10/03/2024
MARCH 10, 2024 | IKA-APAT NA ALDAW KAN PAG NOVENA SA ANUNCIACION O SA PAGBARETA KAN ANGHEL SAN GABRIEL KI MARIA
Sa ngaran kan Ama, asin kan Aki, asin kan Espiritu Santo. Amen
NOVENA SA ANUNCIACION O SA PAGBARETA QUI MARIA SANTISIMA NIN ARCANGEL SA GABRIEL
ACO AN MACASALAN
Aco an macasalan nagcocompisal aco sa Dios na macacamhan sa gabos asin ki Santa Maria. Virgin guiraray ki San Miguel Arcangel ki San Juan Bautista sa mga Santos Apostoles na si San Pedro asin si San Pablo asin sa mga Santos gabos patin saimo man Padre ta nagcasala acong gayo sa paghonahona sa pag olay asin sa pag guibo nagcasala aco, nagcasala aco macuring gayo an casalan ko. Caya aco namimibi ki Santa Maria virgin guiraray, ki San Miguel Arcangel ki San Juan Bautista sa mga Santos Apostoles na si San Pedro asin San Pablo asin sa mga Santos gabos patin saimo man Padre na aco mo ipamibi sa Kagurangnan tang Dios, AMEN.
PAMIBI
Mapangyarihon na Virgen Maria Ina nin Dios na totoo kaming nangagsosolsol kan balaquidon niamong mga kasalan na naginibo sa Dios minadulok kami sa atubangan mo nin pakimaherak na tabangan mo kami sa saimong mamomotan na Aki kan pag atang niamo saiya kan samong mapakumbabang hinahagad tanganing daing liban kamtan niamo an bolong nin saimong mga kahorasaan asin orog nang gayo Señora na ika abot mo kami sa Dios nin kapatawaran an samong mga kasalan tanganing ika-ogma nia an mga hinahagad niamo digdi kaining novena na ginigibo mi sa saimong kaonrahan.AMEN.
IKAAPAT NA ALDAW
PAMIBI
Dios na makakamhan na naherak pomamugtak kan saimong mahal na Ina na maguing Reyna nin mga Profetas, ta con sinda iyong sinaysayan mo kan mga natatagong hilom nin saimong daing catapusan na cadonongan, si Maria nacaabot man nin pacaaram na sa Dios na palakaw an mga hararom na misterio nin pagtubos samo asin siring man namidbid iyan caining mahal na Señora magpoon kan sia sadang pa nin malinao na pacaaram ki Maria kan ibang mga Santos minsan sinda daracul na patain sa pagparahorop-horop can nasabing misterio nakapaghola ining mahal na Señora sa saiya man sana na sasabihon siang paladan nin mga generacion ngapit, kaya ngani minidbid sia sa langit nin mga Profetas na Reina asin kagurangnan ninda, kaya man cami nangag-oogma, Oh Dios na masoripoton, huli kan pagsangkapa mo an saimong mahal na Ina caiyan hararom na pakatalastas asin ipinakikimaherak mi saimo na tawan mo man kami nin graciang maninigong ikamidbid can totoong dalan sa langitnon na Jerusalem na pinag-omawan saimo asin sa saimong mahal na Ina nin gabos na mga Profetas, AMEN.
Tolong Ama Niamo asin tolong Ave Maria na may kaibang Kamurawayan sa Santisima Trinidad sa tolong kamogtakan ni Maria Santisima kan dae pa nangangaki, sa Pangangaki, asin Pakapangaki.
PAMIBI SA GABOS NA ALDAO
Mahal na Virgen Maria Reina ni langit asin daga, sambahon ka nin gabos na mga linalang ta ika an pinakasamno nin samong Dios na Kagurangnan pinili ka kadtong kaenot-enoteng mga panahon na mani Ina nia; nin huli kaini kami gabos minagalang sa saimo na siring sa Reina ca niamo sa bilog ming puso kan pagkahiling mi na namotan ca nin gabos na mga Espiritung langitnon ipinakikimaherak mi saimo na pangatamanon mo an samong mga hinahagad, asin mantang Ina ka nin pagkaherak idinodolot mi saimo an samong mga kaipuhan asin kahorasaan, hinanyoga mamomotan na Señora an mga inagrangay kaining mga napasangkub sa saimong dakulang pagsurog orog nang tabangi an mga devotos mo na nag gigibo kaining novena, ika-abot mo kami kan Gloria na hinahagad niamo ngonian, iligtas mo kami sa mga kasakitan na namomogtakan niamo kon magkakanigo sa karahayan nin samong kalag. AMEN.
Digdi an paghangad nin kaipohan sa hirarom nin saiyang boot sa laog nin Cinco Minutos.
PAMIBI
Maheherakon na Señora, Ina nin Dios na makakamhan kaming nananarig kan dakula mong pagsurog asin pagtabang na kinakamtan sa atubangan nin Dios, minadolok kami saimo dara odtong pagsarig na siring na siring kan sarong Aki sa saiyang namomotan na Ina, kaya ngani laen sa mga graciang hinahagad nin baling manarosaro samuya digdi kaining novena ipinag ngangayo ngayo man niamo saimo an gabos na mga kaipuhan nin ka cristianohan na saimong nasasakpan huli ta ika Señora an pailihan nin mga parkasala, tawe man sinda nin totoong pag-solsol kan saindang mga kasalan asin huli ta para-ampon ka, iligtas mo man kami giraray sa gabos niamong mga pag alaman, giboha man Señora na mgahadi sa bilog na kinaban an Santa Iglesia Catolica Apostolica Romana, tawe man nin gabos na mga karahayan ining samuyang Republika na namomogtakan, tiwasay na kaisipan an smong mga paraabot an saindang mga palalang, asin kayamanan sa katoninongan, patin sa katapusan hinahagad mi saimo na ilikay mo kami sa gabos na mga maraot digdi sa kinaban asin ika-abot mo kami kan totoong karahayan tanganing Makita ka niamo duman sa kamurawayan na pag umawon sa daing tapos na panahon. AMEN.
DALIT
1. Umawon lugod guiraray an samong Cabinian Ina ka asin i-idcan nin Dios na Kagurangnan.
CORO:
Maria pano nin gracia sa sakit kami agawa, sangle ka kadtong si Eva ni Gabriel kan ibareta ka
Tawe man kami Señora Catoninongan na gracia.
2. Agawa an makasalan sa saindang capusokan tawe man nin karahayan halea an kasakitan.
CORO:
Maria pano nin gracia sa sakit kami agawa, sangle ka kadtong si Eva ni Gabriel kan ibareta ka
Tawe man kami Señora Catoninongan na gracia.
3. Señora samo pahilngan na ika inang mabansay pamibi mi na madangog man nin aki mong sinanglitan.
CORO:
Maria pano nin gracia sa sakit kami agawa, sangle ka kadtong si Eva ni Gabriel kan ibareta ka
Tawe man kami Señora Catoninongan na gracia.
4. Virgen na pinakapili Banayad nin pagka bini giboha na maarog mi kabinian mong makuri.
CORO:
Maria pano nin gracia sa sakit kami agawa, sangle ka kadtong si Eva ni Gabriel kan ibareta ka
Tawe man kami Señora Catoninongan na gracia.
5. Tawe man an kataohan nin buhay asin dalan nganing maogmang mag-rokyaw ki Jesus na Kagurangnan.
CORO:
Maria pano nin gracia sa sakit kami agawa, sangle ka kadtong si Eva ni Gabriel kan ibareta ka
Tawe man kami Señora Catoninongan na gracia.
6. Auot pa lugod kamotan An Ama asin Aki man Patin an Espiritu Santong Mahal Galangan daing katapusan.
CORO:
Maria pano nin gracia sa sakit kami agawa, sangle ka kadtong si Eva ni Gabriel kan ibareta ka
Tawe man kami Señora Catoninongan na gracia.
Ave Maria Gratiae plena
Dominus Tecum
OREMUS
Deus qui beata Maria Virginis utero verbum tuum Angelo nuntiante carnen susupero voluisti presta sim suplicibus tuis ut qui vera cam genetricam. Dei eradimus ejus apud te intersacredimus adjuvemur, Per eumen Dominum Nostrum. AMEN.
AVE MARIA Y GLORIA
Maria Madre de Gracia, Madre de Misericordi
Defienciones Señora de Nuestras enemigos recibanos
Y espe emparamus ahora y en la hora de nuestra muerte
Amen (3 Veces)
Sanctus Deus Santus Fortes
Sanctus Imortales, Miserere Nobis (3 Veces)
Bendito y alavado sor si Santisimo Sacramento
Del altar la limpea Immaculada Concepcion de la Virgen Maria Madre de Dios Señora Nuestra
Concebeda sin mancha del pecado original en el
Primer Instante de su cer natural por siempre Jesus, Amen.
Por siempre se alavado
Del Sacramento de vida
De la Virgen con si Vida
Señora original pecado, Amen, Jesus.
Sa ngaran kan Ama, asin kan Aki, asin kan Espiritu Santo. Amen
