16/06/2025
Kumusta mga kaigsoonan! Nalipay kaayo mi nga ipahibalo nga padayon ang atong renovasyon sa kapilya!
Dili masukod ang among kalipay ug pagpasalamat sa tanang mga igsoon nga aktibong nagboluntaryo. Sa matag tulo sa inyong singot, sa matag oras sa inyong panahon, ug sa matag higayon nga inyong gigahin ang inyong kusog para niining atong proyekto, dako kaayo kini og kahulogan. Gikan sa pagpanglimpyo, pagpintal, pag-ayo sa mga guba, hangtod sa pag andam og pagkaon ug ilimnon para sa atong mga boluntaryo – ang matag usa kaninyo usa ka dakong panalangin.
Padayon tang magtinabangay aron hingpit nga mahuman kini nga proyekto. Sa makausa pa, daghang salamat sa inyong tiunay nga gugma ug pagsuporta.
Sa mga igsoon nga buot moapil o moapas sa ilang mga donasyon alang sa padayon natong renovasyon sa kapilya, kami nagpadayon sa pagdawat sa inyong mga gasa. Ang bisan unsa nga kantidad, dako man o gamay, dako kaayo og ikatabang aron mahuman gyud nato ang atong gimithi nga kapilya.
Alang sa mga interesado, mahimo kamong moduol ni Felicisimo J. Cuarteros. Seguradohon namo nga ang matag piso magamit sa saktong paagi ug alang lamang sa kaayohan sa atong kapilya.
Dako kaayo ang among pasalamat sa inyong pagkamatinabangon ug sa inyong tiunay nga gugma sa atong komunidad. Hinaot nga panalanginan ta kanunay sa Ginoo sa inyong kaayo!
