San Miguel Arkanghel de Binakayan

23/05/2026

LINGGO NG PENTEKOSTES | 24 MAYO 2026

Ipinagdiriwang natin ang Pentekostes, ang pagbaba ng Espiritu Santo sa mga apostol, sa mga alagad at kay Maria, Ina ni Hesus. Ngayon din ang kaarawan ng Simbahan. Ipinakita sa Unang Pagbasa at Mabuting Balita ang pagdating ng Espiritu Santo na parang malakas na hangin at ang paghinga ni Hesus sa mga apostol. Tulad nila, tinanggap din natin ang Espiritu Santo sa Binyag at Kumpil upang ipahayag ang Mabuting Balita. Kaisa nila, dasalin natin: Halina, Espiritu Santo!

Halina't ihanda ang ating mga sarili sa pagtanggap kay Kristo sa Banal na Eukaristiya.

13/05/2026

12/05/2026

Pagbati ng Maligayang Kapithan sa mga kapatid natin sa Iglesia Romana Catolica sa pagdiriwang ng Kapistahan ni Imang, ang Mahal na Birheng ng Fatima, ngayong ika-13 ng Mayo.

Pagbati mula sa San Miguel Arcangel de Binakayan Parish, Iglesia Filipina Independiente.

Viva la Virgen!
Viva San Miguel Arcangel de Binakayan!

09/05/2026

IKA-ANIM NA LINGGO NG PASKO NG MULING PAGKABUHAY | 10 MAYO 2026

Ika-anim na Linggo ng Pasko ng Muling Pagkabuhay ngayon. Sa Mabuting Balita, tinuruan ni Hesus ang mga apostol na sundin ang Kanyang mga utos bilang tanda ng kanilang pagmamahal sa Kanya. Ipinangako Niya ang Espiritu Santo na sumasaatin sa Banal na Misa. Sa pagtanggap natin ng Banal na Katawan ni Hesus, tayo ay kaisa Niya sa pamamagitan ng Espiritu Santo. Manalangin tayo nang taos-puso sa pagdiriwang ng misteryong ito ng ating pananampalatayang ating sinisimulan.

Halina't ihanda ang ating mga sarili sa pagtanggap kay Kristo sa Banal na Eukaristiya.

07/05/2026

📖 Alam Mo Ba?

Ang unang kilalang aparisyon ni San Miguel Arcangel ay naganap noong taong 490 AD (Mayo 08) sa Monte Gargano, Italy. Ayon sa tradisyon, nagpakita si San Miguel upang ipahayag na ang bundok ay isang banal na lugar ng panalangin at pag-aalay sa Diyos.

Dahil dito, naging isa ang Monte Gargano sa pinakamatandang dambana sa mundo na inialay kay San Miguel Arkanghel.

Kaya't ating gunitain ang mahalagang paggunitang ito ugnay sa ating Mahal na Patron at Pintakasi, San Miguel Arcangel de Binakayan. Samahan niyo kami sa pagdiriwang ng Santa Misa sa paggunitang ito sa ganap na ika-4 ng hapon.

Ang lahat ng deboto ni San Miguel Arcangel de Binakayan ay inaanyayahan.

30/04/2026

ARAW-ARAW KAY MARIA: MUNTING HANDOG, LIGAYA'T PAG-ASA

Itong bulaklak na alay ng aming pagsintang tunay, palitan mo, Birheng Mahal ng tuwa sa kalangitan.

Halina't sama-sama nating ipagdiwang ang pagpaparangal sa Mahal na Birheng Maria ngayong Buwan ng Mayo, at alayan siya ng mga bulaklak kalakip at ating mga panalangin sa buhay habang umaasang pagkakamtin niya ang mga ito sa kanyang Anak na si Hesus.

Samahan ang San Miguel Arcangel de Binakayan Parish sa pagdiriwang na ito ng Flores de Maria 2026.