St. Francis Xavier Chapel Youth Ministry- Brgy. Canhandugan Jaro, Leyte

25/05/2026

Flores de Mayo 𝒉𝒂 𝑩𝒂𝒓𝒂𝒏𝒈𝒂𝒚 𝑪𝒂𝒏𝒉𝒂𝒏𝒅𝒖𝒈𝒂𝒏 𝑱𝒂𝒓𝒐 𝑳𝒆𝒚𝒕𝒆 | AN IKABENTE SINGKO NGA ADLAW (May 25, 2026 @3:00PM)

HI MARIA DIDA HAN BAG-O NGA NATAWO NGA SINGBAHAN

An pagbulig han mga kalihukan han Singbahan

Tikang didto ha Cenaculo, ginmawas an mga apostoles hin pagtikang pagwali han Evangelio ni Jesucristo,
pinangulohan ni San Pedro. Damo dayon an nakabig han ira mga pulong, nanagtoo han Jesucristo ug pinmabunyag.
Ug adto nga syahan nga hugpo han cristianos, adto nga bag-o nga Singbahan nakapatingala han kalibutan tungod han
alimyon han ira cristianos nga ginawian. Hi Maria amo an labi kahitaas nga ira susgaranan, hiya an natabang han mga
apostoles dida han panimango hadto nga mga kalag, bag-o nga mga anak han hinigugma niya nga Jesus.
Kalag nga cristianos, kon sugad han Virgen tinuod an imo paghigugma kan Jesucristo, diri ka mailob pagpasibaya han
mga buruhaton han Singbahan. An Singbahan amo an ibinilin ni Jesucristo dinhi ha tuna hin pagwaydong han mga
tawo ug pagtugway han mga kalag ngadto ha iya ginhadian. Sanglit waray lain nga buhat han Singbahan kon diri an
pagtuman han hingyap ni Jesucristo nga an iya kamatayon ha cruz pagpulsan han ngatanan nga mga tawo, ha lain nga
pulong, an gintutuyo han Singbahan amo an pagpadayon dinhi ha tuna han pagtubos ni Jesucristo, kay an pagbulig han
Singbahan, pagbulig man kan Jesucristo.
May-ada mga unob nga tinubyanan ug suruguoon han Singbahan dida hini nga mga buhat, an iya mga kapadian.
Kundi labot la han diri nira paka-akus han ngatanan nga kalihukan, diri ba ikalilipay han Ginoo an pagkita nga
naghahalad ka man han imo kusog ug panahon hin pagbulig han mga kalag nga mahirani han iya Sagrario? Kon
nahagugma ka ha iya, diri ka magtitinguha hin paglipay ha iya? Kon hiya nabibido nga napaharayo ha iya an mga
kasingkasing, diri ba pagpagaan han iya kabiduan kon makadara ka ngada ha iya tiilan hin pira nga mga kasingkasing?
Ngan kay amo man ini an bisan ano nga kalihukan han Singbahan, an pagdara han mga kalag ngada han kasingkasing
ni Jesus, sugad han susgaranan ni Maria, paghalad man daw han imo panahon ug han imo kusog hin paglipay hito nga
diosnon nga kasingkasing.

SPONSOR:
Kalipayan St./ Kalipayan Santa Cruzan

23/05/2026

Flores de Mayo 𝒉𝒂 𝑩𝒂𝒓𝒂𝒏𝒈𝒂𝒚 𝑪𝒂𝒏𝒉𝒂𝒏𝒅𝒖𝒈𝒂𝒏 𝑱𝒂𝒓𝒐 𝑳𝒆𝒚𝒕𝒆 | AN IKABENTE KWATRO NGA ADLAW (May 24, 2026 @3:00PM)

HI MARIA DIDA HAN ADLAW HAN PENTECOSTES

An kalipay tungod han kaupayan han iba nga tawo

Dida han adlaw han Pentecostes, kinmunsad an Epsiritu Santo ha mga apostoles nga nagkakatirok didto ha Cenaculo
ha Jerusalem, ginpuno hira hin mga hatag, gintagan hira hin pakayakan han magkalainlain nga mga yinaknan;
ginpakusog an maluya nira nga kasingkasing, ginpuno hin kinaadman an burong nira nga hunahuna ug ginhimo nga
madanihon an ira mga pulong hin pagwali. Dako man an kalipay han Virgen nga adto nga mga liwan dinhi ha tuna
han iya Anak tinagan hin sugad nga mga hatag han Espiritu Santo.
Kalag nga cristianos, angay nga bumati ka man han espirituhanon nga kalipay kon tagan sa Dios an imo igkasitawo
hin mga hiyas ha kalag ug lawas nga sadang niya magamit hin pagpasangyaw ug pagdayeg han ngaran sa Dios hin
pagpakaupay han igkasitawo. Kon diri ka tagan hin sugad nga mga hiyas, ayaw pasudla ha imo kasingkasing nga
nabati hin kasakit tungod la kay kaupayan han iya igkasitawo nga waray niya ug dara hito nga kaawa, karuyag niya
nga pagdum-itan an kaupayan han iba pinaagi hin pagbutang-butang o paglibak.Hunahunaa nga an bisan ano nga hiyas nga hatag sa Dios ha imo igkasitawo makakahatag hin paghimaya han
igkasitawo, makakahatag hin paghimaya han Ginoo. Ug an himaya sa Dios amo la an sadang mo paghingyapon, diri
an kalugaringon mo nga kadarayawan. Sanglit ayaw ikasakit an kaupayan han iba nga waray nimo, lugod
pagpasalamat sa Dios nga may mga butang dinhi ha tuna nga magagamit hin pagdayeg han iya Santos nga Ngaran. An
angay mo buhaton amo an pag-ampo nga an bisan ano nga hatag sa Dios han imo igkasitawo gamiton unta diri hin
pagtalapas ha iya kundi hin pag-alagad han iya pagbuot.

SPONSOR:
Kalipayan St./ Kalipayan Santa Cruzan

23/05/2026

Flores de Mayo 𝒉𝒂 𝑩𝒂𝒓𝒂𝒏𝒈𝒂𝒚 𝑪𝒂𝒏𝒉𝒂𝒏𝒅𝒖𝒈𝒂𝒏 𝑱𝒂𝒓𝒐 𝑳𝒆𝒚𝒕𝒆 | AN IKABENTE TRES NGA ADLAW (May 23, 2026 @3:00PM)

HI MARIA DIDA HAN NAGPAPAABOT HAN ESPIRITU SANTO

SPONSOR:
Brgy. Officials

23/05/2026

Flores de Mayo 𝒉𝒂 𝑩𝒂𝒓𝒂𝒏𝒈𝒂𝒚 𝑪𝒂𝒏𝒉𝒂𝒏𝒅𝒖𝒈𝒂𝒏 𝑱𝒂𝒓𝒐 𝑳𝒆𝒚𝒕𝒆 | AN IKABENTE DOS NGA ADLAW (May 22, 2026 @3:00PM)

HI MARIA DIDA HAN PAGSAKA HA LANGIT NI JESUS

SPONSOR:
Quezon 2 St./ Quezon 2 Santa Cruzan

23/05/2026

Flores de Mayo 𝒉𝒂 𝑩𝒂𝒓𝒂𝒏𝒈𝒂𝒚 𝑪𝒂𝒏𝒉𝒂𝒏𝒅𝒖𝒈𝒂𝒏 𝑱𝒂𝒓𝒐 𝑳𝒆𝒚𝒕𝒆 | AN IKABENTE TRES NGA ADLAW (May 23, 2026 @3:00PM)

HI MARIA DIDA HAN NAGPAPAABOT HAN ESPIRITU SANTO

An paninguha hin pagbulig han iba nga kalag

Tapos han pagsaka ni Jesus ha langit, nagtitirok an mga apostoles didto ha Senakulo ha Jerusalem paghulat han
Espiritu Santo sugad han saad ha ira han Ginoo. Hi Maria puno na nga daan han Espiritu Santo, kundi inmupod ha ira
didto ha Cenaculo basi ibulig niya an iya mga pag-ampo ha ira.
Kinahanglan, kalag nga cristianos, nga madako an kaupay an imo paninguha han pagsantos han imo kalugaringon;
kundi ayaw kalimot nga may katungdanan ka liwat hin pagbulig dida han kaupayan nga kalagnon han imo igkasitawo.
Nasiring an Santos nga Surat nga an tagsatagsa tinagan sa Dios hin katungdanan hin pagpakaupay han igkasitawo.
Sanglit kon hain mo mahimo an pagbulig han kalag han imo igkasitawo, katungdanan mo an diri pagpasibaya hito nga
pagbulig.
Hi Maria nag-ampo didto ha Cenaculo ug adto nga iya pag-ampo nakadul-ong han mga pag-ampo han mga apostoles
ngadto han lingkuranan sa Dios ngan nakabulig nga itubyan sa Dios an mga hatag han Espiritu Santo nga ira
inuungara.
Sugad han imo nahihimo, nakakatutdo ka ba han iba hin pag-ampo, kalag nga cristianos? Ngan nag-aampo ka ba
tungod han iba, labi na tungod han imo kalungon ha panimalay, tungod han imo bungto ug tungod han imo Singbahan,
tungod hadton magpakasasala, ug tungod hadton ngatanan nga aada ha kakurian? Nag-aampo ka ba tungod han mga
minatay? Idinuduyog mo ba an imo mga pag-ampo han mga pangaraba han imo mga kag-anak, mga anak, mga
kabugtoan, mga kasangkayan ug hin mga hin-uutangan hin kaburut-on?
Hinumdumi nga an pag-ampo tungod han iba usa han labi kadagko nga mga buhat ha kalooy. Ha ngatanan nga adlaw
nasiring ha han Virgen: “Ig-ampo mo kami an magpakasasala.” Ini nga imo tingog tinutumanan ni Maria nga iginaampo ka han Anak niya. Sugad han iya susgaranan ibunyog man an imo pangamuyo han mga pag-ampo han iba nga
tawo nga nangangaraba sa Dios.

SPONSOR:
Brgy. Officials

22/05/2026

Flores de Mayo 𝒉𝒂 𝑩𝒂𝒓𝒂𝒏𝒈𝒂𝒚 𝑪𝒂𝒏𝒉𝒂𝒏𝒅𝒖𝒈𝒂𝒏 𝑱𝒂𝒓𝒐 𝑳𝒆𝒚𝒕𝒆 | AN IKABENTE UNO NGA ADLAW (May 21, 2026 @3:00PM)

HI MARIA DIDA HAN NAGHUHULAT HAN KABANHAW NI JESUS

SPONSOR:
Quezon 2 St./ Quezon 2 Santa Cruzan

22/05/2026

Flores de Mayo 𝒉𝒂 𝑩𝒂𝒓𝒂𝒏𝒈𝒂𝒚 𝑪𝒂𝒏𝒉𝒂𝒏𝒅𝒖𝒈𝒂𝒏 𝑱𝒂𝒓𝒐 𝑳𝒆𝒚𝒕𝒆 | AN IKABENTE NGA ADLAW (May 20, 2026 @3:00PM)

HI MARIA DIDA HAN PAGSAKA HA LANGIT NI JESUS

An paghingyap han langit

Kap’atan ka adlaw tikang han iya kabanhaw dida ha mga minatay, sinmaka hi Jesus ha langit. Hi Maria, upod han mga
apostoles, nagkukulaw nga nagtitikaigbaw hiya ug natatago na han mga dampog puno hin katag-ob ug himaya. An
kasingkasing ni Maria inmupod paglupad kan Jesus ngadto ha langit ha pako han iya mga hingyap.
An kinabuhi han cristianos kinahanglan masugad hadto nga pagbati ni Maria tapos niya pagtambong han pagsaka ha
langit han iya Anak. An kasingkasing han cristianos kinahanglan nga kanunay maghandum ug maghingyap han
kahimayaan nga dayon ha langit. Matuod kasurok-an nga an imo mga kamot malibang dida han mga buruhaton dinhi
ha tuna kay aanhi ka man pamimiling han imo mabubuhian. Matuod danay magkalusak an imo mga tiil dinhi han mga
kahugawan han kalibutan kay iini ka pa man naglalakaton han lumalabay mo nga kinabuhi. Kundi an imokasingkasing ug an imo hunahuna kinahanglan nga mawaray dinhi ha tuna basi amo in pamilngon ug tadungon han
imo mga ungara han langit nga iginsaad ha imo han Manunubos.
Kon an tawo dayuday nga nagdudumdom han langit, nagaan manta an bisan ano nga kakurian dinhi ha tuna, nakikita
an kamalimbong han mga hugay han kalibutan, an kapataraw-an han iya mga kadarayawan, an kawaray hinungdan
han iya mga pagdumot. Kon ikinakadto nga daan han tawo an iya kasingkasing ha langit bisan waray pa hiya didto,
nakilala hiya dayon han matuod nga kahulugan, han matuod nga kinaiya, han matuod nga bayad han mga butang nga
kalibutanon; nakukuhaan hiya han kamakikalibutan kay an iya kasingkasing nga daan nakakatilaw han mga katamisan han langit, sinusumhan ug linuluwaran han mga umaragi nga kalipay nga iginhuhugay han kalibutan.
Sugad kan Maria, kalag nga cristianos, an langit in paghanduma, an langit an paghingyapa basi kalunasan ka hito nga
hiranat han kamakikalibutanon nga nakakapasirom han imo panhunahuna ngan nakakahatag hin dagko nga kasamukan
han imo pamurubuot.

SPONSOR:
Quezon 2 St./ Quezon 2 Santa Cruzan

21/05/2026

21/05/2026

3rd week of Chapel Convent Constraction Progress 🚧🏗️

21/05/2026

Flores de Mayo 𝒉𝒂 𝑩𝒂𝒓𝒂𝒏𝒈𝒂𝒚 𝑪𝒂𝒏𝒉𝒂𝒏𝒅𝒖𝒈𝒂𝒏 𝑱𝒂𝒓𝒐 𝑳𝒆𝒚𝒕𝒆 | AN IKABENTE NGA ADLAW (May 20, 2026 @3:00PM)

HI MARIA DIDA HAN SYAHAN NGA PAGKITA HAN NABANHAW NGA JESUS

SPONSOR:
Quezon 2 St./ Quezon 2 Santa Cruzan

21/05/2026

Flores de Mayo 𝒉𝒂 𝑩𝒂𝒓𝒂𝒏𝒈𝒂𝒚 𝑪𝒂𝒏𝒉𝒂𝒏𝒅𝒖𝒈𝒂𝒏 𝑱𝒂𝒓𝒐 𝑳𝒆𝒚𝒕𝒆 | AN IKABENTE UNO NGA ADLAW (May 21, 2026 @3:00PM)

HI MARIA HAN NAGHUHULAT HAN PAGKABANHAW NI JESUS

An paglaum han kanan Dios mga saad

An pagtoo ni Maria Santisima diri sugad hin kamaluya ug kamalaymay han pagtoo han mga tinun-an han Ginoo. Iini nga mga tinun-an han kahadlok ug kakuyaw han pagpataya han ira Magturutdo, nagsada didto hin usa nga balay kay nangangarit nga hikit-an hira han mga kaaway ni Jesus; sugad-sugad hin diri tikos an ira paglaum nga mababanhaw pa an Ginoo sugad han iya iginsaad. Kundi hi Maria waray kawad-i han hugot nga paglaum hini nga kabanhaw han iya Anak, waray niya ruhaduha nga matutuman.Kalag nga crsitianos, pagtoon dida hini nga susgaranan ni Maria hin tikos nga paglaum han katumanan han ngatanan nga mga iginsaad han Ginoo. Nagsiring hiya nga mapapas pa an langit ug tuna, kundi an iya pulong diri gud makakawang. Kay ano nga imo pagruruhaduhaan an iya pulong? Waray na sugad hin kamakarit hadto nga tolo nga adlaw nga nahauna han iya pagkabanhaw. Sugad hin nahiupod paghilubong ha iya lawas an ngatanan niya nga gahum. Kadako hadto nga pagdarag-an han iya mga kaaway; natumanan hira han ngatanan nga ita hingyap hin pagpuo han
kinabuhi hadto nga Cristo nga ira gindudumtan; kinmita hira nga nabubugto an iya kinabuhi; maaram hira nga tinakpan na hin dako nga bato an iya lawas ha sulod han lubnganan: diri ba angay nira irayhak an ira pagdarag-an? Dida hini an mga tinun-an ni Jesus daw ginluyahan han ira paglaum nga matutuman pa an iya saad nga hiya mababanhaw. Kundi kay pulong sa Dios, natuman gihapon. Waray kakawang an tikus nga paglaum han Virgen kay ha ikatolo ka-adlaw, nakada na ha iya atubangan an hinigugma nga Anak, buhi na liwat dida hin lawas nga mahimayaon.Sanglit, bisan ano nga alipuros hin mga kasakitan in bumalabag han Singbahan, bisan ano nga kusog an magipinupukanan ha iya, panumdom, kalag nga cristianos, hadto nga pulong han Ginoo: “An ganghaan han in****no diri makakadaug han akon Singbahan.”

SPONSOR:
Quezon 2 St./ Quezon 2 Santa Cruzan