30/05/2026
🎓🙏 Summer Catechesis 2026 Culmination Program 🙏🎓
“Train up a child in the way he should go, and when he is old he will not depart from it.” – Proverbs 22:6
Sa pagpasalamat kag kalipay, ginasaulog naton ang malampuson nga pagtapos sang aton Summer Catechesis 2026 nga ginhiwat sang Mayo 29, 2026 sa aton mahal nga Kapilya sang Nuestra Señora de los Remedios, kag nagpadayon ang Culmination Program subong nga adlaw, Mayo 30, 2026, sa St. Andrew the Apostle Parish.
Madamo gid nga salamat sa tanan nga mga kabataan nga nagpartisipar kag naghatag sang ila panahon agud magtuon kag magpalapnag sang ila pagtuo sa Ginoo. Kabay pa nga ang mga leksyon kag mga pagpanudlo nga inyo nabaton sa sini nga programa mangin giya ninyo sa inyo adlaw-adlaw nga pagkabuhi bilang mga matinumanon nga Kristiyano.
Nagapasalamat man kami sa aton mga catechists, volunteers, ginikanan, kag sa tanan nga nagbulig para mangin malampuson ang aton Summer Catechesis.
Madamo man nga salamat sa aton mga sponsors sang pamahaw para sa mga kabataan kag sa mga nagdonar sang school supplies. Ang inyo pagkamabinuligon kag suporta naghatag sang dako nga kalipay kag inspirasyon sa aton mga kabataan. Kabay pa nga ang Ginoo magpadayon sa pagpanalangin sa inyo kag sa inyo mga pamilya tungod sang inyo kaayo kag pagpaambit.
Sa tanan nga nangin kabahin sini nga programa, salamat gid sa inyo suporta, pag-ampo, kag pagpakig-upod. Padayon kita sa pagtuo, pag-alagad, kag paghigugma sa Ginoo.
