Bulalacao Hijos De Nazareno

10/01/2026

05/01/2026

05/01/2026

DUNGAW 2026 | Ang Banal na Pagtatagpo ng Dalawang Mapaghimalang Patron ng Quiapo

Sa darating na ENERO 9, muling magbubuklod ang pananampalataya ng mga deboto sa gaganaping banal na pagtatagpo ng mga pintakasi ng Quiapo—ang Nuestro Padre Jesús Nazareno at ang Nuestra Señora del Carmen de San Sebastián.

¡Viva Nuestro Padre Jesús Nazareno!
¡Viva la Virgen del Carmen de San Sebastián!

13/11/2025

𝐏𝐚𝐧𝐚𝐥𝐚𝐧𝐠𝐢𝐧 𝐬𝐚 𝐌𝐚𝐡𝐚𝐥 𝐧𝐚 𝐏𝐨𝐨𝐧𝐠 𝐉𝐞𝐬𝐮𝐬 𝐍𝐚𝐳𝐚𝐫𝐞𝐧𝐨 (tuwing biyernes)

Mahal na Poong Jesus Nazareno, banal ang iyong pangalan, dinadakila at pinapasalamatan Ka namin, nagpapakababa Ka at sumunod sa kalooban ng Ama, pinasan Mo ang krus at nag-alay ng buhay para sa aming kaligtasan.

Tanggapin Mo ang aming dasal at sakripisyo itulot Mo na kaming sumasamo at tumulad sa Iyo, na sumunod ng buong katapatan at pagmamahal, magbahagi ng mabuting balita, magsisi at itakwil ang kasalanan at masama, at maghatid ng awa at kapayapaan sa aming kapwa.

Ipinagkakatiwala namin sa Iyo ang lahat-lahat sa amin, ipinapanalangin namin ang mga nangangailangan ng Iyong tulong, ipinapaubaya namin sa Iyo ang aming mga kahilingan. (Banggitin ang kahilingan)

Itong aming pagdedebosyon at panata ay lalo nawang magpalapit sa amin sa Iyo at aming kapwa. Upang nagmamahal at nagkakaisa kaming magtaguyod ng Iyong kaharian dito sa lupa hanggang sa langit, na aming tunay na tahanan, kung saan naghahari Ka sa kaluwalhatian magpasawalang hanggan. Amen.

Araw ng BIYERNES; Araw ng DEBOSYON; Araw ng mga DEBOTO; Araw ng QUIAPO.

Walang hanggang pasasalamat, Mahal na Poong Jesus Nazareno!

Ang DAMBANA ni JESUS NAZARENO ay TAHANAN ng bawat PILIPINO at BUKAL ng PAG-ASA.