Our Lady of The Abandoned - Poblacion 1

31/05/2026

“ Sumainyo nawa ang biyaya ng Panginoong Hesukristo, ang pag-ibig ng Diyos, at ang pakikipagkaisa ng Espiritu Santo. ” — 2 Corinto 13:14

Ang Santisima Trinidad ay hindi isang matematika na kailangang lutasin, kundi isang misteryo ng pag-ibig na kailangang maranasan. Ipinapaalala nito sa atin na ang Diyos ay hindi nag-iisa o malayo.
Siya ay isang pamilya ng pag-ibig na nag-aanyaya sa atin na makibahagi sa Kanyang banal na buhay.

Nawa’y magsilbing inspirasyon ito upang maghari ang pagkakaisa, pagpapatawad, at pagmamahalan sa ating sariling mga pamilya at komunidad.

Isang mapagpalang Kapistahan ng Santisima Trinidad sa ating lahat!

29/05/2026

🌸🌺 𝗙𝗟𝗢𝗥𝗘𝗦 𝗗𝗘 𝗠𝗔𝗬𝗢 2026 🌺🌸

Sa loob ng buong buwan ng Mayo ay sama-samang nag-aalay ng mga bulaklak, panalangin, at debosyon ang mga mamamayan ng Indang bilang parangal kay Mahal na Birheng Maria, ang Reina de los Flores.

At bukas, sa huling Sabado ng Mayo, ay gaganapin ang masayang pagtatapos ng Flores de Mayo — isang tradisyong matagal nang minamahal at pinagyayaman ng bayan ng Indang. Sa pag-awit, pag-aalay ng bulaklak, at taimtim na pananalangin, ipinapakita natin ang ating pagmamahal at debosyon sa Ina ng Diyos.

📍𝐈𝐒𝐊𝐄𝐃𝐘𝐔𝐋 𝐍𝐆 𝐏𝐀𝐆𝐃𝐈𝐑𝐈𝐖𝐀𝐍𝐆

🕝 2:30 PM
• Pagdarasal ng Santo Rosaryo
• Nobena para sa Mahal na Birhen de los Flores
Sa pamumuno ng Apostolado ng Panalangin at mga Kabesilya

🕒 3:00 PM
• Prusisyon

🕠 5:30 PM
• Banal na Misa at Pag-aalay ng Bulaklak sa Mahal na Birhen
• Pangungunahan ni Rev. Fr. Marty A. Dimaranan

Hermana 2026
Grace Ann Piedad
Trisha Joy Erni

Nawa’y ang bawat bulaklak na ating iniaalay ay maging simbolo ng ating pananampalataya, pasasalamat, at pag-asa. Sama-sama nating ipagdiwang ang kagandahan ng tradisyon at pananampalatayang Indangeño.

Ave Maria Purisima!
Sin Pecado Concebida

𝑹𝒆𝒊𝒏𝒂 𝑫𝒆 𝑳𝒐𝒔 𝑭𝒍𝒐𝒓𝒆𝒔, 𝑰𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝑲𝒂𝒎𝒊.

̃AFRANCIA

24/05/2026

17/05/2026

𝗔𝘀𝗰𝗲𝗻𝘀𝗶𝗼𝗻 𝗼𝗳 𝘁𝗵𝗲 𝗟𝗼𝗿𝗱

“ He was lifted up‚ and a cloud took him from their sight. ” — Acts 1:9

Today‚ we celebrate the Solemnity of the Ascension of the Lord‚ forty days after Easter. The Ascension reminds us that our ultimate home is not of this world, but in eternity. Jesus didn't ascend to distance Himself from us; rather, He entered into His glory so that He could be present to all of us, everywhere, through the Holy Spirit.

Today, as we look up to the heavens in awe, let us also look around us and remember the mission He left in our hands: to love, to serve, and to be His light in the world.

Have a blessed Feast of the Ascension!

14/05/2026

𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐒𝐀𝐍 𝐈𝐒𝐈𝐃𝐑𝐎 𝐋𝐀𝐁𝐑𝐀𝐃𝐎𝐑

Ipinagdiriwang natin ngayon ang kapistahan ng patron ng mga magsasaka, si San Isidro Labrador! Nawa'y maging inspirasyon natin ang kanyang kasipagan, kababaang-loob, at matibay na pananampalataya sa Diyos. Ipanalangin natin ang lahat ng mga magsasaka at manggagawa sa bukirin.

𝐏𝐀𝐍𝐀𝐋𝐀𝐍𝐆𝐈𝐍 𝐊𝐀𝐘 𝐒𝐀𝐍 𝐈𝐒𝐈𝐃𝐑𝐎 𝐋𝐀𝐁𝐑𝐀𝐃𝐎𝐑‚
𝐏𝐚𝐭𝐫𝐨𝐧 𝐧𝐠 𝐦𝐠𝐚 𝐌𝐚𝐬𝐚𝐬𝐚𝐤𝐚

Ama naming makapangyarihan, Ikaw ang may-ari sa tanang kinapal at ikaw ang tumawag sa aming paglilingkod para pangasiwaan ang tanang umiiral sa Sansinukob.

Ang may kababaang-loob at maaasahang paganap ni San Isidro sa kanyang pagsasaka ay amin nawang matularan sa lahat ng aming pasisikap na magkaroon ng makakain ang lahat sa masaganang hapag ng buhay at maglingkod sa kapakanan ng aming kapwa tao.

Ipahintulot mo na ang aming gawain sa araw-araw at maging panalangin ng papuri sa iyong karangalan sa pamamagitan ni Hesukristo kasama ng Espiritu Santo magpasawalang hanggang.

San Isidro Labrador,
Ipanalangin mo kami!

12/05/2026

𝗙𝗘𝗔𝗦𝗧 𝗢𝗙 𝗢𝗨𝗥 𝗟𝗔𝗗𝗬 𝗢𝗙 𝗙𝗔𝗧𝗜𝗠𝗔

Ngayong araw, Mayo 13, isama natin sa ating mga panalangin ang ating mga pamilya, ang mga maysakit, at ang ating buong bansa. Sa gitna ng mga pagsubok, nawa’y ang mensahe ng Fatima ay magbigay sa atin ng pag-asa at tibay ng loob.

Tulad nina Lucia, Francisco, at Jacinta, nawa’y magkaroon din tayo ng pusong handang makinig at magtiwala sa plano ng Panginoon. Ituro nawa sa atin ng Mahal na Ina ang daan tungo sa tunay na kapayapaan at pagbabalik-loob.

Bilang pasasalamat, mag-alay tayo ng kahit isang dekada ng Rosaryo ngayong araw. Isang simpleng alay para sa ating Ina na walang sawang gumagabay sa atin.

12/05/2026

𝗣𝗥𝗨𝗦𝗜𝗦𝗬𝗢𝗡 𝟮𝟬𝟮𝟲

Naging matagumpay at mapayapa ang daloy ng ating prusisyon para sa kapistahan ni Nana Ola. Maraming salamat sa lahat ng nakiisa, lalo na sa ating mga kababayan mula sa Poblacion Uno. Ang inyong pakikiisa at debosyon ang nagbigay-liwanag sa ating kalsada ngayong araw.

Patuloy tayong magkaisa sa ilalim ng kalinga ng Nuestra Señora de los Desamparados. Viva Nana Ola!

12/05/2026

𝗕𝗔𝗡𝗔𝗟 𝗡𝗔 𝗠𝗜𝗦𝗔 𝗣𝗔𝗥𝗔 𝗦𝗔 𝗞𝗔𝗣𝗜𝗦𝗧𝗔𝗛𝗔𝗡 𝗡𝗜 𝗡𝗔𝗡𝗔 𝗢𝗟𝗔

Naging matagumpay at mapayapa ang daloy ng ating prusisyon para sa kapistahan ni Nana Ola. Maraming salamat sa lahat ng nakiisa, lalo na sa ating mga kababayan mula sa Poblacion Uno. Ang inyong pakikiisa at debosyon ang nagbigay-liwanag sa ating kalsada ngayong araw.

Ipinaliwanag ni Fr. Stephen “ na si Maria, bilang ina nating lahat, hindi lamang ni Hesus, ay laging handang yumakap, kalingain, at makinig sa atin. Sinabi niya na anuman ang inyong idalangin kay Hesus ay dadalhin ni Maria patungo sa kanyang anak. ”

Patuloy tayong magkaisa sa ilalim ng kalinga ng Nuestra Señora de los Desamparados. Viva Nana Ola!

12/05/2026

Isang makabuluhang pagdiriwang para sa ating patrona, Our Lady of the Abandoned ng Poblacion 1. Gaya nga ng paalala ni Father sa kanyang homilya, hindi tayo kailanman nag-iisa dahil mayroon tayong isang Ina na laging handang yumakap, kumalinga at makinig sa ating mga panalangin.

Mula sa banal na misa hanggang sa makulay na prusisyon, kitang-kita ang nag-aalab na pananampalataya ng bawat isa. Maraming salamat sa lahat ng nakiisa at nag-alay ng panahon para maging matagumpay ang kapistahang ito. Patuloy sana nating dalhin sa ating mga puso ang pagmamahal ni Maria

12/05/2026