01/04/2026
Sa sini nga gab-i sang Huwebes Santo, ginapahanumdom kita sang matuod nga kahulugan sang paghigugma, ang paghigugma nga ginapakita sa binuhatan. Si Hesus nagpakita sang mapainubuson nga gugma paagi sa paghugas sang tiil sang Iya mga disipulo, ginatudlo kita nga ang matuod nga kadungganan yara sa pag-alagad sa iban.
Bisan kabalo Siya sang mga pagtilaw kag kasakit nga maabot, nagpabilin Siya nga matinumanon kag mapinalanggaon. Gani kita man ginatawag nga maghigugma kag mag-alagad nga wala sing kondisyon.
Kabay pa nga sa sini nga tion, matun-an naton ang magpatawad, magpaubos, kag maghigugma pareho sa Iya,halin gid sa tagipusuon.
