16/08/2026
๐๐๐๐๐๐ ๐๐ฎ๐จ๐ญ๐๐ฌ
Bilang pagdiriwang ng Buwan ng mga Sakristan, inaanyayahan tayong higit pang palalimin ang ating pananampalataya sa pamamagitan ng pagninilay sa Salita ng Diyos. Sa pamamagitan ng ๐๐๐๐๐๐ ๐๐ฎ๐จ๐ญ๐๐ฌ, hangad nitong mapalalim at mapangalagaan ang ating buhay espirituwal sa pagninilay sa Ebanghelyo ng bawat Linggo, at hayaang ito'y maging ating gabay sa bokasyon sa paglilingkod.
Para sa Ebanghelyo ngayong linggo, Mateo 15, 21-28 inaanyayahan namin kayong makiisa sa pagninilay kasama si ๐๐ซ๐จ. ๐๐ก๐ซ๐ข๐ฌ๐ญ๐ข๐๐ง ๐๐ซ๐ง๐ข๐ฌ๐ญ๐จ
PAGNINILAY:
Naalala ko noong ako ay bata pa, mahilig akong mangulit sa aking Nanay na bumili ng mga bagay na makapagpapasaya sa akin gaya ng laruan, libro at ng mga maliliit na imahe ng santo. Hindi ako titigil hangga't hindi pinagbibigyan ang aking gusto. May mga araw na ako ay iiyak pa para lang ibigay ang mga nais ko. At sa huli dahil sa kakulitan ko pinagbibigyan din naman ako. May mga pagkakataon din noong bata ako na hahagalpak ako sa iyak dahil mangungulit akong dumaan sa Simbahan galing sa palengke dahil nais kong makita ang imahe ni Mama Mary. Lagi akong nangungulit, lagi akong paulit-ulit at dahil doon pinagbibigyan ang nais ko.
Gaya ng ating ebanghelyo sa linggong ito, maririnig natin ang isang babae na taga Cananea na humihingi ng tulong sa Panginoong Hesus. Pilit niyang sinusundan at nagmamakaawang lumuhod sa Panginoon para pagalingin ang kanyang anak. Ngunit sa kakulitan ng babae, sinabihan ng mga alagad ang Panginoong Hesus na โPagbigyan na Ninyo upang umalis". Sinubok siya ng Panginoon; hindi siya agad sinagot ni Hesus, para siyang tinanggihan ni Hesus, at hinarap niya ang pananalita ni Hesus. At sa huli ay pinagaling ng Panginoon ang kanyang anak.
Alam niyo, hindi agad sumuko ang babaeng taga Cananea para sa kanyang nais na pagalingin ang kanyang anak. Nangulit siya. Nagpakumbaba siya. Naghintay siya. Nanalig siya sa pag-asang nagmumula sa kanyang pananampalataya. Ang pangungulit ng babae ay nagkaroon ng bunga. Natupad ang kanyang hiling pero hindi siya nangulit upang inisin o hamakin ang Panginoon. Nangulit siya na may matibay na pag-asa at pananalig sa Kanya. Hinarap niya ang pagsubok dahil alam niyang sa huli ay sasagutin siya ng Panginoong Hesus.
"Ang Panginoon ay nagbibigay ng pagsubok hindi upang tayo ay sumuko, kundi upang tayo ay patatagin at maging matibay sa hamon ng buhay"
Maging tulad nawa tayo ng babaeng taga Cananea na hindi tumigil sa pananalig sa Diyos. Huwag nawa tayong mawalan ng pag-asa at umasa na sa kabila ng mga pagsubok, nariyan Siya handa tayong tugunin kahit minsan akala natin hindi na natin kaya.
