07/09/2025
๐ ๐๐ ๐๐๐๐ข๐ก๐ ๐ฆ๐๐ก๐ง๐ข ๐ก๐ ๐ฆ๐๐ ๐๐๐๐๐ก๐ ๐๐๐ง๐ข๐๐๐๐
๐๐๐ ๐๐๐๐๐ ๐๐๐๐๐๐ ๐๐ ๐๐๐ ๐๐๐๐ ๐๐๐๐๐๐ ๐
๐๐๐๐๐๐๐
Ngayong araw, Setyembre 7, 2025, isang makasaysayang sandali para sa Simbahang Katolika sapagkat dalawa sa pinakapinagmamalaking kabataan ng ating pananampalataya ang itinanghal bilang mga bagong santo, sina San Carlo Acutis at San Pier Giorgio Frassati.
San Carlo Acutis (1991โ2006)
Isang millennial mula sa Italya, ay tinaguriang โGodโs Influencer.โ Sa murang edad, ipinakita niya ang matinding pagmamahal sa Banal na Eukaristiya. Ginamit niya ang kanyang husay sa teknolohiya upang lumikha ng isang website na nagtampok ng mga himala ng Eukaristiya sa buong mundo. Sa kabila ng kanyang maikling buhayโpumanaw siya sa edad na 15 dahil sa leukemiaโiniwan niya ang isang mahalagang halimbawa, na ang kabanalan ay posible sa ordinaryong pamumuhay, lalo na sa kabataan ng makabagong panahon.
San Pier Giorgio Frassati (1901โ1925)
Isang masayahin at mapagkawanggawang kabataan mula sa Turin, Italya, ay tinawag na โLalaki ng Walong Beatitudes.โ Sa kabila ng marangyang pinagmulan, pinili niyang ialay ang kanyang buhay sa paglilingkod sa mahihirap, sa panalangin, at sa pagsasabuhay ng pananampalataya. Kilala siya sa kanyang motto na โVerso lโAltoโ o โPatungong Kataas-taasan,โ sagisag ng kanyang walang-hanggang paghahangad sa Diyos at sa kabanalan.
Ang kanilang canonization ay nagpapaalala sa atin na ang kabanalan ay hindi lamang para sa mga pari at relihiyoso, kundi bukas para sa lahatโlalo na sa mga kabataanโna handang gamitin ang kanilang mga talento, kasanayan, at pagkakataon upang maging ilaw ng pananampalataya sa mundo ngayon.
Panalangin kay San Carlo Acutis at San Pier Giorgio Frassati
Ama naming Diyos, Ikaw ang bukal ng kabanalan at pag-ibig. Sa Iyong wagas na awa, ibinigay Mo sa amin sina San Carlo Acutis at San Pier Giorgio Frassati bilang mga huwaran ng kabataan at pananampalataya.
Sa halimbawa ni San Carlo, itinuro Mo sa amin na gamitin ang mga biyaya ng makabagong panahon upang ipalaganap ang Mabuting Balita at ipaalala ang tunay na presensya ni Kristo sa Banal na Eukaristiya. Sa halimbawa naman ni San Pier Giorgio, ipinakita Mo na ang tunay na kagalakan ay natatagpuan sa paglilingkod sa mahihirap at pananalangin.
Panginoon, sa kanilang pamamagitan, ipagkaloob Mo sa amin ang lakas ng pananampalataya, ang tapang na magmahal, at ang sigasig na mamuhay nang may kabanalan sa gitna ng aming pang-araw-araw na buhay. Nawaโy tulad nila, makapagsilbi kami bilang liwanag sa aming pamilya, pamayanan, at sa Simbahan.
San Carlo Acutis at San Pier Giorgio Frassati, ipanalangin ninyo kami, upang sa aming paglalakbay โpatungong kataas-taasan,โ lagi naming makasama si Kristo, ang ating Panginoon at Kaibigan. Amen.
