23/09/2026
AYAW KAHADLOK
Naa ka ba sa sitwasyon nga nakahatag kanimo ug kahadlok? Adunay sitwasyon nga makahatod kanato sa pagbati nga mahadlok ta sama pag-abot sa problema, sakit, kapakyasan, problema sa pamilya, pinansyal nga panginahanglan, ug labi na sa mga butang nga mahitabo sa atong kaugmaon nga usahay mahadlok kita tungod kay wala kita kahibalo unsay mahitabo ugma.
Kini nakaapekto sa atong pagtoo.
Ang kahadlok usa ka bahin sa atong adlaw-adlaw nga kinabuhi
pero dili ni nato angay ipabuot ug ipadumala sa atong kinabuhi!
Unsaon nato pag-atubang sa kahadlok?
Kinahanglan nga naa tay gisaligan. DILI tao apan sa GINOO!
Sa Salmo 27, gipahinumdoman kita ni David nga ang atong pagsalig dili kinahanglan ibase sa atong pagkahibalo kung unsay mahitabo ugma, kondili sa atong pagkaila kung kinsa ang Dios.
Bisan pa man sa mga nagkalain-lain nga hagit sa kinabuhi, kumpiyansa kaayo nga miingon si David:
“Ang Ginoo mao ang akong kahayag ug kaluwasan;
busa wala akoy kahadlokan.
Ang Ginoo mao ang akong dalangpanan;
busa kinsa man ang akong kalisangan?”
Busa, atong pangutan-on ang atong kaugalingon:
Ang kahadlok ba ang magdumala sa akong kinabuhi? o ang pagtoo ug pagsalig nako sa Dios nga akong kahayag, dalangpanan ug puloy-anan.
