22/05/2026
CBCP issues “A Nation’s Prayer for Enlightenment, Conversion and Renewal,” with approved translations in Tagalog, Bicolano, Binisaya, Ilocano, Hiligaynon, Cebuano and Kapampangan, following approval by the CBCP Permanent Council on May 20, 2026.
The CBCP Permanent Council said the prayer will be recited beginning Pentecost Sunday and continuing at least through July, according to the CBCP General Secretariat.
PANGAMUYO SANG ISA KA PUNGSOD PARA SA PAG-IWAG, PAGHINULSOL,
KAG PAGBAG-O
Mahigugmaon nga Amay, Dios sang kamatuoran kag hustisya,
ginpadala Mo ang Imo Bugtong nga Anak nga si Jesucristo,
nga paagi sa Iya Misteryo Pascual ginpakita Niya ang Imo kaluoy
kag ginpasag-uli kami sa Imo kag sa kalibutan.
Nagapalapit kami sa Imo nga nagapangayo sang pag-ayo, pagkamatarong,
kag pagbag-o para sa amon pungsod.
Ang amon pungsod yara subong sa mabudlay nga ginsang-an,
Nakita namon nga ang kamatuoran ginapahigad, ang hustisya ginapadugayan,
kag ang pagbinahinbahin nagapaluya sa sadsaran sang amon katilingban.
Nagapangamuyo kami para sa mga gintungyanan sang pagpanguna.
Tawga sila pabalik sa balaan nga palangakuan sang ila katungdanan.
Kabay pa nga mag-alagad sila nga may pagkamatinudnon, hustisya, kag kaluoy.
Hatagi sila sang kaalam agud makapanghikot nga may pagkilala kag pag-intindi,
kusog agud magpadayon nga may integridad, kag pagpaubos agud indi pagtimtimos
ang ila pangitaon kundi pagkamatarong; indi maiya-iyahon nga ambisyon kundi ang kaayuhan sang tanan.
Patawara kami tungod sang amon pagpiyong sa matarong,
sa pagbaton sang mga palusot imbes nga pagpanabat,
kag sa pagpasugot nga ang kapung-aw kag pagbinahinbahin magpaluya sang amon paglaum para sa amon katawhan.
Ginaako namon ang madamo nga tion nga nagpabilin kami nga nagahipos sa atubangan sang kalautan,
sang ginpili namon ang pagphapos imbes nga konsyensya, kahadlok imbes nga kaisog,
kag kawalay-pagpakabala imbes nga responsibilidad.
O Balaan nga Espiritu, bag-uha ang amon mga tagipusuon kag iwagi ang amon mga hunahuna.
Pabalika kami gikan sa kawalay-pagpakabala pakadto sa kaluoy,
gikan sa kahipos pakadto sa matinumanon nga paghirot,
gikan sa pagbinahinbahin pakadto sa paghiusa, kag gikan sa kapung-aw pakadto sa paglaum.
Tudloi kami nga panginpan ang kamatuoran nga may paghigugma,
pangitaon ang hustisya nga may kaluoy,
kag mangin instrumento sang paghidaet kag pagpasag-uli.
Pasanagi sang Imo kapawa ang amon pungsod.
Ipasag-uli ang nabuong, ayuha ang napilasan,
kag pabanguna ang isa ka katawhan nga indi pag-ibaylo ang kamatuoran para sa kahamungahan,
ukon isugka ang kaayohan tungod sang kahadlok.
Kabay pa nga ini mangin balaan nga tion sang paghinulsol kag pagbag-o para sa amon pungsod,
agud nga mangin matuod kami nga isa ka pungsod nga nagakabuhi sa pagtuo, paglaum,
kag paghigugma sa idalom sang Imo amaynon nga pag-atipan.
Ginapangayo namon ini paagi kay Jesucristo, Imo Anak kag Amon Ginuo,
nga nagakabuhi kag nagahari upod sa kaishan sang Espiritu Santo,
Dios sa tanan nga tuig sang mga katuigan. Amen.
Santa Maria, Iloy sang katawhang Pilipino kag Reyna sang Paghidaet, giyahan kag pangamuyuan mo kami sa gihapon.
San Lorenzo Ruiz kag San Pedro Calungsod, ipangamuyo kami.
San Miguel Arkanghel, ipangamuyo kami.
