Immaculate Conception Chapel Mamali II

16/09/2025

𝐈𝐂𝐂 𝐌𝐚𝐦𝐚𝐥𝐢 2- 𝐘𝐨𝐮𝐭𝐡 𝐌𝐢𝐧𝐢𝐬𝐭𝐫𝐲 pinarangalan bilang 𝗢𝘂𝘁𝘀𝘁𝗮𝗻𝗱𝗶𝗻𝗴 𝗖𝗵𝗮𝗽𝗲𝗹 𝗬𝗼𝘂𝘁𝗵 𝗠𝗶𝗻𝗶𝘀𝘁𝗿𝘆

Isang makabuluhang pagkilala ang tinanggap ng Immaculate Conception Chapel – Mamali 2 Youth Ministry matapos igawad sa kanila ang Plaque of Recognition bilang Outstanding Chapel Youth Ministry sa katatapos na 2nd Parish Youth Leadership Congress ng St. Joseph Husband of Mary Parish, Lambayong, Sultan Kudarat.

Ang naturang parangal ay patunay ng kanilang walang sawang paglilingkod, aktibong partisipasyon, at patuloy na dedikasyon sa mga programa at adhikain ng Simbahan. Sa kabila ng iba’t ibang hamon, nanatiling matatag ang kabataan ng ICC Mamali 2 sa pagtupad sa kanilang tungkulin bilang mga kabataang lingkod ng Diyos.

Ang pagkilalang ito ay hindi lamang parangal para sa grupo, kundi isang inspirasyon sa lahat ng kabataan na patuloy na maging ilaw at gabay sa kanilang kapwa, at magsilbing huwaran ng pananampalataya, pagkakaisa, at malasakit sa komunidad.

Mabuhay ang Immaculate Conception Chapel – Mamali 2 Youth Ministry!

05/09/2025

𝗠𝗼𝗻𝘁𝗵𝗹𝘆 𝗞𝗮𝗺𝘂𝘀𝘁𝗮𝗵𝗮𝗻: 𝐘𝐨𝐮𝐭𝐡 𝐅𝐞𝐥𝐥𝐨𝐰𝐬𝐡𝐢𝐩

Noong August 30, matagumpay na isinagawa sa Immaculate Conception Chapel, Mamali 2 ang Youth Fellowship bilang bahagi ng kanilang Monthly Kumustahan. Dinaluhan ito ng 30 kabataan at youth catechist na sabik makibahagi sa pananampalataya at pagkakaisa.

Ang pagbabahaginan ay nakatuon sa Mateo 25:14-30 (𝑷𝒂𝒓𝒂𝒃𝒖𝒍𝒂 𝒏𝒈 𝒎𝒈𝒂 𝑻𝒂𝒍𝒆𝒏𝒕𝒐). Dito, nagbahagi ang mga kabataan ng kani-kanilang talento at kung paano nila ito magagamit at maibabahagi sa iba bilang tanda ng kanilang pananampalataya at paglilingkod sa kapwa.

Bilang panghuli, nagkaroon ng makabuluhang bonfire activity kung saan sinunog ng bawat isa ang kanilang mga panalangin bilang simbolo ng pagtitiwala at pagsuko sa Diyos. Sinundan ito ng masayang awitan at kasiyahan na nagpatibay pa sa pagkakaibigan at samahan ng lahat.

Isang gabi ng pananampalataya, pagbabahagi, at kasiyahan—tunay na naisakatuparan ang tema ng gawain: “𝘾𝙤𝙢𝙚 𝙖𝙨 𝙮𝙤𝙪 𝙖𝙧𝙚 – 𝙇𝙚𝙖𝙫𝙚 𝙀𝙢𝙥𝙤𝙬𝙚𝙧𝙚𝙙!” 💪

22/08/2025

Noong Agosto 18, 2025, nagsama-sama ang ICC Mamali 2 Youth upang maghandog ng isang simpleng ngunit taos-pusong harana para kay 𝗣𝗔𝗨𝗟 𝗝𝗔𝗠𝗘𝗦 𝗠𝗔𝗕𝗔𝗝𝗘𝗡 sa pagdiriwang ng kanyang kaarawan. 🎉

Isang awit ng pagbati at panalangin ang inalay bilang tanda ng pagmamahal, pagkakaibigan, at pagkakaisa ng pamayanan. 🙏

Nawa’y patuloy kang pagpalain ng Panginoon, Paul James, at nawa’y maging makabuluhan at masaya ang bagong yugto ng iyong buhay. ✨

22/08/2025

Noong Agosto 10, 2025, idinaos ang Buwanang Misa sa ICC Mamali 2 Chapel na pinangunahan ni Rev. Fr. Diosdado A. Esguerra, DCC. 🙏

Pagkatapos ng Banal na Misa, nagkaroon ng Feedbacking Session bilang bahagi ng pagdiriwang ng Vianey Day, kung saan ipinahayag ng mga parishioners at lay leaders ang kanilang karanasan at pananaw tungkol kay Fr. Diosdado bilang isang Pari sa Parokya at bilang kasama sa kanilang pananampalataya.

Ilan sa mga nagbahagi ng kanilang komento at karanasan ay sina:
👉Ms. Mary Orlanda – isa sa pinakamatandang parishioner ng kapilya
👉Mrs. Mariline Sawit – miyembro ng Family and Life Apostolate
👉Cris Julian Lansangan – Presidente ng Knights of the Altar ng Parokya
👉Darleen Grace Sawit – kinatawan ng mga Lector ng Chapel
👉Jasper Espiritu – Youth Ministry President ng chapel
👉Mrs. Celerina Sarenas – Treasurer ng simbahan
👉James Lou Delfinado – Catechetical Ministry Coordinator ng Parokya
👉 Mrs. Flerida Retuta – Vice President ng kapilya
👉 Mrs. Emily Sawit – Presidente ng chapel at Family and Life President

Sa pagtatapos ng pagbabahagi, nagbigay rin ng kanyang taos-pusong Response si Fr. Dadz, na labis na pinasalamatan ang bawat isa sa kanilang pagmamahal at suporta.

Ang programa ay nagtapos sa isang panalangin na pinangunahan ni Kaabag Sonnyboy Espericion, at sinundan ng isang munting salo-salo na nagpatibay ng samahan at pagkakaisa ng pamayanan. 🕊️💖

22/08/2025

4th 𝗛𝗼𝘂𝘀𝗲 𝘁𝗼 𝗛𝗼𝘂𝘀𝗲 𝗣𝗿𝗮𝘆𝗲𝗿 𝗠𝗲𝗲𝘁𝗶𝗻𝗴 💙

Sa kabila ng pabago-bagong panahon, hindi napipigilan ang Youth at Katekista ng ICC Mamali 2 sa kanilang patuloy na paglilingkod sa Diyos at sa komunidad.

Ngayong araw ay matagumpay nilang isinagawa ang ika-4 na House-to-House Prayer Meeting sa tahanan nila 𝗠𝗿 𝗮𝗻𝗱 𝗠𝗿𝘀 𝗜𝗻𝗲𝘀 kung saan kanilang pinagnilayan ang Ebanghelyo ayon kay San Mateo 22:34-40.

Ang paalala ng Panginoon ay malinaw: “Ibigin mo ang Diyos nang buong puso, kaluluwa, at pag-iisip, at ibigin mo ang iyong kapwa gaya ng iyong sarili.”

Isang makabuluhang pagtitipon na nagpapatunay na kahit anumang hamon ang dumating, patuloy silang magiging saksi ng pananampalataya at pagmamahal ng Diyos sa bawat pamilyang kanilang nadadalaw.

22/08/2025

3rd 𝗛𝗼𝘂𝘀𝗲 𝘁𝗼 𝗛𝗼𝘂𝘀𝗲 𝗣𝗿𝗮𝘆𝗲𝗿 𝗠𝗲𝗲𝘁𝗶𝗻𝗴 ✨🙏

Isinagawa ng ICC Mamali 2 𝐘𝐨𝐮𝐭𝐡 𝐚𝐭 𝐊𝐚𝐭𝐞𝐤𝐢𝐬𝐭𝐚 ang ika-4 na House-to-House Prayer Meeting sa tahanan nina 𝑴𝒓 𝒂𝒏𝒅 𝑴𝒓𝒔 𝑳𝒊𝒏𝒐 𝑬𝒍𝒊𝒛𝒂𝒈𝒂 noong nakaraang Biyernes ika-15 ng Agosto.

Sa pagbabahagi ng Ebanghelyo ayon kay San Lucas 1:39-56, kanilang pinagnilayan ang Magnificat—ang papuri ni Maria sa kadakilaan ng Diyos, isang paalala ng kababaang-loob at ganap na pagtitiwala sa Kanyang plano.

Ang pagtitipong ito ay naging pagkakataon upang higit pang pagtibayin ang pananampalataya ng pamayanan at palalimin ang kanilang paglalakbay bilang mga alagad ni Kristo. ✨🙏

11/08/2025

✝️ The Unveiling of logo of the 75 years of the Archdiocese of Cotabato

11/08/2025

08/08/2025

📖 House-to-House Prayer Meeting | ICC Mamali 2 🙏🏼
Kahapon ng hapon, matagumpay na nakapagsagawa ng tatlong house-to-house prayer meetings ang ating mga kabataan at katekista ng ICC Mamali 2 bilang bahagi ng ating misyon na dalhin si Kristo sa bawat tahanan. 🏡✨

📍 Mga Pamilyang Nabisita:
🏠 Mr. & Mrs. Marcelo Dalasa
🏠 Mr. & Mrs. Charlie Dalasa
🏠 Mr. & Mrs. Jesus Lames

Pinagnilayan natin ang Ebanghelyo mula sa Mateo 18:15-20, na nagtuturo ng kahalagahan ng pagkakasundo, pagpapayo ng may pagmamahal, at ang kapangyarihan ng panalanging sama-sama. 💛

"Sapagkat saanman may dalawa o tatlong nagkakatipon sa Aking pangalan, naroon Akong kasama nila." – Mateo 18:20

Patuloy tayong magdadala ng liwanag ng pananampalataya sa bawat pintuan na ating kakatukin. ✨

08/08/2025

🙏🏼 Prayer Meeting with a Purpose 🙏🏼
Isang gabi ng pananalangin, pagbubuklod, at pagbabahagi ng Salita ng Diyos ang isinagawa ng mga kabataan at katekista ng ICC Mamali 2 sa kanilang house-to-house prayer mission.

Ginanap ito sa tahanan nina G. at Gng. Leonilo Cabardo Jr., na buong pusong tumanggap sa ating mga lingkod ng simbahan.

Sa mga simpleng pagdalaw at taimtim na pananalangin, patuloy nating nadarama ang presensya ni Kristo sa bawat tahanan.

“For where two or three are gathered in My name, there am I with them.” — Matthew 18:20 ✨