30/08/2026
💙 13 Taon ng Katapatan ng Diyos | Isang Buhay ng Pagsunod kay Cristo ✝️
Sa kabila ng malakas na ulan, hindi naging hadlang ang panahon upang sama-samang magdiwang tayo ng ika-13 anibersaryo ng Danyang La Trinidad Valley United Methodist Church.
Buong puso kaming nagpapasalamat sa lahat ng dumalo, nakiisa, at nakipagdiwang sa amin ngayong araw. Ang inyong presensya ay isang pagpapala at patotoo na ang iglesia ay patuloy na nagkakaisa sa pagsunod kay Cristo.
Taos-puso rin ang aming pasasalamat sa mga kababaihan ng Cordillera Mission District at BCFUMC, gayundin kay Pastor Lee, sa inyong pakikiisa, paglilingkod, at suporta sa pagdiriwang na ito.
Sa ating pagsamba, itinalaga natin ang mga ukulele at ang mga manunugtog nito para sa kapurihan ng Diyos—nawa'y ang bawat himig at bawat tugtog ay maging instrumento upang maipahayag ang Kanyang kabutihan at katapatan.
Itinalaga rin natin ang mga g**o ng Paaralang Panlinggo, na matapat na naghahatid ng Salita ng Diyos sa ating mga bata at kabataan.
Sa espesyal na pagkakataon, buong galak din nating kinilala at itinalaga sa paglilingkod ang magkapatid na George at Mari Milissa Tamayo.
Maraming salamat din sa ating tagapaghatid ng mensahe, Gng. Remedios Reyes, Pangulo ng CMD WSCS, sa makabuluhang paalala tungkol sa ating pagkatawag na sumunod kay Cristo, magpasanin ng krus, at maging tapat sa ating misyon.
Matapos ang pagsamba, nagpatuloy ang ating pagdiriwang sa isang masayang salu-salo—sapagkat ang isang iglesiang sama-samang nananalangin ay iglesiang marunong ding sama-samang kumain! 😊
Sinundan ito ng masiglang “AI, Ate o Nanay?”—isang masaya ngunit makabuluhang paligsahan tungkol sa wika, teknolohiya, at higit sa lahat, sa karunungang biblikal at wastong pagkilatis. At oo, ang mga premyo natin ay talagang repolyo at carrot! 🥬🥕😂
At dahil ang ating pananampalataya ay hindi lamang para sa loob ng simbahan, nagbahagi rin ang ating mga kababaihan at kabataan ng arroz caldo sa mga dumaraan. Sa simpleng paraan, nawa'y naging mainit na pagkain din ito na naghatid ng init ng pagmamahal at paglilingkod mula sa ating iglesia. ❤️
Sa loob ng 13 taon, napatunayan nating muli:
Tapat ang Diyos.
Sa ulan, sa araw, sa pagsubok at pagpapala—tapat ang Diyos.
Kaya't patuloy tayong susunod, patuloy na maglilingkod, at patuloy na tutuparin ang misyong ipinagkatiwala Niya sa atin.
“Kung ibig ninumang sumunod sa akin, limutin niya ang ukol sa kanyang sarili, pasanin ang kanyang krus at sumunod sa akin.”
— Mateo 16:24
Purihin ang Diyos sa Kanyang katapatan!
13 Years of God’s Faithfulness: A Lifetime of Following Christ
Sa Krus ni Kristo, Patuloy sa Pagsunod at Pagiging Tapat sa Misyon. ✝️💙
