoo maoy nagapakaon kanato; iyang gitagbaw ang tanan natong mga kinahanglan.

ANG PAGBASA GIKAN SA SULAT NI SAN PABLO NGADTO SA TAGA-ROMA (Rom. 8: 35, 37-39)

Busa, kinsay makapahimulag kanato sa gugma ni Cristo? Ang kasamok ba, ang kalisdanan, ang mga paglutos, ang gutom, ang kakabos, ang katalagman, o ang kamatayon?

Dili! Hinunoa, taliwala niining tanan, may hingpit kitang kadaogan pinaagi kaniya nga nahigugma kanato! Kay siguro ako nga walay bisan unsa nga makapahimulag kanato sa iyang gugma: bisan ang kamatayon, ni ang kinabuhi, ni ang mga anghel, ni ang mga langitnong punoan o mga gahom, ni ang mga butang karon ug sa umaabot nga kapanahonan; bisan ang kalibutan sa itaas o sa ilalom-wala gayoy bisan unsa sa mga binuhat nga makapahimulag kanato sa gugma sa Dios nga naato pinaagi sa atong Ginoong Cristo Jesus.

ANG PULONG SA GINOO.
SALAMAT SA DIOS.

ALELUYA:
Mateo 4: 4b
Aleluya! Aleluya!
Dili mabuhi ang tawo sa pan lamang,
kondili sa matag pulong usab nga isulti sa Dios.
Aleluya! Aleluya!

ANG PAGBASA GIKAN SA EBANGHELYO SUMALA NI SAN MATEO (Mt. 14: 13-21)

Sa pagkadungog ni Jesus sa balita nga gipatay si Juan, mibiya siya
niadtong dapita sakay sa usa ka sakayan ug miadto nga nag-inusara sa usa ka dapit nga awaaw. Nakabalita niini ang mga tawo, ug namiya sila sa ilang mga lungsod, ug milakaw sila aron pag-agpas kaniya. Si Jesus mikawas sa sakayan ug sa pagkakita niya sa dakong pundok sa mga tawo, giabot siyag dakong kaluoy kanila, ug giayo niya ang ilang mga masakiton.

Niadtong hapona ang iyang mga tinun-an miduol kaniya ug miingon, “Hapon na kaayo, ug awaaw kining dapita. Busa palakta ang mga tawo ug paadtoa sila sa mga balangay aron mamalit ug pagkaon.”

Si Jesus mitubag, “Dili kinahanglan nga manlakaw pa sila; kamo mismo ang maghatag kanilag pagkaon.”

Sila mitubag, “Lima ra ka pan ug duha ka isda ang among dala.”

Si Jesus miingon, “Dad-a ngari.” Unya iyang gipalingkod sa kasagbotan ang mga tawo ug gikuha niya ang lima ka buok pan ug duha ka buok isda; unya miyahat siya sa langit ug nagpasalamat sa Dios. Ug gipikaspikas niya ang mga pan ug gihatag ngadto sa mga tinun-an, ug gihatag usab kini sa mga tinun-an ngadto sa mga tawo. Nangaon ang tanan ug nangabusog, Unya gihipos sa mga tinun-an ang sobra nga nakapuno ug napulog-duha ka bukag. Lima ka libo ang gidaghanon sa mga tawo nga nangaon, walay labot ang mga babaye ug sa mga bata.

ANG EBANGHELYO SA GINOO.
DAYGON IKAW, O CRISTO.

29/07/2026

𝗛𝗨𝗟𝗬𝗢 𝟯𝟬, 𝟮𝟬𝟮𝟲 – 𝗛𝗨𝗪𝗘𝗕𝗘𝗦
Ikanapulo’g Pito nga Semana Sulod sa Tuig
San Pedro Crisologo, Obispo ug Doktor sa Simbahan
(White)

TUDLING SA EBANGHELYO
Ang atong Ebanghelyo - Ang sambingay mahitungod sa Baling - nagsubli sa mga pagtulon-an sa Sambingay sa sagbot ug sa trigo. (cf. Mt.13:24-30). Ang Simbahan, ang katilingban sa mga magtotoo dinhi sa kalibutan, dili mao ang Gingharian. Sa bisan unsang paagi, ang simbahan mao ang liso sa Gingharian apan pagahingpiton pa kini, tungod kay anaa niini ang maayo ug dautan. Sumala sa mga batid sa Kasulatan: Siya naglangkob sa duha, ang pagkamakasasala ug pagkamakasantos.

ANG PAGBASA GIKAN SA BASAHON NI PROPETA JEREMIAS (Jer. 18:1-6)

Giingnan ako sa GINOO, “Lakaw ngadto sa balay sa tighimo’g kolon ug didto ihatag ko kanimo ang akong isulti.” Busa miadto ako ug didto nakita ko ang tighimo’g kolon nga nagtrabaho. Kon makita gani niya nga usa ka kolon dili maayong pagkabuhat, iya kining usbon pagmasa ug buhaton ug laing butang.

Unya giingnan ako sa GINOO, “Dili ba mahimo ko kaninyo, katawhan sa Israel, ang gihimo sa tighimo’g kolon? Kamo ania sa akong kamut ingon sa minasang yuta diha sa kamut sa tighimo’g kolon. Ako, ang GINOO, maoy nag-ingon niini.

ANG PULONG SA GINOO.
SALAMAT SA DIOS.

SALMO RESPONSORYO
(Ps. 146:1-2, 2-4, 5-6)

T. Bulahan sila kansang hinabang mao ang Dios ni Jacob.

Dayga ang Ginoo, O kalag ko; daygon ko ang Ginoo sa tibuok kong kinabuhi; Awiton ko ang kadayganan sa akong Dios samtang buhi pa ako.
T. Bulahan sila kansang hinabang mao ang Dios ni Jacob.

Ayaw ibutang ang Imong pagsalig diha sa mga kadagkoan, diha sa tawo diin walay kaluwasan. Sa pagbulag sa iyang kalag mobalik siya ngadto sa iyang yuta; niadtong adlawa mawagtang ang iyang mga laraw.
T. Bulahan sila kansang hinabang mao ang Dios ni Jacob.

Bulahan siya kansang hinabang mao ang Dios ni Jacob, kansang kalauman anaa sa Ginoo nga iyang Dios, nga maoy nagbuhat sa langit ug sa yuta sa kadagatan ug sa tanan nga anaa kanila.
T. Bulahan sila kansang hinabang mao ang Dios ni Jacob.

ALELUYA
Mga Buhat 16, 14b
Aleluya! Aleluya!
Ang Ginoo nag-abli sa iyang kasingkasing aron pagdawat sa mensahe ni Pablo.
Aleluya! Aleluya!

ANG PAGBASA GIKAN SA EBANGHELYO SUMALA NI SAN MATEO (Mt. 13:47-53)

Si Jesus miingon ngadto sa katawhan, “Ang Gingharian sa langit sama usab sa usa ka baling nga gitaktak didto sa Ianaw, nga nakakuha sa tanang matang sa isda. Inigkapuno na niini, bitaron kini sa mga mananagat ngadto sa daplin sa lanaw ug manlingkod sila aron paghagpat sa isda: ang mga maayong isda isulod nila sa ilang mga bukag, ug ang walay pulos ilang isalibay. Mao usab kini ang mahitabo sa katapusan sa kalibutan: moanhi ang mga anghel ug lainon nila ang mga dautang tawo gikan sa mga maayo, ug itambug sila ngadto sa hudno nga nagdilaab. Didto maghilak sila ug magkagot ang ilang mga ngipon.

“Nakasabot ba kamo niining mga butanga?” nangutana si Jesus kanila.

“Oo,” mitubag sila.

Busa miingon siya, “Sa ato pa, ang tanang magtutudlo sa Balaod nga nahimong tinun-an sa Gingharian sa Langit sama sa usa ka tagbalay nga nagkuha’g bag-o ug karaang mga butang gikan sa iyang tipiganan.”

Sa nakahuman na si Jesus pagsugilon niining mga sambingaya, mibiya siya niadtong dapita.

ANG EBANGHELYO SA GINOO.
DAYGON IKAW, O CRISTO.

28/07/2026

𝗛𝗨𝗟𝗬𝗢 𝟮𝟵, 𝟮𝟬𝟮𝟲 - 𝗠𝗜𝗬𝗘𝗥𝗞𝗢𝗟𝗘𝗦
Ikanapulo’g Pito nga Semana Sulod sa Tuig
Santa Maria, Santa Marta ug Lazaro; Memorial
(White)

Adunay mga higayon nga ang atong Ginoong JesuCristo gikapoy. Adunay mga panahon nga nasinati Niya ang kaguol tungod sa pagdumot sa mga dautang mga tawo ug naningkamot sa pagdakop kaniya. Moadto dayon Siya sa pagduaw sa iyang mga higala. Ang iyang mga higala mao sila si Lazarus, Maria ug Marta. Aduna silay mahigugmaon ug malinawon nga balay sa lugar nga ginganlan ug Betania, dili layo sa Jerusalem. Sa matag adto ni Jesus niining balaya malipayon siya.

Si SANTA Marta ug ang iyang mga igsuon miadto sa Francia. Ilang gisuginIan ang taga-Francia mahitungod kang Jesus. Daghan sa taga- Francia, mga babaye ug mga Ialaki, mitoo ug nahimong Kristiyanos.

TUDLING SA EBANGHELYO
Ang paglaum nga pagabanhawon ang mga patay nahimong tataw kaayu diha sa pag ingon ni Jesus sa iyang kaugalingon nga mao “ang pagkabanhaw ug ang kinabuhi.” Ang pagbuhi pagbalik kang Lazaru mao ang dili ikalantugi nga timaan sa gipasalig kanato ni Jesus. Ang pagtoo nga gipadayag ni Marta maoy nag aghat kang Jesus sa pagbuhat niining dakung timaan. Ang dili lamang masabtan, nga mao naman hinoon kini ang nakapasuko pag ayo sa mga kaaway ni Jesus nga maoy hinungdan sa iyang kamatayon. Apan wala sila nasayud nga nahimo hinuon silang instrumento aron matuman ang giingon ni Jesus nga mao ang pagkabanahaw ug ang kinabuhi. Tungod kay ang kadautan dili gayud makababag sa mga buhat sa gugma sa Ginoo.

ANG PAGBASA GIKAN SA UNANG SULAT NI SAN JUAN (1 Jn. 4:7-16)

Mga igsuon, maghigugmaay kita kay ang gugma naggikan sa Dios. Ang nahigugma sa iyang isigkatawo anak sa Dios ug nakaila sa Dios. Ang wala mahigugma sa iyang isigkatawo wala makaila sa Dios, kay ang Dios gugma man. Gipadayag sa Dios ang iyang gugma kanato pinaagi sa pagpadala sa iyang Bugtong Anak nganhi sa kalibutan, aron makabaton kita sa kinabuhing walay katapusan pinaagi kaniya. Ang matuod nga gugma mao kini: dili kita maoy unang nahigugma sa Dios, kondili siya maoy unang nahigugma kanato, ug gipadala niya ang iyang Anak aron pinaagi kaniya mapasaylo ang atong mga sala.

Mga igsuon, kon ingon niini ang paghigugma sa Dios kanato, nan maghigugmaay kita. Wala pay tawo nga nakakita sa Dios; apan kon maghigugmaay kita, magpuyo kanato ang Dios ug mahingpit dinhi kanato ang iyang gugma. Masiguro nato nga anaa kita sa Dios ug ania kanato ang Dios kay gihatag na man niya kanato ang iyang Espiritu. Nakita nato ug gisugilon sa uban nga gipadala sa Amahan ang iyang Anak aron pagluwas sa kalibotan. Ang magpahayag nga si Jesus mao ang Anak sa Dios, anaa sa Dios ug ang Dios anaa kaniya. Ug nasayod kita ug nagtuo nga gihigugma kita sa Dios.

Ang Dios gugma ug ang nagkinabuhi subay sa gugma anaa sa Dios ug ang Dios anaa kaniya.

ANG PULONG SA GINOO.
SALAMAT SA DIOS.

SALMO RESPONSORYO
(Ps. 34:2-3, 4-5, 6-7, 8-9)

T. Daygon ko ang Ginoo sa tanang mga panahon.

Daygon ko ang Ginoo sa tanang mga panahon; ang iyang pagdayeg maania kanunay sa akong baba. Pahimayaa ang akong kalag diha sa Ginoo; ang mapaubsanon mamati kanako ug malipay.
T. Daygon ko ang Ginoo sa tanang mga panahon.

Himayaa ang Ginoo uban kanako mag-ambahan kita aron pagbayaw sa iyang ngalan. Gipangita ko ang Ginoo, ug gitubag ako niya, ug giluwas ako niya sa tanan kong gikahadlokan.
T. Daygon ko ang Ginoo sa tanang mga panahon.

Paglaum kamo kaniya aron mosanag kamo sa kasadya, ug ang inyong mga nawong dili manlipaghong sa kaulaw. Sa pagsangpit sa nasakit nga tawo, namati ang Ginoo, ug giluwas siya sa tanan niyang kagul-anan.
T. Daygon ko ang Ginoo sa tanang mga panahon.

Ang mga anghel sa Ginoo nagalibot kanila nga mahadlokon kaniya, ug nagapalingkawas kanila. Tagamtama ug tan-awa unsa kamaayo ang Ginoo; bulahan ang tawo nga nagadangop kaniya.
T. Daygon ko ang Ginoo sa tanang mga panahon.

ALELUYA (Jn. 8:12)
T. Aleluya.
Ako mao ang kahayag sa kalibutan, nag-ingon ang Ginoo; ang tawo nga magsunod sa akong kabubut-on makabaton sa kahayag sa kinabuhi.
T. Aleluya.

ANG PAGBASA GIKAN SA EBANGHELYO SUMALA NI SAN JUAN (Jn. 11:19-27)

Ug daghang mga Judeo midu-aw kang Marta ug kang Maria aron paghupay sa ilang kaguol gumikan sa kamatayon sa ilang igsoon. Sa pagkabalita ni Marta nga tali-abot si Jesus, migula siya aron pagsugat kaniya: apan nagpabilin sa balay si Maria. Si Marta miingon kang Jesus, “Kon dinhi ka pa lamang, Ginoo, dili unta mamatay ang akong igsoon! Hinoon, nasayod ako nga bisan karon mohatag ang Dios kanimo bisa’g unsay imong pangayoon.” Si Jesus miingon kaniya, “Mabanhaw ang imong igsoon.” Siya mitubag, “Nahibalo ako nga mabanhaw siya sa katapusang adlaw.” Ug si Jesus miingon kaniya, “Ako ang pagkabanhaw ug ang kinabuhi. Ang nagtoo kanako, bisan tu-od mamatay, mabuhi; ug ang tanan nga buhi ug nagtoo kanako dili gayud mamatay. Mitoo ka ba niini?” Ug siya mitubag, “Oo, Ginoo, mitoo ako nga Ikaw ang Mesiyas, ang Anak sa Dios, nga mo-anhi sa kalibutan.”

ANG EBANGHELYO SA GINOO.
DAYGON IKAW, O CRISTO.

Or:
ANG PAGBASA GIKAN SA EBANGHELYO SUMALA NI SAN LUCAS (Lk. 10: 38-42)

Samtang nagpadayon pagpanaw si Jesus ug ang iyang mga tinun-an, nahiabot sila sa usa ka balangay diin may usa ka babaye nga ginganla’g Marta nga miabiabi kaniya didto sa iyang balay. May igsuon siyang babaye nga ginganla’g Maria, nga naglingkod sa tiilan sa Ginoo ug namati sa iyang gitudlo. Si Marta nagkapuliki sa daghan niyang buluhaton, busa miduol siya ug miingon, “Ginoo, dili ka ba manumbaling nga gipasagdan man lamang ako sa akong igsuon sa tanang buluhaton sa balay? Agdaha siya pag-ari aron pagtabang kanako.”

Ang Ginoo mitubag kaniya, “Ay kanimo, Marta! Naguol ug nahingawa ka sa daghang mga butang, nga unta usa ra man ang gikinahanglan. Nakapili si Maria sa labing maayo, ug walay makakuha niini gikan kaniya.”

ANG EBANGHELYO SA GINOO.
DAYGON IKAW, O CRISTO.

Sacred Heart of Jesus Parish - Pajac, Lapu-Lapu City

22/08/2026

22/08/2026

15/08/2026

02/08/2026

02/08/2026

29/07/2026

28/07/2026

Address

Opening Hours

Website

Alerts

Contact The Place Of Worship

Shortcuts

Share

Category

Listing takedown request

Monday	8am - 11:59am
	2pm - 5pm
Tuesday	8am - 11:59am
	2pm - 5pm
Wednesday	8am - 11:59am
	2pm - 5pm
Thursday	8am - 11:59am
	2pm - 5pm
Friday	8am - 11:59am
	2pm - 5pm
Saturday	8am - 11:59am
	2pm - 5pm
Sunday	8am - 11:59am
	2pm - 5pm