Nuestra Señora Del Pilar - CSC Chapel

09/05/2026

02/04/2026

Mga igsoon diha ni Kristo, gidapit kamo sa pag-apil sa Dalan sa Krus ugmang adlawa, Biyernes alas 5:00 sa buntag.

Usa kini ka higayon sa paghinulsol ug paghalad sa atong mga pag-ampo. Magkuyog kita sa paglakaw uban sa Ginoo.

29/03/2026

Domingo sa Lukay: Pagdawat sa Hari, pagpangandam sa kasingkasing

Ang atong pagsaulog sa Domingo sa Lukay dili lang usa ka tradisyon sa pagpataas sa mga lukay. Kini ang pultahan nga nagdala kanato sa kasingkasing sa Kwaresma. Pinaagi sa pag-abiba nato Kaniya isip Hari, giila usab nato ang Iyang pagpaubos ug ang Iyang pagdawat sa krus. Ang tinuod nga diwa sa Kwaresma nga atong gipamalandongan mao ang pag-uban Kaniya sa Iyang kasakit, aron sa adlaw sa Pagkabanhaw, kita usab mahimong bag-o nga binuhat.

28/02/2026

Malipayong Pagsaulog sa Adlawng Natawhan sa among pinalanggang Chapel President!

Mapasalamaton kaayo mi sa Ginoo tungod sa imong kinabuhi nga puno sa gugma ug serbisyo.Dili lamang ikaw usa ka lider, kundi usa ka igsuon nga andam moalagad bisan sa pinaka-ubos nga buluhaton.Salamat sa imong kasingkasing nga kanunayng abri para sa atong katilingban. Imong gipakita kanamo nga ang tinuod nga pagpangalagad wala diha sa posisyon, kundi diha sa tiunay nga pagmahal sa mga kaigsuonan.

Ang imong kinabuhi usa ka buhing pagpamatuod sa gugma sa Dios. Hinaot ang Ginoo magpadayon sa paghatag kanimo og kalig-on ug kalipay samtang nagpadayon ka sa pagpugas og kaayo sa Iyang parasan.

18/02/2026

"Hinumdomi, tawo, nga abog ka ug sa abog ka ra usab mobalik." — Genesis 3:19

Karong adlawa, nagsugod na usab ang atong panaw sa Kwaresma. Labaw pa sa paglikay sa karne o pagpuasa sa pagkaon, ang hagit kanato mao ang pagpuasa sa kasuko, pagdumot, ug paghukom sa atong isigkatawo.

Ang abo sa atong agtang mapapas ra unya, apan ang pagbag-o sa atong kasingkasing kinahanglan molungtad hangtod sa hangtod. Mag-ampo kita nga mas mapalapdan pa nato ang atong pasensya ug mas mapalawom ang atong paghigugma sa Ginoo ug sa atong isigkatawo.

Hinaot nga kining 40 ka adlaw mahimong panahon sa tinuod nga pagbag-o ug paghinulsol.

25/12/2025

CHRISTMAS FELLOWSHIP AND BIRTHDAY PARTY ⛪

Sa Gugma ug Panaghiusa: Pasko sa Katilingban

Dili lang basta selebrasyon, kondili usa ka mainitong panagtigom sa pamilya ug katilingban! Dungan natong gisaulog ang mahayag nga pagkatawo sa atong Manunubos, uban ang tibuok katilingban sa Nra. Sra. La Virgen del Pilar.

Niining maong panagtigom, mapasalamaton kita nga kitang tanan nagkahiusa sa kalipay ug panagdait. Makita ang matuod nga diwa sa Pasko sa matag pahiyom ug sa panaghigalaay nga nagbugkos kanato isip usa ka dakong pamilya diha sa Ginoo.

Maayong Pasko sa tanan! Daygon ang Dios ang hangtod sa kahangturan! 🎄✨

18/12/2025

HAPPY BIRTHDAY REV. FR. JULIVEN G. CAINGLET

Happy Birthday to our dear Parish Priest,
Rev. Fr. Juliven "JuCa" Cainglet!!🎊

We thank God for the gift of your life and vocation. May the Lord reward your service and grant you many more years filled with His blessings. Thank you for your dedication and pastoral care to our parish. You are remembered in our prayers today and always.✝️✨️