27/08/2026
๐๐๐ ๐๐๐๐๐ฌ๐๐๐ฌ ๐ง๐ ๐๐ข๐ง๐ญ๐ฎ๐๐ง ๐๐ญ ๐๐๐ญ๐๐๐ฅ๐จ ๐ง๐ ๐๐ก๐ ๐๐๐ฌ๐ฎ๐ซ๐ซ๐๐๐ญ๐ข๐จ๐ง ๐๐๐ซ๐ข๐ฌ๐ก
Noong Agosto 26, 2026, ganap na ika-3 ng hapon, isang makabuluhang sandali ng pananampalataya at pagkakaisa ang ginanap sa Parokya ng Muling Pagkabuhay (The Resurrection Parish) sa Julugan, Tanza, Cavite, sa pagbabasbas ng bagong pintuan ng simbahan at ng magandang retablo ng altar.
Pinangunahan ito ng Lubhang Kagalang-galang Obispo Reynaldo G. Evangelista, D.D., kasama ang mga kaparian ng Diyosesis ng Imus, bilang bahagi rin ng pagdiriwang ng kapistahan ng patrona ng parokya, si Santa Monica.
Sa pangunguna ng kanilang Kura Paroko, Reberendo Padre Marco Cyril Convento, kasama ang mga lingkod ng simbahan at mga mananampalataya, naging ganap ang mahalagang gawaing ito bunga ng sama-samang pagtutulungan, malasakit, at pagmamahal sa Panginoon at sa Kanyang sambayanan.
Higit sa mga bagong istrukturang ating nakikita, ang pintuan at retablo ay pahayag ng pagkakaisa ng isang pamayanang sumasampalataya at nagpapasalamat sa Diyos. Ang pintuan ay paanyaya na pumasok sa tahanan ng Diyos; ang altar naman ay patuloy na nagpapaalala sa atin ng sentro ng ating buhay-pananampalataya, si Kristo na ating ipinagdiriwang, pinaglilingkuran, at sinasamba.
Nawaโy ang magandang pintuan at altar na ito ay maging daan upang higit pang maranasan ng bawat pumapasok sa simbahan ang katahimikan ng panalangin, kagandahan ng pagsamba, at init ng isang pamayanang nagmamahalan at naglilingkod.
Maligayang Kapistahan, Santa Monica!
Mabuhay ang sambayanang patuloy na nagkakaisa sa pananampalataya at paglilingkod.
๐๐ช๐ฏ๐ฌ ๐ฐ๐ง ๐ต๐ฉ๐ฆ ๐ง๐ถ๐ญ๐ญ ๐ด๐ต๐ฐ๐ณ๐บ ๐ช๐ฏ ๐ต๐ฉ๐ฆ ๐ค๐ฐ๐ฎ๐ฎ๐ฆ๐ฏ๐ต ๐ด๐ฆ๐ค๐ต๐ช๐ฐ๐ฏ.
