St. Gregory the Great Parish, Indang, Cavite

Sa pagdiriwang ng Kapistahan ni San Gregorio Magno sa ika-3 ng Setyembre 2016 ay pasimula na ng siyam (9) na taong paghahanda para sa ika-4 na sentenaryo (‘Quadricentennial’ o ika-400) ng pagkakatatag ng ating parokya na magaganap sa taong 2025.

‘PAMANA’ ang magiging kabuuang tema na susundan natin sa paghahandang ito. Maaaring isalarawan ang „pamana‟ bilang pagsasalin ng isang mahalagang bagay n

a ating pag-aari o tinataglay, at maibigay ito sa mga taong ibig nating makatanggap nito. Kadalasan ang „pinamamanahan‟ natin ay yaong mga taong labis nating iniibig o lubos nating pinagkakatiwalaan. Sa gayon, ang „pamana‟ ay hindi lamang isang „usaping legal‟ na tumutukoy sa „karapatan ng tao sa isang bagay o pag-aari na kanyang tinanggap mula sa nagpamana sa kanya. Sa malalim na pananaw, ang „pamana’ ay „isang biyayang malayang ipinagkaloob at nararapat
lamang na tanggapin ng may pagpapasalamat at kagalakan‟. Kaakibat ng biyayang ito ang „paggamit dito ayon sa habilin o kagustuhan ng nagkaloob.‟ Ang siyam na taong paghahanda ay magandang pagkakataonupang balikan ang mayamang kasaysayan at pamanang tinanggap ng ating parokya. Ang mga „pamanang‟ ito ay mga biyayang nagdulot ng kabutihan at naging daan upang mahubog ang ating bayan, ang ating kultura, at ang ating pagkatao at pananampalataya. Sa pagsapit ng ating „Ika-4 na Sentenaryo‟ adhikain nating maging “Sambayanang kumikilala, nag-iingat at naglilinang ng mga yamang pamana upang muling maipagkaloob at maging kapaki-pakinabang sa mga susunod pang salinlahi”.