YouKitch - IHMP Kitcharao

01/05/2026

𝐏𝐚𝐠𝐛𝐚𝐬𝐚 𝐬𝐚 𝐒𝐚𝐧𝐭𝐨𝐬 𝐧𝐠𝐚 𝐄𝐛𝐚𝐧𝐠𝐡𝐞𝐥𝐲𝐨 𝐬𝐮𝐦𝐚𝐥𝐚 𝐧𝐢 𝐒𝐚𝐧 𝐉𝐮𝐚𝐧 | 𝐉𝐧. 𝟏𝟒:𝟏-𝟔 | 𝐌𝐚𝐲𝐨 𝟏, 𝟐𝟎𝟐𝟔

Si Jesus miingon sa iyang mga tinun-an, "Ayaw kamog kaguol. Salig kamo sa Dios ug salig usab kanako. Sa balay sa akong Amahan adunay daghang mga lawak, ug moadto ako aron pag-andam og dapit alang kaninyo. Kon dili pa kini tinuod, dili ko unta kamo sultihan niini. Ug kon atua na ako didto ug makaandam nag dapit alang kaninyo, mobalik ako ug kuhaon ko kamo aron bisag asa ako, atua usab kamo. Nahibalo kamo unsaon pag-adto sa dapit nga akong adtoan." Apan si Tomas miingon kaniya, "Ginoo, wala kami mahibalo kon asa ka paingon, busa unsaon man namo pagkatultol sa dalan?" Si Jesus mitubag, "Ako ang dalan, ang kamatuoran, ug ang kinabuhi; walay makaadto sa Amahan kon dili moagi kanako."

𝑨𝒏𝒈 𝑬𝒃𝒂𝒏𝒈𝒉𝒆𝒍𝒚𝒐 𝑺𝒂 𝑮𝒊𝒏𝒐𝒐.
𝑫𝒂𝒚𝒈𝒐𝒏 𝑰𝒌𝒂𝒘, 𝑶 𝑲𝒓𝒊𝒔𝒕𝒐.

30/04/2026

𝐏𝐚𝐠-𝐚𝐦𝐩𝐨 𝐬𝐚 𝐀𝐝𝐥𝐚𝐰𝐧𝐠 𝐇𝐮𝐰𝐞𝐛𝐞𝐬 | 𝐀𝐛𝐫𝐢𝐥 𝟑𝟎, 𝟐𝟎𝟐𝟔

O Putli nga Kasingkasing ni Maria, among Inahan sa kaluoy ug paglaum, tabangi kami nga magpuyo nga matinud-anon sa pag-alagad ug magmalig-on sa pagtuo. Hupaya ang among mga kasakit ug lig-ona ang among kasingkasing aron mahimong tinubdan sa kalinaw ug gugma sa atong komunidad.

𝑷𝒖𝒕𝒍𝒊 𝒏𝒈𝒂 𝑲𝒂𝒔𝒊𝒏𝒈𝒌𝒂𝒔𝒊𝒏𝒈 𝒏𝒊 𝑴𝒂𝒓𝒊𝒂, 𝒊-𝒂𝒎𝒑𝒐 𝒎𝒐 𝒌𝒂𝒎𝒊.

30/04/2026

𝐒𝐚𝐥𝐦𝐨 𝐑𝐞𝐬𝐩𝐨𝐧𝐬𝐨𝐫𝐲𝐨 | 𝐇𝐚𝐧𝐠𝐭𝐮𝐝 𝐬𝐚 𝐤𝐚𝐡𝐚𝐧𝐠𝐭𝐮𝐫𝐚𝐧 𝐚𝐰𝐢𝐭𝐨𝐧 𝐤𝐨 𝐚𝐧𝐠 𝐤𝐚𝐚𝐲𝐨 𝐬𝐚 𝐆𝐢𝐧𝐨𝐨 | 𝐀𝐛𝐫𝐢𝐥 𝟑𝟎, 𝟐𝟎𝟐𝟔

Ps. 89:2-3, 2 1-22, 25, 27

𝑹. 𝑯𝒂𝒏𝒈𝒕𝒖𝒅 𝒔𝒂 𝒌𝒂𝒉𝒂𝒏𝒈𝒕𝒖𝒓𝒂𝒏 𝒂𝒘𝒊𝒕𝒐𝒏 𝒌𝒐 𝒂𝒏𝒈 𝒌𝒂𝒂𝒚𝒐 𝒔𝒂 𝑮𝒊𝒏𝒐𝒐.

Ang mga kaayohan sa Ginoo awiton ko sa gihapon; latas sa tanang kaliwatan magsangyaw ang akong ba-ba sa imong kamatinud-anon. Kay nag-ingon ka, "Ang akong kaluoy nagabarog sa kahangturan"; sa langit imong gilig-on ang imong kamatinud-anon. (R)

Hikaplagan ko si David, akong sulugoon; sa akong balaan nga lana ako siyang gidihogan, Aron ang akong kamut mag-uban kaniya kanunay ug ang akong bukton magalig-on kaniya. (R)

Ang akong kamatinud-anon ug akong kaluoy mag-uban kaniya, ug sa akong ngalan mabayaw ang iyang gahom. "Moingon siya kanako, 'Ikaw ang akong amahan, ang akong Dios, akong Bato, akong manluluwas" (R)

30/04/2026

𝐏𝐚𝐧𝐚𝐰𝐚𝐠𝐚𝐧 𝐬𝐚 𝐏𝐚𝐠-𝐚𝐥𝐚𝐠𝐚𝐝: 𝐌𝐢𝐧𝐢𝐬𝐭𝐫𝐲 𝐨𝐟 𝐇𝐨𝐬𝐩𝐢𝐭𝐚𝐥𝐢𝐭𝐲

“𝑲𝒐𝒏 𝒎𝒂𝒚 𝒌𝒂𝒕𝒂𝒌𝒐𝒔 𝒌𝒊𝒕𝒂 𝒔𝒂 𝒑𝒂𝒈‑𝒂𝒍𝒂𝒈𝒂𝒅, 𝒌𝒊𝒏𝒂𝒉𝒂𝒏𝒈𝒍𝒂𝒏 𝒎𝒂𝒈‑𝒂𝒍𝒂𝒈𝒂𝒅 𝒌𝒊𝒕𝒂… 𝑨𝒚𝒂𝒘 𝒌𝒂𝒎𝒐 𝒑𝒂𝒈𝒕𝒂𝒑𝒐𝒍; 𝒉𝒊𝒏𝒖𝒐𝒏 𝒑𝒂𝒈𝒎𝒂𝒅𝒂𝒔𝒊𝒈𝒐𝒏 𝒌𝒂𝒎𝒐 𝒅𝒊𝒉𝒂 𝒔𝒂 𝑬𝒔𝒑𝒊𝒓𝒊𝒕𝒖 𝒖𝒈 𝒂𝒍𝒂𝒈𝒂𝒓𝒊 𝒂𝒏𝒈 𝑮𝒊𝒏𝒐𝒐.” - Roma 12:7,11

Kini nga pulong sa Kasulatan nagpadayag sa atong pagtubag sa tawag sa pag‑alagad. Sama sa litrato sa pagpakaon ni Jesus sa daghang katawhan, makita nato ang hulagway sa tinuod nga espiritu sa Ministry of Hospitality: pagdawat, pagtabang, ug pagserbisyo uban sa gugma. Sama sa mga tinun‑an nga gipili aron mag-apod-apod sa pagkaon, ang mga usher ug greeter mao ang unang nawong sa pagdawat ug pag‑alagad sa atong parokya.

Ang 𝗜𝗺𝗺𝗮𝗰𝘂𝗹𝗮𝘁𝗲 𝗛𝗲𝗮𝗿𝘁 𝗼𝗳 𝗠𝗮𝗿𝘆 𝗣𝗮𝗿𝗶𝘀𝗵 𝗠𝗶𝗻𝗶𝘀𝘁𝗿𝘆 𝗼𝗳 𝗛𝗼𝘀𝗽𝗶𝘁𝗮𝗹𝗶𝘁𝘆 nag-abli sa pultahan alang sa bag-ong mga boluntaryo. Ang mga igsoon sa pagtuo gina-awhag sa pag-apil niini nga buhat sa pag-alagad ug pagdawat sa atong komunidad sa Simbahan.

Kung nangita ka ug makahuluganon nga paagi sa pagpaambit sa imong mga gasa, sa pag-ilaila sa uban nga mga parokyano, ug sa pagserbisyo sa Ginoo — ang Ministry of Hospitality mao ang unang lakang. Isip usher, greeter, o collector, ikaw mao ang unang mahigalaong nawong nga modawat sa katawhan sa Simbahan. Kini usa ka matahum ug hinungdanon nga misyon sa gugma ug pagdawat.

𝑩𝒂𝒕𝒄𝒉 𝟏 𝑶𝒓𝒊𝒆𝒏𝒕𝒂𝒕𝒊𝒐𝒏 𝒖𝒈 𝑹𝒆𝒄𝒐𝒍𝒍𝒆𝒄𝒕𝒊𝒐𝒏
• Kanos-a: Mayo 1, 2026
• Oras: 7:00 PM – 10:00 PM
• Lugar: Immaculate Heart of Mary Parish Hall

Kini usa ka espesyal nga gabii aron masayran ang bahin sa ministeryo, makig-uban sa uban, ug moapil sa Easter Recollection human sa orientasyon.

𝑲𝒊𝒏𝒔𝒂 𝒂𝒏𝒈 𝑷𝒘𝒆𝒅𝒆 𝑴𝒐𝒂𝒑𝒊𝒍?
• 15 anyos pataas
• Lalake o Babaye
• Single o Minyo
• Labing importante: andam ug tinuod nga kasingkasing sa pagserbisyo

𝑷𝒂𝒂𝒈𝒊 𝒔𝒂 𝑷𝒂𝒈-𝒂𝒑𝒊𝒍.
Kung andam ka nga moingon ug “Oo,” bisitaha ang Parish Office alang sa mga pangutana, o ipadala ang mensahe diretso kang 𝗧𝗿𝗶𝘇𝗵𝗮 𝗔𝗻𝗻 𝗥𝗮𝗻𝗴𝗮𝘀 𝗣𝗹𝗮𝗰𝗲𝗿𝗼𝘀 (Facebook: 𝗔𝘇𝗵𝗶𝗿𝘁 𝗣𝗹𝗮𝗰𝗲𝗿𝗼𝘀)

Ayaw palampasa kini nga higayon sa pagtubo sa imong pagtuo ug sa paghimo ug kalainan sa atong komunidad. Awha usab ang imong higala nga angay moapil niini nga buhat sa pag-alagad.

30/04/2026

𝐒𝐚𝐢𝐧𝐭 𝐨𝐟 𝐭𝐡𝐞 𝐃𝐚𝐲 | 𝐒𝐚𝐧𝐭𝐨 𝐏𝐢𝐮𝐬 𝐕 | 𝐀𝐛𝐫𝐢𝐥 𝟑𝟎, 𝟐𝟎𝟐𝟔

Si Santo Pius V natawo sa Bosco Marengo, Italya niadtong 1504 ug misulod sa Orden sa mga Dominikano sa edad nga 14. Ilado siya sa iyang pagtuo, pag-ampo, ug dakong debosyon sa Santo Rosaryo. Nahimong pari, magtutudlo, ug ulahi nga obispo ug kardinal, nga matinud-anon sa pagpanalipod sa tinuod nga pagtuo ug sa pagwagtang sa mga abuso sa Simbahan. Niadtong 1566, napili siya nga Papa ug nagpadayon sa pagpatuman sa mga dekreto sa Konseho sa Trento, nagpalig-on sa disiplina sa mga pari ug obispo, ug nagpalapad sa debosyon sa Santo Rosaryo. Gicanonisa siya ni Papa Clemente XI niadtong Mayo 22, 1712. Siya mao ang Patrona sa Dikasteryo sa Doktrina sa Pagtuo, ug ginaampo alang sa reporma ug pagpanalipod sa Simbahan. Panumduman: Abril 30 (Opsyonal).

𝑺𝒂𝒏𝒕𝒐 𝑷𝒊𝒖𝒔 𝑽, 𝑷𝒂𝒑𝒂 𝒖𝒈 𝒂𝒍𝒂𝒈𝒂𝒅 𝒔𝒂 𝑫𝒊𝒐𝒔, 𝒕𝒂𝒃𝒂𝒏𝒈𝒊 𝒌𝒂𝒎𝒊 𝒏𝒈𝒂 𝒎𝒂𝒈𝒑𝒖𝒚𝒐 𝒏𝒈𝒂 𝒎𝒂𝒕𝒊𝒏𝒖𝒅-𝒂𝒏𝒐𝒏 𝒖𝒈 𝒍𝒊𝒈-𝒐𝒏 𝒔𝒂 𝒑𝒂𝒈𝒕𝒖𝒐. 𝑰-𝒂𝒎𝒑𝒐 𝒌𝒂𝒎𝒊 𝒏𝒈𝒂 𝒎𝒂𝒈𝒑𝒂𝒅𝒂𝒚𝒐𝒏 𝒔𝒂 𝒑𝒂𝒈-𝒂𝒍𝒂𝒈𝒂𝒅 𝒖𝒈 𝒑𝒂𝒈𝒑𝒂𝒏𝒂𝒍𝒊𝒑𝒐𝒅 𝒔𝒂 𝑺𝒊𝒎𝒃𝒂𝒉𝒂𝒏, 𝒖𝒈 𝒏𝒈𝒂 𝒂𝒏𝒈 𝒂𝒎𝒐𝒏𝒈 𝒌𝒂𝒔𝒊𝒏𝒈𝒌𝒂𝒔𝒊𝒏𝒈 𝒎𝒂𝒈𝒑𝒂𝒃𝒊𝒍𝒊𝒏 𝒏𝒈𝒂 𝒑𝒖𝒏𝒐 𝒔𝒂 𝒈𝒖𝒈𝒎𝒂 𝒖𝒈 𝒌𝒂𝒊𝒔𝒐𝒈 𝒂𝒍𝒂𝒏𝒈 𝒔𝒂 𝑫𝒊𝒐𝒔. 𝑨𝒎𝒆𝒏.

30/04/2026

𝐏𝐚𝐠𝐛𝐚𝐬𝐚 𝐬𝐚 𝐒𝐚𝐧𝐭𝐨𝐬 𝐧𝐠𝐚 𝐄𝐛𝐚𝐧𝐠𝐡𝐞𝐥𝐲𝐨 𝐬𝐮𝐦𝐚𝐥𝐚 𝐧𝐢 𝐒𝐚𝐧 𝐉𝐮𝐚𝐧 | 𝐉𝐧. 𝟏𝟑:𝟏𝟔-𝟐𝟎 | 𝐀𝐛𝐫𝐢𝐥 𝟑𝟎, 𝟐𝟎𝟐𝟔

Human si Jesus makahugas sa tiil sa iyang mga tinun-an miingon siya: "Sultihan ko kamo: walay ulipon nga labaw sa iyang agalon; ug walay sinugo nga labaw sa nagsugo kaniya. Karon nga nasayod na kamo sa maong kamatuoran, bulahan kamo kon inyo kining buhaton!" "Wala ako magsulti mahitungod kaninyong tanan, nakaila ako sa akong gipili. Apan kinahanglan matuman ang Kasulatan nga nag-ingon, 'Ang tawo nga misalo kanako sa pagkaon nahimo nga akong kaaway.' Gisultihan ko kamo niini sa wala pa kini mahitabo aron inigkahitabo na niini, motuo kamo nga 'Ako mao Ako'. Sultihan ko kamo: ang modawat kang bisan kinsa nga akong ipadala, modawat usab kanako; ug ang modawat kanako, modawat usab sa nagpadala kanako."

𝑨𝒏𝒈 𝑬𝒃𝒂𝒏𝒈𝒉𝒆𝒍𝒚𝒐 𝑺𝒂 𝑮𝒊𝒏𝒐𝒐.
𝑫𝒂𝒚𝒈𝒐𝒏 𝑰𝒌𝒂𝒘, 𝑶 𝑲𝒓𝒊𝒔𝒕𝒐.

29/04/2026

𝐏𝐚𝐠-𝐚𝐦𝐩𝐨 𝐬𝐚 𝐀𝐝𝐥𝐚𝐰𝐧𝐠 𝐌𝐢𝐲𝐞𝐫𝐤𝐮𝐥𝐞𝐬 | 𝐀𝐛𝐫𝐢𝐥 𝟐𝟗, 𝟐𝟎𝟐𝟔

O Putli nga Kasingkasing ni Maria, among Inahan nga puno sa kaluoy ug gugma, tabuni kami sa imong panalipod ug giya kami sa dalan nga nagdala ngadto kang Kristo. Hatagi kami sa kusog sa pag-atubang sa mga pagsulay ug sa kaisog sa pagbarug sa pagtuo.

𝑷𝒖𝒕𝒍𝒊 𝒏𝒈𝒂 𝑲𝒂𝒔𝒊𝒏𝒈𝒌𝒂𝒔𝒊𝒏𝒈 𝒏𝒊 𝑴𝒂𝒓𝒊𝒂, 𝒊-𝒂𝒎𝒑𝒐 𝒎𝒐 𝒌𝒂𝒎𝒊.

𝐏𝐚𝐠-𝐚𝐦𝐩𝐨 𝐬𝐚 𝐀𝐝𝐥𝐚𝐰𝐧𝐠 𝐌𝐢𝐲𝐞𝐫𝐤𝐮𝐥𝐞𝐬 | 𝐀𝐛𝐫𝐢𝐥 𝟐𝟗, 𝟐𝟎𝟐𝟔

O Putli nga Kasingkasing ni Maria, among Inahan nga puno sa kaluoy ug gugma, tabuni kami sa imong panalipod ug giya kami sa dalan nga nagdala ngadto kang Kristo. Hatagi kami sa kusog sa pag-atubang sa mga pagsulay ug sa kaisog sa pagbarug sa pagtuo.

𝑷𝒖𝒕𝒍𝒊 𝒏𝒈𝒂 𝑲𝒂𝒔𝒊𝒏𝒈𝒌𝒂𝒔𝒊𝒏𝒈 𝒏𝒊 𝑴𝒂𝒓𝒊𝒂, 𝒊-𝒂𝒎𝒑𝒐 𝒎𝒐 𝒌𝒂𝒎𝒊.

29/04/2026

𝐍𝐚𝐬𝐚𝐲𝐨𝐝 𝐛𝐚 𝐊𝐚𝐦𝐨? 𝐀𝐧𝐠 𝐊𝐢𝐧𝐚𝐝𝐚𝐤-𝐚𝐧𝐠 𝐏𝐚𝐧𝐚𝐠𝐭𝐢𝐠𝐨𝐦 𝐬𝐚 𝐊𝐚𝐬𝐚𝐲𝐬𝐚𝐲𝐚𝐧 𝐬𝐚 𝐒𝐚𝐧𝐭𝐨 𝐏𝐚𝐩𝐚.

Niadtong Enero 18, 2015, gibanabana nga moabot sa 6 ngadto sa 7 ka milyon ka tawo ang nagtapok sa Rizal Park (Luneta) sa Manila ug sa mga kasikbit niini alang sa panapos nga Misa sa apostolikong pagbisita ni Papa Francisco.

Bisan pa sa kusog nga ulan tungod sa bagyo, minilyon ka mga Pilipino—mga pamilya, kabatan-onan, katigulangon, mga madre, kaparian, ug mga laykong magtutuo—ang nagbarog ug nagpunsisok sulod sa daghang oras, diin ang uban nangabot pa sa bisperas sa maong adlaw. Ang dagat sa mga payong, raincoats, ug nagkidlap nga mga kandila naghimo sa maong makasaysayong parke nga usa sa labing gamhanang pagpamatuod sa pagtuo nga nakit-an sa tibuok kalibutan.

Gikumpirma ni Fr. Federico Lombardi, ang tigpamaba sa Vatican, nga kini ang kinadak-ang okasyon sa kasaysayan sa mga Papa. Milapas kini sa kaniadtong rekord nga 5 ka milyon ka tawo nga mitambong sa Misa ni San Juan Pablo II sa mao gihapon nga dapit niadtong World Youth Day 1995.

Dili lang kadto usa ka yanong pundok sa katawhan—kadto usa ka lalom nga pagpadayag sa Pagtuo. Ang Pilipinas, isip kinadak-ang nasod nga Katoliko sa Asya, nagpakita sa kalibutan sa usa ka lalom, lig-on, ug malipayong pagtuo, bisan pa taliwala sa huros sa hangin ug kusog nga ulan sa bagyo.

Si Papa Francisco, kinsa dayag nga natandog, nagsaulog sa Balaang Misa uban sa 2,500 ka mga pari ug 200–250 ka mga obispo. Sa iyang wali, mabination siyang namulong sa mga Pilipino, ilabi na sa mga kabataan ug sa mga nag-antos, nga nag-awhag sa tanan sa pagpanalipod sa mga batan-on ug mahimong mga misyonero sa kaluoy ug paglaum.

Did you know? On January 18, 2015, an astonishing 6 to 7 million people gathered in and around Rizal Park (Luneta) in Manila, Philippines for the closing Mass of Pope Francis’ apostolic visit.

Despite heavy rains brought by a tropical storm, millions of Filipinos (families, youth, elderly, religious sisters, priests, and lay faithful) stood shoulder to shoulder for hours, many arriving the night before. The sea of umbrellas, raincoats, and flickering candles turned the historic park into one of the most powerful testimonies of faith the world has ever witnessed.

Vatican spokesman Fr. Federico Lombardi officially confirmed the figure, stating it was the largest event in the history of the popes, surpassing the previous record of around 5 million people who attended Pope Saint John Paul II’s Mass at the same venue during World Youth Day in 1995.

This wasn’t just a crowd — it was a profound expression of Faith. The Philippines, Asia’s largest Catholic nation, showed the world what deep, resilient, and joyful faith looks like even in the face of typhoon winds and pouring rain.

Pope Francis, visibly moved, celebrated the Mass with around 2,500 priests and 200–250 bishops. In his homily, he spoke tenderly to the Filipino people, especially the children and the suffering, urging everyone to protect the young and become missionaries of mercy and hope.

--------------------
Have you ever attended a papal event, or do you have a personal story from the 2015 Papal visit? Did you brave the rain at Luneta? Or perhaps you remember watching it on TV with your family?

Share your memories, reflections, or photos below. Let’s relive this historic moment together! ✨

29/04/2026

𝐏𝐚𝐠-𝐚𝐦𝐩𝐨 𝐀𝐥𝐚𝐧𝐠 𝐬𝐚 𝐊𝐚𝐥𝐢𝐧𝐚𝐰: 𝐔𝐬𝐚 𝐤𝐚 𝐋𝐚𝐤𝐚𝐧𝐠 𝐬𝐚 𝐏𝐚𝐧𝐚𝐠𝐡𝐢𝐮𝐬𝐚

Niadtong Abril 24, gipahigayon ang “Ekumenikong Pag-ampo alang sa Kalinaw” didto sa Seoul Anglican Cathedral, nga giorganisar sa Taizé Community sa Korea. Kini nga panagtigom nagsilbing usa ka madasigong dapit sa panag-uyon, diin ang mga Katoliko, Ortodokso, ug mga Protestante nagkahiusa sa kasingkasing aron iampo ang kalinaw. Ang espiritu sa panaghiusa mas napalig-on pa pinaagi sa presensya ni Brother Matthew, ang Prior sa Taizé Community, kinsa mibisita sa Korea aron mangulo sa usa ka lawom nga pagpamalandong, nga gisundan sa usa ka dungan nga panalangin gikan sa mga kaparian sa nagkalain-laing tinuohan.

Isip pagpakita sa pakig-alayon, ang mga boluntaryo alang sa World Youth Day (WYD) Seoul 2027 misalmot niini nga pag-ampo, nga nakagamot sa diwa sa ekumenismo. Samtang nangandam ang Seoul sa pag-host sa labing unang WYD sa usa ka nasod nga dili Kristiyano, kining mga boluntaryo mibuhat og usa ka makahuloganong lakang pinaagi sa personal nga pagsinati sa kinauyokan nga hiyas sa panaghiusa ug pagpasig-uli nga molapas sa mga utlanan sa denominasyon.

29/04/2026

𝐏𝐚𝐠𝐛𝐚𝐬𝐚 𝐬𝐚 𝐒𝐚𝐧𝐭𝐨𝐬 𝐧𝐠𝐚 𝐄𝐛𝐚𝐧𝐠𝐡𝐞𝐥𝐲𝐨 𝐬𝐮𝐦𝐚𝐥𝐚 𝐧𝐢 𝐒𝐚𝐧 𝐉𝐮𝐚𝐧 | 𝐉𝐧. 𝟏𝟐:𝟒𝟒-𝟓𝟎 | 𝐀𝐛𝐫𝐢𝐥 𝟐𝟗, 𝟐𝟎𝟐𝟔

Unya si Jesus misultig kusog, "Ang nagtoo kanako wala lamang magtoo kanako kondili kaniya usab nga nagpadala kanako. Ang nakakita kanako nakakita usab kaniya nga nagpadala kanako. Mianhi ako nga kahayag sa kalibutan, aron ang tanan nga nagtoo kanako dili magpabilin sa kangitngit. Ang mamati sa akong mensahe ug dili magtuman niini dili ko hukman. Mianhi ako dili aron pagsilot sa kalibutan, kondili aron pagluwas niini. Adunay mosilot niadtong magsalikway kanako ug dili modawat sa akong mensahe. Ang pulong nga akong gisulti mao unya ang maghukom kaniya sa katapusang adlaw! Matuman gayod kini, kay wala man ako magsulti sa akong kaugalingong kabubut-on, kondili ang Amahan nga nagpadala kanako maoy nagsugo kanako kon unsay akong isulti. Ug nasayod ako nga ang iyang sugo naghatag og kinabuhing dayon. Busa ang akong gisulti mao ang gipasulti kanako sa Amahan."

𝑨𝒏𝒈 𝑬𝒃𝒂𝒏𝒈𝒉𝒆𝒍𝒚𝒐 𝑺𝒂 𝑮𝒊𝒏𝒐𝒐.
𝑫𝒂𝒚𝒈𝒐𝒏 𝑰𝒌𝒂𝒘, 𝑶 𝑲𝒓𝒊𝒔𝒕𝒐.

28/04/2026

𝐒𝐚𝐢𝐧𝐭 𝐨𝐟 𝐭𝐡𝐞 𝐃𝐚𝐲 | 𝐒𝐚𝐧𝐭𝐚 𝐊𝐚𝐭𝐚𝐫𝐢𝐧𝐚 𝐬𝐚 𝐒𝐢𝐞𝐧𝐚 | 𝐀𝐛𝐫𝐢𝐥 𝟐𝟗, 𝟐𝟎𝟐𝟔

Si Santa Katarina sa Siena (1347–1380) natawo sa Tuscany, Italy, ug sa edad nga pito nakakita siya sa panan-awon ni Kristo uban sa mga apostoles. Gihalad niya ang iyang kinabuhi ngadto sa Dios ug sa edad nga 15 misulod siya sa Orden sa Dominikano isip terciaria. Nag-alagad siya sa mga kabus ug masakiton, ug daghang tawo ang nadani sa iyang kalooy ug pagtuo. Nakadawat siya ug panan-awon sa “mystical marriage” uban kang Kristo, ug gihatagan siya sa singsing sa Balaang Bata nga si Kristo. Nahimong tigpayo ug manunulat sa mga Papa Gregory XI ug Urban VI, ug nakadawat sa stigmata niadtong 1375. Gicanonisa siya niadtong 1461 ug giproklamar nga Doktor sa Simbahan niadtong 1970. Siya mao ang Patrona batok sa sakit, kalayo, mga pagsulay, ug alang sa mga masakiton, mga nurse, ug mga magbubuhat sa pag-atiman. Panumduman: Abril 29 (Abril 30 sa mga Dominikano).

𝑺𝒂𝒏𝒕𝒂 𝑲𝒂𝒕𝒂𝒓𝒊𝒏𝒂 𝒔𝒂 𝑺𝒊𝒆𝒏𝒂, 𝑩𝒊𝒓𝒉𝒆𝒏 𝒖𝒈 𝑫𝒐𝒌𝒕𝒐𝒓 𝒔𝒂 𝑺𝒊𝒎𝒃𝒂𝒉𝒂𝒏, 𝒕𝒂𝒃𝒂𝒏𝒈𝒊 𝒌𝒂𝒎𝒊 𝒏𝒈𝒂 𝒎𝒂𝒈𝒑𝒖𝒚𝒐 𝒏𝒈𝒂 𝒎𝒂𝒕𝒊𝒏𝒖𝒎𝒂𝒏𝒐𝒏 𝒖𝒈 𝒎𝒂𝒑𝒂𝒊𝒏𝒖𝒃𝒔𝒂𝒏𝒐𝒏 𝒔𝒂 𝒑𝒂𝒈-𝒂𝒍𝒂𝒈𝒂𝒅 𝒔𝒂 𝑫𝒊𝒐𝒔 𝒖𝒈 𝒔𝒂 𝒊𝒔𝒊𝒈𝒌𝒂𝒕𝒂𝒘𝒐. 𝑰-𝒂𝒎𝒑𝒐 𝒌𝒂𝒎𝒊 𝒏𝒈𝒂 𝒎𝒂𝒈𝒑𝒂𝒅𝒂𝒚𝒐𝒏 𝒔𝒂 𝒑𝒂𝒈𝒕𝒖𝒐 𝒃𝒊𝒔𝒂𝒏 𝒔𝒂 𝒌𝒂𝒔𝒂𝒌𝒊𝒕 𝒖𝒈 𝒑𝒂𝒈𝒔𝒖𝒍𝒂𝒚, 𝒖𝒈 𝒏𝒈𝒂 𝒂𝒏𝒈 𝒂𝒎𝒐𝒏𝒈 𝒌𝒂𝒔𝒊𝒏𝒈𝒌𝒂𝒔𝒊𝒏𝒈 𝒎𝒂𝒈𝒑𝒂𝒃𝒊𝒍𝒊𝒏 𝒏𝒈𝒂 𝒍𝒊𝒈-𝒐𝒏 𝒔𝒂 𝒈𝒖𝒈𝒎𝒂 𝒔𝒂 𝑫𝒊𝒐𝒔. 𝑨𝒎𝒆𝒏.

28/04/2026

𝐏𝐚𝐠𝐛𝐚𝐬𝐚 𝐬𝐚 𝐒𝐚𝐧𝐭𝐨𝐬 𝐧𝐠𝐚 𝐄𝐛𝐚𝐧𝐠𝐡𝐞𝐥𝐲𝐨 𝐬𝐮𝐦𝐚𝐥𝐚 𝐧𝐢 𝐒𝐚𝐧 𝐉𝐮𝐚𝐧 | 𝐉𝐧. 𝟏𝟎:𝟐𝟐-𝟑𝟎 | 𝐀𝐛𝐫𝐢𝐥 𝟐𝟖, 𝟐𝟎𝟐𝟔

Ug miabot ang panahon sa pagsaulog sa Pangilin sa Paghalad didto sa Jerusalem. Tingtugnaw kadto, ug naglakawlakaw si Jesus sa Portico ni Solomon didto sa templo. Mialirong ang mga Judio kaniya ug miingon, "Kanus-a mo man gayod kami sultihi sa klaro? Tug-ani kami sa walay lipodlipod kon ikaw ba gayod ang Mesiyas." Si Jesus mitubag, "Gisultihan ko na kamo, apan wala kamo motoo kanako. Ang mga buhat nga akong gihimo sa ngalan sa akong Amahan mao ang akong mga saksi; apan dili kamo motoo tungod kay dili man kamo akong mga karnero. Ang akong mga karnero mamati sa akong tingog; nakaila ako kanila ug sila nagsunod kanako. Naghatag ako kanila sa kinabuhing dayon, ug dili na gayod sila mangamatay; ug walay makaagaw kanila gikan kanako. Ang akong Amahan, nga maoy naghatag nila ngari kanako, labaw sa tanan; ug walay makaagaw kanila gikan sa Amahan. Ang akong Amahan ug ako usa ra."

𝑨𝒏𝒈 𝑬𝒃𝒂𝒏𝒈𝒉𝒆𝒍𝒚𝒐 𝑺𝒂 𝑮𝒊𝒏𝒐𝒐.
𝑫𝒂𝒚𝒈𝒐𝒏 𝑰𝒌𝒂𝒘, 𝑶 𝑲𝒓𝒊𝒔𝒕𝒐.