19/01/2026
Ang Santo nagpasabot og balaan, ug ang Niño nagpasabot og bata. Busa, ang batang nagpakatawo mao si Hesukristo, nga gipakatawo nga balaan; mao kini ang gipasabot sa Señor Santo Niño.
Diha sa Roma 10, nagkanayon nga maluwas kita kon ipadayag nato nga si Jesus mao ang Ginoo, ug kun sa atong kasing-kasing motoo kita nga gibanhaw Siya sa Dios. Diha usab sa Roma 10:13, nagkanayon nga ang tanang mosangpit sa ngalan sa Ginoo maluwas. Busa, sakto gyud nga atong isinggit ning karong adlawa ang “Viva Pit Señor!”, tungod kay atong gidapit ang ngalan sa Ginoo nga nagpakabata.
Apan magbantay ta, mga igsoon, tungod kay aduna usab uban nga nagdebosyon sa Santo Niño kay matod pa nila, ang bata dali ra daw pangayoan ug dali ra pud ulog-ulogan. Naa sa atong hunahuna nga kon mosangpit ta sa Batang Jesus, mas dali Siya mosugot kaysa sa dako nga Jesus. Apan dili kini mao, mga igsoon. Kundili, ang tinuod nga pagdebosyon mao ang pagsunod sa kabubot-on sa Dios ug sa pagsunod sa mga hiyas ni Hesus.
